|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 35 : PALI ROMAN Sutta Pitaka Vol 27 : Abhi. Vibhaṅgo
Dhatuvibhango [114] Cha dhatuyo pathavidhatu apodhatu tejodhatu vayodhatu akasadhatu vinnanadhatu. [115] Tattha katama pathavidhatu pathavidhatudvayam atthi ajjhattika atthi bahira . tattha katama ajjhattika pathavidhatu yam ajjhattam paccattam kakkhalam kharigatam kakkhalattam kakkhalabhavo ajjhattam upadinnam seyyathidam kesa loma nakha danta taco mamsam nharu atthi atthiminjam vakkam hadayam yakanam kilomakam pihakam papphasam antam antagunam udariyam karisam yam va panannampi atthi ajjhattam paccattam kakkhalam kharigatam kakkhalattam kakkhalabhavo ajjhattam upadinnam ayam vuccati ajjhattika pathavidhatu . tattha katama bahira pathavidhatu yam bahiram kakkhalam kharigatam kakkhalattam kakkhalabhavo bahiddha anupadinnam--------------------------------------------------------------------------------------------- page102.
Seyyathidam ayo loham tipu sisam sajjhu mutta mani veluriyo sankho sila pavalam rajatam jatarupam lohitango masaragallam tinam kattham sakkhara kathala bhumi pasano pabbato yam va panannampi atthi bahiram kakkhalam kharigatam kakkhalattam kakkhalabhavo bahiddha anupadinnam ayam vuccati bahira pathavidhatu . ya ca ajjhattika pathavidhatu ya ca bahira pathavidhatu tadekajjham abhisannuhitva abhisankhipitva ayam vuccati pathavidhatu. [116] Tattha katama apodhatu apodhatudvayam atthi ajjhattika atthi bahira . tattha katama ajjhattika apodhatu yam ajjhattam paccattam apo apogatam sneho snehagatam bandhanattam rupassa ajjhattam upadinnam seyyathidam pittam semham pubbo lohitam sedo medo assu vasa khelo singhanika lasika muttam yam va panannampi atthi ajjhattam paccattam apo apogatam sneho snehagatam bandhanattam rupassa ajjhattam upadinnam ayam vuccati ajjhattika apodhatu . tattha katama bahira apodhatu yam bahiram apo apogatam senho snehagatam bandhanattam rupassa bahiddha anupadinnam seyyathidam mularaso khandharaso tacaraso pattaraso puppharaso phalaraso khiram dadhi sappi navanitam telam madhu phanitam bhummani va udakani antalikkhani va yam va panannampi atthi bahiram apo apogatam sneho snehagatam bandhanattam rupassa bahiddha--------------------------------------------------------------------------------------------- page103.
Anupadinnam ayam vuccati bahira apodhatu . ya ca ajjhattika apodhatu ya ca bahira apodhatu tadekajjham abhisannuhitva abhisankhipitva ayam vuccati apodhatu. [117] Tattha katama tejodhatu tejodhatudvayam atthi ajjhattika atthi bahira . tattha katama ajjhattika tejodhatu yam ajjhattam paccattam tejo tejogatam usma usmagatam usumam usumagatam ajjhattam upadinnam seyyathidam yena ca santappati yena ca jirati yena ca paridayhati yena ca asitapitakhayitasayitam samma parinamam gacchati yam va panannampi atthi ajjhattam paccattam tejo tejogatam usma usmagatam usumam usumagatam ajjhattam upadinnam ayam vuccati ajjhattika tejodhatu. {117.1} Tattha katama bahira tejodhatu yam bahiram tejo tejogatam usma usmagatam usumam usumagatam bahiddha anupadinnam seyyathidam katthaggi sakalikaggi tinaggi gomayaggi thusaggi sankaraggi indaggi aggisantapo suriyasantapo katthasannicayasantapo tinasannicayasantapo dhannasannicayasantapo bhasmasannicayasantapo yam va panannampi atthi bahiram tejo tejogatam usma usmagatam usumam usumagatam bahiddha anupadinnam ayam vuccati bahira tejodhatu . ya ca ajjhattika tejodhatu ya ca bahira tejodhatu tadekajjham abhisannuhitva abhisankhipitva ayam vuccati tejodhatu.--------------------------------------------------------------------------------------------- page104.
