ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 29 : PALI ROMAN Sutta Pitaka Vol 21 : Sutta. Khu. Mahāniddeso

               Sattamo tissametteyyasuttaniddeso
     [224] Methunamanuyuttassa (iccayasma tisso metteyyo)
                      vighatam bruhi marisa
                      sutvana tava sasanam
                      viveke sikkhisamase 1-.
     [225]    Methunamanuyuttassati    methunadhammo   nama   yo   so
asaddhammo   gamadhammo   vasaladhammo   dutthullo   odakantiko   rahasso
dvayadvayasamapatti    .   kimkarana   vuccati   methunadhammo   .   ubhinnam
rattanam    sarattanam    avassutanam    pariyutthitanam    pariyadinnacittanam
ubhinnam    sadisanam    dhammoti    tamkarana    vuccati   methunadhammo  .
Yatha   ubho   kalahakaraka   methunakati   vuccanti   ubho  bhandanakaraka
methunakati   vuccanti   ubho   bhassakaraka   methunakati   vuccanti  ubho
vivadakaraka   methunakati   vuccanti   ubho   adhikaranakaraka  methunakati
vuccanti    ubho    vadino   methunakati   vuccanti   ubho   sallapaka
methunakati   vuccanti   evameva  ubhinnam  rattanam  sarattanam  avassutanam
pariyutthitanam   pariyadinnacittanam   ubhinnam   sadisanam   dhammoti   tamkarana
vuccati    methunadhammo   .   methunamanuyuttassati   methunadhamme   yuttassa
payuttassa     ayuttassa     samayuttassa     taccaritassa     tabbahulassa
taggarukassa     tanninnassa    tapponassa    tappabbharassa    tadadhimuttassa
@Footnote: 1 Po. Ma. sikkhissamase. sabbattha idisameva.
Tadadhipateyyassati methunamanuyuttassa.
     [226]   Iccayasma   tisso   metteyyoti   iccati  padasandhi
padasamsaggo       padaparipuri       akkharasamavayo      byanjanasilitthata
padanupubbatametam    iccati    .    ayasmati    piyavacanam    garuvacanam
sagaravavacanam    sappatissavacanametam    ayasmati    .    tissoti   tassa
therassa   namam   sankha   samanna   pannatti  voharo  namam  namakammam
namadheyyam   nirutti  byanjanam  abhilapo  .  metteyyoti  tassa  therassa
gottam     sankha     samanna    pannatti    voharoti    iccayasma
tisso metteyyo.
     [227]   Vighatam   bruhi  marisati  vighatam  upaghatam  pilanam  ghattanam
upaddavam    upasaggam   bruhi   acikkha   desehi   pannapehi   patthapehi
vivara   vibhaja   uttanikarohi   pakasehi  .  marisati  piyavacanam  garuvacanam
sagaravavacanam sampatissavacanametam marisati vighatam bruhi marisa.
     [228]  Sutvana  tava  sasananti  tuyham  vacanam byappatham desanam [1]-
anusitthim   sutva   sunitva   uggahitva   upadharayitva   upalakkhayitvati
sutvana tava sasanam.
     [229]  Viveke  sikkhisamaseti  vivekoti tayo viveka kayaviveko
cittaviveko upadhiviveko.
     {229.1}  Katamo  kayaviveko . Idha bhikkhu vivittam senasanam bhajati
arannam   rukkhamulam   pabbatam   kandaram   giriguham  susanam  vanapattham  abbhokasam
@Footnote: 1 Ma. Yu. anusasanam. sabbattha idisameva.
Palalapunjam  kayena  ca  1-  vivitto  viharati  so  eko  gacchati eko
titthati   eko   nisidati  eko  seyyam  kappeti  eko  gamam  pindaya
pavisati  eko  patikkamati  eko  raho  nisidati  eko  cankamam  adhitthati
eko carati viharati iriyati vattati paleti yapeti yapeti ayam kayaviveko.
     {229.2}  Katamo  cittaviveko. Pathamam jhanam samapannassa nivaranehi
cittam  vivittam  hoti  dutiyam  jhanam  samapannassa vitakkavicarehi cittam vivittam
hoti  tatiyam  jhanam  samapannassa  pitiya  cittam  vivittam  hoti  catuttham jhanam
samapannassa    sukhadukkhehi    cittam   vivittam   hoti   akasanancayatanam
samapannassa     rupasannaya     patighasannaya     nanattasannaya    cittam
vivittam    hoti    vinnanancayatanam    samapannassa   akasanancayatana-
sannaya    cittam    vivittam    hoti    akincannayatanam    samapannassa
vinnanancayatanasannaya      cittam     vivittam     hoti     nevasanna-
nasannayatanam      samapannassa      akincannayatanasannaya      cittam
vivittam  hoti  sotapannassa  sakkayaditthiya  vicikicchaya silabbattaparamasa
ditthanusaya  vicikicchanusaya  tadekatthehi  ca  kilesehi  cittam vivittam hoti
sakadagamissa   olarika  kamaragasannojana  patighasannojana  olarika
kamaraganusaya  patighanusaya   tadekatthehi  ca kilesehi cittam vivittam hoti
anagamissa      anusahagata      kamaragasannojana     patighasannojana
@Footnote: 1 Ma. casaddo natthi.
Anusahagata   kamaraganusaya   patighanusaya   tadekatthehi   ca  kilesehi
cittam  vivittam  hoti  arahato ruparaga aruparaga mana uddhacca avijjaya
mananusaya   bhavaraganusaya   avijjanusaya   tadekatthehi  ca  kilesehi
bahiddha ca sabbanimittehi cittam vivittam hoti ayam cittaviveko.
     {229.3}  Katamo upadhiviveko. Upadhi vuccanti kilesa ca khandha ca
abhisankhara   ca   .   upadhiviveko   vuccati   amatam  nibbanam  yo  so
sabbasankharasamatho    sabbupadhipatinissaggo   tanhakkhayo   virago   nirodho
nibbanam ayam upadhiviveko.
