|
|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ | |
|
| |
|
|
TIPITAKA Volume 4 : PALI ROMAN Vinaya Pitaka Vol 4 : Vinaya. Mahā (1)
Pavaranakkhandhakam [224] Tena samayena buddho bhagava savatthiyam viharati jetavane anathapindikassa arame . tena kho pana samayena sambahula sandittha sambhatta bhikkhu kosalesu janapadesu annatarasmim avase vassam upagacchimsu . athakho tesam bhikkhunam etadahosi kena nu kho mayam upayena samagga sammodamana avivadamana phasukam vassam vaseyyama na ca pindakena kilameyyamati . athakho tesam bhikkhunam etadahosi sace kho mayam annamannam neva alapeyyama na sallapeyyama yo pathamam gamato pindaya patikkameyya so asanam pannapeyya padodakam padapitham padakathalikam upanikkhipeyya avakkarapatim dhovitva upatthapeyya paniyam paribhojaniyam upatthapeyya yo paccha gamato pindaya patikkameyya sacassa bhuttavaseso sace akankheyya bhunjeyya no ce akankheyya apaharite va chaddeyya appanake va udake opilapeyya so asanam uddhareyya padodakam padapitham padakathalikam patisameyya avakkarapatim dhovitva patisameyya paniyam paribhojaniyam patisameyya bhattaggam sammajjeyya yo passeyya paniyaghatam va paribhojaniyaghatam va vaccaghatam va rittam tuccham so upatthapeyya sacassa hoti avisayham hatthavikarena dutiyam amantetva hatthavilanghakena upatthapeyya na tveva tappaccaya vacam bhindeyya evam kho mayam--------------------------------------------------------------------------------------------- page310.
Samagga sammodamana avivadamana phasukam vassam vaseyyama na ca pindakena kilameyyamati. {224.1} Athakho te bhikkhu annamannam neva alapimsu na sallapimsu yo pathamam gamato pindaya patikkamati so asanam pannapeti padodakam padapitham padakathalikam upanikkhipati avakkarapatim dhovitva upatthapeti paniyam paribhojaniyam upatthapeti yo paccha gamato pindaya patikkamati sace hoti bhuttavaseso sace akankhati bhunjati no ce akankhati apaharite va chaddeti appanake va udake opilapeti so asanam uddharati padodakam padapitham padakathalikam patisameti avakkarapatim dhovitva patisameti paniyam paribhojaniyam patisameti bhattaggam sammajjati yo passati paniyaghatam va paribhojaniyaghatam va vaccaghatam va rittam tuccham so upatthapeti sacassa hoti avisayham hatthavikarena dutiyam amantetva hatthavilanghakena upatthapeti na tveva tappaccaya vacam bhindati. [225] Acinnam kho panetam vassam vutthanam bhikkhunam bhagavantam dassanaya upasankamitum . athakho te bhikkhu vassam vuttha temasaccayena senasanam samsametva pattacivaramadaya yena savatthi tena pakkamimsu anupubbena yena savatthi jetavanam anathapindikassa aramo yena bhagava tenupasankamimsu upasankamitva bhagavantam abhivadetva ekamantam nisidimsu . Acinnam kho panetam--------------------------------------------------------------------------------------------- page311.
Buddhanam bhagavantanam agantukehi bhikkhuhi saddhim patisammoditum . Athakho bhagava te bhikkhu etadavoca kacci bhikkhave khamaniyam kacci yapaniyam kacci samagga sammodamana avivadamana phasukam vassam vasittha na ca pindakena kilamitthati . khamaniyam bhagava yapaniyam bhagava samagga ca mayam bhante sammodamana avivadamana phasukam vassam vasimha na ca pindakena kilamimhati. {225.1} Janantapi tathagata pucchanti janantapi na pucchanti kalam viditva pucchanti kalam viditva na pucchanti atthasanhitam tathagata pucchanti no anatthasanhitam anatthasanhite setughato tathagatanam . dvihakarehi buddha bhagavanto bhikkhu patipucchanti dhammam va desessama savakanam va sikkhapadam pannapessamati. {225.2} Athakho bhagava te bhikkhu etadavoca yathakatham pana tumhe bhikkhave samagga sammodamana avivadamana phasukam vassam vasittha na ca pindakena kilamitthati. {225.3} Idha mayam bhante sambahula sandittha sambhatta bhikkhu kosalesu janapadesu annatarasmim avase vassam upagacchimha tesam no bhante amhakam etadahosi kena nu kho mayam upayena samagga sammodamana avivadamana phasukam vassam vaseyyama na ca pindakena kilameyyamati tesam no bhante amhakam etadahosi sace kho mayam annamannam neva alapeyyama na sallapeyyama yo pathamam gamato pindaya patikkameyya so asanam pannapeyya padodakam--------------------------------------------------------------------------------------------- page312.
