|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 37 : PALI ROMAN Sutta Pitaka Vol 29 : Abhi. Kathāvatthu
Kukkulakatha [639] Sabbe sankhara anodhimkatva kukkulati . amanta. Nanu atthi sukha vedana kayikam sukham cetasikam sukham dibbam sukham manusakam sukham labhasukham sakkarasukham yanasukham sayanasukham issariyasukham adhipaccasukham gihisukham samannasukham sasavam sukham anasavam sukham upadhisukham nirupadhisukham samisam sukham niramisam sukham sappitikam sukham nippitikam sukham jhanasukham vimuttisukham kamasukham nekkhammasukham pavivekasukham upasamasukham sambodhasukhanti . Amanta . hanci atthi sukha vedana .pe. sambodhasukham no vata re vattabbe sabbe sankhara anodhimkatva kukkulati. [640] Sabbe sankhara anodhimkatva kukkulati . amanta. Sabbe sankhara dukkha vedana kayikam dukkham cetasikam dukkham sokaparidevadukkhadomanassaupayasati. Na hevam vattabbe .pe. [641] Na vattabbam sabbe sankhara anodhimkatva kukkulati . Amanta . nanu vuttam bhagavata sabbam bhikkhave adittam kinca bhikkhave sabbam adittam cakkhum bhikkhave adittam rupa aditta--------------------------------------------------------------------------------------------- page231.
Cakkhuvinnanam adittam cakkhusamphasso aditto yampidam cakkhusamphassapaccaya uppajjati vedayitam sukham va dukkham va adukkhamasukham va tampi adittam kena adittam adittam ragaggina dosaggina mohaggina adittam jatiya jaramaranena sokehi paridevehi dukkhehi domanassehi upayasehi adittanti vadami sotam adittam sadda aditta .pe. ghanam adittam gandha aditta .pe. jivha aditta rasa aditta .pe. kayo aditto photthabba aditta .pe. mano aditto dhamma aditta manovinnanam adittam manosamphasso aditto yampidam manosamphassapaccaya uppajjati vedayitam sukham va dukkham va adukkhamasukham va tampi adittam kena adittam adittam ragaggina dosaggina mohaggina adittam jatiya jaramaranena sokehi paridevehi dukkhehi domanassehi upayasehi adittanti vadamiti 1- attheva suttantoti . amanta . tena hi sabbe sankhara anodhimkatva kukkulati. [642] Sabbe sankhara anodhimkatva kukkulati . amanta. Nanu vuttam bhagavata pancime bhikkhave kamaguna katame panca cakkhuvinneyya rupa ittha kanta manapa piyarupa kamupasanhita rajaniya sotavinneyya sadda .pe. ghanavinneyya gandha .pe. Jivhavinneyya rasa .pe. kayavinneyya photthabba ittha @Footnote: 1 vi. Ma. 1. 65.--------------------------------------------------------------------------------------------- page232.
Kanta manapa piyarupa kamupasanhita rajaniya ime kho bhikkhave panca kamagunati 1- attheva suttantoti . amanta . tena hi na vattabbam sabbe sankhara anodhimkatva kukkulati. [643] Na vattabbam sabbe sankhara anodhimkatva kukkulati . Amanta . nanu vuttam bhagavata labha vo bhikkhave suladdham vo bhikkhave khano vo patividdho brahmacariyavasaya dittha maya bhikkhave chaphassayatanika nama niraya tattha yam kinci cakkhuna rupam passati anittharupanneva passati no ittharupam akantarupanneva passati no kantarupam amanaparupanneva passati no manaparupam yam kinci sotena saddam sunati .pe. ghanena gandham ghayati .pe. jivhaya rasam sayati .pe. kayena photthabbam phusati .pe. Manasa dhammam vijanati anittharupanneva vijanati no ittharupam akantarupanneva vijanati no kantarupam amanaparupanneva vijanati no manaparupanti attheva suttantoti . amanta . tena hi sabbe sankhara anodhimkatva kukkulati. [644] Sabbe sankhara anodhimkatva kukkulati . amanta. Nanu vuttam bhagavata labha vo bhikkhave suladdham vo bhikkhave khano vo patividdho brahmacariyavasaya dittha maya bhikkhave chaphassayatanika nama sagga tattha yam kinci cakkhuna rupam passati @Footnote: 1 sam. salayatana. 291. am. navaka. 119. khu. cu. 292.--------------------------------------------------------------------------------------------- page233.