     {229.4}  Kayaviveko  ca  vupakatthakayanam  1- nekkhammabhiratanam
cittaviveko   ca   parisuddhacittanam   paramavodanappattanam  upadhiviveko  ca
nirupadhinam puggalanam visankharagatanam.
     {229.5}  Viveke  sikkhisamaseti  so thero pakatiya sikkhitasikkho
apica  dhammadesanam  [2]-  yacanto  evamaha  viveke  sikkhisamaseti .
Tenaha thero tisso metteyyo
                 methunamanuyuttassa (iccayasma tisso metteyyo)
                 vighatam bruhi marisa
                 sutvana tava sasanam
                 viveke sikkhisamaseti.
@Footnote: 1 Ma. vivekatthakayanam .  2 Po. Ma. upadaya dhammadesanam savento.
     [230] Methunamanuyuttassa (metteyyati bhagava)
                      mussate vapi sasanam
                      miccha ca patipajjati
                      etam tasmim anariyam.
     [231]  Methunamanuyuttassati  methunadhammo  nama  yo so asaddhammo
gamadhammo  vasaladhammo  dutthullo  odakantiko rahasso dvayadvayasamapatti.
Kimkarana    vuccati    methunadhammo   .   ubhinnam   rattanam   sarattanam
avassutanam     pariyutthitanam     pariyadinnacittanam     ubhinnam    sadisanam
dhammoti   tamkarana   vuccati   methunadhammo  .  yatha  ubho  kalahakaraka
methunakati    vuccanti    ubho    bhandanakaraka    methunakati   vuccanti
ubho   bhassakaraka  methunakati  vuccanti  ubho  vivadakaraka  methunakati
vuccanti   ubho   adhikaranakaraka   methunakati   vuccanti   ubho  vadino
methunakati   vuccanti   ubho   sallapaka  methunakati  vuccanti  evameva
ubhinnam   rattanam   sarattanam  avassutanam  pariyutthitanam  pariyadinnacittanam
ubhinnam sadisanam dhammoti tamkarana vuccati methunadhammo.
     {231.1}   Methunamanuyuttassati   methunadhamme  yuttassa  payuttassa
ayuttassa   samayuttassa   taccaritassa  tabbahulassa  taggarukassa  tanninnassa
tapponassa      tappabbharassa      tadadhimuttassa      tadadhipateyyassati
methunamanuyuttassa    .    metteyyati   bhagava   tam   theram   gottena
alapati   .   bhagavati  garavadhivacanam  .  apica  bhaggaragoti  bhagava .
Bhaggadosoti  bhagava  .  bhaggamohoti  bhagava  .  bhaggamanoti  bhagava .
Bhaggaditthiti    bhagava    .   bhaggakantakoti   bhagava   .   bhaggakilesoti
bhagava  .  bhaji  vibhaji  pativibhaji  dhammaratananti  bhagava . Bhavanam antakaroti
bhagava  .  bhavitakayoti  bhagava  .  bhavitasilo bhavitacitto bhavitapannoti
bhagava   .   bhaji   va   bhagava  arannavanapatthani  pantani  senasanani
appasaddani    appanigghosani   vijanavatani   manussarahaseyyakani   1-
patisallanasarupaniti   bhagava   .   bhagi   va   bhagava  civarapindapata-
senasanagilanapaccayabhesajjaparikkharananti    bhagava    .    bhagi   va
bhagava    attharasassa   dhammarasassa   vimuttirasassa   adhisilassa   adhicittassa
adhipannayati bhagava.
     {231.2}  Bhagi  va  bhagava  catunnam  jhananam catunnam appamannanam
catunnam  arupasamapattinanti  bhagava  .  bhagi  va bhagava atthannam vimokkhanam
atthannam   abhibhayatananam   navannam   anupubbaviharasamapattinanti   bhagava .
Bhagi   va   bhagava   dasannam   sannabhavananam   dasannam   kasinasamapattinam
anapanassatisamadhissa   asubhasamapattiyati  bhagava  .  bhagi  va  bhagava
catunnam   satipatthananam   catunnam   sammappadhananam   catunnam   iddhippadanam
pancannam     indriyanam    pancannam    balanam    sattannam    bojjhanganam
ariyassa   atthangikassa  maggassati  bhagava  .  bhagi  va  bhagava  dasannam
tathagatabalanam    catunnam    vesarajjanam    catunnam   patisambhidanam   channam
abhinnanam   channam   buddhadhammananti   bhagava   .   bhagavati   netam  namam
@Footnote: 1 Ma. manussarahasseyyakani.
Matara   katam   na  pitara  katam  na  bhatara  katam  na  bhaginiya  katam  na
mittamaccehi   katam   na   natisalohitehi   katam   na   samanabrahmanehi
katam   na   devatahi  katam  vimokkhantikametam  buddhanam  bhagavantanam  bodhiya
mule    saha    sabbannutananassa    1-   patilabha   sacchika   pannatti
yadidam bhagavati metteyyati bhagava.
     [232]  Mussate  vapi  sasananti  dvihi  karanehi  sasanam  mussati
pariyattisasanampi mussati patipattisasanampi mussati.
     {232.1}  Katamam  pariyattisasanam  .  yam tassa pariyaputam suttam geyyam
veyyakaranam   gatha   udanam   itivuttakam   jatakam   abbhutadhammam  vedallam
idam  pariyattisasanam  .  tampi  mussati  [2]-  parimussati  paribahiro hotiti
evampi mussate vapi sasanam.
     {232.2}  Katamam  patipattisasanam  .  sammapatipada  anulomapatipada
apaccanikapatipada      anvatthapatipada      dhammanudhammapatipada     silesu
paripurikarita     indriyesu     guttadvarata    bhojane    mattannuta
jagariyanuyogo    satisampajannam    cattaro    satipatthana    cattaro
sammappadhana    cattaro   iddhippada   pancindriyani   panca   balani
satta   bojjhanga   ariyo   atthangiko   maggo  idam  patipattisasanam .