Padapitham padakathalikam upanikkhipeyya avakkarapatim dhovitva upatthapeyya paniyam paribhojaniyam upatthapeyya yo paccha gamato pindaya patikkameyya sacassa bhuttavaseso sace akankheyya bhunjeyya no ce akankheyya apaharite va chaddeyya appanake va udake opilapeyya so asanam uddhareyya padodakam padapitham padakathalikam patisameyya avakkarapatim dhovitva patisameyya paniyam paribhojaniyam patisameyya bhattaggam sammajjeyya yo passeyya paniyaghatam va paribhojaniyaghatam va vaccaghatam va rittam tuccham so upatthapeyya sacassa hoti avisayham hatthavikarena dutiyam amantetva hatthavilanghakena upatthapeyya na tveva tappaccaya vacam bhindeyya evam kho mayam samagga sammodamana avivadamana phasukam vassam vaseyyama na ca pindakena kilameyyamati athakho mayam bhante annamannam neva alapimha na sallapimha yo pathamam gamato pindaya patikkamati so asanam pannapeti padodakam padapitham padakathalikam upanikkhipati avakkarapatim dhovitva upatthapeti paniyam paribhojaniyam upatthapeti yo paccha gamato pindaya patikkamati sace hoti bhuttavaseso sace akankhati bhunjati no ce akankhati apaharite va chaddeti appanake va udake opilapeti so asanam uddharati padodakam padapitham padakathalikam patisameti avakkarapatim dhovitva patisameti paniyam--------------------------------------------------------------------------------------------- page313.
Paribhojaniyam patisameti bhattaggam sammajjati yo passati paniyaghatam va paribhojaniyaghatam va vaccaghatam va rittam tuccham so upatthapeti sacassa hoti avisayham hatthavikarena dutiyam amantetva hatthavilanghakena upatthapeti na tveva tappaccaya vacam bhindati evam kho mayam bhante samagga sammodamana avivadamana phasukam vassam vasimha na ca pindakena kilamimhati. [226] Athakho bhagava bhikkhu amantesi aphasunneva kirame bhikkhave moghapurisa vuttha samana phasumha vutthati patijananti pasusamvasanneva kirame bhikkhave moghapurisa vuttha samana phasumha vutthati patijananti elakasamvasanneva kirame bhikkhave moghapurisa vuttha samana phasumha vutthati patijananti pamattasamvasanneva kirame bhikkhave moghapurisa vuttha samana phasumha vutthati patijananti katham hi namime 1- bhikkhave moghapurisa mugabbattam 2- titthiyasamadanam samadiyissanti netam bhikkhave appasannanam va pasadaya .pe. vigarahitva dhammim katham katva bhikkhu amantesi na bhikkhave mugabbattam titthiyasamadanam samadiyitabbam yo samadiyeyya apatti dukkatassa . anujanami bhikkhave vassam vutthanam bhikkhunam tihi thanehi pavaretum ditthena va sutena va parisankaya va . Sa vo bhavissati annamannanulomata apattivutthanata vinayapurekkharata . evanca pana bhikkhave pavaretabbam . byattena bhikkhuna patibalena sangho @Footnote: 1 Ma. ime iti saddo na dissati. 2 Ma. mugabbatam. ito param idisameva.--------------------------------------------------------------------------------------------- page314.
Napetabbo sunatu me bhante sangho ajja pavarana . Yadi sanghassa pattakallam sangho pavareyyati. {226.1} Therena bhikkhuna ekamsam uttarasangam karitva ukkutikam nisiditva anjalim paggahetva evamassa vacaniyo sangham avuso pavaremi ditthena va sutena va parisankaya va vadantu mam ayasmanto anukampam upadaya passanto patikarissami dutiyampi avuso sangham pavaremi ditthena va sutena va parisankaya va vadantu mam ayasmanto anukampam upadaya passanto patikarissami tatiyampi avuso sangham pavaremi ditthena va sutena va parisankaya va vadantu mam ayasmanto anukampam upadaya passanto patikarissamiti. {226.2} Navakena bhikkhuna ekamsam uttarasangam karitva ukkutikam nisiditva anjalim paggahetva evamassa vacaniyo sangham bhante pavaremi ditthena va sutena va parisankaya va vadantu mam ayasmanto anukampam upadaya passanto patikarissami dutiyampi bhante sangham pavaremi ditthena va sutena va parisankaya va vadantu mam ayasmanto anukampam upadaya passanto patikarissami tatiyampi bhante sangham pavaremi ditthena va sutena va parisankaya va vadantu mam ayasmanto anukampam upadaya passanto patikarissamiti. [227] Tena kho pana samayena chabbaggiya bhikkhu theresu bhikkhusu ukkutikam nisinnesu pavarayamanesu asanesu acchanti . ye te--------------------------------------------------------------------------------------------- page315.
