PaliRoman Vol.7

[72] Tena kho pana samayena antaramagge udakam akappiyam hoti . parissavanam na hoti . bhagavato etamattham arocesum . @Footnote: ¹ Ma. amsabaddha .... ² Yu. kayabandhane.

--------------------------------------------------------------------------------------------- page28.

Anujanami bhikkhave parissavananti . colakam nappahoti .pe. Anujanami bhikkhave katacchuparissavananti . colakam nappahoti . Bhagavato etamattham arocesum. Anujanami bhikkhave dhammakarakanti. [73] Tena kho pana samayena dve bhikkhu kosalesu janapadesu addhanamaggapatipanna honti . eko bhikkhu anacaram acarati . Dutiyo bhikkhu tam bhikkhum etadavoca ma avuso evarupamakasi netam kappatiti . so tasmim upanaddhi ^1- . athakho so bhikkhu pipasaya pilito upanaddham ^2- bhikkhum etadavoca dehi me avuso parissavanam paniyam pivissamiti . upanaddho ^3- bhikkhu na adasi . So bhikkhu pipasaya pilito kalamakasi . athakho so bhikkhu aramam gantva bhikkhunam etamattham arocesi . kim pana tvam avuso parissavanam yaciyamano na adasiti . evamavusoti . Ye te bhikkhu appiccha .pe. te ujjhayanti khiyanti vipacenti katham hi nama bhikkhu parissavanam yaciyamano na dassatiti . athakho te bhikkhu bhagavato etamattham arocesum. [74] Athakho bhagava etasmim nidane etasmim pakarane bhikkhusangham sannipatapetva tam bhikkhum patipucchi saccam kira tvam bhikkhu parissavanam yaciyamano na adasiti . saccam bhagavati . vigarahi buddho bhagava ananucchavikam ^4- te moghapurisa ananulomikam appatirupam @Footnote: ¹ Ma. Yu. Ra. upanandhi. ² Ma. Yu. Ra. upanandham. ³ Ma. Yu. Ra. upanandhi. @⁴ Yu. ananucchariyam.

--------------------------------------------------------------------------------------------- page29.

Assamanakam akappiyam akaraniyam katham hi nama tvam moghapurisa parissavanam yaciyamano na dassasi netam moghapurisa appasannanam va pasadaya .pe. vigarahitva dhammim katham katva bhikkhu amantesi na bhikkhave addhana- maggapatipannena bhikkhuna parissavanam yaciyamanena na databbam yo na dadeyya apatti dukkatassa na ca bhikkhave aparissavanakena addhanamaggo ^1- patipajjitabbo yo patipajjeyya apatti dukkatassa sace na hoti parissavanam va dhammakarako va sanghatikannopi adhitthatabbo imina parissavetva pivissamiti. [75] Athakho bhagava anupubbena carikancaramano yena vesali tadavasari. Tatra sudam bhagava vesaliyam viharati mahavane kutagarasalayam. [76] Tena kho pana samayena bhikkhu navakammam karonti. Parissavanam na sammati . bhagavato etamattham arocesum . anujanami bhikkhave dandaparissavananti . dandaparissavanam na sammati . bhagavato etamattham arocesum. Anujanami bhikkhave ottharikanti ^2- [77] Tena kho pana samayena bhikkhu makasehi ubbalha honti. Bhagavato etamattham arocesum. Anujanami bhikkhave makasakutikanti.

The Pali Tipitaka in Roman Character Volume 7 page 27-29. https://84000.org/tipitaka/read/roman_read.php?B=7&A=529&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=529&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=72&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=8 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7