|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 5 : PALI ROMAN Vinaya Pitaka Vol 5 : Vinaya. Mahā (2)
[13] Athakho bhagava bhaddiye yathabhirantam viharitva yena savatthi tena carikam pakkami anupubbena carikam caramano yena savatthi tadavasari . tatra sudam bhagava savatthiyam viharati jetavane anathapindikassa arame . tena kho pana samayena chabbaggiya bhikkhu aciravatiya nadiya gavinam tarantinam visanesupi ganhanti kannesupi ganhanti givayapi ganhanti cheppayapi 1- ganhanti pitthimpi abhiruhanti rattacittapi angajatam chupanti vacchataripi ogahetva marenti . manussa ujjhayanti khiyanti vipacenti katham hi nama samana sakyaputtiya gavinam tarantinam visanesupi gahessanti kannesupi gahessanti givayapi gahessanti cheppayapi gahessanti pitthimpi abhiruhissanti rattacittapi angajatam chupissanti vacchataripi ogahetva maressanti seyyathapi gihi kamabhoginoti . assosum kho bhikkhu tesam manussanam ujjhayantanam @Footnote: 1 Ma. cheppeti.--------------------------------------------------------------------------------------------- page24.
Khiyantanam vipacentanam . athakho te bhikkhu bhagavato etamattham arocesum . na bhikkhave gavinam visanesu gahetabbam na kannesu gahetabbam na givaya gahetabbam na cheppaya gahetabbam na pitthi abhiruhitabba yo abhiruheyya apatti dukkatassa na ca bhikkhave rattacittena angajatam chupitabbam yo chupeyya apatti thullaccayassa na vacchatari maretabba yo mareyya yathadhammo karetabboti. [14] Tena kho pana samayena chabbaggiya bhikkhu yanena yayanti itthiyuttenapi purisantarena purisayuttenapi itthantarena . manussa ujjhayanti khiyanti vipacenti seyyathapi gangamahiyayati 1- . Bhagavato etamattham arocesum . na bhikkhave yanena yayitabbam yo yayeyya apatti dukkatassati . tena kho pana samayena annataro bhikkhu kosalesu janapadesu savatthim gacchanto bhagavantam dassanaya antaramagge gilano hoti . athakho so bhikkhu magga okkamma annatarasmim rukkhamule nisidi . manussa tam bhikkhum passitva 2- etadavocum kaham bhante ayyo 3- gamissatiti . savatthim kho aham avuso gamissami bhagavantam dassanayati . ehi bhante gamissamati 4- . naham avuso sakkomi gilanomhiti . ehi bhante yanam abhiruhati . alam avuso patikkhittam bhagavata yananti. Kukkuccayanto yanam nabhiruhi . athakho so bhikkhu savatthim gantva @Footnote: 1 Ma. Yu. kangamahiyayati. 2 Ma. Yu. disva. 3 Ma. Yu. ayyo bhante. @4 Ma. gamissamiti.--------------------------------------------------------------------------------------------- page25.
Bhikkhunam etamattham arocesi . bhikkhu bhagavato etamattham arocesum. Athakho bhagava etasmim nidane etasmim pakarane dhammim katham katva bhikkhu amantesi anujanami bhikkhave gilanassa yananti . athakho bhikkhunam etadahosi itthiyuttam nu kho purisayuttam nu khoti . bhagavato etamattham arocesum . anujanami bhikkhave purisayuttam hatthavattakanti. Tena kho pana samayena annatarassa bhikkhuno yanugghatena balhataram aphasu ahosi . bhagavato etamattham arocesum . anujanami bhikkhave sivikam patankinti.The Pali Tipitaka in Roman Character Volume 5 page 23-25. https://84000.org/tipitaka/pitaka_item/roman_read.php?B=5&A=474&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/pitaka_item/pali_read.php?B=5&A=474&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=13&items=2 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=5&siri=3 Study Atthakatha :- https://84000.org/tipitaka/attha/attha.php?b=5&i=13 The Pali Atthakatha in Thai :- https://84000.org/tipitaka/atthapali/read_th.php?B=3&A=3769 The Pali Atthakatha in Roman :- https://84000.org/tipitaka/atthapali/read_rm.php?B=3&A=3769 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]