PaliRoman Vol.5

[240] Tena kho pana samayena ukkhittanuvattaka bhikkhu tattheva antosimaya uposatham karonti sanghakammam karonti . ukkhepaka pana bhikkhu nissimam gantva uposatham karonti sanghakammam karonti . athakho annataro ukkhepako bhikkhu yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho so bhikkhu bhagavantam etadavoca te bhante ukkhittanuvattaka bhikkhu tattheva antosimaya uposatham karonti sanghakammam karonti mayam pana bhante ukkhepaka bhikkhu nissimam gantva uposatham karoma sanghakammam karomati. {240.1} Te ce bhikkhu ukkhittanuvattaka bhikkhu tattheva antosimaya uposatham karissanti sanghakammam karissanti yatha maya natti ca anussavana ca pannatta tesam tani kammani dhammikani bhavissanti akuppani thanarahani . tumhe ce bhikkhu ukkhepaka bhikkhu tattheva antosimaya uposatham karissatha sanghakammam karissatha yatha maya natti ca anussavana ca pannatta tumhakampi tani kammani dhammikani bhavissanti akuppani thanarahani. Tam kissa hetu . nanasamvasaka te ^1- bhikkhu tumhehi tumhe ca tehi nanasamvasaka . dvema bhikkhu nanasamvasakabhumiyo @Footnote: ¹ Ma. Yu. ete. Attana va attanam nanasamvasakam karoti samagto va nam sangho ukkhipati adassane va appatikamme va appatinissagge va ima kho bhikkhu dve nanasamvasakabhumiyo. {240.2} Dvema bhikkhu samanasamvasakabhumiyo attana va attanam samanasamvasakam ^1- karoti samaggo va nam sangho ukkhittam osareti adassane va appatikamme va appatinissagge va ima kho bhikkhu dve samanasamvasakabhumiyoti.

The Pali Tipitaka in Roman Character Volume 5 page 319-320. https://84000.org/tipitaka/read/roman_read.php?B=5&A=6609&modeTY=2 Compare with The Pali Tipitaka in Thai Character :- https://84000.org/tipitaka/read/pali_read.php?B=5&A=6609&modeTY=2 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=240&items=1 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=59 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5