PaliRoman Vol.35

[835] Tattha katama chasu abhinnasu panna iddhividhe nanam sotadhatuvisuddhiya nanam paracitte nanam pubbenivasanussatinanam sattanam cutupapate nanam asavanam khaye nanam ima chasu abhinnasu panna. Evam chabbidhena nanavatthu. @Footnote: ¹ annattha ...niggayhavaritappattotipi dissati.

--------------------------------------------------------------------------------------------- page453.

[836] Tattha katamani sattasattari nanavatthuni . jatipaccaya jaramarananti nanam asati jatiya natthi jaramarananti nanam atitampi addhanam jatipaccaya jaramarananti nanam asati jatiya natthi jaramarananti nanam anagatampi addhanam jatipaccaya jaramarananti nanam asati jatiya natthi jaramarananti nanam yampissa tam dhammatthitinanam tampi khayadhammam vayadhammam viragadhammam nirodhadhammanti nanam . bhavapaccaya jatiti nanam .pe. upadanapaccaya bhavoti nanam .pe. tanhapaccaya upadananti nanam .pe. vedanapaccaya tanhati nanam .pe. phassapaccaya vedanati nanam .pe. salayatanapaccaya phassoti nanam .pe. namarupapaccaya salayatananti nanam .pe. vinnanapaccaya namarupanti nanam .pe. sankharapaccaya vinnananti nanam .pe. avijjapaccaya sankharati nanam asati avijjaya natthi sankharati nanam atitampi addhanam avijjapaccaya sankharati nanam asati avijjaya natthi sankharati nanam anagatampi addhanam avijjapaccaya sankharati nanam asati avijjaya natthi sankharati nanam yampissa tam dhammatthitinanam tampi khayadhammam vayadhammam viragadhammam nirodhadhammanti nanam . Imani sattasattari nanavatthuni. Evam sattavidhena nanavatthu. [837] Tattha katama catusu maggesu catusu phalesu panna sotapattimagge panna sotapattiphale panna sakadagamimagge

--------------------------------------------------------------------------------------------- page454.

Panna sakadagamiphale panna anagamimagge panna anagamiphale panna arahattamagge panna arahattaphale panna ima catusu maggesu catusu phalesu panna. Evam atthavidhena nanavatthu. [838] Tattha katama navasu anupubbaviharasamapattisu panna pathamajjhanasamapattiya panna dutiyajjhanasamapattiya panna tatiyajjhanasamapattiya panna catutthajjhanasamapattiya panna akasanancayatanasamapattiya panna vinnanancayatanasamapattiya panna akincannayatanasamapattiya panna nevasanna- nasannayatanasamapattiya panna sannavedayitanirodha- samapattiyavutthitassa paccavekkhanananam ima navasu anupubbaviharasamapattisu panna. Evam navavidhena nanavatthu. [839] Tattha katamam tathagatassa thananca thanato atthananca atthanato yathabhutam nanam . idha tathagato atthanametam anavakaso yam ditthisampanno puggalo kanci sankharam niccato upagaccheyya netam thanam vijjatiti pajanati thananca kho etam vijjati yam puthujjano kanci sankharam niccato upagaccheyya thanametam vijjatiti pajanati . Atthanametam anavakaso yam ditthisampanno puggalo kanci sankharam sukhato upagaccheyya netam thanam vijjatiti pajanati thananca kho etam vijjati yam puthujjano kanci sankharam sukhato upagaccheyya thanametam vijjatiti pajanati. {839.1} Atthanametam anavakaso yam ditthisampanno

--------------------------------------------------------------------------------------------- page455.

