PaliRoman Vol.26

page165.

[95] |95.58| ¹⁰ Ka nu antovimanasmim titthanti nupanikkhami upanikkhamassu bhadde passami ^1- tam mahiddhikanti ^2-. |95.59| Attiyami harayami nagga nikkhamitum bahi kesehamhi paticchanna punnam me appakam katanti. |95.60| Handuttariyam dami ^3- te imam dussam nivasaya imam dussam nivasetva bahi ^4- nikkhama sobhane upanikkhamassu bhadde passami tam mahiddhikanti ^2-. |95.61| Hatthena hatthe te dinnam na mayham upakappati esetthupasako saddho samma sambuddhasavako |95.62| etam acchadayitvana mama dakkhinamadisa tathaham ^5- sukhita hessam sabbakamasamiddhiniti. |95.63| Tanca te nahapayitvana vilimpitvana vanija vatthehacchadayitvana tassa dakkhinamadisum |95.64| samanantaranuditthe vipako upapajjatha ^6- bhojanacchadanapaniyam dakkhinaya idam phalam |95.65| tato suddha sucivasana kasikuttamadharini hasanti vimana nikkhami dakkhinaya idam phalanti. |95.66| Sucittarupam ruciram vimanam te ca bhasati ^7- devate pucchitacikkha kissa kammassidam phalanti. @Footnote: ¹ Ma. passama . ² Ma. mahitthitanti . ³ Ma. dadami . ⁴ Ma. ehi . ⁵ Yu. tadaham. @⁶ Ma. udapajjatha . ⁷ Ma. pabhasati.

--------------------------------------------------------------------------------------------- page166.

|95.67| Bhikkhuno caramanassa doninimmujjani ^1- aham adasim ujubhutassa vippasannena cetasa |95.68| tassa kammassa kusalassa vipakam dighamantaram anubhomi vimanasmim tanca dani parittakam. |95.69| Uddham catuhi masehi kalakiriya bhavissati ekantam katukam ghoram nirayupapatissaham ^2- |95.70| catukkannam catudvaram vibhattam bhagaso mitam ayopakarapariyantam ayasa patikujjitam. |95.71| Tassa ayomaya bhumi jalita tejasa yutta samanta yojanasatam pharitva titthati sabbada |95.72| tatthaham dighamaddhanam dukkham vedissam ^3- vedanam phalanca papakammassa tasma socamidam ^4- bhutanti. Khalatiyapetavatthu ^5- dasamam.

The Pali Tipitaka in Roman Character Volume 26 page 165-166. https://84000.org/tipitaka/read/roman_read.php?B=26&A=3323&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=26&A=3323&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=26&item=95&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=26&siri=95 Study Atthakatha :- https://84000.org/tipitaka/attha/attha.php?b=26&i=95 The Pali Atthakatha in Thai :- https://84000.org/tipitaka/atthapali/read_th.php?B=31&A=1097 The Pali Atthakatha in Roman :- https://84000.org/tipitaka/atthapali/read_rm.php?B=31&A=1097 Contents of The Tipitaka Volume 26 https://84000.org/tipitaka/read/?index_26 https://84000.org/tipitaka/english/?index_26