|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
107. 10. Uttaramatupetivatthuvannana divaviharagatam bhikkhunti idam uttaramatupetivatthu. Tatrayam atthavibhavana:- satthari parinibbute pathamamahasangitiya pavattitaya ayasma mahakaccayano dvadasahi bhikkhuhi saddhim kosambiya avidure annatarasmim arannayatane vihasi. Tena ca samayena ranno udenassa annataro amacco kalam akasi, tena ca pubbe nagare kammanta adhitthita ahesum. Atha raja tassa puttam uttaram nama manavam pakkosapetva "tvam ca 1- pitara adhitthite kammante samanusasa"ti tena thitatthane 2- thapesi. So ca sadhuti sampaticchitva ekadivasam nagarapatisankharaniyanam darunam atthaya vaddhakiyo gahetva arannam gato tattha ayasmato mahakaccayanattherassa vasanatthanam upagantva theram tattha pamsukulacivaradharam 3- vivittam nisinnam disva iriyapatheyeva pasiditva katapatisantharo vanditva ekamantam nisidi, thero tassa dhammam kathesi, so dhammam sutva ratanattaye sanjatappasado saranesu patitthaya theram nimantesi "adhivasetha me bhante svatanaya bhattam saddhim bhikkhuhi anukampam upadaya"ti. Adhivasesi thero tunhibhavena, so tato nikkhamitva nagaram gantva annesam upasakanam acikkhi "thero maya svatanaya nimantito, tumhehipi mama danaggam agantabban"ti. So dutiyadivase kalasseva panitam khadaniyam bhojaniyam patiyadapetva kalam arocapetva saddhim bhikkhuhi agacchantassa therassa paccuggamanam katva vanditva purakkhatva geham pavesesi. Atha maharahakappiyapaccattharanaatthatesu asanesu there ca bhikkhusu ca nisinnesu gandhapupphadhupehi 4- pujam katva panitena annapanena te santappetva sanjatappasado katanjali anumodanam sunitva katabhattanumodane there gacchante pattam gahetva anugacchanto nagarato nikkhamitva patinivattanto @Footnote: 1 Ma. tava 2 Ma. tam senapatitthane 3 Ma. pamsukulacivaram parupitva @4 Si.,i. gandhapupphadhupadipehi--------------------------------------------------------------------------------------------- page152.
"bhante tumhehi niccam mama geham pavisitabban"ti yacitva therassa adhivasanam natva nivatti. Evam so theram upatthahanto tassa ovade patitthaya sotapattiphalam papuni, viharanca karesi, sabbe ca attano natake sasane abhippasanne akasi. Mata panassa maccheramalapariyutthitacitta hutva evam paribhasi "yam tvam mama anicchantiya eva samananam annapanam desi, tam te paraloke lohitam sampajjatu"ti. Ekam pana morapinchakalapam viharamahadivase diyyamanam anujani. Sa kalam katva petayoniyam uppajji, morapinchakalapadananumodanena panassa kesa nila siniddha vellitagga sukhuma digha ca ahesum. Sa yada ganganadim "paniyam pivissami"ti otari, tada nadi lohitapura 1- hoti. Sa pancapannasa vassani khuppipasabhibhuta vicaritva ekadivasam kankharevatattheram gangaya tire divaviharam nisinnam disva attanam attano kesehi paticchadetva upasankamitva paniyam yaci. Tam sandhaya vuttam:- [331] "divaviharagatam bhikkhum gangatire nisinnakam tam peti upasankamma dubbanna bhirudassana. [332] Kesa cassa atidigha 2- yavabhumavalambare kesehi sa paticchanna samanam etadabravi"ti ima dve gatha sangitikarakehi idha adito thapita. Tattha bhirudassanati bhayanakadassana. "ruddadassana"ti 3- va patho bibhacchabhariyadassanati 4- attho. Yavabhumavalambareti yava bhumi, tava olambanti. Pubbe "bhikkhun"ti ca paccha "samanan"ti ca kankharevatattherameva sandhaya vuttam. Sa pana peti theram upasankamitva paniyam yacanti:- @Footnote: 1 Si.,i. lohitapunna 2 Ma. ahu digha 3 Ma. garudassanati @4 Ma. vigacchataya bhariyadassanati--------------------------------------------------------------------------------------------- page153.