Ittharupanneva passati no anittharupam kantarupanneva passati no akantarupam manaparupanneva passati no amanaparupam yam kinci sotena saddam sunati .pe. ghanena gandham ghayati .pe. jivhaya rasam sayati .pe. kayena photthabbam phusati .pe. manasa dhammam vijanati ittharupanneva vijanati no anittharupam kantarupanneva vijanati no akantarupam manaparupanneva vijanati no amanaparupanti 1- attheva suttantoti . amanta . tena hi na vattabbam sabbe sankhara anodhimkatva kukkulati. [645] Na vattabbam sabbe sankhara anodhimkatva kukkulati . Amanta . nanu yadaniccam tam dukkham vuttam bhagavata sabbe sankhara aniccati . amanta . hanci yadaniccam tam dukkham vuttam bhagavata sabbe sankhara anicca tena vata re vattabbe sabbe sankhara anodhimkatva kukkulati. [646] Sabbe sankhara anodhimkatva kukkulati . amanta. Danam anitthaphalam akantaphalam amanunnaphalam secanakaphalam dukkhudrayam dukkhavipakanti . na hevam vattabbe .pe. silam .pe. uposatho .pe. bhavana .pe. brahmacariyam anitthaphalam akantaphalam amanunnaphalam secanakaphalam dukkhudrayam dukkhavipakanti . na hevam vattabbe .pe. Nanu danam itthaphalam kantaphalam manunnaphalam asecanakaphalam sukhudrayam @Footnote: 1 sam. salayatana. 159.--------------------------------------------------------------------------------------------- page234.
Sukhavipakanti . amanta . hanci danam itthaphalam kantaphalam manunnaphalam asecanakaphalam sukhudrayam sukhavipakam no vata re vattabbe sabbe sankhara anodhimkatva kukkulati . nanu silam .pe. uposatho .pe. bhavana .pe. brahmacariyam itthaphalam kantaphalam manunnaphalam asecanakaphalam sukhudrayam sukhavipakanti . amanta . hanci brahmacariyam itthaphalam kantaphalam manunnaphalam asecanakaphalam sukhudrayam sukhavipakam no vata re vattabbe sabbe sankhara anodhimkatva kukkulati. [647] Sabbe sankhara anodhimkatva kukkulati . amanta. Nanu vuttam bhagavata sukho viveko tutthassa sutadhammassa passato abyapajjham sukham loke panabhutesu sannamo 1- sukha viragata loke kamanam samatikkamo asmimanassa [2]- vinayo etam ve paramam sukham 3- tam sukhena sukham pattam accantam sukhameva tam tisso vijja anuppatta etam ve paramam sukhanti attheva suttantoti . amanta . tena hi na vattabbam sabbe sankhara anodhimkatva kukkulati. Kukkulakatha. @Footnote: 1 Ma. samyamo. [2] Ma. etthantare yoti patho atthi. 3 khu. u. 86.The Pali Tipitaka in Roman Character Volume 37 page 230-234. https://84000.org/tipitaka/read/roman_read.php?B=37&A=4640&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=37&A=4640&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=37&item=639&items=9 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=37&siri=37 Study Atthakatha :- https://84000.org/tipitaka/attha/attha.php?b=37&i=639 The Pali Atthakatha in Thai :- https://84000.org/tipitaka/atthapali/read_th.php?B=55&A=4166 The Pali Atthakatha in Roman :- https://84000.org/tipitaka/atthapali/read_rm.php?B=55&A=4166 Contents of The Tipitaka Volume 37 https://84000.org/tipitaka/read/?index_37 https://84000.org/tipitaka/english/?index_37
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]