ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 26 : PALI ROMAN U.A. (paramatthadi.)

                         2. Uddhatasuttavannana
    [32] Dutiye kusinarayanti kusinarayam nama mallarajunam nagare.
Upavattane mallanam salavaneti yatha hi anuradhapurassa thuparamo, evam kusinaraya
uyyanam dakkhinapacchimadisaya hoti. Yatha thuparamato dakkhinadvarena
nagarapavisanamaggo pacinamukho gantva uttarena nivattati, evam uyyanato
salapanti pacinamukha gantva uttarena nivatta, tasma "upavattanan"ti
vuccati. Tasmim upavattane mallarajunam salavane. Arannakutikayanti salapantiya
avidure rukkhagacchasanchannatthane kata kutika, tam sandhaya vuttam "arannakutikayam
viharanti"ti. Te pana bhikkhu patisankhanavirahita ossatthaviriya pamattaviharino,
tena vuttam "uddhata"tiadi.
@Footnote: 1 cha.Ma. uppilavita...  2 cha.Ma. uppilave
@3 cha.Ma. catusaccappabodhena
    Tattha uddhaccabahulatta avupasantacittataya uddhata. Tucchabhavena mano nalo
viyati nalo, manasankhato uggato nalo etesanti unnala, uggatatucchamanati
attho. Pattacivaramandanadicapallena samannagatatta bahukataya 1- va capala.
Pharusavacataya mukhena kharati mukhaRa. Tiracchanakathabahulataya vikinna byakula
vaca etesanti vikinnavaca, muttha nattha sati etesanti mutthassatino.
Sativirahita pamadaviharinoti attho. Sabbena sabbam sampajannabhavato asampajana.
Gadduhanamaggampi kalam cittasamadhanassa abhavato na samahitati asamahita.
Lolasabhavatta bhantamigasappatibhagataya vibbhantacitta. Manacchatthanam indriyanam
asamvaranato asannatindriyataya 2- pakatindriya.
    Etamattham viditvati etam tesam bhikkhunam uddhaccadivasena pamadaviharam
janitva. Imam udananti imam pamadavihare appamadavihare ca yathakkamam
adinavanisamsavibhavanam udanam udanesi.
    Tattha arakkhitenati satiarakkhabhavena aguttena. Kayenati chavinnanakayena
cakkhuvinnanena hi rupam disva tattha nimittanubyanjanaggahanavasena
abhijjhadippavattito vinnanadvarassa satiya arakkhitabhavato. Sotavinnanadisupi
eseva nayo. Evam chavinnanakayassa arakkhitabhavam sandhayaha "arakkhitena kayena"ti.
Keci pana "kayena"ti attham vadanti, tesampi vuttanayeneva atthayojanaya sati
yujjeyya. Apare pana "arakkhitena cittena"ti pathanti, 3- tesampi vuttanayo eva
attho. Micchaditthihatenati sassatadimicchabhinivesadusitena. Thinamiddhabhibhutenati
cittassa akalyatalakkhanena thinena kayassa akalyatalakkhanena middhena ca
ajjhotthatena, tena kayena cittenati va sambandho. Vasam marassa gacchatiti
@Footnote: 1 Ma. lahukataya  2 Ma. arakkhitindriyataya
@3 Si.,ka. vadanti
Kilesamaradikassa sabbassapi marassa vasam yathakamakaraniyatam upagacchati, tesam
visayam natikkamatiti attho.
    Imaya hi gathaya bhagava ye satiarakkhabhavena sabbaso arakkhitacitta,
yonisomanasikarassa hetubhutaya pannaya abhavato ayoniso ummujjanena
niccantiadina vipariyesagahino, tato eva kusalakiriyaya viriyarambhabhavato
kosajjabhibhuta 1- te vattato 1- sisam na ukkhipissantiti tesam bhikkhunam
pamadaviharagarahamukhena vattam dassetva idani vivattam dassetum "tasma
rakkhitacittassa"ti dutiyam gathamaha.
    Tattha tasma rakkhitacittassati yasma arakkhitacitto marassa yathakamakaraniyo
hutva samsareyeva hoti, tasma satisamvarena manacchatthanam indriyanam rakkhanena
pidahanena rakkhitacitto assa. Citte hi rakkhite cakkhvadiindriyani rakkhitaneva
hontiti. Sammasankappagocaroti yasma micchasankappagocaro tatha tatha ayoniso
vitakketva nanavidhani micchadassanani ganhanto micchaditthihatena cittena
marassa yathakamakaraniyo hoti, tasma yonisomanasikarena kammam karonto
nekkhammasankappadisammasankappagocaro assa, jhanadisampayuttam sammasankappameva
attano cittassa pavattitthanam kareyya. Sammaditthipurekkharoti
sammasankappagocarataya vidhutamicchadassano puretaramyeva kammassakatalakkhanam, tato
yathabhutananalakkhananca sammaditthim pubbangamam 2- katva pubbe vuttanayeneva
silasamadhisu yutto payutto vipassanam arabhitva sankhare sammasanto natvana
udayabbayam pancasu upadanakkhandhesu samapannasaya akarehi uppadam nirodhanca
vavatthapetva yudayabbayananam adhigantva tato param bhanganupassanadivasena
@Footnote: 1-1 cha.Ma. samsaravattato  2 cha.Ma. purato
Vipassanam ussukkapetva anukkamena ariyamaggam ganhanto aggamaggena
thinamiddhabhibhu bhikkhu sabba duggatiyo jaheti, evam so hetthimamaggavajjhanam
kilesanam pathamameva pahinatta ditthivippayuttalobhasahagatacittuppadesu
uppajjanakathinamiddhanam adhigatena arahattamaggena samucchindanato tadekatthanam
manadinampi pahinatta sabbaso bhinnakileso khinasavabhikkhu tividhadukkhatayogena
duggatisankhata sabbapi gatiyo ucchinnabhavamulatta jahe pajaheyya, tasam parabhage
nibbane patittheyyati attho.
                       Dutiyasuttavannana nitthita.
                         --------------



             The Pali Atthakatha in Roman Book 26 page 253-256. http://84000.org/tipitaka/atthapali/read_rm.php?B=26&A=5675&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=26&A=5675&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=90              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=2564              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=2626              The Pali Tipitaka in Roman Character :- http://84000.org/tipitaka/read/roman_read.php?B=25&A=2626              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com