บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
8. Satipatthanakathavannana [34] Idani samasisakathanantaram attana vuttassa iddhipatihariyassa sadhake satta anupassanavisese dassentena kathitaya suttantapubbangamaya satipatthanakathaya apubbatthanuvannana. Tattha suttante tava cattaroti gananaparicchedo, tena na tato hettha, na uddhanti satipatthanaparicchedam dipeti. Imeti niddisitabbanidassanam. Bhikkhaveti dhammapatiggahakapuggalalapanam. Satipatthanati tayo satipatthana satigocaropi, tidha patipannesu savakesu satthuno patighanunayavitivattatapi, satipi. "catunnam bhikkhave satipatthananam samudayanca atthangamanca desessami"tiadisu 1- hi satigocaro "satipatthanan"ti vutto. Tassattho:- patitthati tasminti patthanam. Ka patitthati? sati. Satiya patthanam Satipatthananti. "tayo satipatthana yadariyo sevati, yadariyo sevamano sattha ganamanusasitumarahati"ti 2- ettha tidha patipannesu savakesu satthuno patighanunayavitivattata "satipatthanan"ti vutta. Tassattho:- patthapetabbato patthanam, pavattayitabbatoti attho. Kena patthapetabbatoti 3-? satiya. Satiya patthanam satipatthananti. "cattaro satipatthana bhavita bahulikata satta bojjhange paripurenti"tiadisu 4- pana satiyeva "satipatthanan"ti vutta. Tassattho:- patitthatiti patthanam, upatthati okkanditva 5- pakkhanditva vattatiti attho. Satiyeva patthanam satipatthanam. Atha va saranatthena sati, upatthanatthena upatthanam. Iti sati ca sa upatthanancatipi satipatthanam. Idamidha adhippetam. Yadi evam kasma satipatthanati bahuvacanam katanti? satibahutta. Arammanabhedena hi bahuka ta satiyoti. @Footnote: 1 sam.maha. 19/408/161 2 Ma.u. 14/304,311/279/285 @3 i. patthapetabboti 4 Ma.u. 14/147/130 5 ka. okkhanditva Katame cattaroti kathetukamyatapuccha. Idhati imasmim sasane. Bhikkhuti samsare bhayam ikkhatiti bhikkhu. Sesapadanam atthavannana panettha sutamayananakathaya maggasaccaniddesavannanayam vuttayevati. Kasma pana bhagavata cattarova satipatthana vutta anuna anadhikati? Veneyyahitatta. Tanhacaritaditthicaritasamathayanikavipassanayanikesu hi mandatikkhavasena dvedha dvedha pavattesu mandassa tanhacaritassa olarikam kayanupassanasatipatthanam visuddhimaggo, tikkhassa sukhumam vedananupassanasatipatthanam. Ditthicaritassapi mandassa natippabhedagatam cittanupassanasatipatthanam visuddhimaggo, tikkhassa atippabhedagatam dhammanupassanasatipatthanam. Samathayanikassa ca mandassa akicchena adhigantabbanimittam pathamam satipatthanam visuddhimaggo, tikkhassa olarikarammane asanthahanato dutiyam. Vipassanayanikassapi mandassa natippabhedagatarammanam tatiyam, tikkhassa atippabhedagatarammanam catuttham. Iti cattarova vutta anuna anadhikati. Subhasukhaniccaattavipallasappahanattham va. Kayo hi asubho, tattha ca subhavipallasavipallattha satta. Tesam tattha asubhabhavadassanena tassa vipallasassa pahanattham pathamam satipatthanam vuttam. Sukham niccam attati gahitesupi ca vedanadisu vedana dukkha, cittam aniccam, dhamma anatta, tesu ca sukhaniccaattavipallasa- vipallattha satta. Tesam tattha dukkhadibhavadassanena tesam vipallasanam pahanattham sesani tini vuttaniti evam subhasukhaniccaattavipallasappahanattham va cattarova vutta na kevalanca vipallasappahanatthameva, caturoghayogasavaganthaupadana- agatippahanatthampi catubbidhaharaparinnatthampi cattarova vuttati veditabbam. [35] (ka) suttantaniddese pathavikayanti imasmim rupakaye pathavidhatu. Sakalasarire pana pathavidhatunam bahukatta sabbapathavidhatusangahattham samuhatthena kayaggahanam Katam. Apokayadisupi eseva nayo. Kesakayadinampi bahukatta kesakayadiggahanam katam. Vakkadini pana paricchinnatta kayaggahanam narahantiti tesam gahanam na katanti veditabbam. (kha) sukham vedanantiadisu sukham vedananti kayikam va cetasikam va sukham vedanam. Tatha dukkham vedanam. Adukkhamasukham vedananti pana cetasikameva upekkhavedanam. Samisam sukham vedananti cha gehasitasomanassavedana. Niramisam sukham vedananti cha nekkhammasitasomanassavedana. Samisam dukkham vedananti cha gehasitadomanassavedana. Niramisam dukkham vedananti cha nekkhammasitadomanassavedana. Samisam adukkhamasukham vedananti cha gehasitaupekkhavedana. Niramisam adukkhamasukham vedananti cha nekkhammasitaupekkhavedana. (ga) saragam cittantiadini nanakathayam vuttatthani. (gha) tadavasese dhammeti tehi kayavedanacittehi avasese tebhumakadhamme. Sabbattha tena nanenati tena sattavidhena anupassanananena. Yani panettha antarantara avuttatthani, tani hettha tattha tattha vuttatthanevati. Satipatthanakathavannana nitthita. -----------------The Pali Atthakatha in Roman Book 48 page 364-366. http://84000.org/tipitaka/atthapali/read_rm.php?B=48&A=8222&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=48&A=8222&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=31&i=726 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=10710 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=12511 The Pali Tipitaka in Roman Character :- http://84000.org/tipitaka/read/roman_read.php?B=31&A=12511 Contents of The Tipitaka Volume 31 http://84000.org/tipitaka/read/?index_31
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]