[118] Tattha katama vayodhatu vayodhatudvayam atthi ajjhattika atthi bahira . tattha katama ajjhattika vayodhatu yam ajjhattam paccattam vayo vayogatam thambhitattam rupassa ajjhattam upadinnam seyyathidam uddhangama vata adhogama vata kucchisaya vata kotthasaya vata angamanganusarino vata satthakavata khurakavata uppalakavata assaso passaso yam va panannampi atthi ajjhattam paccattam vayo vayogatam thambhitattam rupassa ajjhattam upadinnam ayam vuccati ajjhattika vayodhatu. {118.1} Tattha katama bahira vayodhatu yam bahiram vayo vayogatam thambhitattam rupassa bahiddha anupadinnam seyyathidam puratthima vata pacchima vata uttara vata dakkhina vata saraja vata araja vata sita vata unha vata paritta vata adhimatta vata kala vata verambhavata pakkhavata supannavata talavantavata vidhupanavata yam va panannampi atthi bahiram vayo vayogatam thambhitattam rupassa bahiddha anupadinnam ayam vuccati bahira vayodhatu . ya ca ajjhattika vayodhatu ya ca bahira vayodhatu tadekajjham abhisannuhitva abhisankhipitva ayam vuccati vayodhatu. [119] Tattha katama akasadhatu akasadhatudvayam atthi ajjhattika atthi bahira . tattha katama ajjhattika akasadhatu--------------------------------------------------------------------------------------------- page105.
Yam ajjhattam paccattam akaso akasagatam agham aghagatam vivaro vivaragatam asamphuttham mamsalohitehi ajjhattam upadinnam seyyathidam kannacchiddam nasacchiddam mukhadvaram yena ca asitapitakhayitasayitam ajjhoharati yattha ca asitapitakhayitasayitam santitthati yena ca asitapitakhayitasayitam adhobhagam nikkhamati yam va panannampi atthi ajjhattam paccattam akaso akasagatam agham aghagatam vivaro vivaragatam asamphuttham mamsalohitehi ajjhattam upadinnam ayam vuccati ajjhattika akasadhatu . tattha katama bahira akasadhatu yam bahiram akaso akasagatam agham aghagatam vivaro vivaragatam asamphuttham catuhi mahabhutehi bahiddha anupadinnam ayam vuccati bahira akasadhatu . Ya ca ajjhattika akasadhatu ya ca bahira akasadhatu tadekajjham abhisannuhitva abhisankhipitva ayam vuccati akasadhatu. [120] Tattha katama vinnanadhatu cakkhuvinnanadhatu sotavinnanadhatu ghanavinnanadhatu jivhavinnanadhatu kayavinnanadhatu manovinnanadhatu ayam vuccati vinnanadhatu. Ima cha dhatuyo. [121] Aparapi cha dhatuyo sukhadhatu dukkhadhatu somanassadhatu domanassadhatu upekkhadhatu avijjadhatu . tattha katama sukhadhatu yam kayikam satam kayikam sukham kayasamphassajam satam sukham vedayitam kayasamphassaja sata sukha vedana ayam vuccati sukhadhatu . tattha--------------------------------------------------------------------------------------------- page106.