Tampi   mussati   parimussati   paribahiro   hotiti  evampi  mussate  vapi
sasanam.
     [233]    Miccha   ca   patipajjatiti   panampi   hanati   adinnampi
@Footnote: 1 Ma. Yu. sabbannutannanassa.
@2 Ma. sammussati pamussati sampamussati paribahiro .... sabbattha idisameva.
Adiyati     sandhimpi    chindati    nillopampi    harati    ekagarikampi
karoti    paripanthepi    titthati    paradarampi   gacchati   musapi   bhanatiti
miccha ca patipajjati.
     [234]  Etam  tasmim  anariyanti  etam  tasmim  puggale anariyadhammo
baladhammo     mulhadhammo    ananadhammo    amaravikkhepadhammo    yadidam
miccha patipadati etam tasmim anariyam. Tenaha bhagava
                      methunamanuyuttassa (metteyyati bhagava)
                      mussate vapi sasanam
                      miccha ca patipajjati
                      etam tasmim anariyanti.
     [235] Eko pubbe caritvana
                      methunam yo nisevati
                      yanam bhantamva tam loke
                      hinamahu puthujjanam.
     [236]  Eko  pubbe  caritvanati  dvihi  karanehi eko pubbe
caritvana pabbajjasankhatena va ganavavassaggatthena va.
     {236.1}  Katham  pabbajjasankhatena eko pubbe caritvana. Sabbam
gharavasapalibodham    chinditva   puttadarapalibodham   chinditva   natipalibodham
chinditva    mittamaccapalibodham    chinditva    sannidhipalibodham    chinditva
kesamassum   oharetva   kasayani  vatthani  acchadetva  agarasma
Anagariyam   pabbajitva   akincanabhavam   upagantva  eko  carati  viharati
iriyati   vattati   paleti   yapeti   yapeti   evam  pabbajjasankhatena
eko pubbe caritvana.
     {236.2}  Katham  ganavavassaggatthena  eko pubbe caritvana. So
evam   pabbajito  samano  eko  arannavanapatthani  pantani  senasanani
patisevati   appasaddani  appanigghosani  vijanavatani  manussarahaseyyakani
patisallanasarupani  .  so  eko  gacchati  eko  titthati  eko nisidati
eko  seyyam  kappeti  eko  gamam  pindaya  pavisati  eko  patikkamati
eko  raho  nisidati  eko  cankamam  adhitthati  eko carati viharati iriyati
vattati  paleti  yapeti  yapeti  evam  ganavavassaggatthena  eko pubbe
caritvana.
     [237]  Methunam  yo  nisevatiti methunadhammo nama yo so asaddhammo
.pe.  tamkarana  vuccati  methunadhammo . Methunam yo nisevatiti so aparena
samayena    buddham    dhammam   sangham   sikkham   paccakkhaya   hinayavattitva
methunadhammam sevati nisevati samsevati patisevatiti methunam yo nisevati.
     [238]   Yanam  bhantamva  tam  loketi  yananti  hatthiyanam  assayanam
goyanam   ajayanam   mendakayanam   otthayanam   kharayanam   bhantam   adantam
akaritam    avinitam    uppatham    ganhati    visamam   khanumpi   pasanampi
abhiruhati   yanampi   arohakampi  bhanjati  papatepi  papatati  .  yatha  tam
Bhantam   yanam   adantam   akaritam   avinitam   uppatham   ganhati   evameva
so    vibbhantako    bhantayanapatibhago    uppatham   ganhati   micchaditthim
ganhati   .pe.   micchasamadhim   ganhati   .   yatha   tam  bhantam  yanam
adantam   akaritam   avinitam  visamam  khanumpi  pasanampi  abhiruhati  evameva
so   vibbhantako   bhantayanapatibhago   visamam   kayakammam   abhiruhati  visamam
vacikammam    abhiruhati    visamam   manokammam   abhiruhati   visamam   panatipatam
abhiruhati    visamam    adinnadanam    abhiruhati    visamam   kamesumicchacaram
abhiruhati    visamam   musavadam   abhiruhati   visamam   pisunam   vacam   abhiruhati
visamam    pharusam   vacam   abhiruhati   visamam   samphappalapam   abhiruhati   visamam
abhijjham    abhiruhati    visamam    byapadam    abhiruhati   visamam   micchaditthim
abhiruhati   visame   sankhare   abhiruhati  visame  panca  kamagune  abhiruhati
visame nivarane abhiruhati.
     {238.1}  Yatha  tam  bhantam yanam adantam akaritam avinitam arohakampi
bhanjati   evameva   so   vibbhantako  bhantayanapatibhago  niraye  attanam
bhanjati   tiracchanayoniya   attanam   bhanjati  pittivisaye  attanam  bhanjati
manussaloke  attanam  bhanjati  devaloke  attanam  bhanjati. Yatha tam bhantam
yanam  adantam  akaritam  avinitam  papatepi  papatati  evameva so vibbhantako
bhantayanapatibhago   jatipapatamhipi   1-   papatati  jarapapatamhipi  papatati
byadhipapatamhipi    papatati    maranapapatamhipi   papatati   sokaparidevadukkha-
domanassupayasapapatamhipi   papatati   .   loketi   apayaloke  .pe.
@Footnote: 1 Ma. jati ... jara ... byadhi ... marana ... sokaparidevadukkhadomanassupayasapapatampi.
Manussaloketi yanam bhantamva tam loke.
     [239]  Hinamahu  puthujjananti  puthujjanati  kenatthena  puthujjana .
Puthu   kilese   janentiti   puthujjana   .   puthu   avihatasakkayaditthikati
puthujjana   .   puthu   sattharanam   mukhullokikati   puthujjana   .   puthu
sabbagatihi    avutati    puthujjana   .   puthu   nanabhisankharehi   1-
abhisankharontiti  puthujjana  .  puthu  nanaoghehi  vuyhantiti  puthujjana .
