Atthakatha Book 13 : PALI ROMAN
Sam.A. (sarattha.3)

page41.
                        4. Kamagunasuttavannana
    [117] Catutthe ye meti ye mama. Cetaso samphutthapubbati cittena
anubhutapubba. Tatra me cittam bahulam gacchamanam gaccheyyati tesu pasadattaya-
tividhanatakadibhedasampattivasena anubhutapubbesu 1- pancasu kamagunesu bahusu varesu 2-
uppajjamanam uppajjeyyati dipeti. Paccuppannesu vati idha padhanacariyakale
chabbassani supupphitavanasandajatassaramigaganadinam 3- vasena ditthasutadibhedam
manoramarammanam kamagunam katva dassento "evarupesu paccuppannesu va bahulam
uppajjeyya"ti dasseti. Appam va anagatesuti anagate "metteyyo nama
buddho bhavissati, sankho nama raja, ketumati nama rajadhani"tiadivasena 4-
parittakameva anagatesu kamagunesu uppajjeyyati dasseti. Tatra me attarupenati
tatra maya attano hitakamajatikena. Appamadoti sataccakiriya pancasu
kamagunesu cittassa avossaggo. Satiti arammanapariggahitasati. Arakkhoti ayam
appamado ca sati ca cetaso arakkho karaniyo. Evam me ahositi dasseti,
arakkhatthaya ime dve dhamma kattabbati vuttam hoti.
    Tasmatiha bhikkhave se ayatane veditabbeti yasma cetaso arakkhatthaya
appamado ca sati ca katabba, yasma tasmim ayatane vidite appamadena va
satiya va katabbam natthi, tasma se ayatane veditabbe, tam karanam janitabbanti
attho. Salayatananirodhanti salayatananirodho vuccati nibbanam, tam sandhaya bhasitanti
attho. Nibbanasmim hi cakkhuadihi ceva nirujjhanti rupasannadayo ca nirujjhantiti.
Sesam vuttanayameva.
@Footnote: 1 Si.,ka. anubhutapubbo      2 Si.,ka. bahutare
@3 cha.Ma...... vanasandajatanam dijaganadinam    4 di.pa. 11/106/64


             The Pali Atthakatha in Roman Book 13 page 41.
http://84000.org/tipitaka/atthapali/read_rm.php?B=13&A=870&modeTY=2&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=13&A=870&modeTY=2&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=18&i=173
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=18&A=2503
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=18&A=2456
             The Pali Tipitaka in Roman Character :-
http://84000.org/tipitaka/read/roman_read.php?B=18&A=2456
             Contents of The Tipitaka Volume 18
http://84000.org/tipitaka/read/?index_18