Bhikkhu appiccha te ujjhayanti khiyanti vipacenti katham hi nama chabbaggiya bhikkhu theresu bhikkhusu ukkutikam nisinnesu pavarayamanesu asanesu acchissantiti . athakho te bhikkhu bhagavato etamattham arocesum . saccam kira bhikkhave chabbaggiya bhikkhu theresu bhikkhusu ukkutikam nisinnesu pavarayamanesu asanesu acchantiti . Saccam bhagavati. {227.1} Vigarahi buddho bhagava katham hi nama te bhikkhave moghapurisa theresu bhikkhusu ukkutikam nisinnesu pavarayamanesu asanesu acchissanti netam bhikkhave appasannanam va pasadaya .pe. vigarahitva dhammim katham katva bhikkhu amantesi na bhikkhave theresu bhikkhusu ukkutikam nisinnesu pavarayamanesu asanesu acchitabbam yo accheyya apatti dukkatassa anujanami bhikkhave sabbeheva ukkutikam nisinnehi pavaretunti . tena kho pana samayena annataro thero jaradubbalo yava sabbe pavarenti 1- ukkutikam nisinno 2- agamayamano mucchito papati . bhagavato etamattham arocesum . anujanami bhikkhave tadanantara ukkutikam nisiditum yava pavareti pavaretva asane nisiditunti. [228] Athakho bhikkhunam etadahosi kati nu kho pavaranati . Bhagavato etamattham arocesum . dvema bhikkhave pavarana catuddasika [3]- pannarasika ca ima kho bhikkhave dve pavaranati. @Footnote: 1 Si. Ma. Yu. pavarentiti . 2 Ra. tava ukkutikam nisinno. 3 Po. Ma. ca.--------------------------------------------------------------------------------------------- page316.
Athakho bhikkhunam etadahosi kati nu kho pavaranakammaniti 1- . Bhagavato etamattham arocesum . Cattarimani bhikkhave pavaranakammani 2- adhammena vaggam pavaranakammam adhammena samaggam pavaranakammam dhammena vaggam pavaranakammam dhammena samaggam pavaranakammam . Tatra bhikkhave yadidam adhammena vaggam pavaranakammam na bhikkhave evarupam pavaranakammam katabbam na ca maya evarupam pavaranakammam anunnatam. {228.1} Tatra bhikkhave yadidam adhammena samaggam pavaranakammam na bhikkhave evarupam pavaranakammam katabbam na ca maya evarupam pavaranakammam anunnatam . tatra bhikkhave yadidam dhammena vaggam pavaranakammam na ca 3- bhikkhave evarupam pavaranakammam katabbam na ca maya evarupam pavaranakammam anunnatam . tatra bhikkhave yadidam dhammena samaggam pavaranakammam evarupam bhikkhave pavaranakammam katabbam evarupam 4- maya pavaranakammam anunnatam . tasmatiha bhikkhave evarupam pavaranakammam karissama yadidam dhammena samagganti evam hi vo bhikkhave sikkhitabbanti.The Pali Tipitaka in Roman Character Volume 4 page 309-316. https://84000.org/tipitaka/read/roman_read.php?B=4&A=6386&modeTY=2&pagebreak=1 Compare with The Pali Tipitaka in Thai Character :- https://84000.org/tipitaka/read/pali_read.php?B=4&A=6386&modeTY=2&pagebreak=1 Compare with The Royal Version of Thai Tipitaka :- https://84000.org/tipitaka/read/byitem.php?book=4&item=224&items=5 Compare with The MCU Version of Thai Tipitaka :- https://84000.org/tipitaka/pitaka_item/m_siri.php?B=4&siri=70 Study Atthakatha :- https://84000.org/tipitaka/attha/attha.php?b=4&i=224 The Pali Atthakatha in Thai :- https://84000.org/tipitaka/atthapali/read_th.php?B=3&A=3442 The Pali Atthakatha in Roman :- https://84000.org/tipitaka/atthapali/read_rm.php?B=3&A=3442 Contents of The Tipitaka Volume 4 https://84000.org/tipitaka/read/?index_4 https://84000.org/tipitaka/english/?index_4
      |
|
บันทึก ๑๔ พฤศจิกายน พ.ศ. ๒๕๖๐.
การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน.
หากพบข้อผิดพลาด กรุณาแจ้งได้ที่ [email protected]