Puthu   nanasantapehi   santappantiti  puthujjana  .  puthu  nanaparilahehi
paridayhantiti    puthujjana    .    puthu    pancasu    kamagunesu   ratta
giddha   gadhita   mucchita   ajjhopanna   lagga   laggita   palibuddhati
puthujjana   .   puthu   pancahi   nivaranehi  avuta  nivuta  ophuta  2-
pihita   paticchanna   patikujjitati   puthujjana   .   hinamahu  puthujjananti
puthujjanam   hinam   nihinam   omakam  lamakam  jatukkam  3-  parittanti  evamahu
evamahamsu  evam  kathenti  evam  bhananti  evam  dipayanti  evam voharantiti
hinamahu puthujjanam. Tenaha bhagava
              eko pubbe caritvana       methunam yo nisevati
              yanam bhantamva tam loke         hinamahu puthujjananti.
     [240] Yaso kitti ca ya pubbe     hayate vapi tassa sa
              etampi disva sikkhetha      methunam vippahatave.
     [241]  Yaso  kitti  ca  ya  pubbe  hayate  vapi  tassa  sati
katamo   yaso   .   idhekacco   pubbe   samanabhave   sakkato   hoti
@Footnote: 1 Ma. nanabhisankhare .  2 Ma. ovuta .  3 Ma. chatukkam.
Garukato    manito    pujito   apacito   labhi   civarapindapatasenasana-
gilanapaccayabhesajjaparikkharanam    ayam   yaso   .   katama   kitti  .
Idhekacco    pubbe    samanabhave    kittivannakato    hoti    pandito
viyatto   medhavi   bahussuto   cittakathi   kalyanapatibhano   suttantikoti
va   vinayadharoti  va  dhammakathikoti  va  arannikoti  va  pindapatikoti
va  pamsukulikoti  va tecivarikoti va sapadanacarikoti va khalupacchabhattikoti
va  nesajjikoti  va  yathasanthatikoti  va  pathamassa  jhanassa  labhiti va
dutiyassa   jhanassa  labhiti  va  tatiyassa  jhanassa  labhiti  va  catutthassa
jhanassa    labhiti    va   akasanancayatanasamapattiya   labhiti   va
vinnanancayatanasamapattiya      labhiti      va      akincannayatana-
samapattiya      labhiti     va     nevasannanasannayatanasamapattiya
labhiti  va  ayam  kitti  1-. Yaso kitti ca ya pubbe hayate vapi tassa
sati   tassa   aparena   samayena   buddham  dhammam  sangham  sikkham  paccakkhaya
hinayavattassa  so  ca  yaso  sa  ca  kitti  hayati  parihayati  paridhamsati
paripatati  antaradhayati  vippalujjatiti  yaso  kitti  ca  ya  pubbe  hayate
vapi tassa sa.
     [242]   Etampi  disva  sikkhetha  methunam  vippahataveti  etanti
pubbe   samanabhave   yaso  ca  kitti  ca  aparabhage  buddham  dhammam  sangham
sikkham    paccakkhaya   hinayavattassa   ayaso   ca   akitti   ca   etam
@Footnote: 1 Ma. kittiti.
Sampattivipattim    disva   passitva   tulayitva   tirayitva   vibhavayitva
vibhutam    katvati   etampi   disva   .   sikkhethati   tisso   sikkha
adhisilasikkha adhicittasikkha adhipannasikkha.
     {242.1}   Katama   adhisilasikkha   .  idha  bhikkhu  silava  hoti
patimokkhasamvarasamvuto     viharati     acaragocarasampanno     anumattesu
vajjesu    bhayadassavi    samadaya    sikkhati    sikkhapadesu    khuddako
silakkhandho   mahanto   silakkhandho   silam   patittha   adi  caranam  samyamo
samvaro mukham pamukham kusalanam dhammanam samapattiya ayam adhisilasikkha.
     {242.2}  Katama  adhicittasikkha  .  idha  bhikkhu vivicceva kamehi
vivicca  akusalehi  dhammehi  savitakkam  savicaram  vivekajam  pitisukham  pathamam jhanam
upasampajja    viharati    vitakkavicaranam   vupasama   ajjhattam   sampasadanam
cetaso   ekodibhavam   avitakkam   avicaram  samadhijam  pitisukham  dutiyam  jhanam
tatiyam jhanam catuttham jhanam upasampajja viharati ayam adhicittasikkha.
     {242.3}  Katama  adhipannasikkha  .  idha  bhikkhu  pannava  hoti
udayatthagaminiya     pannaya     samannagato    ariyaya    nibbedhikaya
sammadukkhakkhayagaminiya   so   idam   dukkhanti   yathabhutam   pajanati  ayam
dukkhasamudayoti    yathabhutam    pajanati    ayam    dukkhanirodhoti   yathabhutam
pajanati    ayam    dukkhanirodhagamini    patipadati    yathabhutam   pajanati
ime   asavati   yathabhutam   pajanati   ayam   asavasamudayoti   yathabhutam
pajanati  ayam  asavanirodhoti  yathabhutam  pajanati  ayam  asavanirodhagamini
Patipadati yathabhutam pajanati ayam adhipannasikkha.
     {242.4}  Methunanti  methunadhammo  nama yo so asaddhammo .pe.
Tamkarana   vuccati   methunadhammo   .   etampi  disva  sikkhetha  methunam
vippahataveti    methunadhammassa    pahanaya    vupasamaya    patinissaggaya
patippassaddhiya     adhisilampi     sikkheyya     adhicittampi     sikkheyya
adhipannampi  sikkheyya  .  ima  tisso  sikkha 1- avajjento sikkheyya
jananto   sikkheyya   passanto   sikkheyya   paccavekkhanto   sikkheyya
cittam    adhitthahanto    sikkheyya    saddhaya    adhimuccanto   sikkheyya
viriyam   pagganhanto   sikkheyya   satim   upatthapento   sikkheyya   cittam
samadahanto    sikkheyya   pannaya   pajananto   sikkheyya   abhinneyyam
abhijananto   sikkheyya   parinneyyam   parijananto   sikkheyya  pahatabbam
pajahanto   sikkheyya   bhavetabbam   bhavento   sikkheyya   sacchikatabbam
sacchikaronto     sikkheyya     acareyya     samacareyya    samadaya
vatteyyati    etampi    disva   sikkhetha   methunam   vippahatave  .
