AtthaPali Vol.32

211. 4. Suyamanattheragathavannana kamacchando ca byapadoti ayasmato suyamanattherassa ^1- gatha. Ka uppatti? ayampi purimabuddhesu katadhikaro tattha tattha bhave punnani upacinanto ito ekanavute kappe vipassissa bhagavato kale dhannavatinagare brahmanakule nibbattitva vayappatto brahmanasippesu nipphattim patva brahmanamante vacesi. ^2- Tena ca samayena vipassi bhagava mahata bhikkhusamghena saddhim dhannavatinagaram pindaya pavittho hoti. Tam disva brahmano pasannacitto attano geham netva asanam pannapetva tassupari pupphasantharam santharitva adasi, satthari tattha nisinne panitena aharena santappeti, ^3- bhuttavim ca pupphagandhena pujesi. Sattha anumodanam vatva pakkami. So tena punnakammena devaloke nibbattitva aparaparam punnani katva devamanussesu samsaranto imasmim buddhuppade vesaliyam annatarassa brahmanassa putto hutva nibbatti, suyamanotissa namam ahosi. So vayappatto tinnam vedanam paragu paramanissamayutto ^4- hutva gehavasinam kamupabhogam jigucchitva jhananinno bhagavato vesaligamane patiladdhasaddho pabbajitva khuraggeyeva arahattam papuni. Tena vuttam apadane ^5- :- "nagare dhannavatiya ahosim brahmano tada lakkhane itihase ca sanigandusaketubhe. Padako veyyakarano nimittakovido aham mante ca sisse vacesim tinnam vedana paragu. @Footnote: ¹ Si. suyamattherassa ² cha.Ma. vaceti ³ cha.Ma. santappesi @⁴ Si. paramaramaniyo ⁵ khu.apa. 32/65/218 kusumasaniyattherapadana Panca uppalahatthani pitthiyam thapitani me ahutim yitthukamoham pitumatusamagame. Tada vipassi bhagava bhikkhusamghapurakkhato obhasento disa sabba agacchati narasabho. Asanam pannapetvana nimantetva mahamunim santharitvana tam puppham abhinesim sakam gharam. Yam me atthi sake gehe amisam paccupatthitam taham buddhassa padasim pasanno sehi panibhi. Bhuttavim kalamannaya pupphahatthamadasaham anumoditvana sabbannu pakkami uttaramukho. Ekanavutito kappe yam pupphamadadim tada duggatim nabhijanami pupphadanassidam phalam. Anantaram ito kappe rajahum varadassano sattaratanasampanno cakkavatti mahabbalo. Kilesa jhapita mayham .pe. Katam buddhassa sasanan"ti. Arahattam pana patva nivaranappahanakittanamukhena annam byakaronto:- [74] "kamacchando ca byapado thinamiddhanca bhikkhuno uddhaccam vicikiccha ca sabbasova na vijjati"ti gatham abhasi. Tattha kamacchandoti kamesu chando, kamo ca so chando catipi kamacchando, kamarago. Idha pana sabbopi rago kamacchando aggamaggavajjhassapi adhippetatta, tenaha "sabbasova na vijjati"ti. Sabbepi hi tebhumikadhamma Kamaniyatthena kama, tattha pavatto rago kamacchando, tenaha bhagava "aruppe kamacchandanivaranam paticca thinamiddhanivaranam uddhaccanivaranam avijjanivaranam uppajjati"ti ^1- byapajjati cittam putibhavam gacchati etenati byapado, "anattham me ^2- acari"tiadinayappavatto aghato. Thinam cittassa akalyata anussahasamhananam, middham kayassa akalyata asattivighato, tadubhayampi thinanca middhanca thinamiddham, kiccaharapatipakkhanam ekataya ekam katva vuttam. Uddhatabhavo uddhaccam, yena dhammena cittam uddhatam hoti avupasantam, so cetaso vikkhepo uddhaccam. Uddhaccaggahaneneva cettha kiccaharapatipakkhanam samanataya kukkuccampi gahitamevati datthabbam. Tam pacchanutapalakkhanam. Yo hi katakatakusalakusalupanissayo ^3- vippatisaro, tam kukkuccam. Vicikicchati "evam nu kho, na nu kho"ti samsayam apajjati, ^4- dhammasabhavam va vicinanto kicchati kilamati etayati vicikiccha, buddhadivatthuko samsayo. Sabbasoti anavasesato. Na vijjatiti natthi, maggena samucchinnatta na upalabbhati. Idanca padadvayam paccekam yojetabbam. Ayam hettha yojana:- yassa bhikkhuno tena tena ariyamaggena samucchinnatta kamacchando ca byapado ca thinamiddhanca uddhaccakukkuccanca vicikiccha ca sabbasova na vijjati, tassa na kinci karaniyam, katassa va paticayoti annapadesena annam byakaroti. Pancasu hi nivaranesu maggena samucchinnesu tadekatthataya sabbepi kilesa samucchinnayeva honti. Tenaha "sabbete bhagavanto panca nivarane ^5- pahaya cetaso upakkilese"ti. ^6- Suyamanattheragathavannana nitthita. -------------- @Footnote: ¹ abhi.pa. 42/8/286 nivaranaduka: paticcavara ² abhi.san. 34/1066/251 nikkhepakanda, @ abhi.vi. 35/909/442 khuddakavatthuvibhanga ³ Si. akatakatakusalakusalam nissaya yo @⁴ Si. samsayapatti ⁵ Si. tenaha bhagava pancanivarane ⁶ di.maha. 10/147/76 @ mahaparinibbanasutta

The Pali Atthakatha in Roman Book 32 page 256-258. http://84000.org/tipitaka/atthapali/read_rm.php?B=32&A=5715&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=5715&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=211 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5407 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5632 The Pali Tipitaka in Roman Character :- http://84000.org/tipitaka/read/roman_read.php?B=26&A=5632 Contents of The Tipitaka Volume 26 http://84000.org/tipitaka/read/?index_26