Puggalo kanci dhammam attato upagaccheyya netam thanam vijjatiti pajanati thananca kho etam vijjati yam puthujjano kanci dhammam attato upagaccheyya thanametam vijjatiti pajanati . Atthanametam anavakaso yam ditthisampanno puggalo mataram jivita voropeyya netam thanam vijjatiti pajanati thananca kho etam vijjati yam puthujjano mataram jivita voropeyya thanametam vijjatiti pajanati. {839.2} Atthanametam anavakaso yam ditthisampanno puggalo pitaram jivita voropeyya .pe. arahantam jivita voropeyya .pe. Dutthena cittena tathagatassa lohitam uppadeyya .pe. sangham bhindeyya .pe. Annam sattharam uddiseyya .pe. atthamam bhavam nibbatteyya netam thanam vijjatiti pajanati thananca kho etam vijjati yam puthujjano atthamam bhavam nibbatteyya thanametam vijjatiti pajanati. {839.3} Atthanametam anavakaso yam ekissa lokadhatuya dve arahanto sammasambuddha apubbam acarimam uppajjeyyum netam thanam vijjatiti pajanati thananca kho etam vijjati yam ekissa lokadhatuya eko araham sammasambuddho uppajjeyya thanametam vijjatiti pajanati. Atthanametam anavakaso yam ekissa lokadhatuya dve rajano cakkavattino apubbam acarimam uppajjeyyum netam thanam vijjatiti pajanati thananca kho etam vijjati yam ekissa lokadhatuya eko raja cakkavatti uppajjeyya thanametam vijjatiti pajanati . atthanametam

--------------------------------------------------------------------------------------------- page456.

Anavakaso yam itthi araham assa sammasambuddho netam thanam vijjatiti pajanati thananca kho etam vijjati yam puriso araham assa sammasambuddho thanametam vijjatiti pajanati . atthanametam anavakaso yam itthi raja assa cakkavatti netam thanam vijjatiti pajanati thananca kho etam vijjati yam puriso raja assa cakkavatti thanametam vijjatiti pajanati. {839.4} Atthanametam anavakaso yam itthi sakkattam kareyya marattam kareyya brahmattam kareyya netam thanam vijjatiti pajanati thananca kho etam vijjati yam puriso sakkattam kareyya marattam kareyya brahmattam kareyya thanametam vijjatiti pajanati. {839.5} Atthanametam anavakaso yam kayaduccaritassa ittho kanto manapo vipako nibbatteyya netam thanam vijjatiti pajanati thananca kho etam vijjati yam kayaduccaritassa anittho akanto amanapo vipako nibbatteyya thanametam vijjatiti pajanati. {839.6} Atthanametam anavakaso yam vaciduccaritassa yam manoduccaritassa ittho kanto manapo vipako nibbatteyya netam thanam vijjatiti pajanati thananca kho etam vijjati yam vaciduccaritassa yam manoduccaritassa anittho akanto amanapo vipako nibbatteyya thanametam vijjatiti pajanati. {839.7} Atthanametam anavakaso yam kayasucaritassa anittho akanto amanapo vipako nibbatteyya netam thanam vijjatiti pajanati thananca kho etam vijjati yam kayasucaritassa ittho kanto manapo vipako

--------------------------------------------------------------------------------------------- page457.

Nibbatteyya thanametam vijjatiti pajanati. {839.8} Atthanametam anavakaso yam vacisucaritassa yam manosucaritassa anittho akanto amanapo vipako nibbatteyya netam thanam vijjatiti pajanati thananca kho etam vijjati yam vacisucaritassa yam manosucaritassa ittho kanto manapo vipako nibbatteyya thanametam vijjatiti pajanati. {839.9} Atthanametam anavakaso yam kayaduccaritasamangi tannidanam tappaccaya kayassa bheda param marana sugatim saggam lokam upapajjeyya netam thanam vijjatiti pajanati thananca kho etam vijjati yam kayaduccaritasamangi tannidanam tappaccaya kayassa bheda param marana apayam duggatim vinipatam nirayam upapajjeyya thanametam vijjatiti pajanati. {839.10} Atthanametam anavakaso yam vaciduccaritasamangi yam manoduccaritasamangi tannidanam tappaccaya kayassa bheda param marana sugatim saggam lokam upapajjeyya netam thanam vijjatiti pajanati thananca kho etam vijjati yam vaciduccaritasamangi yam manoduccaritasamangi tannidanam tappaccaya kayassa bheda param marana apayam duggatim vinipatam nirayam upapajjeyya thanametam vijjatiti pajanati. {839.11} Atthanametam anavakaso yam kayasucaritasamangi tannidanam tappaccaya kayassa bheda param marana apayam duggatim vinipatam nirayam upapajjeyya netam thanam vijjatiti pajanati thananca kho etam vijjati yam kayasucaritasamangi tannidanam tappaccaya kayassa bheda param marana sugatim saggam lokam upapajjeyya

