|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Parivasikakkhandhakavannana -------- {75} parivasikakkhandhake. Parivasikati parivasam parivasanta. Tattha catubbidho parivaso appaticchannaparivaso paticchannaparivaso suddhantaparivaso samodhanaparivaso cati. Tesu yo bhikkhave annopi annatitthiyapubbo imasmim dhammavinaye akankhati pabbajjam akankhati upasampadam tassa cattaro mase parivaso databboti evam mahakhandhake vutto titthiyaparivaso appaticchannaparivaso nama. Tattha yam vattabbam tam suvuttameva. Ayam pana idha anadhippeto. Sesa tayo yena sanghadisesapattiyo apanna ceva honti paticchadita ca tassa databba. Tesu yam vattabbam tam samuccayakkhandhake vannayissama. Ete pana idha adhippeta. Tasma etesu yankinci parivasam parivasanta parivasikati veditabba. Pakatattanam bhikkhunanti thapetva navakataram parivasikam avasesanam antamaso mulaya patikassanarahadinampi. Abhivadanam paccupatthananti yam te abhivadanadikam karonti tam sadiyanti sampaticchanti na patikkhipantiti attho. Tattha samicikammanti thapetva abhivadanadini annassa anucchavikassa vijanavatadanadino abhisamacarikassetam adhivacanam. Asanabhiharanti asanassa abhiharanam--------------------------------------------------------------------------------------------- page282.
Asanam gahetva abhigamanam pannapanameva. Seyyabhiharepi eseva nayo. Padodakanti padadhovanaudakam. Padapithanti dhotapadathapanakam. Padakathalikanti adhotapadathapanakam padaghamsanam va. Apattidukkatassati saddhiviharikadinampi sadiyantassa dukkatameva. Tasma te tena vattabba aham vinayakammam karomi mayham vattam ma karotha ma mam gamappavesanam apucchathati. Sace saddha pabbajita kulaputta tumhe bhante tumhakam vinayakammam karothati vatva vattam karontiyeva gamappavesanampi apucchantiyeva varitakalato patthaya anapatti. Mithu yathavuddhanti parivasikesu annamannam yo yo vuddho tena tena navakatarassa saditum. Panca yathavuddhanti pakatattehipi saddhim vuddhapatipatiya eva panca tasma patimokkhe uddissamane hatthapase nisiditum vattati. Mahapaccariyam pana paliya anisiditva palim pahaya hatthapasam amuncantena nisiditabbanti vuttam. Parisuddhiuposathe kayiramane sanghanavakatthane nisiditva tattheva nisinnena attano paliya parisuddhiuposatho katabbo. Mahapaccariyam pana paliya parisuddhi- uposatho katabboti vuttam. Pavaranayapi sanghanavakatthane nisiditva tattheva nisinnena attano paliya pavaretabbam sanghena gandim paharitva bhajiyamanam vassikasatikampi attano pattatthane gahetum vattati. Onojananti vissajjanam vuccati. Sace hi parivasikassa dve tini uddesabhattadini papunanti anna tassa--------------------------------------------------------------------------------------------- page283.
Puggalikabhattapaccasa hoti. Tani patipatiya gahetva bhante hettha gahetha ajja mayham bhattapaccasa atthi sve ganhissamiti vatva vissajjetabbani. Evam tani punadivasesu ganhitum labbhati. Punadivase sabbapathamam etassa databbanti kurundiyam vuttam. Yadi pana na ganhati na vissajjeti punadivase na labbhati. Idam onojanam nama parivasikasseva uddissa anunnatam. Kasma. Tassa hi sanghanavakatthane nisinnassa bhattagge yagukhajjakadini papunanti va na va tasma so bhikkhacarena ma kilamitthati idamassa sangahakaranattham uddissa anunnatam. Bhattanti agatagatehi vuddhapatipatiya gahetva gantabbam vihare sanghassa catusalabhattam etam yathavuddham labhati. Paliya pana gantum va thatum va na labhati tasma palito osakkitva hatthapase thitena hattham pasaretva yatha seno nipatitva ganhati evam ganhitabbam. Aramikasamanuddesehi aharapetum na labhati. Sace sayameva aharanti tam vattati. Ranno mahapelabhattepi eseva nayo. Catusalabhatte pana sace onojanam kattukamo hoti attano atthaya ukkhitte pinde ajja me bhattam atthi sve ganhissamiti vattabbam punadivase dve pinde labhatiti mahapaccariyam vuttam. Uddesabhattadinipi palito osakkitvava gahetabbani. Yattha pana nisidapetva parivisanti tattha samaneranam jetthakena bhikkhunam sanghanavakena hutva nisiditabbam.--------------------------------------------------------------------------------------------- page284.
