|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
105. 8. Culasetthipetavatthuvannana naggo kiso pabbajitosi bhanteti idam satthari veluvane 1- viharante culasetthipetam arabbha vuttam. Baranasiyam kira eko gahapati assaddho appasanno macchari kadariyo punnakiriyaya anadaro culasetthi nama ahosi. So kalam katva petesu nibbatti, tassa kayo apagatamamsalohito atthinharucammamatto mundo apetavattho ahosi. Dhita panassa anula andhakavinde samikassa gehe vasanti pitaram uddissa brahmane bhojetukama tanduladini danupakaranani sajjesi. Tam natva peto asaya akasena tattha gacchanto rajagaham sampapuni. Tena ca samayena raja ajatasattu devadattena uyyojito pitaram jivita voropetva tena vippatisarena dussupinena ca niddam anupagacchanto uparipasadavaragato cankamanto tam petam akasena gacchantam disva imaya gathaya pucchi:- [246] "naggo kiso pabbajitosi bhante rattim kuhim gacchasi kissahetu acikkha me tam api sakkunemu sabbena vittam patipadaye tvan"ti. Tattha pabbajitoti samano. Raja kira tam naggatta mundatta ca "naggo samano ayan"ti sannaya "naggo kiso pabbajitosi"tiadimaha. Kissahetuti kinnimittam. Sabbena vittam patipadaye tvanti vittiya upakaranabhutam vittam sabbena bhogena tuyham ajjhasayanurupam, sabbena va ussahena patipadeyyam sampadeyyam, tatha katum mayam appeva nama sakkuneyyama, tasma acikkha me tam, etam tava agamanakaranam mayham kathehiti attho. @Footnote: 1 Si. jetavane--------------------------------------------------------------------------------------------- page116.
Evam ranna puttho peto attano pavattim kathento tisso gatha abhasi:- [247] "baranasi nagaram duraghuttham tatthaham gahapati addhako ahu dino adata gedhitamano 1- amisasmim dussilyena yamavisayamhi patto. [248] So sucikaya kilamito tehi teneva natisu yami amisakincikkhahetu 2- adanasila na ca saddahanti `danaphalam hoti paramhi loke'. [249] Dhita ca mayham lapate abhikkhanam dassami danam pitunam pitamahanam tamupakkhatam 3- parivisayanti brahmana yami aham andhakavindam bhuttun"ti. #[247] Tattha duraghutthanti durato eva gunakittanavasena ghositam, sabbattha vissutam pakatanti attho. Addhakoti addho mahavibhavo. Dinoti nihinacitto adanajjhasayo. Tenaha "adata"ti. Gedhitamano amissaminti kamamise laggacitto gedham apanno. Dussilyena yamavisayamhi pattoti attana katena dussilakammuna yamavisayam petalokam patto amhi. #[248] So sucikaya kilamitoti so aham vijjhanatthena sucisadisataya "sucika"ti laddhanamaya jighacchaya kilamito nirantaram vijjhamano. "kilamatho"ti icceva va @Footnote: 1 ka. gethitamano 2 ka.,Si.,i. amisakincihetu 3 Si.,i. upakkhatam--------------------------------------------------------------------------------------------- page117.
Patho. Tehiti "dino"tiadina vuttehi papakammehi karanabhutehi. Tassa hi petassa tani papakammani anussarantassa ativiya domanassam uppajji, tasma evamaha. Tenevati teneva jighacchadukkhena. Natisu yamiti natinam samipam yami gacchami. Amisakincikkhahetuti amisassa kincikkhanimittam, kinci amisam patthentoti attho. Adanasila na ca saddahanti, `danaphalam hoti paramhi loke'ti yatha aham, tatha evam annepi manussa adanasila "danassa phalam ekamsena paraloke hoti"ti na ca saddahanti. Yato aham viya tepi peta hutva mahadukakham paccanubhavantiti adhippayo. #[249] Lapateti katheti. Abhikkhananti abhinham bahuso. Kinti lapatiti aha "dassami danam pitunam pitamahanan"ti. Tattha pitunanti matapitunam, culapitumaha- pitunam va. Pitamahananti ayyakapayyakanam. Upakkhatanti sajjitam. Parivisayantiti bhojayanti. Andhakavindanti evamnamakam nagaram. Bhuttunti bhunjitum. Tato para sangitikarakehi vutta:- [250] "tamavoca raja `anubhaviyana tampi eyyasi khippam ahamapi kassam 1- pujam acikkha me tam yadi atthi hetu saddhayitam hetuvaco sunoma'ti. [251] Tathati vatva agamasi tattha bhunjimsu bhattam na ca dakkhinaraha paccagami rajagaham punaparam paturahosi purato janadhipassa. @Footnote: 1 ka.,Si.,i. ahampi karissam--------------------------------------------------------------------------------------------- page118.