Katama dukkhadhatu yam kayikam asatam kayikam dukkham kayasamphassajam asatam dukkham vedayitam kayasamphassaja asata dukkha vedana ayam vuccati dukkhadhatu . tattha katama somanassadhatu yam cetasikam satam cetasikam sukham cetosamphassajam satam sukham vedayitam cetosamphassaja sata sukha vedana ayam vuccati somanassadhatu. {121.1} Tattha katama domanassadhatu yam cetasikam asatam cetasikam dukkham cetosamphassajam asatam dukkham vedayitam cetosamphassaja asata dukkha vedana ayam vuccati domanassadhatu . tattha katama upekkhadhatu yam cetasikam neva satam nasatam cetosamphassajam adukkhamasukham vedayitam cetosamphassaja adukkhamasukha vedana ayam vuccati upekkhadhatu . Tattha katama avijjadhatu yam annanam adassanam .pe. 1- avijjalangi moho akusalamulam ayam vuccati avijjadhatu. Ima cha dhatuyo. [122] Aparapi cha dhatuyo kamadhatu byapadadhatu vihimsadhatu nekkhammadhatu abyapadadhatu avihimsadhatu . tattha katama kamadhatu kamapatisamyutto takko vitakko sankappo appana byappana cetaso abhiniropana micchasankappo ayam vuccati kamadhatu hetthato avicinirayam pariyantam karitva uparito paranimmitavasavatti deve anto karitva yam etasmim antare etthavacara ettha pariyapanna khandhadhatuayatana rupam vedana sanna sankhara vinnanam ayam @Footnote: 1 [300] dhammasanganiyam oloketabbam.--------------------------------------------------------------------------------------------- page107.
Vuccati kamadhatu . tattha katama byapadadhatu byapadapatisamyutto takko vitakko .pe. micchasankappo ayam vuccati byapadadhatu dasasu va aghatavatthusu cittassa aghato patighato patigham pativirodho kopo pakopo sampakopo doso padoso sampadoso cittassa byapatti manopadoso kodho kujjhana kujjhitattam doso dusana dusitattam byapatti byapajjana byapajjitattam virodho pativirodho candikkam asuropo anattamanata cittassa ayam vuccati byapadadhatu. {122.1} Tattha katama vihimsadhatu vihimsapatisamyutto takko vitakko .pe. micchasankappo ayam vuccati vihimsadhatu idhekacco panina va ledduna va dandena va satthena va rajjuya va annatarannatarena satte vihetheti ya evarupa hethana vihethana himsana vihimsana rosana virosana parupaghato ayam vuccati vihimsadhatu. {122.2} Tattha katama nekkhammadhatu nekkhammapatisamyutto takko vitakko .pe. sammasankappo ayam vuccati nekkhammadhatu sabbepi kusala dhamma nekkhammadhatu . tattha katama abyapadadhatu abyapadapatisamyutto takko vitakko .pe. sammasankappo ayam vuccati abyapadadhatu ya sattesu metti mettayana mettayitattam mettacetovimutti ayam vuccati abyapadadhatu . tattha katama avihimsadhatu avihimsapatisamyutto takko vitakko sankappo appana byappana cetaso abhiniropana sammasankappo ayam vuccati--------------------------------------------------------------------------------------------- page108.
Avihimsadhatu ya sattesu karuna karunayana karunayitattam karunacetovimutti ayam vuccati avihimsadhatu. Ima cha dhatuyo. [123] Iti imani tini chakkani tadekajjham abhisannuhitva abhisankhipitva attharasa dhatuyo honti. Suttantabhajaniyam.The Pali Tipitaka in Roman Character Volume 35 page 101-108. https://84000.org/tipitaka/read/roman_read.php?B=35&A=2068&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=35&A=2068&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=35&item=114&items=10 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=35&siri=11 Study Atthakatha :- https://84000.org/tipitaka/attha/attha.php?b=35&i=114 The Pali Atthakatha in Thai :- https://84000.org/tipitaka/atthapali/read_th.php?B=54&A=1401 The Pali Atthakatha in Roman :- https://84000.org/tipitaka/atthapali/read_rm.php?B=54&A=1401 Contents of The Tipitaka Volume 35 https://84000.org/tipitaka/read/?index_35 https://84000.org/tipitaka/english/?index_35
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]