--------------------------------------------------------------------------------------------- page458.

Thanametam vijjatiti pajanati. {839.12} Atthanametam anavakaso yam vacisucaritasamangi yam manosucaritasamangi tannidanam tappaccaya kayassa bheda param marana apayam duggatim vinipatam nirayam upapajjeyya netam thanam vijjatiti pajanati thananca kho etam vijjati yam vacisucaritasamangi yam manosucaritasamangi tannidanam tappaccaya kayassa bheda param marana sugatim saggam lokam upapajjeyya thanametam vijjatiti pajanati . ye ye dhamma yesam yesam dhammanam hetu paccaya uppadaya tam tam thanam ye ye dhamma yesam yesam dhammanam na hetu na paccaya uppadaya tam tam atthananti ya tattha panna pajanana .pe. amoho dhammavicayo sammaditthi idam tathagatassa thananca thanato atthananca atthanato yathabhutam nanam. [840] Tattha katamam tathagatassa atitanagatapaccuppannanam kammasamadananam thanaso hetuso vipakam yathabhutam nanam . idha tathagato pajanati atthekaccani papakani kammasamadanani gatisampattipatibalhani na vipacanti atthekaccani papakani kammasamadanani upadhisampattipatibalhani na vipacanti atthekaccani papakani kammasamadanani kalasampattipatibalhani na vipacanti atthekaccani papakani kammasamadanani payogasampattipatibalhani na vipacanti atthekaccani papakani kammasamadanani gativipattim agamma vipacanti atthekaccani papakani kammasamadanani upadhivipattim agamma vipacanti

--------------------------------------------------------------------------------------------- page459.

Atthekaccani papakani kammasamadanani kalavipattim agamma vipacanti atthekaccani papakani kammasamadanani payogavipattim agamma vipacanti atthekaccani kalyanani kammasamadanani gativipattipatibalhani na vipacanti atthekaccani kalyanani kammasamadanani upadhivipattipatibalhani na vipacanti atthekaccani kalyanani kammasamadanani kalavipattipatibalhani na vipacanti atthekaccani kalyanani kammasamadanani payogavipattipatibalhani na vipacanti atthekaccani kalyanani kammasamadanani gatisampattim agamma vipacanti atthekaccani kalyanani kammasamadanani upadhisampattim agamma vipacanti atthekaccani kalyanani kammasamadanani kalasampattim agamma vipacanti atthekaccani kalyanani kammasamadanani payogasampattim agamma vipacantiti . Ya tattha panna pajanana .pe. amoho dhammavicayo sammaditthi idam tathagatassa atitanagatapaccuppannanam kammasamadananam thanaso hetuso vipakam yathabhutam nanam. [841] Tattha katamam tathagatassa sabbatthagaminim patipadam yathabhutam nanam . idha tathagato ayam maggo ayam patipada nirayagaminiti pajanati ayam maggo ayam patipada tiracchanagaminiti pajanati ayam maggo ayam patipada pittivisayagaminiti pajanati ayam maggo ayam patipada manussalokagaminiti pajanati ayam maggo ayam patipada devalokagaminiti pajanati ayam maggo ayam patipada nibbanagaminiti

--------------------------------------------------------------------------------------------- page460.

