PaliRoman Vol.7

[189] Tena kho pana samayena bhikkhu arame taham taham passavam karonti . aramo dussati . bhagavato etamattham arocesum .pe. Anujanami bhikkhave ekamantam passavam katunti . aramo duggandho hoti .pe. anujanami bhikkhave passavakumbhinti . dukkham nisinna passavam karonti .pe. anujanami bhikkhave passavapadukanti . Passavapaduka pakata honti . bhikkhu hiriyanti passavam katum .pe. anujanami bhikkhave parikkhipitum tayo pakare itthakapakaram silapakaram darupakaranti . passavakumbhi aparuta duggandha hoti .pe. Anujanami bhikkhave apidhananti. [190] Tena kho pana samayena bhikkhu arame taham taham vaccam karonti . aramo dussati .pe. bhagavato etamattham arocesum

--------------------------------------------------------------------------------------------- page74.

.pe. Anujanami bhikkhave ekamantam vaccam katunti . aramo duggandho hoti .pe. anujanami bhikkhave vaccakupanti . vaccakupassa kulam lujjati .pe. anujanami bhikkhave cinitum tayo caye itthakacayam silacayam darucayanti . vaccakupo nicavatthuko hoti . udakena otthariyati .pe. anujanami bhikkhave uccavatthukam katunti . Cayo paripatati .pe. anujanami bhikkhave cinitum tayo caye itthakacayam silacayam darucayanti . arohanta vihannanti .pe. Anujanami bhikkhave tayo sopane itthakasopanam silasopanam darusopananti . arohanta paripatanti .pe. anujanami bhikkhave alambanabahanti . ante nisinna vaccam karonta paripatanti .pe. anujanami bhikkhave santharitva majjhe chiddam katva vaccam katunti . dukkham nisinna vaccam karonti .pe. Anujanami bhikkhave vaccapadukanti . bahiddha passavam karonti .pe. Anujanami bhikkhave passavadonikanti . avalekhanakattham na hoti .pe. anujanami bhikkhave avalekhanakatthanti . avalekhanapitharo ^1- na hoti .pe. anujanami bhikkhave avalekhanapitharanti . vaccakupo aparuto duggandho hoti .pe. Anujanami bhikkhave apidhananti. [191] Tena kho pana samayena bhikkhu ajjhokase vaccam karonta sitenapi unhenapi kilamanti . te bhikkhu bhagavato @Footnote: ¹ Yu. pidharo

--------------------------------------------------------------------------------------------- page75.

Etamattham arocesum .pe. anujanami bhikkhave vaccakutinti . Vaccakutiya kavatam na hoti .pe. anujanami bhikkhave kavatam pitthasanghatam udukkhalikam uttarapasakam aggalavattim kapisisakam sucikam ghatikam talacchiddam avinchanacchiddam avinchanarajjunti . vaccakutiya tinacunnam paripatati .pe. anujanami bhikkhave ogumbetva ^1- ullittavalittam katum setavannam kalavannam gerukaparikammam malakammam latakammam makaradantakam pancapatthikam civaravamsam civararajjunti. [192] Tena kho pana samayena annataro bhikkhu jaradubbalo vaccam katva vutthahanto paripatati . te bhikkhu ^2- bhagavato etamattham arocesum .pe. Anujanami bhikkhave olambakanti. [193] Tena kho pana samayena vaccakuti ^3- aparikkhitta hoti. Te bhikkhu bhagavato etamattham arocesum . Anujanami bhikkhave parikkhipitum tayo pakare itthakapakaram silapakaram darupakaranti. [194] Kotthako na hoti .pe. Anujanami bhikkhave kotthakanti. Kotthako nicavatthuko hoti .pe. anujanami bhikkhave uccavatthukam katunti . cayo paripatati .pe. anujanami bhikkhave cinitum tayo caye itthakacayam silacayam darucayanti . arohanta vihannanti .pe. anujanami bhikkhave tayo posane itthakasopanam silasopanam darusopananti . arohanta paripatanti .pe. Anujanami bhikkhave alambanabahanti . kotthakassa kavatam @Footnote: ¹ Ma. Yu. ogumphetva ² Ma. Yu. te bhikkhuti pathadvayam na dissati. @³ Ma. vaccakuti.

--------------------------------------------------------------------------------------------- page76.

Na hoti .pe. anujanami bhikkhave kavatam pitthasanghatam udukkhalikam uttarapasakam aggalavattim kapisisakam sucikam ghatikam talacchiddam avinchanacchiddam avinchanarajjunti . kotthake tinacunnam paripatati .pe. anujanami bhikkhave ogumbetva ullitavalittam katum setavannam kalavannam gerukaparikammam malakammam latakammam makaradantakam pancapatthikanti . parivenam cikkhallam hoti .pe. anujanami bhikkhave marumbam pakiritunti . na pariyapunanti .pe. anujanami bhikkhave padarasilam ^1- nikkhipitunti . udakam santitthati .pe. anujanami bhikkhave udakaniddhamananti . acamanakumbhi na hoti .pe. anujanami bhikkhave acamanakumbhinti . acamanasaravako na hoti .pe. anujanami bhikkhave acamanasaravakanti . dukkham nisinna acamenti .pe. Anujanami bhikkhave acamanapadukanti . acamanapaduka pakata hoti . bhikkhu hiriyanti acametum .pe. anujanami bhikkhave parikkhipitum tayo pakare itthakapakaram silapakaram darupakaranti. Acamanakumbhi aparuta hoti . tinacunnehipi pamsukehipi okiriyati .pe. Anujanami bhikkhave apidhananti.

The Pali Tipitaka in Roman Character Volume 7 page 73-76. https://84000.org/tipitaka/read/roman_read.php?B=7&A=1443&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=1443&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=189&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=24 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7