PaliRoman Vol.7

[528] Tena kho pana samayena bhikkhuhi ^2- bhikkhuninam kammam na @Footnote: ¹ Ma. byuhepi. Yu. vayuhepi. ² Ma. Yu. Ra. bhikkhuhiti patho natthi.

--------------------------------------------------------------------------------------------- page334.

Kariyati .pe. te bhikkhu bhagavato etamattham arocesum .pe. Anujanami bhikkhave bhikkhuninam kammam katunti . athakho bhikkhunam etadahosi kena nu kho bhikkhuninam kammam katabbanti . te bhikkhu bhagavato etamattham arocesum . anujanami bhikkhave bhikkhuhi bhikkhuninam kammam katunti. [529] Tena kho pana samayena katakamma bhikkhuniyo rathiyapi viyuhepi singhatakepi bhikkhum passitva pattam bhumiyam nikkhipitva ekamsam uttarasangam karitva ukkutikam nisiditva anjalim paggahetva khamapenti evam puna na ^1- katabbanti mannamana . manussa tatheva ujjhayanti khiyanti vipacenti jayayo ima imesam jariyo ima imesam rattim vimanetva idani khamapentiti . te bhikkhu bhagavato etamattham arocesum . na bhikkhave bhikkhuhi bhikkhuninam kammam katabbam yo kareyya apatti dukkatassa anujanami bhikkhave bhikkhunihi bhikkhuninam kammam katunti . bhikkhuniyo na jananti evampi kammam katabbanti . te bhikkhu bhagavato etamattham arocesum . anujanami bhikkhave bhikkhuhi bhikkhuninam acikkhitum evam kammam kareyyathati. [530] Tena kho pana samayena bhikkhuniyo sanghamajjhe bhandanajata kalahajata vivadapanna annamannam mukhasattihi vitudanta viharanti na sakkonti tam adhikaranam vupasametum .pe. te bhikkhu @Footnote: ¹ Ma. Yu. evam nuna.

--------------------------------------------------------------------------------------------- page335.

Bhagavato etamattham arocesum . anujanami bhikkhave bhikkhuhi bhikkhuninam adhikaranam vupasametunti. [531] Tena kho pana samayena bhikkhu bhikkhuninam adhikaranam vupasamenti . tasmim kho pana adhikarane vinicchiyamane dissanti bhikkhuniyo kammappattayopi apattigaminiyopi . bhikkhuniyo evamahamsu sadhu bhante ayya va bhikkhuninam kammam karontu ayya va bhikkhuninam apattim patigganhantu evam hi bhagavata pannattam bhikkhuhi bhikkhuninam adhikaranam vupasametabbanti . te bhikkhu bhagavato etamattham arocesum . anujanami bhikkhave bhikkhuhi bhikkhuninam kammam aropetva bhikkhuninam niyyadetum bhikkhunihi bhikkhuninam kammam katum bhikkhuhi bhikkhuninam apattim aropetva bhikkhuninam niyyadetum bhikkhunihi bhikkhuninam apattim patiggahetunti. [532] Tena kho pana samayena uppalavannaya bhikkhuniya antevasini bhikkhuni satta vassani bhagavantam anubandha ^1- hoti vinayam pariyapunanti . tassa mutthassatiniya gahito gahito mussati . assosi kho sa bhikkhuni bhagava kira savatthim gantukamoti. Athakho tassa bhikkhuniya etadahosi aham kho satta vassani bhagavantam anubandhim ^1- vinayam pariyapunanti tassa me mutthassatiniya gahito gahito mussati dukkaram kho pana matugamena yavajivam @Footnote: ¹ Yu. anubaddha.

--------------------------------------------------------------------------------------------- page336.

Sattharam anubandhitum katham nu kho maya patipajjitabbanti . athakho sa bhikkhuni bhikkhuninam etamattham arocesi . bhikkhuniyo bhikkhunam etamattham arocesum . te bhikkhu bhagavato etamattham arocesum .pe. Anujanami bhikkhave bhikkhuhi bhikkhuninam vinayam vacetunti. Pathamabhanavaram. [533] Athakho bhagava vesaliyam yathabhirantam viharitva yena savatthi tena carikam pakkami anupubbena carikam caramano yena savatthi tadavasari . tatra sudam bhagava savatthiyam viharati jetavane anathapindikassa arame . tena kho pana samayena chabbaggiya bhikkhu bhikkhuniyo kaddamodakena osincanti appevanama amhesu sarajjeyyunti .pe. bhagavato etamattham arocesum .pe. na bhikkhave bhikkhuna bhikkhuniyo kaddamodakena osincitabba yo osinceyya apatti dukkatassa anujanami bhikkhave tassa bhikkhuno dandakammam katunti . athakho bhikkhunam etadahosi kinnu kho dandakammam katabbanti . te bhikkhu bhagavato etamattham arocesum. Avandiyo so bhikkhave bhikkhu bhikkhunisanghena katabboti.

The Pali Tipitaka in Roman Character Volume 7 page 333-336. https://84000.org/tipitaka/read/roman_read.php?B=7&A=6709&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=6709&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=528&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=84 Study Atthakatha :- https://84000.org/tipitaka/attha/attha.php?b=7&i=528 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7