{76} Idani ya ayam samma vattana vutta. Tattha na upasampadetabbanti upajjhayena hutva na upasampadetabbam vattam nikkhipitva pana upasampadetum vattati. Acariyena hutva kammavacapi na savetabba annasmim asati vattam nikkhipitva savetum vattati. Na nissayo databboti agantukanam nissayo na databbo yehipi pakatiyava nissayo gahito te vattabba aham vinayakammam karomi asukattherassa nama santike nissayam ganhatha mayham vattam ma karotha ma mam gamappavesanam apucchathati. Sace evam vuttepi karontiyeva. Varitakalato patthaya karontesupissa anapatti. Na samaneroti anno samanero na gahetabbo upajjham datva gahitasamanerapi vattabba aham vinayakammam karomi mayham vattam ma karotha ma mam gamappavesanam apucchathati. Sace evam vuttepi karontiyeva. Varitakalato patthaya karontesupissa anapatti. Bhikkhunovadaka- sammati nama adhipaccatthanabhuta patikkhitta tasma bhikkhu- sanghassa vattabbam bhante aham vinayakammam karomi bhikkhunovadakam janathati. Patibalassa va bhikkhuno bharo katabbo. Agata ca bhikkhuniyo sanghassa santikam gacchatha sangho vo ovada- dayakam janissatiti va aham vinayakammam karomi asukabhikkhussa nama santikam gacchatha so vo ovadam dassatiti va vattabba. Sa apattiti sukkavisatthiya parivase dinne puna sukkavisatthi--------------------------------------------------------------------------------------------- page285.
Napajjitabba. Anna va tadisikati kayasamsaggadigarukapatti. Tato va papitthatarati parajikapatti sattasu apattisu dubbhasitapatti papittha dukkatapatti papitthatara dukkatapatti papittha patidesaniyapatti papitthatara. Evam pacittiya- thullaccayasanghadisesaparajikapattisu nayo veditabbo. Tasam vatthusupi dubbhasitavatthu papittham dukkatavatthu papitthataranti purimanayeneva bhedo veditabbo. Pannattivajje sikkhapade pana vatthupi apattipi papittha. Lokavajje pana ubhayampi papitthataram. Kammanti parivasakammavaca vuccati tam kammam akatam dukkatanti- adihi va kim idam kammam nama kasikammam gorakkhakammantiadihi va vacanehi na garahitabbam. Kammikati yehi bhikkhuhi kammam katam te kammikati vuccanti. Te balaabyattatiadihi vacanehi na garahitabba. Na savacaniyam katabbanti palibodhanatthaya va pakkosanatthaya va savacaniyam na katabbam palibodhanatthaya hi karonto aham ayasmantam imasmim vatthusmim savacaniyam karomi imamha avasa ekapadampi ma pakkami yava na tam adhikaranam vupasantam hotiti evam karoti pakkosanatthaya karonto aham te savacaniyam karomi ehi maya saddhim vinayadharanam sammukhibhavam gacchahiti evam karoti tadubhayampi na katabbam. Na anuvadoti viharajetthakatthanam na katabbam patimokkhuddesakena va dhammajjhesakena va na bhavitabbam terasasu sammatisu ekasammativasenapi--------------------------------------------------------------------------------------------- page286.
Issariyakammam na katabbam. Na okasoti karotu me ayasma okasam aham tam vattukamoti evam pakatattassa okaso na katabbo vatthuna va apattiya va na codetabbo ayante dosoti na saretabbo. Na bhikkhu bhikkhuhi sampayojetabbanti annamannam payojetva kalaho na karetabbo. Purato sanghattherena hutva purato na gantabbam dvadasahattham upacaram muncitva ekakena gantabbam. Nisidanepi eseva nayo. Asanapariyantoti bhattaggadisu sanghanavakasanapariyanto nama svassa databbo. Tattha nisiditabbam. Seyyapariyantoti seyyanam pariyanto sabbalamakam mancapitham. Ayam hi vassaggena attano pattatthane seyyam gahetum na labhati. Sabbabhikkhuhi vicinitva gahitavasesa pana mankunaguthabharita vettavakadivinaddha lamakaseyya assa databba. Viharapariyantoti yatha ca seyya evam vasanam avasopi va vassaggena attano pattatthane tassa na vattati. Sabbabhikkhuhi vicinitva gahitavasesa pana rajohatabhumijatukamusikabharita pannasala assa databba. Sace pakatatta sabbe rukkhamulika abbhokasika va honti channam na upenti. Sabbepi etehi vissatthavasa nama honti. Tesu yam icchati tam labhati. Vassupanayikadivase pana paccayam ekapasse thatva vassaggena ganhitum labhati senasanam pana na labhati. Nivaddhavassavasikam senasanam ganhitukamena vattam nikkhipitva gahetabbam. Tena ca--------------------------------------------------------------------------------------------- page287.
