|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
|
| ฉบับภาษาไทย บาลีอักษรไทย บาลีอักษรโรมัน |
พระไตรปิฎกเล่มที่ ๘ ภาษาบาลี อักษรไทย พระวินัยปิฎกเล่มที่ ๘ วินย. ปริวาโร
|
|
[๑๑๙๑] กติ นุ โข ภนฺเต อารญฺกาติ ๒- ฯ ปญฺจิเม อุปาลิ อารญฺกา ฯ กตเม ปญฺจ ฯ มนฺทตฺตา โมมูหตฺตา อารญฺโก โหติ ปาปิจฺโฉ อิจฺฉาปกโต อารญฺโก โหติ อุมฺมาทา จิตฺตกฺเขปา ๓- อารญฺโก โหติ วณฺณิโต ๔- พุทฺเธหิ พุทฺธสาวเกหีติ อารญฺโก โหติ อปิจ อปฺปิจฺฉญฺเว นิสฺสาย สนฺตุฏฺิญฺเว นิสฺสาย สลฺเลขญฺเว นิสฺสาย ปวิเวกญฺเว นิสฺสาย อิทมตฺถิตญฺเว นิสฺสาย อารญฺโก โหติ ฯ อิเม โข อุปาลิ ปญฺจ อารญฺกาติ ฯ กติ นุ โข ภนฺเต ปิณฺฑปาติกาติ ... กติ นุ โข ภนฺเต ปํสุกูลิกาติ ... กติ นุ โข ภนฺเต รุกฺขมูลิกาติ ... กติ นุ โข ภนฺเต โสสานิกาติ ... กติ นุ โข ภนฺเต อพฺโภกาสิกาติ ... กติ นุ โข ภนฺเต เตจีวริกาติ ... กติ นุ โข ภนฺเต สปทานจาริกาติ ... กติ นุ โข ภนฺเต เนสชฺชิกาติ ... กติ นุ โข ภนฺเต ยถาสนฺถติกาติ ... กติ นุ โข ภนฺเต เอกาสนิกาติ ... กติ นุ โข ภนฺเต ขลุปจฺฉาภตฺติกาติ ... @เชิงอรรถ: ๑ ม. การุญฺ ฯ ๒ โป. ม. อารญฺิกา ฯ สพฺพตฺถ เอวํ าตพฺพํ ฯ ๓ โป. @จิตฺตุกฺเขปา ฯ ๔ โป. ม. ยุ. วณฺณิตํ ฯ--------------------------------------------------------------------------------------------- หน้าที่ ๔๗๖.
กติ นุ โข ภนฺเต ปตฺตปิณฺฑิกาติ ฯ ปญฺจิเม อุปาลิ ปตฺตปิณฺฑิกา ฯ กตเม ปญฺจ ฯ มนฺทตฺตา โมมูหตฺตา ปตฺตปิณฺฑิโก โหติ ปาปิจฺโฉ อิจฺฉาปกโต ปตฺตปิณฺฑิโก โหติ อุมฺมาทา จิตฺตกฺเขปา ปตฺตปิณฺฑิโก โหติ วณฺณิโต ๑- พุทฺเธหิ พุทฺธสาวเกหีติ ปตฺตปิณฺฑิโก โหติ อปิจ อปฺปิจฺฉญฺเว นิสฺสาย สนฺตุฏฺิญฺเว นิสฺสาย สลฺเลขญฺเว นิสฺสาย ปวิเวกญฺเว นิสฺสาย อิทมตฺถิตญฺเว นิสฺสาย ปตฺตปิณฺฑิโก โหติ ฯ อิเม โข อุปาลิ ปญฺจ ปตฺตปิณฺฑิกาติ ฯ ธูตงฺควคฺโค ฉฏฺโ ฯ ตสฺสุทฺทานํ [๑๑๙๒] อารญฺโก ปิณฺฑิปํสุ รุกฺขสุสานปญฺจมํ อพฺโภเตจีวรญฺเจว สปทานเนสชฺชิกา สนฺถเตกาสนญฺเจว ขลุปจฺฉาปตฺตปิณฺฑิกาติ ฯ [๑๑๙๓] กติ นุ โข ภนฺเต มุสาวาทาติ ฯ ปญฺจิเม อุปาลิ มุสาวาทา ฯ กตเม ปญฺจ ฯ อตฺถิ มุสาวาโท ปาราชิกคามี อตฺถิ มุสาวาโท สงฺฆาทิเสสคามี อตฺถิ มุสาวาโท ถุลฺลจฺจยคามี อตฺถิ มุสาวาโท ปาจิตฺติยคามี อตฺถิ มุสาวาโท ทุกฺกฏคามีติ ฯ อิเม โข อุปาลิ ปญฺจ มุสาวาทาติ ฯ [๑๑๙๔] กตีหิ นุ โข ภนฺเต องฺเคหิ สมนฺนาคตสฺส ภิกฺขุโน สงฺฆมชฺเฌ อุโปสถํ วา ปวารณํ วา เปนฺตสฺส อลํ ภิกฺขุ @เชิงอรรถ: ๑ โป. ม. ยุ. วณฺณิตํ ฯ--------------------------------------------------------------------------------------------- หน้าที่ ๔๗๗.