Pajanati . ya tattha panna pajanana .pe. amoho dhammavicayo sammaditthi idam tathagatassa sabbatthagaminim patipadam yathabhutam nanam. [842] Tattha katamam tathagatassa anekadhatum nanadhatum lokam yathabhutam nanam . idha tathagato khandhananattam pajanati ayatanananattam pajanati dhatunanattam pajanati anekadhatum nanadhatum lokam pajanati . ya tattha panna pajanana .pe. amoho dhammavicayo sammaditthi idam tathagatassa anekadhatum nanadhatum lokam yathabhutam nanam. [843] Tattha katamam tathagatassa sattanam nanadhimuttikatam yathabhutam nanam . idha tathagato pajanati santi satta hinadhimuttika santi satta panitadhimuttika hinadhimuttika satta hinadhimuttike satte sevanti bhajanti payirupasanti panitadhimuttika satta panitadhimuttike satte sevanti bhajanti payirupasanti atitampi addhanam hinadhimuttika satta hinadhimuttike satte sevimsu bhajimsu payirupasimsu panitadhimuttika satta panitadhimuttike satte sevimsu bhajimsu payirupasimsu anagatampi addhanam hinadhimuttika satta hinadhimuttike satte sevissanti bhajissanti payirupasissanti panitadhimuttika satta panitadhimuttike satte sevissanti bhajissanti payirupasissantiti . ya tattha panna pajanana .pe. amoho dhammavicayo sammaditthi idam tathagatassa sattanam nanadhimuttikatam yathabhutam nanam.

--------------------------------------------------------------------------------------------- page461.

[844] Tattha katamam tathagatassa parasattanam parapuggalanam indriyaparopariyattam yathabhutam nanam . idha tathagato sattanam asayam pajanati anusayam pajanati caritam pajanati adhimuttim pajanati apparajakkhe maharajakkhe tikkhindriye mudindriye svakare dvakare suvinnapaye duvinnapaye bhabbabhabbe satte pajanati . katamo ca sattanam asayo sassato lokoti va asassato lokoti va antava lokoti va anantava lokoti va tam jivam tam sariranti va annam jivam annam sariranti va hoti tathagato parammaranati va na hoti tathagato parammaranati va hoti ca na ca hoti tathagato parammaranati va neva hoti na na hoti tathagato parammaranati va iti bhavaditthisannissita va satta honti vibhavaditthisannissita va ete va pana ubho ante anupagamma idappaccayatapaticcasamuppannesu dhammesu anulomika khanti patiladdha hoti yathabhutam va nanam ayam sattanam asayo. {844.1} Katamo ca sattanam anusayo sattanusaya kamaraganusayo patighanusayo mananusayo ditthanusayo vicikicchanusayo bhavaraganusayo avijjanusayo yam loke piyarupam satarupam ettha sattanam raganusayo anuseti yam loke appiyarupam asatarupam ettha sattanam patighanusayo anuseti iti imesu dvisu dhammesu avijja anupatita tadekattho mano ca ditthi ca vicikiccha ca datthabba ayam sattanam anusayo. Katamam ca sattanam caritam punnabhisankharo

--------------------------------------------------------------------------------------------- page462.

Apunnabhisankharo anenjabhisankharo parittabhumako va mahabhumako va idam sattanam caritam. {844.2} Katama ca sattanam adhimutti santi satta hinadhimuttika santi satta panitadhimuttika hinadhimuttika satta hinadhimuttike satte sevanti bhajanti payirupasanti panitadhimuttika satta panitadhimuttike satte sevanti bhajanti payirupasanti atitampi addhanam hinadhimuttika satta hinadhimuttike satte sevimsu bhajimsu payirupasimsu panitadhimuttika satta panitadhimuttike satte sevimsu bhajimsu payirupasimsu anagatampi addhanam hinadhimuttika satta hinadhimuttike satte sevissanti bhajissanti payirupasissanti panitadhimuttika satta panitadhimuttike satte sevissanti bhajissanti payirupasissanti ayam sattanam adhimutti. {844.3} Katame te satta maharajakkha dasa kilesavatthuni lobho doso moho mano ditthi vicikiccha thinam uddhaccam ahirikam anottappam yesam sattanam imani dasa kilesavatthuni asevitani bhavitani bahulikatani ussadagatani ime te satta maharajakkha. {844.4} Katame te satta apparajakkha yesam sattanam imani dasa kilesavatthuni anasevitani abhavitani abahulikatani anussadagatani ime te satta apparajakkha. {844.5} Katame te satta mudindriya pancindriyani saddhindriyam viriyindriyam satindriyam samadhindriyam pannindriyam yesam sattanam imani pancindriyani anasevitani abhavitani abahulikatani anussadagatani

