PaliRoman Vol.7

[553] Tena kho pana samayena bhikkhuniyo dighani kayabandhanani dharenti teheva phasuke ^1- namenti ^2- . manussa ujjhayanti khiyanti vipacenti .pe. seyyathapi gihikamabhoginiyoti ^3- . Bhagavato @Footnote: ¹ Yu. paske. ² Ma. phasuka namenti. ³ Ma. gihini kamabhoginiyoti.

--------------------------------------------------------------------------------------------- page344.

Etamattham arocesum . na bhikkhave bhikkhuniya digham kayabandhanam dharetabbam ya dhareyya apatti dukkatassa anujanami bhikkhave bhikkhuniya ekapariyayakatam ^1- kayabandhanam na ca tena phasuka nametabba ^2- ya nameyya apatti dukkatassati. [554] Tena kho pana samayena bhikkhuniyo vilivena pattena phasuke ^3- namenti ^4- cammapattena phasuke namenti dussapattena phasuke namenti dussaveniya phasuke namenti dussavattiya phasuke namenti colapattena phasuke namenti colaveniya phasuke namenti colavattiya phasuke namenti suttaveniya phasuke namenti suttavattiya phasuke namenti . manussa ujjhayanti khiyanti vipacenti .pe. seyyathapi gihikamabhoginiyoti . bhagavato etamattham arocesum . na bhikkhave bhikkhuniya vilivena pattena phasuka nametabba na cammapattena phasuka nametabba na dussapattena phasuka nametabba na dussaveniya phasuka nametabba na dussavattiya phasuka nametabba na colapattena phasuka nametabba na colaveniya phasuka nametabba na colavattiya phasuka nametabba na suttaveniya phasuka nametabba na suttavattiya phasuka nametabba ya nameyya apatti dukkatassati. [555] Tena kho pana samayena bhikkhuniyo atthillena jaghanam @Footnote: ¹ Ma. Yu. ekapariyakatam. ² Ma. nametabba. ³ Ma. phasuka. ⁴ Ma. namenti.

--------------------------------------------------------------------------------------------- page345.

Ghamsapenti gohanukena jaghanam kottapenti hattham kottapenti hatthakoccham kottapenti padam kottapenti padakoccham kottapenti urum kottapenti mukham kottapenti dantamamsam kottapenti . manussa ujjhayanti khiyanti vipacenti .pe. Seyyathapi gihikamabhoginiyoti . bhagavato etamattham arocesum . na bhikkhave bhikkhuniya atthillena jaghanam ghamsapetabbam na gohanukena jaghanam kottapetabbam na hattho kottapetabbo na hatthakoccho kottapetabbo na pado kottapetabbo na padakoccho kottapetabbo na uru kottapetabbo na mukham kottapetabbam na dantamamsam kottapetabbam ya kottapeyya apatti dukkatassati. [556] Tena kho pana samayena chabbaggiya bhikkhuniyo mukham alimpanti mukham ummaddenti mukham cunnenti manosilikaya mukham lancenti angaragam karonti mukharagam karonti angaragamukharagam karonti . manussa ujjhayanti khiyanti vipacenti .pe. seyyathapi gihikamabhoginiyoti . bhagavato etamattham arocesum . na bhikkhave bhikkhuniya mukham alimpitabbam na mukham ummaddetabbam na mukham cunnetabbam na manosilikaya mukham lancetabbam na angarago katabbo na mukharago katabbo na angaragamukharago katabbo ya kareyya apatti dukkatassati.

--------------------------------------------------------------------------------------------- page346.

[557] Tena kho pana samayena chabbaggiya bhikkhuniyo avangam karonti visesakam karonti olokanakena olokenti saloke titthanti sanaccam ^1- karapenti vesim vutthapenti panagaram thapenti sunam thapenti apanam pasarenti vaddhim payojenti vanijjam payojenti dasam upatthapenti dasim upatthapenti kammakaram upatthapenti kammakarim upatthapenti tiracchanagatam upatthapenti haritakapattikam ^2- pakinanti namatakam dharenti . manussa ujjhayanti khiyanti vipacenti .pe. seyyathapi gihikamabhoginiyoti . bhagavato etamattham arocesum. Na bhikkhave bhikkhuniya avangam katabbam na visesakam katabbam na olokanakena oloketabbam na saloke thatabbam ^3- na sanaccam ^1- karapetabbam na vesi vutthapetabba na panagaram thapetabbam na sunam thapetabbam ^4- na apano pasaretabbo na vaddhi payojetabba na vanijja payojetabba na daso upatthapetabbo na dasi upatthapetabba na kammakaro upatthapetabbo na kammakari upatthapetabba na tiracchanagato upatthapetabbo na haritakapattikam ^2- pakinitabbam na namatakam dharetabbam ya dhareyya apatti dukkatassati. [558] Tena kho pana samayena chabbaggiya bhikkhuniyo sabbanilakani @Footnote: ¹ Ma. naccam. ² Ma. haritakapattikam. Yu. haritakapannikam. ³ Ma. Yu. titthatabbam. @⁴ Ma. Yu. suna thapetabba.

--------------------------------------------------------------------------------------------- page347.

Civarani dharenti sabbapitakani civarani dharenti sabbalohitakani civarani dharenti sabbamanjetthakani ^1- civarani dharenti sabbakanhani civarani dharenti sabbamaharangarattani civarani dharenti sabbamahanamarattani civarani dharenti acchinnadasani civarani dharenti dighadasani civarani dharenti pupphadasani civarani dharenti phaladasani ^2- civarani dharenti kancukam dharenti tiritam ^3- dharenti. {558.1} Manussa ujjhayanti khiyanti vipacenti .pe. Seyyathapi gihikamabhoginiyoti . bhagavato etamattham arocesum. Na bhikkhave bhikkhuniya sabbanilakani civarani dharetabbani na sabbapitakani civarani dharetabbani na sabbalohitakani civarani dharetabbani na sabbamanjetthakani civarani dharetabbani na sabbakanhani civarani dharetabbani na sabbamaharangarattani civarani dharetabbani na sabbamahanamarattani civarani dharetabbani na acchinnadasani civarani dharetabbani na dighadasani civarani dharetabbani na pupphadasani civarani dharetabbani na phaladasani civarani dharetabbani na kancukam dharetabbam na tiritam dharetabbam ya dhareyya apatti dukkatassati.

The Pali Tipitaka in Roman Character Volume 7 page 343-347. https://84000.org/tipitaka/read/roman_read.php?B=7&A=6906&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=6906&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=553&items=6 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=87 Study Atthakatha :- https://84000.org/tipitaka/attha/attha.php?b=7&i=553 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7