PaliRoman Vol.6

[611] Tena kho pana samayena bhikkhu sanghamajjhe bhandanajata kalahajata vivadapanna annamannam mukhasattihi vitudenta viharanti na sakkonti tam adhikaranam vupasametum . te bhikkhu bhagavato etamattham arocesum . anujanami bhikkhave evarupam adhikaranam yebhuyyasikaya vupasametum . pancahangehi samannagato bhikkhu salakagahapako sammannitabbo yo na chandagatim gaccheyya na dosagatim gaccheyya na mohagatim gaccheyya na bhayagatim gaccheyya gahitagahitanca janeyya . evanca pana bhikkhave sammannitabbo . pathamam bhikkhu yacitabbo yacitva byattena bhikkhuna patibalena sangho napetabbo sunatu me bhante sangho yadi sanghassa pattakallam sangho itthannamam bhikkhum salakagahapakam sammanneyya . @Footnote: ¹ Ma. ama avuso.

--------------------------------------------------------------------------------------------- page325.

Esa natti . sunatu me bhante sangho sangho itthannamam bhikkhum salakagahapakam sammannati . yassayasmato khamati itthannamassa bhikkhuno salakagahapakassa sammati so tunhassa yassa nakkhamati so bhaseyya . sammato sanghena itthannamo bhikkhu salakagahapako khamati sanghassa tasma tunhi. Evametam dharayamiti. [612] Dasayime bhikkhave adhammika salakagaha dasa dhammika ^1-. Katame dasa adhammika salakagaha . oramattakanca adhikaranam hoti na ca gatigatam hoti na ca saritasaritam hoti janati adhammavadi bahutarati appevanama adhammavadi bahutara assuti janati sangho bhijjissatiti appevanama sangho bhijjeyyati adhammena ganhanti vagga ganhanti na ca yathaditthiya ganhanti ime dasa adhammika salakagaha. [613] Katame dasa dhammika salakagaha . na ca oramattakam adhikaranam hoti gatigatanca hoti saritasaritanca hoti janati dhammavadi bahutarati appevanama dhammavadi bahutara assuti janati sangho na bhijjissatiti appevanama sangho na bhijjeyyati dhammena ganhanti samagga ganhanti yathaditthiya ca ganhanti ime dasa dhammika salakagahati.

The Pali Tipitaka in Roman Character Volume 6 page 324-325. https://84000.org/tipitaka/read/roman_read.php?B=6&A=6607&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=6&A=6607&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=6&item=611&items=3 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=6&siri=51 Contents of The Tipitaka Volume 6 https://84000.org/tipitaka/read/?index_6 https://84000.org/tipitaka/english/?index_6