So saditabboti yam assa asanadipariyantam bhikkhu denti so eva saditabbo. Puresamanena va pacchasamanena vati natipavaritat- thane ettake bhikkhu gahetva agacchathati nimantitena bhante asukam nama kulam bhikkhu nimanteti etha tattha gacchamati evam samvidhaya bhikkhu puresamanena va pacchasamanena va katva na gantabbam. Bhante asukasmim nama game manussa bhikkhunam agamanam icchanti sadhu vata sace tesam sangaham kareyyathati evanca pana pariyayena kathetum vattati. Na arannikanganti agatagatanam arocetum harayamanena arannikadhutangam na samadatabbam. Yenapi pakatiya samadinnam tena dutiyam bhikkhum gahetva aranne arunam utthapetabbam na ca ekakena gantabbam tatha bhattaggadisu asana- pariyante nisajjaya harayamanena pindapatikadhutangampi na samadatabbam. Yo pana pakatiya pindapatiko tassa patisedho natthi. Na ca tappaccayati nihatabhatto hutva vihareyeva nisiditva bhunjanto rattiyo ganissamiti gacchato game bhikkhu disva anarocentassa ratticchedo siyati imina karanena pindapato na niharapetabbo. Ma mam janimsuti ma mam ekabhikkhupi janatuti imina ajjhasayena vihare samanerehi pacapetva bhunjitumpi na labhati. Gamam pindaya pavisitabbameva. Gilanassa pana navakammaacariyupajjhayakiccadisu pasutassa va vihareyeva acchitum vattati sace game anekasata bhikkhu vicaranti na sakka hoti arocetum gamakavasam gantva--------------------------------------------------------------------------------------------- page288.
Sabhagatthane vasitum vattati. Agantukenapi kinci viharam agatena tattha bhikkhunam arocetabbam. Sace sabbe ekatthane thite passati ekatthane thiteneva arocetabbam. Atha rukkhamuladisu visum visum thita honti. Tattha tattha gantva arocetabbam. Sancicca anarocentassa ratticchedo ca hoti vattabhede ca dukkatam. Atha vicinanto ekacce na passati ratticchedova hoti na vattakede dukkatam. Agantukassati attano vasanaviharam agatassapi ekassa va bahunnam va vuttanayeneva arocetabbam. Ratticchedavattabhedapi cettha vuttanayeneva veditabba. Sace agantuka muhuttam vissamitva va avissamitva va evam viharamajjhe na gacchanti tesampi arocetabbam. Sace tassa ajanantasseva gacchanti ayam ca pana gatakale janati. Gantva arocetabbam. Sampapunitum asakkontassa ratticchedova hoti na vattabhede dukkatam. Yepi antoviharam apavisitva upacarasimam okkamitva gacchanti ayanca nesam chattasaddam va ukasitasaddam va khipitasaddam va sutva agantukabhavam janati. Gantva arocetabbam gatakale janantenapi anubandhitva arocetabbameva. Sampapunitum asakkontassa rattic- chedova hoti na vattabhede dukkatam. Yopi rattim agantva rattimyeva gacchati sopissa ratticchedam karoti. Annatatta pana vattabhede dukkatam natthi. Sace ajanitvava abbhanam karoti akatameva hotiti kurundiyam vuttam. Tasma adhika rattiyo ganetva--------------------------------------------------------------------------------------------- page289.