[333] "pancapannasa vassani yato kalakata aham nabhijanami bhuttam va pitam va pana paniyam dehi tvam 1- paniyam bhante tasita paniyaya me"ti imam gathamaha. #[333] Tattha nabhijanami bhuttam vati evam dighamantare kale bhojanam bhuttam va paniyam pitam va nabhijanami, na bhuttam na pitanti attho. Tasitati pipasita. Paniyayati paniyatthaya ahindantiya me paniyam dehi bhanteti yojana. Ito param:- [334] "ayam sitodika ganga himavanto sandati piva etto gahetvana kim mam yacasi paniyam. [335] Sacaham bhante gangaya sayam ganhami paniyam lohitam me parivattati tasma yacami paniyam. [336] Kim nu kayena vacaya manasa dukkatam katam kissakammavipakena ganga te hoti lohitam. [337] Putto me uttaro nama 2- saddho asi upasako so ca mayham akamaya samananam pavecchati. [338] Civaram pindapatanca paccayam sayanasanam tamaham paribhasami maccherena upadduta. @Footnote: 1 Ma. dehi me 2 Ma. putto me bhante uttaro--------------------------------------------------------------------------------------------- page154.
[339] `yam Tvam mayham akamaya samananam pavecchasi civaram pindapatanca paccayam sayanasanam. [340] Etam te paralokasmim lohitam hotu uttara' tassakammavipakena ganga me hoti lohitan"ti ima therassa ca petiya ca vacanapativacanagatha. #[334] Tattha himavantatoti mahato himassa atthitaya "himava"ti laddhanamato pabbatarajato. Sandatiti pavattati. Ettoti ito mahagangato. Kinti kasma mam yacasi paniyam, ganganadim otaritva yatharuci pivati dasseti. #[335] Lohitam me parivattatiti udakam sandamanam mayham papakammaphalena lohitam hutva parivattati parinamati, taya gahitamattam udakam lohitam jayati. #[337-340] Mayham akamayati mama anicchantiya. Pavecchatiti deti. Paccayanti gilanapaccayam. Etanti yam etam civaradikam paccayajatam samananam pavecchasi 1- desi, etam te paralokasmim lohitam hotu uttarati abhisapanavasena katam papakammam, tassa vipakenati yojana. Athayasma revato tam petim uddissa bhikkhusamghassa paniyam adasi, pindaya caritva bhattam gahetva bhikkhunamadasi, sankarakutadito pamsukulam gahetva dhovitva bhisinca cimilikanca katva bhikkhunam adasi, tena cassa petiya dibbasampattiyo ahesum. Sa therassa santikam gantva attana laddhadibbasampattim therassa dassesi. Thero tam pavattim attano santikam upagatanam catunnam 2- parisanam pakasetva dhammakatham kathesi, tena mahajano sanjatasamvego vigatamalamacchero hutva danasiladikusaladhammabhirato ahositi. Idam pana petavatthu dutiyasangitiyam sangaham arulhanti datthabbam. Uttaramatupetivatthuvannana nitthita. @Footnote: 1 Si.,i. pavecchasiti 2 Ma. bahunamThe Pali Atthakatha in Roman Book 31 page 151-154. http://84000.org/tipitaka/atthapali/read_rm.php?B=31&A=3345&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=31&A=3345&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=107 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=3835 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=4000 The Pali Tipitaka in Roman Character :- http://84000.org/tipitaka/read/roman_read.php?B=26&A=4000 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]