|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)
[35] Athakho bhagava vassam vuttho bhikkhu amantesi mayham kho bhikkhave yoniso manasikara yoniso sammappadhana anuttara vimutti anuppatta anuttara vimutti sacchikata tumhepi bhikkhave yoniso manasikara yoniso sammappadhana anuttaram vimuttim anupapunatha anuttaram vimuttim sacchikarothati. Athakho maro papima yena bhagava tenupasankami upasankamitva bhagavantam gathaya ajjhabhasi baddhosi marapasehi ye dibba ye ca manusa marabandhanabaddhosi 2- na me samana mokkhasiti. Muttoham marapasehi ye dibba ye ca manusa @Footnote: 1 Ma. oharetva . 2 Ma. Yu. mahabandhanabaddhosi.--------------------------------------------------------------------------------------------- page43.
Marabandhanamuttomhi 1- nihato tvamasi antakati. Athakho maro papima janati mam bhagava janati mam sugatoti dukkhi dummano tatthevantaradhayi 2-. [36] Athakho bhagava baranasiyam yathabhirantam viharitva yena uruvela tena carikam pakkami . athakho bhagava magga okkamma yena annataro vanasando tenupasankami upasankamitva tam vanasandam ajjhogahetva annatarasmim rukkhamule nisidi. Tena kho pana samayena timsamatta bhaddavaggiya sahayaka sapajapatika tasmim 3- vanasande paricarenti . ekassa pajapati nahosi . tassatthaya vesi anita ahosi . athakho sa vesi tesu pamattesu paricarentesu bhandam adaya palayittha. {36.1} Athakho te sahayaka sahayakassa veyyavaccam karonta tam itthim gavesanta tam vanasandam ahindanta addasamsu bhagavantam annatarasmim rukkhamule nisinnam disvana yena bhagava tenupasankamimsu upasankamitva bhagavantam etadavocum api bhante bhagava itthim 4- passeyyati . kim pana vo kumara itthiyati . idha mayam bhante timsamatta bhaddavaggiya sahayaka sapajapatika imasmim vanasande paricarayimha 5- ekassa pajapati nahosi tassatthaya vesi anita ahosi athakho sa bhante vesi amhesu pamattesu paricarentesu bhandam @Footnote: 1 Ma. Yu. mahabandhanamuttomhi . 2 Po. -dhayiti . 3 Yu. tasmimyeva . 4 Ma. Yu. @Ra. ekam itthim . 5 Po. Ma. paricarimha.--------------------------------------------------------------------------------------------- page44.
Adaya palayittha tena 1- mayam bhante sahayaka sahayakassa veyyavaccam karonta tam itthim gavesanta imam vanasandam ahindamati . tam kim mannatha vo kumara katamam nu kho tumhakam varam yam va tumhe itthim gaveseyyatha yam va attanam gaveseyyathati . etadeva bhante amhakam varam yam mayam attanam gaveseyyamati . tenahi vo kumara nisidatha dhammam vo desessamiti . evam bhanteti kho te bhaddavaggiya sahayaka bhagavantam abhivadetva ekamantam nisidimsu . tesam bhagava anupubbikatham kathesi seyyathidam danakatham silakatham saggakatham kamanam adinavam okaram sankilesam nekkhamme anisamsam pakasesi. {36.2} Yada te bhagava annasi kallacitte muducitte vinivaranacitte udaggacitte pasannacitte atha ya buddhanam samukkamsika dhammadesana tam pakasesi dukkham samudayam nirodham maggam . Seyyathapi nama suddham vattham apagatakalakam sammadeva rajanam patigganheyya evameva tesam tasmimyevasane virajam vitamalam dhammacakkhum udapadi yankinci samudayadhammam sabbantam nirodhadhammanti . te ditthadhamma pattadhamma viditadhamma pariyogalhadhamma tinnavicikiccha vigatakathamkatha vesarajjappatta aparappaccaya satthu sasane bhagavantam etadavocum labheyyama mayam bhante bhagavato santike pabbajjam labheyyama upasampadanti . etha bhikkhavoti bhagava avoca svakkhato dhammo @Footnote: 1 Po. Ma. te.--------------------------------------------------------------------------------------------- page45.
Caratha brahmacariyam samma dukkhassa antakiriyayati . sa va tesam ayasmantanam upasampada ahosi. Bhaddavaggiyasahayakanam vatthu nitthitam. Dutiyabhanavaram. -------The Pali Tipitaka in Roman Character Volume 4 page 42-45. https://84000.org/tipitaka/read/roman_read.php?B=4&A=848&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=4&A=848&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=4&item=35&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=4&siri=15 Study Atthakatha :- https://84000.org/tipitaka/attha/attha.php?b=4&i=35 The Pali Atthakatha in Thai :- https://84000.org/tipitaka/atthapali/read_th.php?B=3&A=541 The Pali Atthakatha in Roman :- https://84000.org/tipitaka/atthapali/read_rm.php?B=3&A=541 Contents of The Tipitaka Volume 4 https://84000.org/tipitaka/read/?index_4 https://84000.org/tipitaka/english/?index_4
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]