บาลีพระไตรปิฎกเล่มที่ ๘ - พระวินัยปิฎกเล่มที่ ๘

     [๙๘๘]   ฉ  อคารวา  ฯ  ฉ  คารวา  ฯ  ฉ  วินีตวตฺถูนิ  ฯ  ฉ
สามีจิโย   ฯ   ฉ   อาปตฺติสมุฏฺานา  ฯ  ฉ  เฉทนกา  อาปตฺติโย  ฯ
ฉหากาเรหิ   อาปตฺตึ   อาปชฺชติ   ฯ   ฉ  อานิสํสา  วินยธเร  ฯ  ฉ
ปรมานิ   ฯ   ฉารตฺตํ   ติจีวเรน  วิปฺปวสิตพฺพํ  ฯ  ฉ  จีวรานิ  ฯ  ฉ
รชนานิ   ฯ   ฉ   อาปตฺติโย   กายโต   จ   จิตฺตโต  จ  สมุฏฺหนฺติ
น   วาจโต   ฯ   ฉ  อาปตฺติโย  วาจโต  จ  จิตฺตโต  จ  สมุฏฺหนฺติ
น   กายโต   ฯ  ฉ  อาปตฺติโย  กายโต  จ  วาจโต  จ  จิตฺตโต  จ
สมุฏฺหนฺติ  ฯ  ฉ  กมฺมานิ  ฯ  ฉ  วิวาทมูลานิ  ฯ  ฉ  อนุวาทมูลานิ ฯ
ฉ   สาราณียา   ธมฺมา   ^๓-   ฯ  ทีฆโส  ฉ  วิทตฺถิโย  สุคตวิทตฺถิยา
ติริยํ   ฉ   วิทตฺถิโย   ฯ   ฉ   นิสฺสยปฏิปฺปสฺสทฺธิโย   อาจริยมฺหา  ฯ
ฉ   นฺหาเน   อนุปฺปญฺตฺติโย   ฯ   วิปฺปกตจีวรํ   อาทาย  ปกฺกมติ  ฯ
@เชิงอรรถ: ^๑ ม. ยุ. วินยาธมฺมิเกน จ ฯ  ^๒ ยุ. สุภปญฺจกาติ ฯ  ^๓ อิทํ ปาทวฺยํ อติเรกํ
@วิย ทิสฺสติ อุทฺทาเน อนาคตตฺตา ฯ ยุโรปิยโปตฺถเกปิ น ทิสฺสติ ฯ
วิปฺปกตจีวรํ สมาทาย ปกฺกมติ ฯ
     [๙๘๙]   ฉหงฺเคหิ    สมนฺนาคเตน   ภิกฺขุนา   อุปสมฺปาเทตพฺพํ
นิสฺสโย     ทาตพฺโพ     สามเณโร     อุปฏฺาเปตพฺโพ     อเสเขน
สีลกฺขนฺเธน   สมนฺนาคโต   โหติ  อเสเขน  สมาธิกฺขนฺเธน  สมนฺนาคโต
โหติ       อเสเขน       ปญฺาขนฺเธน      สมนฺนาคโต      โหติ
อเสเขน วิมุตฺติกฺขนฺเธน สมนฺนาคโต โหติ อเสเขน วิมุตฺติาณทสฺสนกฺขนฺเธน
สมนฺนาคโต         โหติ        ทสวสฺโส        วา        โหติ
อติเรกทสวสฺโส วา ฯ
     {๙๘๙.๑}   อปเรหิปิ    ฉหงฺเคหิ    สมนฺนาคเตน    ภิกฺขุนา
อุปสมฺปาเทตพฺพํ    นิสฺสโย    ทาตพฺโพ    สามเณโร   อุปฏฺาเปตพฺโพ
อตฺตนา   อเสเขน   สีลกฺขนฺเธน   สมนฺนาคโต   โหติ   ปรํ   อเสเข
สีลกฺขนฺเธ   สมาทเปตา  อตฺตนา  อเสเขน  สมาธิกฺขนฺเธน  สมนฺนาคโต
โหติ   ปรํ   อเสเข   สมาธิกฺขนฺเธ   สมาทเปตา   อตฺตนา  อเสเขน
ปญฺาขนฺเธน    สมนฺนาคโต    โหติ    ปรํ    อเสเข    ปญฺาขนฺเธ
สมาทเปตา     อตฺตนา     อเสเขน    วิมุตฺติกฺขนฺเธน    สมนฺนาคโต
โหติ   ปรํ   อเสเข   วิมุตฺติกฺขนฺเธ   สมาทเปตา   อตฺตนา  อเสเขน
