AtthaPali Vol.13

2. Viharavagga 1. Pathamaviharasuttavannana [11] Dutiyavaggassa pathame icchamaham bhikkhave addhamasam patisalliyitunti aham bhikkhave ekam addhamasam patisalliyitum nisiditum ekova hutva viharitum icchamiti attho. Namhi kenaci upasankamitabbo annatra ekena pindapataniharakenati yo attana payuttam vacam akatva mamatthaya saddhesu kulesu patiyattam pindapatam niharitva mayham upanameyya, tam pindapataniharanakam ekam bhikkhum thapetva namhi annena kenaci bhikkhuna va gahatthena va upasankamitabboti. Kasma pana evamahati? tasmim kira addhamase vinetabbo satto Nahosi. Atha sattha "imam addhamasam phalasamapattisukhena vitinamessami, iti

--------------------------------------------------------------------------------------------- page192.

Mayham ceva sukhaviharo bhavissati, anagate ca pacchima janata `satthapi ganam vihaya ekako vihasi, kimangam pana mayan'ti ditthanugatim apajjissati, tadassa bhavissati digharattam hitaya sukhaya"ti imina karanena evamaha. Bhikkhusamghopi satthu vacanam sampaticchitva ekam bhikkhum adasi, so patova gandhakutiparivena- sammajjanamukhodakadantakatthadanadini sabbakiccani tasmim khane katva apagacchati. Yena svahanti yena su ^1- aham. Pathamabhisambuddhoti abhisambuddho hutva pathamamyeva ekunapannasadivasabbhantare. Viharamiti idam atitatthe vattamanavacanam. Tassa padesena vihasinti tassa pathamabhisambuddhaviharassa padesena. Tattha padeso nama khandhappadeso ayatanadhatusaccaindriyapaccayakarasatipatthanajhana- namarupappadeso dhammappadesoti ^2- nanavidho, tam sabbampi sandhaya "tassa padesena vihasin"ti aha. Bhagava hi pathamabodhiyam ekunapannasadivasabbhantare yatha nama pattarajjo raja attano vibhavasaradassanattham tam tam gabbham vivarapetva suvannarajatamuttamaniadini ratanani paccavekkhanto vihareyya, ^3- evameva pancakkhandhe nippadese katva sammasanto paccavekkhanto vihasi. Imasmim pana addhamase tesam khandhanam padesam vedanakkhandhameva paccavekkhanto vihasi. Tassa "ime satta evarupam nama sukham patisamvedenti, evarupam dukkhan"ti olokayato yava bhavagga pavatta sukhavedana, yava avicito pavatta dukkhavedana sabba sabbakarena upatthasi. Atha nam "micchaditthipaccayapi vedayitan"tiadina nayena parigganhanto vihasi. Tatha pathamabodhiyam dvadasayatanani nippadesaneva katva vihasi, imasmim pana addhamase tesam ayatananam padesam vedanavasena dhammayatanekadesam, dhatunam @Footnote: ¹ cha.Ma. yena so ² Si. namarupapadesoti.... ³ ka. vicareyya

--------------------------------------------------------------------------------------------- page193.

Padesam vedanavasena dhammadhatuekadesam, saccanam padesam vedanakkhandhavaseneva dukkhasaccekadesam, paccayanam padesam phassapaccaya vedanavaseneva paccayekadesam, jhananam padesam vedanavaseneva jhanangekadesam, namarupanam padesam vedanavaseneva namekadesam paccavekkhanto vihasi. Pathamasambodhiyanhi ekunapannasadivasabbhantare kusaladidhamme nippadese katva anantanayani sattappakaranani paccavekkhanto vihasi, imasmim pana addhamase sabbadhammanam padesam vedanatikkameva paccavekkhanto vihasi. Tasmim tasmim thane sa sa ca viharasamapatti vedananubhavena jata. Idani yenakarena vihasi, tam dassento micchaditthipaccayapitiadimaha. Tattha micchaditthipaccayapiti ditthisampayutta vedanapi vattati, ditthim upanissayam katva uppanna kusalakusalavedanapi vattati vipakavedanapi. Tattha micchaditthi- sampayutta akusalava hoti, ditthim pana upanissaya kusalapi uppajjanti akusalapi. Micchaditthika hi ditthim upanissaya pakkhadivasesu yagubhattadini denti, addhikadinam vattam patthapenti, catumahapathe salam karonti, pokkharanim khanapenti, devakuladisu malagaccham ^1- ropenti, nadividuggadisu setum attharanti, visamam samam karonti, iti nesam kusalavedana uppajjati. Micchaditthim pana nissaya sammaditthike akkosanti paribhasanti, vadhabandhanadini karonti, panam vadhitva devatanam upaharam upaharanti, iti nesam akusala vedana uppajjati. Vipakavedana pana bhavantaragatanamyeva hoti. Sammaditthipaccayati etthapi sammaditthisampayutta vedanapi vattati, sammaditthim upanissayam katva uppanna kusalakusalavedanapi vipakavedanapi. @Footnote: ¹ Ma. malavaccham

--------------------------------------------------------------------------------------------- page194.

Tattha sammaditthisampayutta kusalava hoti. Sammaditthim pana upanissaya buddhapujam dipamalam mahadhammassavanam appatitthite disabhage cetiyapatitthapananti evamadini punnani karonti, iti nesam kusala vedana uppajjati. Sammaditthimyeva nissaya micchaditthike akkosanti paribhasanti, attanam ukkamsenti, param vambhenti, iti tesam akusala vedana uppajjati. Vipakavedana pana bhavantaragatanamyeva hoti. Micchasankappapaccayatiadisupi eseva nayo. Chandapaccayatiadisu pana chandapaccaya atthalobhasahagatacittasampayutta vedana veditabba, vitakkapaccaya pathamajjhanavedanava. Sannapaccaya thapetva pathamajjhanam sesa cha sannasamapattivedana. Chando ca avupasantotiadisu tinnam avupasame atthalobhasahagatacittasampayutta vedana hoti, chandamattassa vupasame pathamajjhanavedanava chandavitakkanam vupasame dutiyajjhanadivedana adhippeta, tinnampi vupasame nevasanna- nasannayatanavedana. Appattassa pattiyati arahattaphalassa pattatthaya. Atthi ayaramanti atthi viriyam. Tasmimpi thane anuppatteti tassa viriyarambhassa vasena tassa arahattaphalassa karane anuppatte. Tappaccayapi vedayitanti arahattassa thanapaccaya vedayitam. Etena catumaggasahajata nibbattitalokuttaravedanava gahita.

The Pali Atthakatha in Roman Book 13 page 191-194. http://84000.org/tipitaka/atthapali/read_rm.php?B=13&A=4167&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=13&A=4167&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=18&i=13 เนื้อความพระไตรปิฎกฉบับหลวง :- http://84000.org/tipitaka/read/r.php?B=18&A=129 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=18&A=128 The Pali Tipitaka in Roman Character :- http://84000.org/tipitaka/read/roman_read.php?B=18&A=128 Contents of The Tipitaka Volume 18 http://84000.org/tipitaka/read/?index_18