PaliRoman Vol.7

[12] Tena kho pana samayena chabbaggiya bhikkhu vallikam dharenti. .pe. Pamangam dharenti . Kanthasuttakam dharenti. Katisuttakam dharenti. Ovattikam dharenti . kayuram dharenti . hatthabharanam dharenti . Angulimuddikam dharenti . manussa ujjhayanti khiyanti vipacenti .pe. seyyathapi gihi kamabhoginoti . assosum kho bhikkhu tesam manussanam ujjhayantanam khiyantanam vipacentanam .pe. athakho te bhikkhu bhagavato etamattham arocesum .pe. saccam kira bhikkhave chabbaggiya bhikkhu vallikam dharenti . Pamangam dharenti. Kanthasuttakam dharenti . katisuttakam dharenti . ovattikam dharenti. Kayuram dharenti . hatthabharanam dharenti . angulimuddikam dharentiti. Saccam bhagavati .pe. vigarahitva dhammim katham katva bhikkhu amantesi na bhikkhave vallikam dharetabbam na pamangam dharetabbam ^2- na kanthasuttakam dharetabbam na katisuttakam dharetabbam na ovattikam dharetabbam na kayuram dharetabbam na hatthabharanam dharetabbam na @Footnote: ¹ ma Yu. tena kho pana samayena bhikkhu pitthiparikammam katum kukkuccayanti. ² Ma. Yu. @vallika dharetabba na pamango dharetabbo.

--------------------------------------------------------------------------------------------- page6.

Angulimuddikam dharetabbam ^1- yo dhareyya apatti dukkatassati. [13] Tena kho pana samayena chabbaggiya bhikkhu dighe kese dharenti . manussa ujjhayanti khiyanti vipacenti .pe. seyyathapi gihi kamabhoginoti .pe. bhagavato etamattham arocesum .pe. na bhikkhave digha kesa dharetabba yo dhareyya apatti dukkatassa. Anujanami bhikkhave dumasikam va duvangulam vati. [14] Tena kho pana samayena chabbaggiya bhikkhu kocchena kese osanhenti . phanakena kese osanhenti . hatthaphanakena kese osanhenti . sitthatelakena kese osanhenti . udakatelakena kese osanhenti . manussa ujjhayanti khiyanti vipacenti .pe. Seyyathapi gihi kamabhoginoti .pe. bhagavato etamattham arocesum .pe. na bhikkhave kocchena kesa osanhetabba na phanakena kesa osanhetabba na hatthaphanakena kesa osanhetabba na sitthatelakena kesa osanhetabba na udakatelakena kesa osanhetabba yo osanheyya apatti dukkatassati. [15] Tena kho pana samayena chabbaggiya bhikkhu adasepi udakapattepi mukhanimittam olokenti . mamussa ujjhayanti khiyanti vipacenti .pe. seyyathapi gihi kamabhoginoti .pe. bhagavato etamattham arocesum .pe. na bhikkhave adase va udakapatte va mukhanimittam oloketabbam yo olokeyya apatti dukkatassati. @Footnote: ¹ Ma. Yu. na angulimuddika dharetabba.

--------------------------------------------------------------------------------------------- page7.

[16] Tena kho pana samayena annatarassa bhikkhuno mukhe vano hoti . so bhikkhu pucchi kidiso me avuso vanoti. Bhikkhu evamahamsu idiso ^1- te avuso vanoti . so na saddahati. Bhagavato etamattham arocesum .pe. anujanami bhikkhave abadhappaccaya adase va udakapatte va mukhanimittam oloketunti. [17] Tena kho pana samayena chabbaggiya bhikkhu mukham alimpenti. Mukham ummaddenti . mukham cunnenti. Manosilakaya ^2- mukham lancenti ^3-. Angaragam karonti . mukharagam karonti . angaragamukharagam karonti. Manussa ujjhayanti khiyanti vipacenti .pe. seyyathapi gihi kamabhoginoti .pe. bhagavato etamattham arocesum .pe. na bhikkhave mukham alimpitabbam na mukham ummadditabbam na mukham cunnetabbam na manosilakaya mukham lancetabbam na angarago katabbo na mukharago katabbo na angaragamukharago katabbo yo kareyya apatti dukkatassati. [18] Tena kho pana samayena annatarassa bhikkhuno cakkhurogabadho hoti . bhagavato etamattham arocesum .pe. anujanami bhikkhave abadhappaccaya mukham alimpitunti. @Footnote: ¹ Ma. ediso. ² Ma. Yu. manosilikaya. ³ ma Yu. lanchenti.

--------------------------------------------------------------------------------------------- page8.

[19] Tena kho pana samayena rajagahe giraggasamajjo hoti. Chabbaggiya bhikkhu giraggasamajjam dassanaya agamamsu . manussa ujjhayanti khiyanti vipacenti katham hi nama samana sakyaputtiya naccampi gitampi vaditampi dassanaya gacchissanti ^1- seyyathapi gihi kamabhoginoti .pe. bhagavato etamattham arocesum .pe. na bhikkhave naccam va gitam va vaditam va dassanaya gantabbam yo gaccheyya apatti dukkatassati. [20] Tena kho pana samayena chabbaggiya bhikkhu ayatakena gitassarena dhammam gayanti . manussa ujjhayanti khiyanti vipacenti yatheva mayam gayama evamevime nama ^2- samana sakyaputtiya ayatakena gitassarena dhammam gayantiti . assosum kho bhikkhu tesam manussanam ujjhayantanam khiyantanam vipacentanam . ye te bhikkhu appiccha .pe. te ujjhayanti khiyanti vipacenti katham hi nama chabbaggiya bhikkhu ayatakena gitassarena dhammam gayissantiti. Athakho te bhikkhu bhagavato etamattham arocesum .pe. saccam kira bhikkhave .pe. saccam bhagavati .pe. dhammim katham katva bhikkhu amantesi pancime bhikkhave adinava ayatakena gitassarena dhammam gayantassa attanopi ^3- tasmim sare sarajjati parepi tasmim sare sarajjanti gahapatikapi ujjhayanti sarakuttimpi @Footnote: ¹ Yu. agacchissanti. ² Ma. Yu. ayam patho natthi. ³ Ma. Yu. attanapi.

--------------------------------------------------------------------------------------------- page9.

Nikamayamanassa samadhissa bhango hoti pacchima janata ditthanugatimapajjati ^1- ime kho bhikkhave panca adinava ayatakena gitassarena dhammam gayantassa na bhikkhave ayatakena gitassarena dhammo gayitabbo yo gayeyya apatti dukkatassati. [21] Tena kho pana samayena bhikkhu sarabhanne kukkuccayanti. Athakho te bhikkhu bhagavato etamattham arocesum . anujanami bhikkhave sarabhannanti. [22] Tena kho pana samayena chabbaggiya bhikkhu bahiralomim unnim dharenti . manussa ujjhayanti khiyanti vipacenti .pe. Seyyathapi gihi kamabhoginoti . bhagavato etamattham arocesum . .pe. Na bhikkhave bahiralomi unni dharetabba yo dhareyya apatti dukkatassati.

The Pali Tipitaka in Roman Character Volume 7 page 5-9. https://84000.org/tipitaka/read/roman_read.php?B=7&A=83&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=7&A=83&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=7&item=12&items=11 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=7&siri=2 Contents of The Tipitaka Volume 7 https://84000.org/tipitaka/read/?index_7 https://84000.org/tipitaka/english/?index_7