วิมุตฺติาณทสฺสนกฺขนฺเธน     สมนฺนาคโต     โหติ     ปรํ     อเสเข
วิมุตฺติาณทสฺสนกฺขนฺเธ     สมาทเปตา     ทสวสฺโส     วา     โหติ
อติเรกทสวสฺโส วา ฯ
     {๙๘๙.๒}   อปเรหิปิ    ฉหงฺเคหิ    สมนฺนาคเตน    ภิกฺขุนา
อุปสมฺปาเทตพฺพํ    นิสฺสโย    ทาตพฺโพ    สามเณโร   อุปฏฺาเปตพฺโพ
สทฺโธ    โหติ    หิริมา    โหติ    โอตฺตปฺปี    โหติ   อารทฺธวิริโย
โหติ    อุปฏฺิตสฺสติ   โหติ   ทสวสฺโส   วา   โหติ   อติเรกทสวสฺโส
วา ฯ
     {๙๘๙.๓}   อปเรหิปิ    ฉหงฺเคหิ    สมนฺนาคเตน    ภิกฺขุนา
อุปสมฺปาเทตพฺพํ    นิสฺสโย    ทาตพฺโพ    สามเณโร   อุปฏฺาเปตพฺโพ
น   อธิสีเล   สีลวิปนฺโน   โหติ  น  อชฺฌาจาเร  อาจารวิปนฺโน  โหติ
น    อติทิฏฺิยา    ทิฏฺิวิปนฺโน    โหติ    พหุสฺสุโต   โหติ   ปญฺวา
โหติ ทสวสฺโส วา โหติ อติเรกทสวสฺโส วา ฯ
     {๙๘๙.๔}   อปเรหิปิ    ฉหงฺเคหิ    สมนฺนาคเตน    ภิกฺขุนา
อุปสมฺปาเทตพฺพํ    นิสฺสโย    ทาตพฺโพ    สามเณโร   อุปฏฺาเปตพฺโพ
ปฏิพโล   โหติ  อนฺเตวาสึ  วา  สทฺธิวิหารึ  วา  คิลานํ  อุปฏฺาตุํ  วา
อุปฏฺาเปตุํ   วา  อุปฺปนฺนํ  ^๑-  อนภิรตึ  วูปกาเสตุํ  วา  วูปกาสาเปตุํ
วา   อุปฺปนฺนํ   กุกฺกุจฺจํ  ธมฺมโต  วิโนเทตุํ  วา  วิโนทาเปตุํ  ^๒-  วา
อาปตฺตึ   ชานาติ   อาปตฺติยา   วุฏฺานํ  ชานาติ  ทสวสฺโส  วา  โหติ
อติเรกทสวสฺโส วา ฯ
     {๙๘๙.๕}   อปเรหิปิ    ฉหงฺเคหิ    สมนฺนาคเตน    ภิกฺขุนา
อุปสมฺปาเทตพฺพํ    นิสฺสโย    ทาตพฺโพ    สามเณโร   อุปฏฺาเปตพฺโพ
ปฏิพโล   โหติ   อนฺเตวาสึ   วา   สทฺธิวิหารึ    วา  อภิสมาจาริกาย
สิกฺขาย    สิกฺขาเปตุํ   อาทิพฺรหฺมจริกาย   สิกฺขาย   วิเนตุํ   อภิธมฺเม
วิเนตุํ    อภิวินเย    วิเนตุํ   อุปฺปนฺนํ   ทิฏฺิคตํ   ธมฺมโต   วิเวเจตุํ
ทสวสฺโส วา โหติ อติเรกทสวสฺโส วา ฯ
     {๙๘๙.๖}   อปเรหิปิ    ฉหงฺเคหิ    สมนฺนาคเตน    ภิกฺขุนา
อุปสมฺปาเทตพฺพํ         นิสฺสโย         ทาตพฺโพ        สามเณโร
อุปฏฺาเปตพฺโพ      อาปตฺตึ      ชานาติ      อนาปตฺตึ     ชานาติ
@เชิงอรรถ: ^๑ โป. ม. อยํ ปาโ น ทิสฺสติ ฯ  ^๒ โป. ม. วา วิโนทาเปตุํ วาติ อิเม ปาา
@น ทิสฺสนฺติ ฯ