มา ภณฺฑนํ มา กลหํ มา วิคฺคหํ มา วิวาทนฺติ โอมทฺทิตฺวา สงฺเฆน อุโปสโถ วา ปวารณา วา กาตพฺพาติ ฯ ปญฺจหุปาลิ องฺเคหิ สมนฺนาคตสฺส ภิกฺขุโน สงฺฆมชฺเฌ อุโปสถํ วา ปวารณํ วา เปนฺตสฺส อลํ ภิกฺขุ มา ภณฺฑนํ มา กลหํ มา วิคฺคหํ มา วิวาทนฺติ โอมทฺทิตฺวา สงฺเฆน อุโปสโถ วา ปวารณา วา กาตพฺพา ฯ กตเมหิ ปญฺจหิ ฯ อลชฺชี จ โหติ พาโล จ อปกตตฺโต จ จาวนาธิปฺปาโย วตฺตา โหติ โน วุฏฺานาธิปฺปาโย ฯ อิเมหิ โข อุปาลิ ปญฺจหงฺเคหิ สมนฺนาคตสฺส ภิกฺขุโน สงฺฆมชฺเฌ อุโปสถํ วา ปวารณํ วา เปนฺตสฺส อลํ ภิกฺขุ มา ภณฺฑนํ มา กลหํ มา วิคฺคหํ มา วิวาทนฺติ โอมทฺทิตฺวา สงฺเฆน อุโปสโถ วา ปวารณา วา กาตพฺพา ฯ {๑๑๙๔.๑} อปเรหิปิ อุปาลิ ปญฺจหงฺเคหิ สมนฺนาคตสฺส ภิกฺขุโน สงฺฆมชฺเฌ อุโปสถํ วา ปวารณํ วา เปนฺตสฺส อลํ ภิกฺขุ มา ภณฺฑนํ มา กลหํ มา วิคฺคหํ มา วิวาทนฺติ โอมทฺทิตฺวา สงฺเฆน อุโปสโถ วา ปวารณา วา กาตพฺพา ฯ กตเมหิ ปญฺจหิ ฯ อปริสุทฺธกายสมาจาโร โหติ อปริสุทฺธวจีสมาจาโร โหติ อปริสุทฺธาชีโว โหติ พาโล โหติ อพฺยตฺโต ภณฺฑนการโก โหติ กลหการโก ฯ อิเมหิ โข อุปาลิ ปญฺจหงฺเคหิ สมนฺนาคตสฺส ภิกฺขุโน สงฺฆมชฺเฌ อุโปสถํ วา ปวารณํ วา เปนฺตสฺส อลํ ภิกฺขุ มา ภณฺฑนํ มา กลหํ มา วิคฺคหํ มา วิวาทนฺติ โอมทฺทิตฺวา สงฺเฆน--------------------------------------------------------------------------------------------- หน้าที่ ๔๗๘.
