Atthakatha Book 2 : PALI ROMAN
Vinaya.A. (samanta.2)

     {978} Cittāgāravaggassa paṭhamasikkhāpade. Rājāgāranti rañño
kīḷāgāraṃ. Cittāgāranti kīḷanacittasālaṃ. Ārāmanti kīḷanaupavanaṃ.
Uyyānanti kīḷanuyyānaṃ. Pokkharinti kīḷāpokkharaṇiṃ tasmāyeva
padabhājane yattha katthaci rañño kīḷituntiādi vuttaṃ. Dassanāya
Gacchati āpatti dukkaṭassāti ettha padavāragaṇanāya dukkaṭaṃ.
Yattha ṭhitā passatīti ettha pana sace ekasmiṃyeva ṭhāne ṭhitā
padaṃ anuddharamānā pañcapi passati ekameva pācittiyaṃ. Taṃ taṃ
disābhāgaṃ oloketvā passantiyā pana pāṭekkā āpattiyo.
Bhikkhussa pana sabbattha dukkaṭaṃ. {981} Ārāme ṭhitāti ajjhārāme
rājāgārādīni karonti tāni passantiyā anāpatti. Gacchantī
vā āgacchantī vāti piṇḍapātādīnaṃ atthāya gacchantiyā maggo
hoti 1- tāni passati anāpatti. Sati karaṇīye gantvāti rañño
santikaṃ kenaci karaṇīyena gantvā passati anāpatti. Āpadāsūti
kenaci upaddūtā pavisitvā passati anāpatti. Sesaṃ uttānameva.
     Eḷakalomasamuṭṭhānaṃ kiriyā nosaññāvimokkhaṃ acittakaṃ lokavajjaṃ
kāyakammaṃ akusalacittaṃ tivedananti.
                         Paṭhamaṃ.


             The Pali Atthakatha in Roman Book 2 page 550-551.
http://84000.org/tipitaka/atthapali/read_rm.php?B=2&A=11591
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=11591
             อ่านอรรถกถาแปลไทย :-
http://84000.org/tipitaka/attha/attha.php?b=1&i=
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=
             The Pali Tipitaka in Roman Character :-
http://84000.org/tipitaka/read/roman_read.php?B=1&A=
             Contents of The Tipitaka Volume 1
http://84000.org/tipitaka/read/?index_1