Katabbam. Ayam apannakapatipada. Nadiadisu navaya gacchantampi paratire thitampi akase gacchantampi pabbatathalaarannadisu dure thitampi bhikkhum disva sace bhikkhuti vavatthanam atthi navadihi gantva mahasaddam katva va vegena anubandhitva va arocetabbam. Anarocentassa ratticchedo ceva vattabhede ca dukkatam hoti. Sace vayamantopi sampapunitum va savetum va na sakkoti ratticchedova hoti na vattabhede dukkatam. Sanghasenabhayatthero pana visayavisayavasena katheti visaye kira anarocentassa ratticchedo ceva vattabhede dukkatanca hoti avisaye pana ubhayampi natthiti. Karavikatissatthero pana samano ayanti vavatthanamyeva pamanam sacepi avisayo hoti vattabhede dukkatameva natthi ratticchedo pana hotiyevati aha. Uposatheti uposatham sampapunissamati agantuka hi bhikkhu agacchanti iddhiya gantvapi uposathabhavam natva otaritva uposathakammam karonti. Tasma agantuka- sodhanattham uposathadivase arocetabbam. Pavaranayapi eseva nayo. Gilanoti gantum asamattho. Dutenati etthapi anupasampannam pesetum na vattati bhikkhum pesetva arocapetabbam. Abhikkhuko avasoti sunno viharo yattha ekopi bhikkhu natthi tattha vasatthaya na gantabbam. Na hi tattha vuttharattiyo gananupaga honti. Pakatattena pana saddhim vattati. Dasavidhantaraye pana sacepi rattiyo gananupaga na honti antarayato parimuccanatthaya--------------------------------------------------------------------------------------------- page290.
Gantabbameva. Tena vuttam annatra antarayati. Nanasamvasakehi saddhim vinayakammam katum na vattati. Tesam anarocanepi ratticchedo natthi abhikkhukavasasadisameva hoti. Tena vuttam yatthassu bhikkhu nanasamvasakati. Sesam uposathakkhandhake vuttanayameva. {81} Ekacchanne avasetiadisu avaso nama vasanatthaya katam senasanam. Anavaso nama cetiyagharam bodhigharam sammajjaniattako daruattako paniyamalo vaccakuti dvarakotthakotievamadi. Tatiyapadena tadubhayam gahitam. Etesu yattha katthaci ekacchanne chadanato udakapatanatthanaparicchinne okase ukkhittako vasitum na labhati parivasiko pana antoavaseyeva na labhatiti mahapaccariyam vuttam. Mahaatthakathayam pana avisesena udakapatena varitanti vuttam. Kurundiyam etesu pancavannachadanabaddhatthanesu parivasikassa ca ukkhittakassa ca pakatattena saddhim vasanam udakapatena varitanti vuttam. Tasma nanupacarepi ekacchanne na vattati. Sace panettha tadahupasampannepi pakatatte pathamam pavisitva nipanne satthivassopi parivasiko paccha pavisitva jananto nipajjati ratticchedo ceva vattabhede dukkatanca. Ajanantassa ratticchedova na vattabhede dukkatam. Sace pana tasmim pathamam nipanne paccha pakatatto pavisitva nipajjati parivasiko ca janati ratticchedo ceva vattabhede ca dukkatam. No ce janati ratticchedova na vattabhede dukkatam. Vutthatabbam nimantetabboti tadahupasampannampi--------------------------------------------------------------------------------------------- page291.
Disva vutthatabbameva vutthaya ca aham imina sukhanisinno vutthapitoti parammukhena na gantabbam idam acariya asanam ettha nisidathati evam nimantetabboyeva. Navakena pana mahatheram obaddham karomiti parivasikattherassa santikam na gantabbam. Ekasaneti samanavassikasane mance va pithe va. Na chamayam nisinneti pakatatte bhumiyam nisinne itarena antamaso tinasantharepi uccatare valikathalepi va na nisiditabbam. Dvadasahattham pana upacaram muncitva nisiditum vattati. Na ekacankameti sahayena viya saddhim ekasmim cankame na cankamitabbam. Chamayam cankamatiti chamayam cankamante. Ayameva va patho. Ayam panettha attho. Akataparicchedaya bhumiya cankamante paricchedam katva valikam akiritva alambanam yojetva katacankame nicepi na cankamitabbam. Ko pana vado itthakacayena sampanne vedikaparikkhittepi. Sace pana pakaraparikkhitto hoti dvarakotthakayutto pabbatantaravanantara- gumbantaresu va supaticchanno tadise cankame cankamitum vattati. Appaticchannepi upacaram muncitva vattati. Vuddhatarenati ettha sace vuddhatare parivasike pathamam nipanne itaro jananto paccha nipajjati ratticchedo cassa hoti vattabhede ca dukkatam. Vuddhatarassa pana ratticchedova na vattabhede dukkatam. Ajanitva nipajjati dvinnampi vattabhedo natthi ratticchedo pana hoti. Atha navake parivasike pathamam nipanne vuddhataro nipajjati navako ca--------------------------------------------------------------------------------------------- page292.