--------------------------------------------------------------------------------------------- page463.

Ime te satta mudindriya. {844.6} Katame te satta tikkhindriya yesam sattanam imani pancindriyani asevitani bhavitani bahulikatani ussadagatani ime te satta tikkhindriya. {844.7} Katame te satta dvakara ye te satta papasaya papanusaya papacarita papadhimuttika maharajakkha mudindriya ime te satta dvakara. {844.8} Katame te satta svakara ye te satta kalyanasaya kalyanacarita kalyanadhimuttika apparajakkha tikkhindriya ime te satta svakara. {844.9} Katame te satta duvinnapaya ye ca te satta dvakara teva te satta duvinnapaya ye ca te satta svakara teva te satta suvinnapaya. {844.10} Katame te satta abhabba ye te satta kammavaranena samannagata kilesavaranena samannagata vipakavaranena samannagata assaddha acchandika duppanna abhabba niyamam okkamitum kusalesu dhammesu sammattam ime te satta abhabba. {844.11} Katame te satta bhabba ye te satta na kammavaranena samannagata na kilesavaranena samannagata na vipakavaranena samannagata saddha chandika pannavanto bhabba niyamam okkamitum kusalesu dhammesu sammattam ime te satta bhabbati ya tattha panna pajanana .pe. amoho dhammavicayo sammaditthi idam tathagatassa parasattanam parapuggalanam indriyaparopariyattam yathabhutam nanam. [845] Tattha katamam tathagatassa jhanavimokkhasamadhisamapattinam

--------------------------------------------------------------------------------------------- page464.

Sankilesam vodanam vutthanam yathabhutam nanam . jhayiti cattaro jhayi atthekacco jhayi sampattimyeva samanam vipattiti pacceti atthekacco jhayi vipattimyeva samanam sampattiti pacceti atthekacco jhayi sampattimyeva samanam sampattiti pacceti atthekacco jhayi vipattimyeva samanam vipattiti pacceti ime cattaro jhayi. {845.1} Aparepi cattaro jhayi atthekacco jhayi dandham samapajjati khippam vutthati atthekacco jhayi khippam samapajjati dandham vutthati atthekacco jhayi dandham samapajjati dandham vutthati atthekacco jhayi khippam samapajjati khippam vutthati ime cattaro jhayi. {845.2} Aparepi cattaro jhayi atthekacco jhayi samadhismim samadhikusalo hoti na samadhismim samapattikusalo atthekacco jhayi samadhismim samapattikusalo hoti na samadhismim samadhikusalo atthekacco jhayi samadhismim samadhikusalo ca hoti samadhismim samapattikusalo ca atthekacco jhayi neva samadhismim samadhikusalo hoti na samadhismim samapattikusalo ime cattaro jhayi . jhananti cattari jhanani pathamam jhanam dutiyam jhanam tatiyam jhanam catuttham jhanam. {845.3} Vimokkhoti attha vimokkha rupi rupani passati ayam pathamo vimokkho ajjhattam arupasanni bahiddha rupani passati ayam dutiyo vimokkho subhantveva adhimutto hoti ayam tatiyo vimokkho sabbaso rupasannanam samatikkama patighasannanam atthangama nanattasannanam amanasikara

--------------------------------------------------------------------------------------------- page465.

