AtthaPali Vol.32

314. 8. Passikattheragathavannana ^8- ekopi saddho medhaviti ayasmato passikattherassa gatha. Ka uppatti? ayampi purimabuddhesu katadhikaro tattha tattha bhave punnani karonto atthadassissa bhagavato kale kulagehe nibbattitva vinnutam patto ekadivasam sattharam disva pasannacitto milakkhuphalani ^9- adasi. So tena punnakammena devamanussesu samsaranto imasmim buddhuppade kosalaratthe brahmanakule nibbattitva passikoti @Footnote: ¹ pali. vidassami ² cha.Ma. bhetha ³ cha.Ma. suvatthiko ⁴ Si. atthahetuhi samphassam, @cha.Ma. samphussa ⁵ Si. vasudha sampakampati ⁶ cha.Ma. ubbegajata ⁷ cha.Ma. ahamsu @⁸ cha.Ma. vassikatthera....evamuparipi ⁹ cha.Ma. pilakkhaphalani, i. milakkha.... Laddhanamo vayappatto satthu yamakapatihariyam disva patiladdhasaddho pabbajitva samanadhammam karonto abadhiko ahosi. Atha nam nataka vejjapariditthena bhesajja- vidhina upatthahitva arogamakamsu. So tamha abadha vutthito samvegajato bhavanam ussukkapetva chalabhinno ahosi. Tena vuttam apadane ^1- :- "vanantare ^2- buddham disva atthadassim mahayasam pasannacitto sumano milakkhussa phalam ada. ^3- Attharase kappasate yam phalam adadim tada duggatim nabhijanami phaladanassidam phalam. Kilesa jhapita mayham .pe. katam buddhassa sasanan"ti. Chalabhinno pana hutva akasena natakanam santikam gantva akase thito dhammam desetva te saranesu silesu ca patitthapesi. Tesu keci kalankata saranesu silesu ca patitthitatta sagge nibbattimsu. Atha nam sattha buddhupatthanam upagatam ^4- "kim te passika natinam arogyan"ti pucchi. So natinam attana katam upakaram satthu kathento:- [240] "ekopi saddho medhavi assaddhanidha ^5- natinam dhammattho silasampanno hoti atthaya bandhunam. [241] Niggayha anukampaya codita natayo maya natibandhavapemena karam katvana bhikkhusu. [242] Te abbhatita kalakata ^6- patta te tidivam sukham bhataro mayham mata ca modanti kamakamino"ti tisso gatha abhasi. @Footnote: ¹ khu.apa. 33/58/82 milakkhuphaladayakattherapadana (sya) ² Si. nabhante @³ pali. adam ⁴ i. agatam ⁵ pali. assaddhanam ca ⁶ cha.Ma. kalankata Tatthayam pathamagathaya attho:- yo kammaphalasaddhaya ca ratanattayasaddhaya ca vasena saddho, tatoeva kammassakatananadiyogato medhavi, satthu ovada- dhamme navalokuttaradhamme ca ^1- thitatta dhammattho, acarasilassa maggasilassa phalasilassa ca vasena silasampanno, so ekopi yathavuttaya saddhaya abhavena assaddhanam idha imasmim loke "amhakam ime"ti natabbatthena natinam, ^2- tatha pemabandhanena bandhanatthena "bandhu"ti ca laddhanamanam bandhavanam atthaya hitaya hotiti. Evam sadharanato vuttamattham attupanayikam katva dassetum "niggayha"tiadina itaragatha vutta. Tattha niggayha anukampaya, codita natayo mayati idanipi duggata kusalam akatva ayatim ^3- parikkilesam puna manubhavitthati niggahetva natayo maya ovadita. ^4- Natibandhavapemena "amhakam ayam bandhavo"ti evam pavattena pemena mama ovadam atikkamitum asakkonta karam katvana bhikkhusu pasannacitta hutva civaradipaccayadanena ceva upatthanena ca bhikkhusu sakkarasammanam katva te abbhatita kalakata hutva imam lokam atikkanta. Puna teti nipatamattam. Tidivam sukhanti devalokapariyapannasukham, sukham va ittham tidivam adhigata. Ke pana teti aha bhataro mayham mata ca, modanti kamakaminoti, attana yathakamita- vatthukamasamangino hutva abhiramantiti ^5- attho. Passikattheragathavannana nitthita. ----------------

The Pali Atthakatha in Roman Book 32 page 547-549. http://84000.org/tipitaka/atthapali/read_rm.php?B=32&A=12256&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=12256&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=314 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6111 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6231 The Pali Tipitaka in Roman Character :- http://84000.org/tipitaka/read/roman_read.php?B=26&A=6231 Contents of The Tipitaka Volume 26 http://84000.org/tipitaka/read/?index_26