PaliRoman Vol.6

[555] Dve bhikkhu sanghadisesam apanna honti te sanghadisese sanghadisesaditthino honti eko chadeti eko na chadeti . Yo chadeti so dukkatam desapetabbo . yathapaticchanne cassa parivasam datva ubhinnampi manattam databbam. [556] Dve bhikkhu sanghadisesam apanna honti te sanghadisese vematika honti eko chadeti eko na chadeti . Yo chadeti so dukkatam desapetabbo . yathapaticchanne cassa parivasam datva ubhinnampi manattam dadabbam. [557] Dve bhikkhu sanghadisesam apanna honti te sanghadisese missakaditthino honti eko chadeti eko na chadeti . yo chadeti so dukkatam desapetabbo . Yathapaticchanne cassa parivasam datva ubhinnampi manattam databbam. [558] Dve bhikkhu missakam apanna honti te missake sanghadisesaditthino honti eko chadeti eko na chadeti . Yo chadeti so dukkatam desapetabbo . yathapaticchanne cassa parivasam datva ubhinnampi manattam databbam.

--------------------------------------------------------------------------------------------- page280.

[559] Dve bhikkhu missakam apanna honti te missake missakaditthino honti eko chadeti eko na chadeti . Yo chadeti so dukkatam desapetabbo . yathapaticchanne cassa parivasam datva ubhinnampi manattam databbam. [560] Dve bhikkhu suddhakam apanna honti te suddhake sanghadisesaditthino honti eko chadeti eko na chadeti . Yo chadeti so dukkatam desapetabbo . ubhopi yathadhammam karapetabba. [561] Dve bhikkhu suddhakam apanna honti te suddhake suddhakaditthino honti eko chadeti eko na chadeti . Yo chadeti so dukkatam desapetabbo . ubhopi yathadhammam karapetabba. [562] Dve bhikkhu sanghadisesam apanna honti te sanghadisese sanghadisesaditthino honti ekassa hoti arocessamiti . ekassa hoti narocessamiti ^1- . So pathamampi yamam chadeti dutiyampi yamam chadeti tatiyampi yamam chadeti utthite ^2- arune channa hoti apatti . yo chadeti so dukkatam desapetabbo . yathapaticchanne cassa parivasam datva @Footnote: ¹ Ma. Yu. na arocessamiti . ² Yu. uddhate. evamuparipi.

--------------------------------------------------------------------------------------------- page281.

Ubhinnampi manattam databbam. [563] Dve bhikkhu sanghadisesam apanna honti te sanghadisese sanghadisesaditthino honti te gacchanti arocessamati. Ekassa antaramagge makkhadhammo uppajjati na arocessamiti . so pathamampi yamam chadeti dutiyampi yamam chadeti tatiyampi yamam chadeti utthite arune channa hoti apatti . yo chadeti so dukkatam desapetabbo . Yathapaticchanne cassa parivasam datva ubhinnampi manattam databbam. [564] Dve bhikkhu sanghadisesam apanna honti te sanghadisese sanghadisesaditthino honti . te ummattaka honti . Te paccha anummattaka hutva eko chadeti eko na chadeti . yo chadeti so dukkatam desapetabbo . Yathapaticchanne cassa parivasam datva ubhinnampi manattam databbam. [565] Dve bhikkhu sanghadisesam apanna honti te patimokkhe uddissamane evam vadenti idaneva kho mayam janama ayampi kira dhammo suttagato suttapariyapanno anvaddhamasam uddesam agacchatiti . te sanghadisese sanghadisesaditthino honti . Eko chadeti eko na chadeti . yo chadeti so dukkatam desapetabbo . yathapaticchanne cassa parivasam datva ubhinnampi manattam databbam.

The Pali Tipitaka in Roman Character Volume 6 page 279-281. https://84000.org/tipitaka/read/roman_read.php?B=6&A=5681&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=5681&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=6&item=555&items=11 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=42 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6