Atthakatha Book 2 : PALI ROMAN
Vinaya.A. (samanta.2)

     {557} Tena samayenāti chabbassikkhāpadaṃ. Ūhadantipi ummihantipīti
santhatānaṃ upari vaccaṃpi passāvaṃpi karontīti vuttaṃ hoti. Dinnā
saṅghena itthannāmassa bhikkhuno sanathatasammatīti evaṃ laddhasammatiko
bhikkhu yāva rogo na vūpasamati tāva yaṃ yaṃ ṭhānaṃ gacchati tattha
tattha santhataṃ kātuṃ labhati. Sace arogo hutvā puna
---------------------------------------------------------------------------------------------
page219.
Mūlabyādhināva gilāno hoti soyeva parihāro natthaññaṃ
sammatikiccanti pussadevatthero āha. Upatissatthero pana so vā
byādhi paṭikuppatu añño vā sakiṃ gilānoti nāmaṃ laddhaṃ laddhameva
puna sammatikiccaṃ natthīti āha. Orena ce channaṃ vassānanti
orimabhāge antoti attho. Padabhājane pana saṅkhyāmattadassanatthaṃ
ūnakachabbassānīti vuttaṃ. Anāpatti chabbassāni karotīti yadā
chabbassāni paripuṇṇāni honti tadā santhataṃ karoti. Dutiyapadepi
yadā atirekachabbassāni honti tadā karotīti evamattho daṭṭhabbo.
Na hi so chabbassāni karotīti. Sesaṃ uttānatthameva. Samuṭṭhānādīni
kosiyasikkhāpadasadisāneva idaṃ pana kiriyākiriyanti.
               Chabbassasikkhāpadavaṇṇanā niṭṭhitā.


             The Pali Atthakatha in Roman Book 2 page 218-219.
http://84000.org/tipitaka/atthapali/read_rm.php?B=2&A=4590&pagebreak=1
             อรรถกถาบาลีอักษรไทย :-
http://84000.org/tipitaka/atthapali/read_th.php?B=2&A=4590&pagebreak=1
             อ่านอรรถกถาแปลไทย :-
http://84000.org/tipitaka/attha/attha.php?b=1&i=79
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=1&A=6087
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=1&A=1459
             The Pali Tipitaka in Roman Character :-
http://84000.org/tipitaka/read/roman_read.php?B=1&A=1459
             Contents of The Tipitaka Volume 1
http://84000.org/tipitaka/read/?index_1