Tenaha bhagava
         yaso kitti ca ya pubbe         hayate vapi tassa sa
         etampi disva sikkhetha          methunam vippahataveti.
     [243] Sankappehi pareto so      kapano viya jhayati
               sutva paresam nigghosam      manku hoti tathavidho.
@Footnote: 1 Ma. sikkhayo.
     [244]  Sankappehi  pareto  so kapano viya jhayatiti kamasankappena
byapadasankappena      vihimsasankappena      ditthisankappena     phuttho
pareto  samohito  samannagato  [1]-  kapano  viya  mando  viya momuho
viya   jhayati   pajjhayati   nijjhayati   avajjhayati  2-  .  yatha  uluko
rukkhasakhayam    musikam   gamayamano   3-   jhayati   pajjhayati   nijjhayati
avajjhayati   4-  yatha  kotthu  naditire  macche  gamayamano  5-  jhayati
pajjhayati   nijjhayati  avajjhayati  6-  yatha  vilaro  sandhisamalasapankatire
musikam    gamayamano   jhayati   pajjhayati   nijjhayati   avajjhayati   yatha
gadrabho     vahacchinno     sandhisamalasapankatire     jhayati     pajjhayati
nijjhayati    avajjhayati    evameva   so   vibbhantako   kamasankappena
byapadasankappena      vihimsasankappena      ditthisankappena     phuttho
pareto   samohito  samannagato  kapano  viya  mando  viya  momuho  viya
jhayati    pajjhayati    nijjhayati    avajjhayatiti    sankappehi   pareto
so kapano viya jhayati.
     [245]  Sutva  paresam  nigghosam  manku  hoti  tathavidhoti paresanti
upajjhayaka  7-  va  acariyaka  va samanupajjhayaka va samanacariyaka
va  mitta  va  sandittha  va  sambhatta  va  sahaya  va  codenti
tassa  te  kho  avuso  alabha  tassa  te  dulladdham  yam  tvam  evarupam
ularam   sattharam   labhitva   evam   svakkhate  dhammavinaye  pabbajitva
evarupam     ariyaganam     labhitva    hinassa    methunadhammassa    karana
@Footnote: 1 Ma. Yu. pihito. 2-4-6 Ma. apajjhayati. 3-5 Ma. Yu. magayamano.
@7 Ma. upajjhaya va acariya va.
Buddham    dhammam    sangham    sikkham   paccakkhaya   hinayavattosi   saddhapi
nama   te   nahosi   kusalesu   dhammesu   hiripi   nama  te  nahosi
kusalesu   dhammesu   ottappampi   nama  te  nahosi  kusalesu  dhammesu
viriyampi   nama   te   nahosi   kusalesu   dhammesu   satipi  nama  te
nahosi   kusalesu   dhammesu   pannapi   nama   te   nahosi  kusalesu
dhammesuti   tesam   vacanam   byappatham   desanam   anusitthim   sutva  sunitva
uggahetva    upadharayitva    upalakkhayitva    manku    hoti   pilito
ghattito   byatthito   1-   domanassito  hoti  .  tathavidhoti  tathavidho
tadiso   tassanthito   tappakaro   tappatibhago   yo  so  vibbhantakoti
sutva paresam nigghosam manku hoti tathavidho. Tenaha bhagava
              sankappehi pareto so        kapano viya jhayati
              sutva paresam nigghosam        manku hoti tathavidhoti.
     [246] Atha satthani kurute            paravadehi codito
              esa khvassa mahagedho       mosavajjam pagahati.
     [247]   Atha   satthani   kurute   paravadehi   coditoti  athati
padasandhi    padasamsaggo    padaparipuri    akkharasamavayo   byanjanasilitthata
padanupubbatametam   2-   athati   .  satthaniti  tini  satthani  kayasattham
vacisattham    manosattham    .    tividham   kayaduccaritam   kayasattham   catubbidham
vaciduccaritam   vacisattham   tividham   manoduccaritam   manosattham   .   paravadehi
coditoti   upajjhayakehi   va  acariyakehi  va  samanupajjhayakehi  va
@Footnote: 1 Ma. byadhito .  2 Ma. ...petam.
Samanacariyakehi   va   mittehi   va  sanditthehi  va  sambhattehi  va
sahayehi   va   codito   sampajanamusa   bhasati  abhirato  aham  bhante
ahosim   pabbajjaya   mata   me   posetabba   tenamhi   vibbhantoti
bhanati   pita   me   posetabbo   tenamhi   vibbhantoti   bhanati  bhata
me   posetabbo   bhagini   me   posetabba  putto  me  posetabbo
dhita   me   posetabba   mitta   me   posetabba   amacca   me
posetabba   nataka   me   posetabba  salohita  me  posetabba
tenamhi   vibbhantoti   bhanati   vacisattham  karoti  [1]-  janeti  sanjaneti
nibbatteti    abhinibbattetiti    atha    satthani    kurute    paravadehi
codito.
     [248]  Esa  khvassa  mahagedhoti  eso  kho  assa  mahagedho
mahavanam   mahagahanam   mahakantaro   mahavisamo   mahakutilo  mahapanko
mahapalipo    mahapalibodho    mahabandhanam    yadidam   sampajanamusavadoti
esa khvassa mahagedho.
     [249]   Mosavajjam   pagahatiti   mosavajjam  vuccati  musavado .
