Atthakatha Book 47 : PALI ROMAN
Patisam.A.1 (saddhamma.1)

                    38. Viriyarambhanananiddesavannana
     [89] Viriyarambhanananiddese anuppannananti ekasmim attabhave,
ekasmim va arammane anibbattanam. Anamatagge hi samsare anuppanna akusala
nama natthi, kusala pana atthi. Papakananti lamakanam. Akusalanam
dhammananti akosallasambhutanam dhammanam. Anuppadayati na uppadanatthaya.
Uppannananti imasmim attabhave nibbattanam. Pahanayati pajahanatthaya.
Anuppannanam kusalanam dhammananti imasmim attabhave anibbattapabbanam
kosallasambhutanam dhammanam. Uppadayati uppadanatthaya. Uppannananti imasmim
attabhave nibbattanam. Thitiyati thitatthaya. Asammosayati avinasanatthaya
bhiyyobhavayati punappunabhavaya. Vepullayati vipulabhavaya. Bhavanayati vaddhiya.
Paripuriyati paripuranatthaya.
     Idani akusalesu kamacchandam, kusalesu nekkhammam visesetva dassetum
anuppannassa kamacchandassatiadimaha. Tattha kamacchandoti samadhippatipakkho
kamarago. Nekkhammanti pathamajjhanasamadhi, pathamajjhanam va, sabbe evam va
kusala dhamma nekkhammam.
     Idani sabbakilesanam sabbakilesappatipakkhassa arahattamaggassa ca vasena
yojetva dassetum anuppannanam sabbakilesanantiadimaha. Tattha uppannassa
arahattamaggassa thitiyatiadisu uppadakkhane uppannassa arahattamaggassa
thitikkhanabhangakkhanavasena "thitiya"tiadiyojana veditabba. Vibhangatthakathayampi "ya
cassa pavatti, ayameva thiti nama"ti 1- vuttam. Keci pana "arahattamaggassa
pubbabhagamaggo datthabbo"ti vadanti.
                   Viriyarambhanananiddesavannana nitthita.
@Footnote: 1 abhi.A. 2/404/323


             The Pali Atthakatha in Roman Book 47 page 342.
http://84000.org/tipitaka/atthapali/read_rm.php?B=47&A=7633&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=47&A=7633&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=31&i=237
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=31&A=2597
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=31&A=3032
             The Pali Tipitaka in Roman Character :-
http://84000.org/tipitaka/read/roman_read.php?B=31&A=3032
             Contents of The Tipitaka Volume 31
http://84000.org/tipitaka/read/?index_31