AtthaPali Vol.3

ajja mayanti attho. {115} Bhikkhunidusako bhikkhaveti ettha yo pakatattam bhikkhunim tinnam magganam annatarasmim duseti ayam bhikkhunidusako nama. Etassa pabbajja ca upasampada ca varita. Yo pana kayasamsaggena silavinasam papeti tassa pabbajja ca upasampada ca na varita. Balakkarena odatavatthavasanam katva anicchamanamyeva dusentopi bhikkhunidusakoyeva. Balakkarena pana odatavatthavasanam katva icchamanam dusento bhikkhunidusako na hoti. Kasma. Yasma gihibhave sampaticchitamatteyeva sa abhikkhuni hoti. Sakim silavipannampana paccha dusento sikkhamanasamanerisu ca vippatipajjanto neva bhikkhunidusako hoti pabbajjampi upasampadampi labhati. Sanghabhedako bhikkhaveti ettha yo devadatto viya Sasanam uddhammam ubbinayam katva catunnam kammanam annataravasena sangham bhindati ayam sanghabhedako nama. Etassa pabbajja ca upasampada ca varita. Lohituppadako bhikkhaveti etthapi yo devadatto viya dutthacittena vadhakacittena tathagatassa jivamanakasarire khuddakamakkhikaya pivanakamattampi lohitam uppadeti ayam lohituppadako nama. Etassa pabbajja ca upasampada ca varita. Yo pana rogavupasamanattham jivako viya satthena phaletva putimamsanca lohitanca niharitva phasum karoti bahum so punnam pasavatiti.

The Pali Atthakatha in Roman Book 3 page 98-99. http://84000.org/tipitaka/atthapali/read_rm.php?B=3&A=2049&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=2049&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i=131 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=3588 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3685 The Pali Tipitaka in Roman Character :- http://84000.org/tipitaka/read/roman_read.php?B=4&A=3685 Contents of The Tipitaka Volume 4 http://84000.org/tipitaka/read/?index_4