Idhekacco    sabhaggato    va   parisaggato   va   natimajjhagato   va
pugamajjhagato   va  rajakulamajjhagato  va  abhinito  sakkhiputtho  ehi  2-
bho   purisa   yam   janasi   tam   vadehiti   .  so  ajanam  va  aha
janamiti    janam   va   aha   na   janamiti   apassam   va   aha
passamiti   passam   va   aha   na   passamiti   iti   attahetu   va
@Footnote: 1 Ma. Yu. sankaroti .  2 Po. Ma. ehambho.
Parahetu   va   amisakincikkhahetu   va   sampajanamusa  bhasati  .  idam
vuccati   mosavajjam   .  apica  tihakarehi  musavado  hoti  pubbevassa
hoti   musa   bhanissanti   bhanantassa   hoti   musa   bhanamiti   bhanitassa
hoti   musa   maya  bhanitanti  imehi  tihakarehi  musavado  hoti .
Apica    catuhakarehi   [1]-   pancahakarehi   .   chahakarehi  .
Sattahakarehi    .    atthahakarehi   musavado   hoti   pubbevassa
hoti   musa   bhanissanti   bhanantassa   hoti   musa   bhanamiti   bhanitassa
hoti   musa   maya   bhanitanti   vinidhaya  ditthim  vinidhaya  khantim  vinidhaya
rucim   vinidhaya   sannam  vinidhaya  bhavam  imehi  atthahakarehi  musavado
hoti  .  mosavajjam  pagahatiti  mosavajjam  pagahati  ogahati  ajjhogahati
pavisatiti mosavajjam pagahati. Tenaha bhagava
               atha satthani kurute          paravadehi codito
               esa khvassa mahagedho      mosavajjam pagahatiti.
     [250] Panditoti samannato    ekacariyam adhitthito
               athapi methune yutto       mandova parikissati.
     [251]   Panditoti   samannatoti   idhekacco  pubbe  samanabhave
kittivannakato   hoti   pandito   viyatto   medhavi   bahussuto  cittakathi
kalyanapatibhano    suttantikoti    va   vinayadharoti   va   dhammakathikoti
va       .pe.       nevasannanasannayatanasamapattiya       labhiti
@Footnote: 1 Po. Ma. musavado hoti pubbevassa hoti musa bhanissanti bhanantassa hoti musa
@bhanamiti bhanitassa hoti musa maya bhanitanti vinidhaya ditthim imehi catuhakarehi
@musavado hoti. apica ....
Va    evam    nato    hoti    sannato    samannatoti   panditoti
samannato.
     [252]  Ekacariyam  adhitthitoti  dvihi  karanehi  ekacariyam adhitthito
pabbajjasankhatena     va     ganavavassaggatthena    va    .    katham
pabbajjasankhatena   ekacariyam   adhitthito   .   sabbam   gharavasapalibodham
chinditva   .pe.   evam   pabbajjasankhatena   ekacariyam  adhitthito .
Katham   ganavavassaggatthena   ekacariyam  adhitthito  .  so  evam  pabbajito
samano     eko     arannavanapatthani     pantani    .pe.    evam
ganavavassaggatthena ekacariyam adhitthitoti ekacariyam adhitthito.
     [253]   Athapi   methune  yuttoti  methunadhammo  nama  yo  so
asaddhammo    .pe.    tamkarana    vuccati   methunadhammo   .   athapi
methune   yuttoti   so   aparena   samayena   buddham  dhammam  sangham  sikkham
paccakkhaya     hinayavattitva     methunadhamme     yutto     payutto
ayutto samayuttoti athapi methune yutto.
     [254]   Mandova   parikissatiti  kapano  viya  momuho  viya  kissati
parikissati     parikilissati     panampi     hanati    adinnampi    adiyati
sandhimpi     chindati     nillopampi    harati    ekagarikampi    karoti
paripanthepi    titthati    paradarampi    gacchati   musapi   bhanati   evampi
kissati   parikissati   parikilissati   .  tamenam  rajano  gahetva  vividha
kammakarana    karenti    kasahipi   talenti   vettehipi   talenti
Addhadandakehipi    talenti    hatthampi    chindanti    padampi   chindanti
hatthapadampi     chindanti     kannampi    chindanti    nasampi    chindanti
kannanasampi     chindanti     vilangathalikampi    karonti    sankhamundikampi
karonti   rahumukhampi   karonti   jotimalikampi  karonti  hatthapajjotikampi
karonti      erakavattikampi     karonti     cirakavasikampi     karonti
eneyyakampi     karonti     balisamamsikampi     karonti     kahapanakampi
karonti        kharapatacchikampi        karonti       palighaparivattikampi
karonti    palalapithakampi    karonti    tattenapi   telena   osincanti
sunakhehipi    khadapenti    jivantampi    sule    uttasenti   asinapi
sisam chindanti evampi kissati parikissati parikilissati.
     {254.1}    Athava    kamatanhaya   abhibhuto   pariyadinnacitto
bhoge     pariyesanto    navaya    mahasamuddam    pakkhandati    sitassa
purakkhato      unhassa     purakkhato     damsamakasavatatapasirimsapasamphassehi
rissamano   1-   khuppipasaya   piliyamano   2-   gumabam   3-  gacchati
takkolam   gacchati   takkasilam   gacchati   kalamukham  gacchati  maranaparam  gacchati
vesungam  gacchati  verapatham  gacchati  javam  gacchati  kamalim 4- gacchati vankam 5-
gacchati   elavaddanam   6-   gacchati   suvannakutam  gacchati  suvannabhumim  gacchati
tambapannim  gacchati  supparam  gacchati  bharukam  7-  gacchati  suraddham  8- gacchati
anganekam  9-  gacchati  ganganam  10-  gacchati  paramaganganam 11- gacchati yonam
@Footnote: 1 Ma. piliyamano. 2 Ma. miyyamano. 3 Ma. tigumbam. 4 Ma. Yu. tamalim.
@5 Ma. vangam. 6 Ma. velabandhanam. 7 Ma. bharukaccham. 8 Ma. surattham. 9 Ma.
