PaliRoman Vol.5

[156] Tena kho pana samayena bhikkhu panitani bhojanani bhunjitva mutthassati asampajana niddam okkamanti . tesam mutthassatinam asampajananam niddam okkamantanam supinantena asuci muccati senasanam asucina makkhiyati . athakho bhagava ayasmata anandena pacchasamanena senasanacarikam ahindanto addasa @Footnote: ¹ Ma. dadatippamodita. Yu. atipamodita. ² Ma. Yu. dibbam sa labhate ayum. @³ Ma. visakhabhanavaro nitthito.

--------------------------------------------------------------------------------------------- page215.

Senasanam asucina makkhitam disvana ayasmantam anandam amantesi kimetam ananda senasanam makkhitanti . etarahi bhante bhikkhu panitani bhojanani bhunjitva mutthassati asampajana niddam okkamanti tesam mutthassatinam asampajananam niddam okkamantanam supinantena asuci muccati tayidam bhagava senasanam asucina makkhitanti . Evametam ananda evametam ananda muccati hi ananda tesam mutthassatinam asampajananam niddam okkamantanam supinantena asuci ye te ananda bhikkhu upatthitassati sampajana niddam okkamanti tesam asuci na muccati yepi te ananda puthujjana kamesu vitaraga tesam asuci na muccati atthanametam ananda anavakaso yam arahato asuci mucceyyati. {156.1} Athakho bhagava etasmim nidane etasmim pakarane dhammim katham katva bhikkhu amantesi idhaham bhikkhave anandena pacchasamanena senasanacarikam ahindanto addasam senasanam asucina makkhitam disvana anandam amantesi kimetam ananda senasanam makkhitanti etarahi bhante bhikkhu panitani bhojanani bhunjitva mutthassati asampajana niddam okkamanti tesam mutthassatinam asampajananam niddam okkamantanam supinantena asuci muccati tayidam bhagava senasanam asucina makkhitanti evametam ananda evametam ananda muccati hi ananda tesam ^1- mutthassatinam asampajananam niddam okkamantanam @Footnote: ¹ Po. Ma. ayam patho natthi.

--------------------------------------------------------------------------------------------- page216.

Supinantena asuci ye te ananda bhikkhu upatthitassati sampajana niddam okkamanti tesam asuci na muccati yepi te ananda puthujjana kamesu vitaraga tesam ^1- asuci na muccati atthanametam ananda anavakaso yam arahato asuci mucceyyati. {156.2} Pancime bhikkhave adinava mutthassatissa asampajanassa niddam okkamato ^2- dukkham supati dukkham patibujjhati papakam supinam passati devata na rakkhanti asuci muccati ime kho bhikkhave panca adinava mutthassatissa asampajanassa niddam okkamato. {156.3} Pancime bhikkhave anisamsa upatthitassatissa sampajanassa niddam okkamato ^3- sukham supati sukham patibujjhati na papakam supinam passati devata rakkhanti asuci na muccati ime kho bhikkhave panca anisamsa upatthitassatissa sampajanassa niddam okkamato . anujanami bhikkhave kayaguttiya civaraguttiya senasanaguttiya nisidananti . Tena kho pana samayena atikhuddakam nisidanam na sabbam senasanam gopeti ^4- . bhagavato etamattham arocesum . anujanami bhikkhave yavamahantam paccattharanam akankhati tavamahantam paccattharanam katunti. [157] Tena kho pana samayena ayasmato anandassa upajjhayassa ayasmato velatthasisassa thullakacchabadho hoti . tassa lasikaya civarani kaye lagganti . tani bhikkhu udakena temetva temetva apakaddhanti . athakho ^5- bhagava senasanacarikam ahindanto @Footnote: ¹ Ma. tesampi. 2-3 Po. Yu. okkamayato. ⁴ Ma. samgopeti. ⁵ Po. Ma. @addasa kho. Yu. addasakho.

--------------------------------------------------------------------------------------------- page217.

Te bhikkhu tani civarani udakena temetva temetva apakaddhante disvana yena te bhikkhu tenupasankami upasankamitva te bhikkhu etadavoca kim imassa bhikkhave bhikkhuno abadhoti . imassa bhante ayasmato thullakacchabadho lasikaya civarani kaye lagganti tani mayam udakena temetva temetva apakaddhamati . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave yassa kandu va pilaka va assavo va thullakaccha va abadho kandupaticchadinti. [158] Athakho visakha migaramata mukhapunchanacolam ^1- adaya yena bhagava tenupasankami upasankamitva bhagavantam abhivadetva ekamantam nisidi . ekamantam nisinna kho visakha migaramata bhagavantam etadavoca patigganhatu me bhante ^[2]- mukhapunchanacolam yam mama assa digharattam hitaya sukhayati . patiggahesi bhagava mukhapunchanacolam . athakho bhagava visakham migaramataram dhammiya kathaya sandassesi samadapesi samuttejesi sampahamsesi. {158.1} Athakho visakha migaramata bhagavata dhammiya kathaya sandassita samadapita samuttejita sampahamsita utthayasana bhagavantam abhivadetva padakkhinam katva pakkami . athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave mukhapunchanacolanti ^3-. @Footnote: ¹ Yu. mukhapunchanacolakam. ² Ma. Yu. bhagava. ³ Ma. Yu. mukhapunchanacolakanti.

The Pali Tipitaka in Roman Character Volume 5 page 214-217. https://84000.org/tipitaka/read/roman_read.php?B=5&A=4444&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=4444&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=156&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=40 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5