AtthaPali Vol.3

{328} Atthakesu. Atthanisamseti na mayam imina bhikkhuna saddhim uposatham karissama vina imina bhikkhuna uposatham karissama na mayam imina bhikkhuna saddhim pavareyyama sanghakammam karissama asane nisidissama yagupane nisidissama bhattagge nisidissama ekacchanne vasissama yathavuddham abhivadanam paccupatthanam anjalikammam samicikammam karissama vina imina bhikkhuna karissamati evam kosambikakkhandhake vutte anisamse. Dutiyaatthakepi eseva nayo. Tampi hi evameva kosambikakkhandhake vuttam. Attha yavatatiyakati bhikkhunam terasake cattaro bhikkhuninam sattarasake bhikkhuhi asadharana cattaroti attha. Atthahakarehi kulani dusetiti kulani duseti pupphena va phalena va cunnena va mattikaya va dantakatthena va veluna va vejjikaya va janghapesanikena vati imehi atthahi. Attha matika civarakkhandhake apara attha kathinakkhandhake vutta. Atthahi asaddhammehiti labhena Alabhena yasena ayasena sakkarena asakkarena papicchataya papamittataya. Lokadhamma nama labhe sarago alabhe pativirodho yase ayase pasamsaya nindaya sukhe sarago dukkhe pativirodhoti. Atthangiko musavadoti vinidhaya sannanti imina saddhim paliyam agatehi sattahiti atthahi angehi atthangiko. Attha uposathanganiti panam na hanne na cadinnamadiye musa na bhase na ca majjapo siya abrahmacariya virameyya methuna rattim na bhunjeyya vikalabhojanam malam na dhare na ca gandhamacare mance chamayamva sayetha santhate etam hi atthangikamahuposatham buddhena dukkhantaguna pakasitanti evam vuttani attha. Attha duteyyanganiti idha bhikkhave bhikkhu sota ca hoti saveta catiadina nayena sanghabhedake vuttani. Titthiyavattani mahakhandhake nidditthani. Anatiritta ca atiritta ca pavaranasikkhapade niddittha. Atthannam paccutathatabbanti bhattagge vuddhabhikkhuninam asanampi tasamyeva databbam. Upasikati visakha. Atthanisamsa vinayadhareti pancake vuttesu pancasu tassadheyyo uposatho pavarana sanghakammanti ime tayo pakkhipitva attha Veditabba. Attha paramaniti pubbe vuttaparamaneva atthakavasena yojetva veditabbani. Atthasu dhammesu sammavattitabbanti na pakatattassa bhikkhuno uposatho thapetabbo na pavarana thapetabbatiadina nayena samathakkhandhake nidditthesu atthasu. Sesam sabbattha uttanamevati. Atthakavannana nitthita.

The Pali Atthakatha in Roman Book 3 page 522-524. http://84000.org/tipitaka/atthapali/read_rm.php?B=3&A=10657&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=10657&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A= The Pali Tipitaka in Roman Character :- http://84000.org/tipitaka/read/roman_read.php?B=4&A= Contents of The Tipitaka Volume 4 http://84000.org/tipitaka/read/?index_4