อุโปสโถ วา ปวารณา วา กาตพฺพาติ ฯ [๑๑๙๕] กตีหิ นุ โข ภนฺเต องฺเคหิ สมนฺนาคตสฺส ภิกฺขุโน อนุโยโค น ทาตพฺโพติ ฯ ปญฺจหุปาลิ องฺเคหิ สมนฺนาคตสฺส ภิกฺขุโน อนุโยโค น ทาตพฺโพ ฯ กตเมหิ ปญฺจหิ ฯ อาปตฺตานาปตฺตึ น ชานาติ ลหุกครุกํ อาปตฺตึ น ชานาติ สาวเสสานวเสสํ อาปตฺตึ น ชานาติ ทุฏฺฐุลฺลาทุฏฺฐุลฺลํ อาปตฺตึ น ชานาติ สปฺปฏิกมฺมอปฺปฏิกมฺมํ อาปตฺตึ น ชานาติ ฯ อิเมหิ โข อุปาลิ ปญฺจหงฺเคหิ สมนฺนาคตสฺส ภิกฺขุโน อนุโยโค น ทาตพฺโพ ฯ ปญฺจหุปาลิ องฺเคหิ สมนฺนาคตสฺส ภิกฺขุโน อนุโยโค ทาตพฺโพ ฯ กตเมหิ ปญฺจหิ ฯ อาปตฺตานาปตฺตึ ชานาติ ลหุกครุกํ อาปตฺตึ ชานาติ สาวเสสานวเสสํ อาปตฺตึ ชานาติ ทุฏฺฐุลฺลาทุฏฺฐุลฺลํ อาปตฺตึ ชานาติ สปฺปฏิกมฺมอปฺปฏิกมฺมํ อาปตฺตึ ชานาติ ฯ อิเมหิ โข อุปาลิ ปญฺจหงฺเคหิ สมนฺนาคตสฺส ภิกฺขุโน อนุโยโค ทาตพฺโพติ ฯ [๑๑๙๖] กตีหิ นุ โข ภนฺเต อากาเรหิ ภิกฺขุ อาปตฺตึ อาปชฺชตีติ ฯ ปญฺจหุปาลิ อากาเรหิ ภิกฺขุ อาปตฺตึ อาปชฺชติ ฯ กตเมหิ ปญฺจหิ ฯ อลชฺชิตา อญฺาณตา กุกฺกุจฺจปกตตา อกปฺปิเย กปฺปิยสญฺิตา กปฺปิเย อกปฺปิยสญฺิตา ฯ อิเมหิ โข อุปาลิ ปญฺจหากาเรหิ ภิกฺขุ อาปตฺตึ อาปชฺชติ ฯ อปเรหิปิ อุปาลิ ปญฺจหากาเรหิ ภิกฺขุ อาปตฺตึ อาปชฺชติ ฯ กตเมหิ--------------------------------------------------------------------------------------------- หน้าที่ ๔๗๙.
ปญฺจหิ ฯ อทสฺสเนน อสฺสวเนน ปสุตฺตตา ๑- ตถาสญฺี สติสมฺโมสา ฯ อิเมหิ โข อุปาลิ ปญฺจหากาเรหิ ภิกฺขุ อาปตฺตึ อาปชฺชตีติ ฯ [๑๑๙๗] กติ นุ โข ภนฺเต เวราติ ฯ ปญฺจิเม อุปาลิ เวรา ฯ กตเม ปญฺจ ฯ ปาณาติปาโต อทินฺนาทานํ กาเมสุ มิจฺฉาจาโร มุสาวาโท สุราเมรยมชฺชปมาทฏฺานํ ฯ อิเมหิ โข อุปาลิ ปญฺจ เวราติ ฯ [๑๑๙๘] กติ นุ โข ภนฺเต เวรมณิโยติ ฯ ปญฺจิมา อุปาลิ เวรมณิโย ฯ กตมา ปญฺจ ฯ ปาณาติปาตา เวรมณี อทินฺนาทานา เวรมณี กาเมสุ มิจฺฉาจารา เวรมณี มุสาวาทา เวรมณี สุราเมรยมชฺชปมาทฏฺานา เวรมณี ฯ อิมา โข อุปาลิ ปญฺจ เวรมณิโยติ ฯ
เนื้อความพระไตรปิฎกฉบับภาษาบาลีอักษรไทย เล่มที่ ๘ หน้าที่ ๔๗๕-๔๗๙. https://84000.org/tipitaka/read/pali_item.php?book=8&item=1191&items=8&pagebreak=1 อ่านโดยใช้เครื่องหมาย [เลขข้อ] เป็นเกณฑ์แบ่งข้อ :- https://84000.org/tipitaka/read/pali_item.php?book=8&item=1191&items=8&pagebreak=1&mode=bracket อ่านเทียบพระไตรปิฎกฉบับภาษาบาลีอักษรโรมัน :- https://84000.org/tipitaka/read/roman_item.php?book=8&item=1191&items=8&pagebreak=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=8&item=1191&items=8&pagebreak=1 ศึกษาอรรถกถานี้ได้ที่ :- https://84000.org/tipitaka/attha/attha.php?b=8&i=1191 สารบัญพระไตรปิฎกเล่มที่ ๘ https://84000.org/tipitaka/read/?index_8 https://84000.org/tipitaka/english/?index_8
      |
|
บันทึก ๒ ธันวาคม พ.ศ. ๒๕๕๙.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรไทย.
หากพบข้อผิดพลาด กรุณาแจ้งได้ที่ [email protected]