ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 27 : PALI ROMAN Iti.A. (paramatthadi.)

                         11. Carasuttavannana
      [110] Ekadasame caratoti gacchantassa, cankamantassa va. Uppajjati
kamavitakko vati vatthukamesu avitaragataya tadise paccaye kamapatisamyutto
va vitakko uppajjati ce, yadi uppajjati. Byapadavitakko va vihimsavitakko
vati aghatanimittabyapadapatisamyutto va vitakko, leddudandadihi paravihethanavasena
vihimsaya patisamyutto va vitakko uppajjati ceti sambandho. Adhivasetiti
tam yathavuttam kamavitakkadim yathapaccayam attano citte uppannam "itipayam vitakko
papako, itipi akusalo, itipi savajjo, so ca kho attabyabadhayapi
samvattati"tiadina nayena paccavekkhanaya abhavato adhivaseti attano cittam
aropetva vaseti ce, adhivasentoyeva ca nappajahati tadangadippahanavasena
nappatinissajjati, tato eva na vinodeti attano cittasantanato na nudati
na niharati, tathaavinodanato na byantikaroti na vigatantam karoti. Atapi
pahitatto yatha tesam antopi navasissati antamaso bhangamattampi, evam karoti,
Ayam pana tatha na karotiti attho. Tathabhutova na anabhavam gameti anu anu
abhavam na gameti. Nappajahati ce, na vinodeti cetiadina cesaddam yojetva
attho veditabbo.
      Caranti caranto. Evambhutoti evam kamavitakkadipapavitakkehi samangibhuto.
Anatapi anottapiti kilesanam atapanassa viriyassa abhavena anatapi,
paputrasaatapanaparittapanalakkhanassa ottappassa abhavena anottapi.
Sattam samitanti sabbakalam niccam. Kusito hinaviriyoti kusalehi dhammehi
parihayitva akusalapakkhe kucchitam sidanato kosajjasamannagamanato ca kusito,
sammappadhanaviriyabhavena hinaviriyo viriyavirahitoti vuccati kathiyati. Thitassati gamanam
upacchinditva titthato. Sayanairiyapathassa visesato kosajjapakkhikatta yatha
tamsamangino vitakka sambhavanti, tam dassetum "jagarassa"ti vuttam.
      Sukkapakkhe tance bhikkhu 1- nadhivasetiti araddhaviriyassapi viharato
anadimati samsare cirakalabhavitena tatharupapaccayasamayogena satisammosena va
kamavitakkadi uppajjati ce, tam bhikkhu attano cittam aropetvaa na vaseti
ce, abbhantare na vaseti ceti 2- attho. Anadhivasento kim karotiti? pajahati
chaddeti. Kim kacavaram viya pitakena? na hi, apica kho tam vinodeti nudati
niharati. Kim balibaddam viya patodena? na hi, atha kho na byantikaroti
vigatantam karoti. Yatha tesam antopi navasissati bhangamattampi, tatha te karoti.
Katham pana te tatha karoti? anabhavam gameti anu anu abhavam gameti,
Vikkhambhanappahanena yatha suvikkhambhita honti, tatha ne karotiti vuttam
hoti.
@Footnote: 1 cha.Ma. bhikkhave bhikkhu       2 Ma. nadhivaseti ceti
      Evambhutotiadisu evam kamavitakkadinam anadhivasanena suvisuddhasayo samano
taya ca asayasampattiya tannimittaya ca payogasampattiya parisuddhasilo
indriyesu guttadvaro bhojane mattannu satisampajannena samannagato
jagariyam anuyutto tadangadivasena kilesanam atapanalakkhanena viriyena
samannagatatta atapi sabbaso paputrasena samannagatatta ottapi satatam
rattindivam samitam nirantaram samathavipassanabhavananuyogavasena
catubbidhasammappadhanasiddhiya araddhaviriyo pahitatto nibbanam patipesitacittoti
vuccati kathiyatiti attho. Sesam vuttanayameva.
      Gathasu gehanissitanti ettha gehavasihi apariccattatta gehavasinam
sabhavatta gehadhammatta va geham vuccati vatthukamo, atha va
gehapatibaddhabhavato kilesakamanam nivasatthanabhavato va vatthukatta va
kamavitakkadigehanissitam nama. Kummaggam patipannoti yasma ariyamaggassa upathabhavato
abhijjhadayo tadekatthadhamma ca kummaggo, tasma kamavitakkadibahulo puggalo
kummaggam patipanno nama. Mohaneyyesu mucchitoti mohasamvattaniyesu rupadisu
mucchito sammatto ajjhopanno. Sambodhinti ariyamaggananam. Phutthunti phusitum
pattum. So tadiso micchasankappagocaro abhabbo, na kadaci tam papunatiti
attho.
      Vitakkam samayitvanati yathavuttam micchavitakkam patisankhanabhavanabalehi
vupasametva. Vitakkupasame ratoti navannampi mahavitakkanam accantavupasamabhute
arahatte nibbane eva va ajjhasayena rato abhirato. Bhabbo so tadisoti
so yathavutto samma patipajjamano puggalo pubbabhage samathavipassanabalena
sabbavitakke yatharaham tadangadivasena vupasametva thito vipassanam ussukkapetva
Maggapatipatiya arahattamaggananasankhatam nibbanasankhatanca anuttaram sambodhim
phutthum adhigantum bhabbo samatthoti.
                     Ekadasamasuttavannana nitthita.
                        ----------------



             The Pali Atthakatha in Roman Book 27 page 396-399. http://84000.org/tipitaka/atthapali/read_rm.php?B=27&A=8796&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=27&A=8796&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=25&i=290              เนื้อความพระไตรปิฎกฉบับหลวง :- http://84000.org/tipitaka/read/r.php?B=25&A=6716              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=25&A=6573              The Pali Tipitaka in Roman Character :- http://84000.org/tipitaka/read/roman_read.php?B=25&A=6573              Contents of The Tipitaka Volume 25 http://84000.org/tipitaka/read/?index_25

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com