ลหุกํ    อาปตฺตึ   ชานาติ   ครุกํ   อาปตฺตึ   ชานาติ   อุภยานิ   โข
ปนสฺส    ปาติโมกฺขานิ    วิตฺถาเรน   สฺวาคตานิ   โหนฺติ   สุวิภตฺตานิ
สุปฺปวตฺตีนิ    สุวินิจฺฉิตานิ    สุตฺตโส    อนุพฺยญฺชนโส   ทสวสฺโส   วา
โหติ อติเรกทสวสฺโส วา ฯ
     [๙๙๐]   ฉ   อธมฺมิกานิ   ปาติโมกฺขฏฺปนานิ   ฯ  ฉ  ธมฺมิกานิ
ปาติโมกฺขฏฺปนานีติ ฯ
                                 ฉกฺกํ นิฏฺิตํ
                                 ตสฺสุทฺทานํ
     [๙๙๑]   อคารวา คารวา จ            วินีตา สามิจีปิ จ
                  สมุฏฺานา เฉทนา เจว          อาการานิสํเสน จ
                  ปรมานิ จ ฉารตฺตํ                 จีวรํ รชนานิ จ ^๑-
                  กายโต จิตฺตโต จาปิ              วาจโต จิตฺตโตปิ จ ^๑-
                  กายวาจาจิตฺตโต จ               กมฺมวิวาทเมว จ
                  อนุวาทา ทีฆโส จ                 ติริยํ นิสฺสเยน จ
                  อนุปฺปญฺตฺติ อาทาย          สมาทาย ตเถว จ
                  อเสเข สมาทเปตา                สทฺโธ อธิสีเลน จ
                  คิลานาภิสมาจาริ                 อาปตฺตาธมฺมธมฺมิกาติ ฯ

เนื้อความพระไตรปิฎกฉบับภาษาบาลี อักษรไทย เล่มที่ ๘ หน้าที่ ๓๓๖-๓๓๙. https://84000.org/tipitaka/read/pali_read.php?B=8&A=6846&w=&modeTY=1 อ่านเทียบพระไตรปิฎกฉบับภาษาบาลี อักษรโรมัน :- https://84000.org/tipitaka/read/roman_read.php?B=8&A=6846&modeTY=1 อ่านเทียบพระไตรปิฎกภาษาไทยฉบับหลวง :- https://84000.org/tipitaka/read/byitem.php?book=8&item=988&items=4 อ่านเทียบพระไตรปิฎกฉบับมหาจุฬาฯ :- https://84000.org/tipitaka/pitaka_item/m_siri.php?B=8&siri=81 ศึกษาอรรถกถานี้ได้ที่ :- https://84000.org/tipitaka/attha/attha.php?b=8&i=988 อ่านอรรถกถาภาษาบาลีอักษรไทย :- https://84000.org/tipitaka/atthapali/read_th.php?B=3&A=10606 The Pali Atthakatha in Roman :- https://84000.org/tipitaka/atthapali/read_rm.php?B=3&A=10606 สารบัญพระไตรปิฎกเล่มที่ ๘ https://84000.org/tipitaka/read/?index_8 https://84000.org/tipitaka/english/?index_8