ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
     ThaiVersion   McuVersion   PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter
TIPITAKA Volume 5 : PALI ROMAN Vinaya Pitaka Vol 5 : Vinaya. Mahā (2)

     [64]  Assosum  kho  manussa  bhagavata  kira  bhikkhunam  yagu  [2]-
anunnata   madhugolakancati  .  te  kalasseva  bhojjayagum  3-  [4]-
patiyadenti  madhugolakanca  .  bhikkhu  kalasseva  bhojjayaguya  5- dhata
madhugolakena  ca  bhattagge  na cittarupam bhunjanti 6-. Tena kho pana samayena
annatarena    tarunappasannena    mahamattena    svatanaya   buddhappamukho
bhikkhusangho  7-  nimantito  hoti. Athakho tassa tarunappasannassa mahamattassa
etadahosi     yannunaham    addhatelasannam    bhikkhusatanam    addhatelasani
mamsapatisatani     patiyadeyyam     ekamekassa     bhikkhuno    ekamekam
mamsapatim upanameyyanti.
     {64.1}   Athakho  so  tarunappasanno  mahamatto  tassa  rattiya
accayena    panitam   khadaniyam   bhojaniyam   patiyadapetva   addhatelasani
ca   mamsapatisatani   bhagavato  kalam  arocapesi  kalo  bhante  nitthitam
bhattanti   .   athakho  bhagava  pubbanhasamayam  nivasetva  pattacivaramadaya
yena    tassa    tarunappasannassa    mahamattassa   nivesanam   tenupasankami
upasankamitva pannatte asane nisidi saddhim bhikkhusanghena.
     {64.2}    Athakho   so   tarunappasanno   mahamatto   bhattagge
bhikkhu   parivisati   .   bhikkhu   evamahamsu   thokam   avuso  dehi  thokam
avuso   dehiti   .   ma   kho   tumhe   bhante  ayam  tarunappasanno
@Footnote: 1 Po. Yu. etasmim pakaraneti pathadvayam na dissati. 2-4 Po. ca. 3 Si. bhojjam
@yagum. 5 Si. bhojjaya yaguya. 6 Ma. paribhunjanti. 7 Si. sangho.
Mahamattoti    thokam    thokam   patigganhatha   1-   bahum   me   khadaniyam
bhojaniyam    patiyattam    addhatelasani    ca   mamsapatisatani   ekamekassa
bhikkhuno   ekamekam   mamsapatim   upanamessami   2-  patigganhatha  bhante
yavadatthanti   .   na   kho   mayam   avuso   etamkarana  thokam  thokam
patigganhama     apica     mayam    kalasseva    bhojjayaguya    dhata
madhugolakena  ca  tena  mayam  thokam  thokam  patigganhamati  .  athakho  so
tarunappasanno   mahamatto   ujjhayati   khiyati   vipaceti  katham  hi  nama
bhaddanta   4-   maya   nimantita   annassa   bhojjayagum  paribhunjissanti
na  caham  patibalo  yavadattham  datunti  kupito anattamano asadanapekkho
bhikkhunam patte purento agamasi bhunjatha va haratha vati.
     {64.3}   Athakho   so   tarunappasanno   mahamatto   buddhappamukham
bhikkhusangham    panitena   khadaniyena   bhojaniyena   sahattha   santappetva
sampavaretva   bhagavantam   bhuttavim   onitapattapanim  ekamantam  nisidi .
Ekamantam   nisinnam   kho   tam   tarunappasannam   mahamattam  bhagava  dhammiya
kathaya    sandassetva    samadapetva   samuttejetva   sampahamsetva
utthayasana pakkami.
     {64.4}     Athakho     tassa     tarunappasannassa    mahamattassa
acirapakkantassa    bhagavato    ahudeva    kukkuccam    ahu    vippatisaro
alabha  vata  me  na  vata  me   labha  dulladdham  vata  me  na vata me
suladdham       yoham      kupito      anattamano      asadanapekkho
@Footnote: 1 Si. patiganhittha. 2 Ma. Yu. upanamessamiti. 3 Po. karanam. 4 Si.
@bhadanta.
Bhikkhunam    patte    purento    agamasim   bhunjatha   va   haratha   vati
kinnu   kho   maya   bahum   pasutam   punnam  va  apunnam  vati  .  athakho
so     tarunappasanno     mahamatto    yena    bhagava    tenupasankami
upasankamitva     bhagavantam     abhivadetva    ekamantam    nisidi   .
Ekamantam     nisinno     kho     so     tarunappasanno    mahamatto
bhagavantam     etadavoca     idha     mayham     bhante    acirapakkantassa
bhagavato    ahudeva    kukkuccam    ahu    vippatisaro    alabha   vata
me   na   vata   me   labha  dulladdham  vata  me  na  vata  me  suladdham
yoham     kupito    anattamano    asadanapekkho    bhikkhunam    patte
purento   agamasim   bhunjatha   va   haratha   vati   kinnu   kho   maya
bahum    pasutam    punnam    va    apunnam    vati    kinnu   kho   maya
bhante bahum pasutam punnam va apunnam vati.
     {64.5}   Yadaggena   taya   avuso   svatanaya   buddhappamukho
bhikkhusangho    1-    nimantito    tadaggena   te   bahum   punnam   pasutam
yadaggena    te   ekamekena   bhikkhuna   ekamekam   sittham   patiggahitam
tadaggena    te   bahum   punnam   pasutam   sagga   te   araddhati  .
Athakho   so   tarunappasanno   mahamatto   labha   kira   me   suladdham
kira   me   bahum   kira  maya  punnam  pasutam  sagga  kira  me  araddhati
hattho      udaggo      utthayasana      bhagavantam     abhivadetva
padakkhinam    katva   pakkami   .   athakho   bhagava   etasmim   nidane
etasmim         pakarane         bhikkhusangham         sannipatapetva
@Footnote: 1 Si. sangho.
Bhikkhu    patipucchi    saccam   kira   bhikkhave   bhikkhu   annatra   nimantita
annassa   bhojjayagum   paribhunjantiti   .   saccam   bhagavati   .   vigarahi
buddho   bhagava   katham   hi   nama   te   bhikkhave  moghapurisa  annatra
nimantita    annassa    bhojjayagum    paribhunjissanti    netam    bhikkhave
appasannanam   va   pasadaya   .pe.   vigarahitva   dhammim  katham  katva
bhikkhu    amantesi    na    bhikkhave    annatra   nimantitena   annassa
bhojjayagu      paribhunjitabba      yo     paribhunjeyya     yathadhammo
karetabboti.



             The Pali Tipitaka in Roman Character Volume 5 page 79-82. https://84000.org/tipitaka/read/roman_read.php?B=5&A=1642&modeTY=2              Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=1642&modeTY=2              Compare with The Royal Version of Thai Tipitaka :- https://84000.org/tipitaka/read/byitem.php?book=5&item=64&items=1              Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=16              Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ROMAN letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]