[252] Disvana petam punadeva agatam raja avoca `ahamapi kim dadami acikkha me tam yadi atthi hetu yena tuvam cirataram pinito siya'ti. [253] Buddhanca samgham parivisiyana raja annena panena ca civarena tam dakkhinam adisa me hitaya evam aham cirataram pinito siyati. [254] Tato ca raja nipatitva tavade danam sahattha atulam daditva 1- samghe arocesi pakatam tathagatassa tassa ca petassa dakkhinam adisittha. [255] So pujito ativiya sobhamano paturahosi purato janadhipassa yakkhohamasmi paramiddhipatto na mayhamatthi sama sadisa manusa. [256] Passanubhavam aparimitam mamayidam tayanudittham atulam datva samghe santappito satatam sada bahuhi yami aham sukhito manussadeva"ti. @Footnote: 1 Ma. atulanca datva--------------------------------------------------------------------------------------------- page119.
#[250] Tattha tamavoca rajati tam petam tatha vatva thitam raja ajatasattu avoca. Anubhaviyana tampiti tam tava dhituya upakkhatam danampi anubhavitva. Eyyasiti agaccheyyasi. Kassanti 1- karissami. Acikkha me tam yadi atthi hetuti sace kinci karanam atthi, tam karanam mayham acikkha kathehi. Saddhayitanti saddhayitabbam. Hetuvacoti hetuyuttavacanam, "amukasmim thane asukena pakarena dane kate mayham upakappati"ti sakaranam vacanam vadati attho. #[251] Tathati vatvati sadhuti vatva. Tatthati tasmim andhakavinde parivesanatthane. Bhunjimsu bhattam na ca dakkhinarahati bhattam bhunjimsu dussilabrahmana, na ca pana dakkhinaraha silavanto bhunjimsuti attho. Punaparanti puna aparam varam rajagaham paccagami. #[252] Kim dadamiti "kidisam te danam dassami"ti raja petam pucchi. Yena tuvanti yena karanena tvam. Cirataranti cirakalam. Pinitoti titto siya, tam kathehiti attho. #[253] Parivisiyanati bhojetva. Rajati ajatasattum alapati. Me hitayati mayham hitatthaya petattabhavato parimuttiya. #[254] Tatoti tasma tena vacanena, tato va pasadato. Nipatitvati nikkhamitva. Tavadeti tada eva arunuggamanavelaya. Yamhi peto paccagantva ranno attanam dassesi, tasmim purebhatte eva danam adasi. Sahatthati sahatthena. Atulanti appamanam ularam panitam. Datva samgheti samghassa datva. Arocesi pakatam tathagatassati "idam bhante danam annataram petam sandhaya pakatan"ti tam pavattim bhagavato arocesi. Arocetva ca yatha tam danam tassa upakappati, evam tassa ca petassa dakkhinam adisittha adisi. @Footnote: 1 ka.,Si.,i. karissanti--------------------------------------------------------------------------------------------- page120.
#[255] Soti so peto. Pujitoti dakkhinaya diyyamanaya pujito. Ativiya sobhamanoti dibbanubhavena ativiya virocamano. Paturahositi patubhavi, ranno purato attanam dassesi. Yakkhohamasmiti petattabhavato mutto yakkho aham jato devabhavam pattosmi. Na mayhamatthi sama sadisa manusati mayham anubhavasampattiya sama va bhogasampattiya sadisa va manussa na santi. #[256] Passanubhavam aparimitam mamayidanti "mama idam aparimanam dibbanubhavam passa"ti attano sampattim paccakkhato ranno dassento vadati. Tayanudittham atulam datva samgheti ariyasamghassa atulam ularam danam datva mayham anukampaya taya anudittham 1-. Santappito sattam sada bahuhiti annapanavatthadihi bahuhi deyyadhammehi ariyasamgham santappentena taya sada sabbakalam yavajivam tatthapi satatam nirantaram aham santappito pinito. Yami aham sukhito manussadevati "tasma aham idani sukhito manussadeva maharaja yadicchitatthanam yami"ti rajanam apucchi. Evam pete apucchitva gate, raja ajatasattu tamattham bhikkhunam arocesi, bhikkhu bhagavato santikam upasankamitva arocesum. Bhagava tamattham atthuppattim katva sampattaparisaya dhammam desesi, tam sutva mahajano maccheramalam pahaya danadipunnabhirato ahositi. Culasetthipetavatthuvannana nitthita. -------------------The Pali Atthakatha in Roman Book 31 page 115-120. http://84000.org/tipitaka/atthapali/read_rm.php?B=31&A=2533&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=31&A=2533&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=105 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=3615 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=3762 The Pali Tipitaka in Roman Character :- http://84000.org/tipitaka/read/roman_read.php?B=26&A=3762 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]