ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
 PaliThai   PaliRoman 
First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ENGLISH letter
TIPITAKA Volume 8 : PALI ROMAN Vinaya Pitaka Vol 8 : Vinaya. Parivāra

                      Ekuttarikaṃ 1-
     [941]  Āpattikarā  dhammā  jānitabbā  .  anāpattikarā  dhammā
jānitabbā   .   āpatti   jānitabbā   .   anāpatti   jānitabbā .
Lahukā   āpatti   jānitabbā   .   garukā   āpatti   jānitabbā  .
Sāvasesā   āpatti  jānitabbā  .  anavasesā  āpatti  jānitabbā .
Duṭṭhullā   āpatti   jānitabbā  .  aduṭṭhullā  āpatti  jānitabbā .
Sappaṭikammā     āpatti    jānitabbā    .    appaṭikammā    āpatti
jānitabbā   .   desanāgāminī   āpatti  jānitabbā  .  adesanāgāminī
āpatti jānitabbā. Antarāyikā āpatti jānitabbā.
     {941.1}   Anantarāyikā  āpatti  jānitabbā  .  sāvajjapaññatti
āpatti    jānitabbā   .   anavajjapaññatti   āpatti   jānitabbā  .
Kiriyato  samuṭṭhitā  āpatti  jānitabbā  .  akiriyato  samuṭṭhitā  āpatti
jānitabbā    .   kiriyākiriyato   samuṭṭhitā   āpatti   jānitabbā  .
Pubbāpatti   jānitabbā   .   aparāpatti   jānitabbā   .  pubbāpattīnaṃ
antarāpatti   jānitabbā   .   aparāpattīnaṃ  antarāpatti  jānitabbā .
Desitā   gaṇanupagā   āpatti   jānitabbā   .   desitā  na  gaṇanupagā
āpatti jānitabbā.
     {941.2}   Paññatti   jānitabbā  .  anuppaññatti  jānitabbā .
Anuppannapaññatti    jānitabbā    .    sabbatthapaññatti   jānitabbā  .
Padesapaññatti         jānitabbā         .         sādhāraṇapaññatti
@Footnote: 1 Ma. ekuttarikanaya. Yu. ayaṃ pāṭho natthi.
Jānitabbā    .    asādhāraṇapaññatti   jānitabbā   .   ekatopaññatti
jānitabbā   .   ubhatopaññatti   jānitabbā   .   thullavajjā   āpatti
jānitabbā   .   athullavajjā   āpatti   jāvitabbā  .  gihipaṭisaññuttā
āpatti   jānitabbā   .   na   gihipaṭisaññuttā  āpatti  jānitabbā .
Niyatā   āpatti   jānitabbā   .   aniyatā   āpatti   jānitabbā .
Ādikaro   puggalo   jānitabbo  .  anādikaro  puggalo  jānitabbo .
Aniccāpattiko    puggalo    jānitabbo   .   abhiṇhāpattiko   puggalo
jānitabbo   .   codako   puggalo   jānitabbo   .  cuditako  puggalo
jānitabbo   .   adhammacodako   puggalo   jānitabbo  .  adhammacuditako
puggalo    jānitabbo    .    dhammacodako   puggalo   jānitabbo  .
Dhammacuditako   puggalo   jānitabbo   .  niyato  puggalo  jānitabbo .
Aniyato  puggalo  jānitabbo  .  bhabbāpattiko  1- puggalo jānitabbo.
Abhabbāpattiko   2-   puggalo   jānitabbo   .   ukkhittako   puggalo
jānitabbo    .    anukkhittako   puggalo   jānitabbo   .   nāsitako
puggalo    jānitabbo    .    anāsitako    puggalo   jānitabbo  .
Samānasaṃvāsako   puggalo   jānitabbo   .  nānāsaṃvāsako  3-  puggalo
jānitabbo. Ṭhapanaṃ jānitabbanti.
                      Ekakaṃ niṭṭhitaṃ.
                        Tassuddānaṃ
     [942] Karā āpatti lahukā              sāvasesā ca duṭṭhullā
@Footnote: 1 Ma. Yu. abhabbāpattiko .  2 Ma. Yu. bhabbāpattiko .  3 Ma. Yu. asamānasaṃvāsako.
        Paṭikammadesanā ca                      antarāvajjakīriyā 1-
        kiriyākiriyā 2- pubbā                antarā gaṇanūpagā
        paññattānuppannā 3- sabbā   sādhāraṇā ca ekato
        duṭṭhullā gihi niyatā ca                ādianiccacodako 4-
        adhammadhammaniyato                       abhabbokkhittanāsako 5-.
        Samānaṃ ṭhapanañceva                      uddānaṃ ekato 6- idanti.



             The Pali Tipitaka in Roman Character Volume 8 page 294-296. http://84000.org/tipitaka/read/roman_read.php?B=8&A=5970              Compare with The Pali Tipitaka in Thai Character :- http://84000.org/tipitaka/read/pali_read.php?B=8&A=5970&w=              Compare with The Royal Version of Thai Tipitaka :- http://84000.org/tipitaka/read/byitem.php?book=8&item=941&items=2              Compare with The MCU Version of Thai Tipitaka :- http://84000.org/tipitaka/pitaka_item/m_siri.php?B=8&siri=76              Study Atthakatha :- http://84000.org/tipitaka/attha/attha.php?b=8&i=941              Contents of The Tipitaka Volume 8 http://84000.org/tipitaka/read/?index_8

First LinkPrevious Linkแสดงหมายเลขหน้า
ในกรณี :- 
   บรรทัดแรกของแต่ละหน้าNext LinkLast Link chage to ENGLISH letter

บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com