AtthaPali Vol.13

11. Yavakalapisuttavannana [248] Ekadasame yavakalapiti layitva thapitayavapunjo. Byabhangihatthati kajahattha. Chahi byagangihi haneyyunti chahi puthulakajadandakehi potheyyum. @Footnote: ¹ cha.Ma. susanthatassapi ² Si. hettha thitanampi va, Ma. hatthe thitanampi va phalanam @³ Si. anupapilantena

--------------------------------------------------------------------------------------------- page133.

Sattamoti tesu chasu janesu yave layitva ^1- pasibbake puretva adaya gatesu anno sattamo agaccheyya. Suhatatara assati yam tattha avasittham atthi bhusapalasamattampi, tassa gahanattham sutthutaram hata. Evameva khoti ettha catumahapatho viya cha ayatanani datthabbani, catumahapathe nikkhittayavakalapi viya satto, cha byabhangiyo viya itthanitthamajjhattavasena attharasa arammanani, sattama byabhangi viya bhavapatthana kilesa. Yatha catumahapathe thapita yavakathapi chahi byabhangihi hannati, evameva satta attharasahi arammanadandakehi chasu ayatanesu hannanti. Yatha sattamena suhatatara honati, evam satta bhavapatthanakilesehi suhatatara honti bhavamulakam dukkham anubhavamana. Idani nesam tam bhavapatthanakilesam dassetum bhutapubbam bhikkhavetiadimaha. Tatrati sudhammayam bhummam, sudhammaya devasabhaya dvareti attho. ^2- Dhammika kho devati dhammika ete deva nama, yehi madisam asuradhipatim gahetva mayham bhedanamattampi na katanti sandhaya vadati. Adhammika devati adhammika ete deva nama, ye madisam asuradhipatim navaguthasukaram viya kanthapancamehi bandhanehi bandhitva nisidapenti. Evam sukhumam kho bhikkhave vepacittibandhananti tam kira padumanalasuttam viya makkatajalasuttam viya ca sukhumam hoti, chettum pana neva vasiya na pharasuna sakka. Yasma pana citteneva sanjati, ^3- cittena muccati, tasma "vepacittibandhanan"ti vuttam. Tato sukhumataram marabandhananti kilesabandhanam panetam tatopi sukhumataram, neva cakkhussa apatham gacchati, na iriyapatham nivareti. Tena hi baddha satta pathavitalepi @Footnote: ¹ cha.Ma. pothetva @² Si. tatra sudhammam devasabhanti bhummam ³ cha.Ma. bajjhati

--------------------------------------------------------------------------------------------- page134.

Akasepi yojanasatampi yojanasahassampi gacchantipi agacchantipi. Chijjamanam panetam naneneva chijjati na annenati "nanamokkham bandhanan"tipi vuccati. Mannamanoti tanhaditthimananam vasena khandhe mannanto. Baddho marassati marabandhanena baddho. Karanatthe va etam samivacanam, kilesamarena baddhoti attho. Mutto papimatoti marassa bandhanena mutto. Karanattheyeva va idam samivacanam, papimata kilesabandhanena muttoti attho. Asmiti padena tanhamannitam vuttam. Ayamahamasmiti ditthimannitam. Bhavissantiti sassatavasena ditthimannitameva. Na bhavissantiti ucchedavasena. Rupitiadini sassatavasena pabhedadipanani. Tasmati yasma mannitam abadham antodosanikantanavasena rogo ceva gando ca sallam ca, tasma. Injitantiadini yasma imehi kilesehi satta injanti ceva phandanti ca papancita ca honti samaggakaram patta, tasma tesam akaradassanattham vuttani. Managatavare pana manassa gatam managatam, manapavattiti attho. Manoyeva gatam guthagatam muttagatam viya. Tattha asmiti idam tanhaya sampayuttamanavasena vuttam. Ayamadamasmiti ditthivasena. Nanu ca ditthisampayutto nama mano natthiti? ama Natthi, manassa pana appahinatta ditthi nama hoti. Manamulakam ditthim sandhayetam vuttam. Sesam sabbattha uttanamevati. Asivisavaggo samatto. Catuttho pannasako. Salayatanasamyuttavannana nitthita. -------------------

The Pali Atthakatha in Roman Book 13 page 132-134. http://84000.org/tipitaka/atthapali/read_rm.php?B=13&A=2913&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=2913&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=18&i=351 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=5392 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=5078 The Pali Tipitaka in Roman Character :- http://84000.org/tipitaka/read/roman_read.php?B=18&A=5078 Contents of The Tipitaka Volume 18 http://84000.org/tipitaka/read/?index_18