@bhangalokam. 10 Ma. bhanganam. 11 Ma. saramatam ganam.
Gacchati   pinam   1-   gacchati   allasandam  2-  gacchati  marukantaram  gacchati
jannupatham    gacchati    ajapatham    gacchati    mendapatham    gacchati   sankupatham
gacchati   chattapatham   gacchati   vamsapatham   gacchati   sakunapatham   gacchati  musikapatham
gacchati   daripatham   gacchati  vettadharam  gacchati  evampi  kissati  parikissati
parikilissati   .  pariyesanto  3-  na  labhati  alabhamulakampi  dukkhadomanassam
patisamvedeti  evampi  kissati  parikissati  parikilissati  .  pariyesanto  4-
labhati   laddha  5-  ca  arakkhamulakampi  dukkhadomanassam  patisamvedeti  kinti
me  bhoge  neva  rajano  hareyyum na cora hareyyum na aggi daheyya na
udakam   vaheyya  na  appiya  dayada  hareyyunti  tassa  evam  rakkhato
gopayato    [6]-    bhoga    vippalujjanti   [7]-   vippayogamulakampi
dukkhadomanassam  patisamvedeti  evampi  kissati  parikissati  parikilissatiti [8]-
mandova parikissati. Tenaha bhagava
              panditoti samannato    ekacariyam adhitthito
              athapi methune yutto        mandova parikissatiti.
     [255] Etamadinavam natva          muni pubbapare idha
              ekacariyam dalham kayira        na nisevetha methunam.
     [256]   Etamadinavam   natva   muni  pubbapare  idhati  etanti
pubbe   samanabhave   yaso   ca   kitti   ca   aparabhage   buddham  dhammam
@Footnote: 1 Ma. Yu. paramayonam. 2 Ma. vinakam mulapadam. 3 Ma. gavesanto na vindati.
@4 Ma. gavesanto. 5 Ma. laddhapi. 6 Ma. Yu. te. 7 Ma. Yu. so.
@8 Po. Ma. sacapi methune yutto.
Sangham    sikkham   paccakkhaya   hinayavattassa   ayaso   ca   akitti   ca
etam     sampattivipattim    natva    janitva    tulayitva    tirayitva
vibhavayitva   vibhutam   katva  .  muniti  monam  vuccati  nanam  ya  panna
pajanana   .pe.   sangajalamaticca   so   muni   .   idhati   imissa
ditthiya    imissa    khantiya    imissa   ruciya   imasmim   adaye
imasmim   dhamme   imasmim   vinaye   imasmim  dhammavinaye  imasmim  pavacane
imasmim    brahmacariye    imasmim    satthusasane    imasmim    attabhave
imasmim manussaloketi etamadinavam natva muni pubbapare idha.
     [257]  Ekacariyam  dalham  kayirati  dvihi  karanehi  ekacariyam dalham
kareyya pabbajjasankhatena va ganavavassaggatthena va.
     {257.1}  Katham  pabbajjasankhatena  ekacariyam  dalham  kareyya .
Sabbam     gharavasapalibodham     chinditva    puttadarapalibodham    chinditva
natipalibodham    chinditva    mittamaccapalibodham   chinditva   sannidhipalibodham
chinditva   kesamassum   oharetva   kasayani  vatthani  acchadetva
agarasma   anagariyam   pabbajitva   akincanabhavam   upagantva   eko
careyya  vihareyya  iriyeyya  vatteyya  paleyya  yapeyya yapeyya evam
pabbajjasankhatena ekacariyam dalham kareyya.
     {257.2} Katham ganavavassaggatthena ekacariyam dalham kareyya. So evam
pabbajito  samano  eko arannavanapatthani pantani senasanani patiseveyya
appasaddani     appanigghosani     vijanavatani     manussarahaseyyakani
Patisallanasarupani   .  so  eko  gaccheyya  eko  tittheyya  eko
nisideyya  eko  seyyam  kappeyya  eko  gamam pindaya paviseyya eko
patikkameyya   eko  raho  nisideyya  eko  cankamam  adhittheyya  eko
careyya  vihareyya  iriyeyya  vatteyya  paleyya  yapeyya yapeyya evam
ganavavassaggatthena   ekacariyam   dalham  kareyya  1-  .  ekacariyam  dalham
kareyya   thiram   kareyya  dalhasamadano  assa  avatthitasamadano  [2]-
kusalesu dhammesuti ekacariyam dalham kayira.
     [258]  Na  nisevetha methunanti methunadhammo nama yo so asaddhammo
.pe.   tamkarana  vuccati  methunadhammo  .  methunadhammam  na  seveyya  na
niseveyya  na  samseveyya  na  patiseveyyati  3-  na nisevetha methunam.
Tenaha bhagava
              etamadinavam natva          muni pubbapare idha
              ekacariyam dalham kayira        na nisevetha methunanti.
     [259] Vivekanneva sikkhetha         etadariyanamuttamam
              tena settho na mannetha    sa ve nibbanasantike.
     [260]  Vivekanneva  sikkhethati vivekoti tayo viveka kayaviveko
cittaviveko  upadhiviveko  .  katamo kayaviveko .pe. Ayam upadhiviveko.
Kayaviveko    ca    vupakatthakayanam    nekkhammabhiratanam    cittaviveko
ca        parisuddhacittanam       paramavodanappattanam       upadhiviveko
@Footnote: 1 Po. Ma. Yu. kareyyati. 2 Ma. assa. 3 Ma. itisaddo natthi na careyya na
@samacareyya na samadaya vatteyyati.
Ca   nirupadhinam   puggalanam   visankharagatanam   .   sikkhati  tisso  sikkha
adhisilasikkha      adhicittasikkha      adhipannasikkha     .pe.     ayam
adhipannasikkha      .     vivekanneva     sikkhethati     vivekanneva
sikkheyya     acareyya     samacareyya     samadaya     vatteyyati
vivekanneva sikkhetha.
