AtthaPali Vol.32

313. 7. Varanattheragathavannana yodha koci manussesuti ayasmato varanattherassa gatha. Ka uppatti? ayampi purimabuddhesu katadhikaro tattha tattha bhave punnani karonto ito dvanavute kappe tissassa bhagavato uppattito puretarameva brahmanakule ^2- nibbattitva brahmananam vijjasippesu paragu hutva isipabbajjam pabbajitva catupannasasahassanam antevasikanam mante vacento vasati. Tena ca samayena tissassa bhagavato bodhisattabhutassa tusita kaya cavitva carimabhave matukucchim okkamanena mahapathavikampo ahosi. Tam disva mahajano bhito samviggo nam isim upasankamitva pathavikampanakaranam ^3- pucchi. So "mahabodhisatto matukucchim okkami, tenayam pathavikampo, tasma ma bhayatha"ti buddhuppadassa pubbanimittabhavam kathetva samassasesi, buddharammananca pitim pativedesi. So tena punnakammena devamanussesu samsaranto imasmim buddhuppade kosalaratthe brahmanakule nibbattitva varanoti laddhanamo vayappatto annatarassa arannakassa therassa santike dhammam sutva laddhappasado pabbajitva samanadhammam karoti. So ekadivasam buddhupatthanam gacchanto antaramagge ahinakule annamannam kalaham katva kalankate disva "ime satta @Footnote: ¹ Si.,i. edhati papunati ² Si.,i. sumedhabrahmanakule ³ i. pathavikampakaranam Annamannavirodhena jivitakkhayam patta"ti samviggamanaso hutva bhagavato santikam gato, tassa bhagava cittacaram natva tadanurupameva ovadam dento:- [237] "yodha koci manussesu parapanani himsati asma loka paramha ca ubhaya dhamsate naro. [238] Yo ca mettena cittena sabbapananukampati bahum hi so pasavati punnam tadisako naro. [239] Subhasitassa sikkhetha samanupasanassa ca ekasanassa ca raho cittavupasamassa ca"ti tisso gatha abhasi. Tattha yodha koci manussesuti idha manussesu yo koci khattiyo va brahmano va vesso va suddo va gahattho va pabbajito va. Manussaggahanam cettha ukkatthasattanidassananti datthabbam. Parapanani himsatiti parasatte mareti vibadhati ca. Asma lokati idha lokato. Paramhati paralokato. Ubhaya dhamsateti ubhayato ^1- dhamsati, ubhayalokapariyapannahitasukhato parihayatiti attho. Naroti satto. Evam parapilalakkhanam papadhammam dassetva idani parapilanivattilakkhanam kusalam dhammam dassento "yo ca mettena"tiadina dutiyam gathamaha. Tattha mettena cittenati mettasampayuttena cittena appanapattena itaritarena va. Sabba- pananukampatiti sabbe pane attano orasaputte viya mettayati. Bahum hi so pasavati, punnam tadisako naroti so tatharupo mettavihari puggalo bahum mahantam anappakam kusalam pasavati patilabhati adhigacchati. Idani tam ^2- sasambhare samathavipassanadhamme niyojento "subhasitassa"tiadina @Footnote: ¹ Si.,i. tadubhayato ca ² Ma. ayam patho na dissati Tatiyam gathamaha. Tattha subhasitassa sikkhethati appicchakathadibhedam subhasitam pariyatti- dhammam savanadharanaparipucchadivasena ^1- sikkheyya. Samanupasanassa cati samitapapanam samananam kalyanamittanam upasakanam kalena kalam upasankamitva payirupasananceva patipattiya tesam samipacariyanca sikkheyya. Ekasanassa ca raho cittavupasamassa cati ekassa asahayassa kayavivekam anubruhantassa raho kammatthananuyogavasena asanam nisajjam sikkheyya. Evam kammatthanam anuyunjanto bhavanam ca matthakam papento samucchedavasena kilesanam cittassa vupasamanca sikkheyya. Yahi adhisilasikkhadihi ^2- kilesa accantameva vupasanta pahina honti, ta maggaphalasikkha ^3- sikkhantassa accantameva cittam vupasantam nama hotiti. Gathapariyosane vipassanam vaddhetva arahattam papuni. Tena vuttam apadane ^4- :- "ajjhogahetva himavam ^5- mante vacemaham tada catupannasasahassani sissa mayham upatthahum. Adhita vedagu sabbe chalange paramim gata sakavijjahupatthaddha ^6- himavante vasanti te. Cavitva tusita kaya devaputto mahayaso uppajji matukucchismim sampajano patissato. Sambuddhe upapajjante dasasahassi kampatha andha cakkhum alabhimsu uppajjantamhi nayake. Chappakaramakampittha ^7- kevala vasudha ayam nigghosasaddam sutvana vimhayimsu ^8- mahajana. Sabbe jana samagamma agacchum mama santikam @Footnote: ¹ Si.,i. savanadharanaparicayaparipucchadivasena ² Si. sikkheyyati, adhisilasikkhadihi @³ Si.,i. honti nama, maggaphalasikkhaya ⁴ khu.apa. 33/60/84 nimittabyakaraniyat- @ therapadana (sya) ⁵ pali. himavantam ⁶ Si. sakavijjahupattabba @⁷ cha.Ma. sabbakaram pakampittha ⁸ cha.Ma. ubbijjimsu, Ma. ottapimsu Vasudhayam pakampittha kim vipako bhavissati. Avacasim ^1- tada tesam ma bhayittha ^2- natthi vo bhayam visattha hotha sabbepi uppadoyam sukhatthiko. ^3- Atthahetuhi samphassa ^4- vasudhayam pakampati ^5- tatha nimitta dissanti obhaso vipulo maha. Asamsayam buddhasettho uppajjissati cakkhuma sannapetvana janatam pancasile kathesaham. Sutvana pancasilani buddhuppadanca dullabham ubbengajata ^6- sumana tutthahattha ahesu ^7- te. Dvenavute ito kappe yam nimittam viyakarim duggatim nabhijanami byakaranassidam phalam. Kilesa jhapita mayham .pe. katam buddhassa sasanan"ti. Varanattheragathavannana nitthita. ----------------

The Pali Atthakatha in Roman Book 32 page 544-547. http://84000.org/tipitaka/atthapali/read_rm.php?B=32&A=12179&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=12179&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=313 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6104 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6224 The Pali Tipitaka in Roman Character :- http://84000.org/tipitaka/read/roman_read.php?B=26&A=6224 Contents of The Tipitaka Volume 26 http://84000.org/tipitaka/read/?index_26