Janati ratti cassa chijjati vattabhede ca dukkatam hoti vuddhatarassa ratticchedova na vattabhedo. No ce janati dvinnampi vattabhedo natthi ratticchedo pana hoti. Sace dvepi apaccha apurimam nipajjanti vuddhatarassa ratticchedova itarassa vattabhedopiti kurundiyam vuttam. Dve parivasika samavassa eko pathamam nipanno eko janantova paccha nipajjati ratti ca chijjati vattabhede ca dukkatam. Pathamam nipannassa ratticchedova na vattabhedo. Sace paccha nipajjantopi na janati dvinnampi vattabhedo natthi ratticchedo pana hoti. Sace dvepi apaccha apurimam nipajjanti dvinnam ratticchedoyeva na vattabhedo. Sace hi dve parivasika ekato vaseyyum te annamannassa ajjhacaram natva agarava vippatisarino va hutva papitthataram va apattim apajjeyyum vibbhameyyum va tasma nesam sahaseyya sabbappakarena patikkhittati. Sesam vuttanayeneva veditabbam. Mulayapatikassanarahadayo cettha parivasikadinam pakatattatthane thitati veditabba. Parivasikacatuttho ce bhikkhave parivasanti ettha parivasikam catuttham katva annamannassa parivasadanadini katum na vattatiyeva. Etesvevayam ganapurako na hoti sesasanghakammesu hoti. Gane pana appahonte vattam nikkhipapetva ganapurako katabboti. Parivasikavattakatha nitthita.--------------------------------------------------------------------------------------------- page293.
{83} Imampana vattakatham sutva vinayadharaupalittherassa rahogatassa evamparivitakko udapadi bhagavata bahum parivasikavattam pannattam katihi nukho ettha karanehi ratticchedo hotiti. So bhagavantam upasankamitva bhagavantam etamattham pucchi. Bhagavapissa byakasi. Tena vuttam athakho ayasma upali .pe. Ratticchedati. Tattha sahavasoti yvayam pakatattena bhikkhuna saddhim ekacchanneti- adina nayena vutto ekato vaso. Vippavasoti ekakasseva vaso. Anarocanati agantukadinam anarocana. Etesu tisu ekekena karanena ratticchedo hoti. {84} Na sakkontiti sanghassa mahantataya tatra tatra gantva sabbesam arocetum asakkonta sodhetum na sakkonti. Parivasam nikkhipami vattam nikkhipamiti imesu dvisu padesu ekekenapi nikkhitto hoti parivaso dvihipi sunikkhittoyeva. Samadanepi eseva nayo. Evam vattam samadiyitva parivutthaparivasassa manattam ganhato puna samadana- vattakiccam natthi. Samadinnavattoyeva hi esa tasmassa charattam manattam databbam. Cinnamanattova abbhetabbo. Evam anapattiko hutva suddhante patitthito tisso sikkha puretva dukkhassantam karissatiti. Parivasakatha nitthita. {86} Mulayapatikassanaraha bhikkhu sadiyanti pakatattananti thapetva navakataram mulayapatikassanaraham avasesanam antamaso--------------------------------------------------------------------------------------------- page294.
Parivasikadinampi. Imesanhi parivasikamulayapatikassanarahamanattaraha- manattacarikaabbhanarahanam pancannam thapetva attano attano navakataram sesa sabbe pakatatta eva. Kasma. Mithu yathavuddham abhivadanadinam anunnatatta. Tena vuttam avasesanam antamaso parivasikadinampiti. Mulayapatikassanarahadinam lakkhanampana tesam parato avibhavissati. Sesamettha ito paresupi manattarahadivattesu ca parivasikavattesu vuttanayeneva veditabbam. {87} Mulayapatikassanaraha- catuttho cetiadisupi. Yatheva parivasiko evam etepi etesu vinayakammesu na ganapuraka honti. Sesasanghakammesu honti. {90} Manattacarikassa vattesu devasikam arocetabbanti viseso. {92} Ratticchedesu une ganeti ettha ganoti cattaro va atireka va. Tasma sacepi tihi bhikkhuhi saddhim vasati ratticchedo hotiyeva. Manattanikkhepasamadanesu vuttasadisova vinicchayo. Sesam sabbattha uttanamevati. Parivasikakkhandhakavannana nitthita. -------The Pali Atthakatha in Roman Book 3 page 281-294. http://84000.org/tipitaka/atthapali/read_rm.php?B=3&A=5760&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=5760&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=4&i=37 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=864 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=906 The Pali Tipitaka in Roman Character :- http://84000.org/tipitaka/read/roman_read.php?B=4&A=906 Contents of The Tipitaka Volume 4 http://84000.org/tipitaka/read/?index_4
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]