     [261]  Etadariyanamuttamanti  ariya  vuccanti buddha ca buddhasavaka
ca  paccekabuddha  ca  ariyanam  etam  aggam settham visettham pamokkham uttamam
pavaram yadidam vivekacariyati etadariyanamuttamam.
     [262]   Tena   settho   na   mannethati   taya  vivekacariyaya
unnatim   na   kareyya   unnamam   na  kareyya  manam  na  kareyya  [1]-
thambham  na  kareyya  na  tena  manam  janeyya  bandham  na  kareyya  na tena
thaddho assa patthaddho paggahitasiroti tena settho na mannetha.
     [263]   Sa   ve   nibbanasantiketi   so   nibbanassa  santike
samanta   asanne   avidure   upakattheti  sa  ve  nibbanasantike .
Tenaha bhagava
              vivekanneva sikkhetha         etadariyanamuttamam
              tena settho na mannetha    sa ve nibbanasantiketi.
     [264] Rittassa munino carato        kamesu anapekkhino
              oghatinnassa pihayanti    kamesu gadhita paja.
     [265]   Rittassa  munino  caratoti  rittassati  rittassa  vivittassa
@Footnote: 1 Ma. thamam na kareyya.
Pavivittassa     kayaduccaritena     rittassa     vivittassa     pavivittassa
vaciduccaritena    manoduccaritena   ragena   dosena   mohena   kodhena
upanahena    makkhena    palasena    issaya    macchariyena    mayaya
satheyyena    thambhena    sarambhena    manena    atimanena   madena
pamadena   sabbakilesehi   sabbaduccaritehi   sabbadarathehi   sabbaparilahehi
sabbasantapehi      sabbakusalabhisankharehi      rittassa      vivittassa
pavivittassa    .    muninoti    monam    vuccati    nanam   ya   panna
pajanana   .pe.   sangajalamaticca   so   muni   .   caratoti   carato
viharato     iriyato     vattato    palayato    yapayato    yapayatoti
rittassa munino carato.
     [266]  Kamesu  anapekkhinoti  kamati  uddanato  dve  kama
vatthukama  ca  kilesakama  ca  .pe.  ime  vuccanti  vatthukama .pe.
Ime   vuccanti   kilesakama   .  vatthukame  parijanitva  kilesakame
pahaya   pajahitva   vinoditva   byantikaritva  anabhavangamitva  kamesu
anapekkhava    1-    cattakamo   vantakamo   muttakamo   pahinakamo
patinissatthakamo  vitarago  cattarago  vantarago  muttarago  pahinarago
patinissattharago     nicchato     nibbuto     sitibhuto     sukhapatisamvedi
brahmabhutena attana viharatiti kamesu anapekkhino.
     [267]   Oghatinnassa   pihayanti   kamesu  gadhita  pajati  pajati
@Footnote: 1 Ma. anapekkhamano.
Sattadhivacanam.
     {267.1}  Paja  kamesu ratta giddha gadhita mucchita ajjhopanna
lagga   laggita  palibuddha  ta  1-  kamogham  tinnassa  bhavogham  tinnassa
ditthogham    tinnassa    avijjogham    tinnassa    sabbasamsarapatham    tinnassa
uttinnassa     nittinnassa    atikkantassa    samatikkantassa    vitivattassa
paragatassa    parappattassa    antagatassa    antappattassa    kotigatassa
kotippattassa      pariyantagatassa      pariyantappattassa     vosanagatassa
vosanappattassa       tanagatassa       tanappattassa       lenagatassa
lenappattassa        saranagatassa        saranappattassa       abhayagatassa
abhayappattassa       accutagatassa       accutappattassa       amatagatassa
amatappattassa       nibbanagatassa       nibbanappattassa       icchanti
sadiyanti patthayanti pihayanti abhijappanti.
     {267.2}   Yatha   inayika  ananyam  patthenti  pihayanti  yatha
abadhika    arogyam    patthenti    pihayanti    yatha    bandhanabandha
bandhanamokkham    patthenti   pihayanti   yatha   dasa   bhujissam   patthenti
pihayanti   yatha   kantaraddhanam   2-   pakkhanna   khemantabhumim  patthenti
pihayanti   evameva   paja   kamesu   ratta   giddha  gadhita  mucchita
ajjhopanna   lagga   laggita   palibuddha   ta   3-   kamoghatinnassa
bhavoghatinnassa     .pe.    nibbanagatassa    nibbanappattassa    icchanti
sadiyanti    patthayanti    pihayanti   abhijappantiti   oghatinnassa   pihayanti
kamesu gadhita paja. Tenaha bhagava
@Footnote: 1-3 Po. Ma. te .  2 Po. Ma. kantaraddhanapakkhanda.
         Rittassa munino carato          kamesu anapekkhino
         oghatinnassa pihayanti      kamesu gadhita pajati.
           Sattamo tissametteyyasuttaniddeso nitthito.
                           ----------------



             The Pali Tipitaka in Roman Character Volume 29 page 169-195. http://84000.org/tipitaka/read/roman_read.php?B=29&A=3333&modeTY=2              Compare with The Pali Tipitaka in Thai Character :- http://84000.org/tipitaka/read/pali_read.php?B=29&A=3333&modeTY=2              Compare with The Royal Version of Thai Tipitaka :- http://84000.org/tipitaka/read/byitem.php?book=29&item=224&items=44              Compare with The MCU Version of Thai Tipitaka :- http://84000.org/tipitaka/pitaka_item/m_siri.php?B=29&siri=7              Study Atthakatha :- http://84000.org/tipitaka/attha/attha.php?b=29&i=224              The Pali Atthakatha in Thai :- http://84000.org/tipitaka/atthapali/read_th.php?B=45&A=5998              The Pali Atthakatha in Roman :- http://84000.org/tipitaka/atthapali/read_rm.php?B=45&A=5998              Contents of The Tipitaka Volume 29 http://84000.org/tipitaka/read/?index_29

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com