Ananto akasoti akasanancayatanam upasampajja viharati ayam catuttho vimokkho sabbaso akasanancayatanam samatikkamma anantam vinnananti vinnanancayatanam upasampajja viharati ayam pancamo vimokkho sabbaso vinnanancayatanam samatikkamma natthi kinciti akincannayatanam upasampajja viharati ayam chattho vimokkho sabbaso akincannayatanam samatikkamma nevasannanasannayatanam upasampajja viharati ayam sattamo vimokkho sabbaso nevasannanasannayatanam samatikkamma sannavedayitanirodham upasampajja viharati ayam atthamo vimokkho. {845.4} Samadhiti tayo samadhi savitakkasavicaro samadhi avitakkavicaramatto samadhi avitakkaavicaro samadhi. {845.5} Samapattiti nava anupubbaviharasamapattiyo pathamajjhanasamapatti dutiyajjhanasamapatti tatiyajjhanasamapatti catutthajjhanasamapatti akasanancayatanasamapatti vinnanancayatanasamapatti akincannayatanasamapatti nevasannanasannayatanasamapatti sannavedayitanirodhasamapatti. {845.6} Sankilesanti hanabhagiyo dhammo . vodananti visesabhagiyo dhammo . vutthananti vodanampi vutthanam tamha tamha samadhimha vutthanampi vutthananti ya tattha panna pajanana .pe. amoho dhammavicayo sammaditthi idam tathagatassa jhanavimokkha- samadhisamapattinam sankilesam vodanam vutthanam yathabhutam nanam. [846] Tattha katamam tathagatassa pubbenivasanussatim yathabhutam

--------------------------------------------------------------------------------------------- page466.

Nanam . idha tathagato anekavihitam pubbenivasam anussarati seyyathidam ekampi jatim dvepi jatiyo tissopi jatiyo catassopi jatiyo pancapi jatiyo dasapi jatiyo visampi jatiyo timsampi jatiyo cattalisampi jatiyo pannasampi jatiyo jatisatampi jatisahassampi jatisatasahassampi anekepi samvattakappe anekepi vivattakappe anekepi samvattavivattakappe amutrasim evamnamo evamgotto evamvanno evamaharo evamsukhadukkhapatisamvedi evamayupariyanto so tato cuto amutra udapadim tatrapasim evamnamo evamgotto evamvanno evamaharo evamsukhadukkhapatisamvedi evamayupariyanto so tato cuto idhupapannoti iti sakaram sauddesam anekavihitam pubbenivasam anussarati . ya tattha panna pajanana .pe. amoho dhammavicayo sammaditthi . idam tathagatassa pubbenivasanussatim yathabhutam nanam. [847] Tattha katamam tathagatassa sattanam cutupapatam nanam . Idha tathagato dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati ime vata bhonto satta kayaduccaritena samannagata vaciduccaritena samannagata manoduccaritena samannagata ariyanam upavadaka micchaditthika micchaditthikammasamadana te kayassa bheda parammarana apayam duggatim vinipatam

--------------------------------------------------------------------------------------------- page467.

Nirayam upapanna ime va pana bhonto satta kayasucaritena samannagata vacisucaritena samannagata manosucaritena samannagata ariyanam anupavadaka sammaditthika sammaditthikammasamadana te kayassa bheda parammarana sugatim saggam lokam upapannati iti dibbena cakkhuna visuddhena atikkantamanusakena satte passati cavamane upapajjamane hine panite suvanne dubbanne sugate duggate yathakammupage satte pajanati . ya tattha panna pajanana .pe. amoho dhammavicayo sammaditthi idam tathagatassa sattanam cutupapatam yathabhutam nanam. [848] Tattha katamam tathagatassa asavanam khayam yathabhutam nanam. Idha tathagato asavanam khaya anasavam cetovimuttim pannavimuttim dittheva dhamme sayam abhinna sacchikatva upasampajja viharati . ya tattha panna pajanana .pe. amoho dhammavicayo sammaditthi idam tathagatassa asavanam khayam yathabhutam nananti. Nanavibhango samatto. ----------