AtthaPali Vol.33

350. 4. Kullattheragathavannana kullo sivathikantiadika ayasmato kullattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto

--------------------------------------------------------------------------------------------- page102.

Imasmim buddhuppade savatthiyam kutumbikakule ^1- nibbattitva kulloti laddhanamo vinnutam patto satthu santike dhammam sutva patiladdhasaddho pabbaji, so ca ragacaritatta ^2- tibbaragajatiko hoti. Tenassa abhikkhanam kilesa cittam pariyadaya titthanti. Athassa sattha cittacaram natva asubhakammatthanam datva "kulla taya abhinham susane carika caritabba"ti aha. So susanam pavisitva uddhumatakadini tani tani asubhani disva tam muhuttam asubhamanasikaram uppadetva susanato nikkhantamattova kamaragena abhibhuyyati. Puna bhagava tassa tam pavattim natva ekadivasam tassa susanatthanam gatakale ekam tarunitthirupam adhuna matam avinatthacchavim nimminitva dasseti. Tassa tam ditthamattassa jivamanavisabhagavatthusmim viya sahasa rago uppajjati. Atha nam sattha tassa pekkhantasseva navahi vanamukhehi paggharamanasucim kimikulakulam ativiya bibhaccham duggandham jeguccham patikkulam katva dassesi, so tam pekkhanto virattacitto hutva atthasi. Athassa bhagava obhasam pharitva satim janento:- "aturam asucim putim passa kulla samussayam uggharantam paggharantam balanam abhinanditan"ti aha. Tam sutva thero sammadeva sarirasabhavam upadharento asubhasannam patilabhitva tattha pathamam jhanam nibbattetva tam padakam katva vipassanam vaddhetva arahattam papunitva attano patipattim paccavekkhitva:- [393] "kullo sivathikam gantva addasa itthimujjhitam apaviddham susanasmim khajjantim kimihi phutam. [394] Aturam asucim putim passa kulla samussayam uggharantam paggharantam balanam abhinanditam. [395] Dhammadasam gahetvana nanadassanapattiya paccavekkhim imam kayam tuccham santarabahiram. @Footnote: ¹ cha.Ma. kutumbiyakule ² Ma. pabbajito ca ragacaritova

--------------------------------------------------------------------------------------------- page103.

[396] Yatha idam tatha etam yatha etam tatha idam yatha adho tatha uddham yatha uddham tatha adho. [397] Yatha diva tatha rattim ^1- yatha rattim ^1- tatha diva yatha pure tatha paccha yatha paccha tatha pure. [398] Pancangikena turiyena na rati hoti tadisi yatha ekaggacittassa samma dhammam vipassato"ti udanavasena ima gatha abhasi. Tattha kulloti attanameva thero param viya katva vadati. Aturanti nanappakarehi dukkhehi abhinham patipilitam. Asucinti sucirahitam jeguccham patikkulam. Putinti duggandham. Passati sabhavato olokehi. Kullati ovadakale bhagava theram alapati. Udanakale pana thero sayameva attanam vadati. Samussayanti sariram. Uggharantanti uddham vanamukhehi asucim savantam. Paggharantanti adho vanamukhehi samantato ca ^2- asucim savantam. Balanam abhinanditanti balehi andhaputhujjanehi ditthitanhabhinandanahi ^3- "aham maman"ti abhinivissa nanditam. Dhammadasanti dhammamayam adasam. Yatha hi satta adasena attano mukhe kaye va gunadose passanti, evam yogavacaro yena attabhave sankilesavodanadhamme yathavato passati, tam vipassanananam idha "dhammadasan"ti vuttam. Tam nanadassanassa maggananasankhatassa dhammacakkhussa adhigamaya attano santane uppadetva. Paccavekkhim imam kayanti imam karajakayam niccasaradivirahato tuccham attaparasantananam vibhagato santarabahiram nanacakkhuna patiavekkhim passim. Yatha pana paccavekkhim, tam dassetum "yatha idan"tiadi vuttam. Tattha yatha idam tatha etanti yatha idam mayham sarirasankhatam asubham ayuusmavinnananam @Footnote: ¹ pali. ratti ² Si.,i. savanatova ³ Si.,i. ditthitanhamanadihi

--------------------------------------------------------------------------------------------- page104.

Anapagama nanavidham mayopamam kiriyam dasseti, tathava etam matasariram pubbe tesam dhammanam anapagama ahosi. Yatha etam etarahi matasariram tesam dhammanam apagama na kinci kiriyam ^1- dasseti, tatha idam mama sarirampi tesam dhammanam apagama nassatevati. Yatha ca idam mama sariram etarahi susane na matam na sayitam, na uddhumatakadibhavam upagatam, tatha etam etarahi matasarirampi pubbe ahosi. Yatha panetam etarahi matasariram susane sayitam uddhumatakadibhavam upagatam, tatha idam mama sarirampi bhavissati. Athava yatha idam mama sariram asuci duggandham jeguccham patikkulam aniccam dukkham anatta, tatha etam matasarirampi. Yatha va etam matasariram asuciadisabhavanceva aniccadisabhavanca, tatha idam mama sarirampi. Yatha adho tatha uddhanti ^2- yatha nabhito adho hettha ayam kayo asuci duggandho jeguccho patikkulo anicco dukkho anatta ca, tatha uddham nabhito upari asuciadisabhavo ca. Yatha uddham tatha adhoti yatha ca nabhito uddham asuciadisabhavo, tatha adho nabhito hetthapi. Yatha diva tatha rattinti yatha ayam kayo diva "akkhimha akkhiguthako"ti- adina ^3- asuci paggharati, tatha rattimpi. Yatha rattim tatha divati yatha ca rattim ayam kayo asuci paggharati, tatha divapi, nayimassa kalavibhagena annathabhavoti attho. Yatha pure tatha pacchati yatha ayam kayo pure pubbe tarunakale asuci duggandho jeguccho patikkulo, tatha ca paccha jinnakale. Yatha ca paccha jinnakale asuciadisabhavo, tatha pure tarunakalepi. Yatha va pure atitakale savinnanakale asuciadisabhavo ca aniccadisabhavo ca, tatha paccha anagatakale avinnanakaleti evamettha ^4- attho veditabbo. Pancangikena turiyenati "atatam vitatam atatavitatam ghanam susiran"ti evam pancangikena pancahi angehi samannagatena turiyena paricariyamanassa kamasukhasamangino @Footnote: ¹ Ma. apagatamanatam kiriyam ² Si.,i. yatha adhoti ³ khu.sutta. 25/199/371 vijayasutta @⁴ cha.Ma. evampettha

--------------------------------------------------------------------------------------------- page105.

Issarajanassa tadisi tatharupa rati sukhassado na hoti. Yatha ekaggacittassa, samma dhammam vipassatoti samathavipassanam yuganaddham katva indriyanam ekarasabhavena ^1- vithipatipannaya vipassanaya khandhanam udayabbayam passantassa yogavacarassa yadisa dhammarati, tassa kalampi kamarati na upetiti. Vuttaneehatam bhagavata:- "yato yato sammasati khandhanam udayabbayam labhati pitipamojjam amatam tam vijanatan"ti. ^2- Imaeva ca therassa annabyakaranagathapi ahesum. Kullattheragathavannana nitthita. --------------

The Pali Atthakatha in Roman Book 33 page 101-105. http://84000.org/tipitaka/atthapali/read_rm.php?B=33&A=2314&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=2314&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=350 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6537 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6669 The Pali Tipitaka in Roman Character :- http://84000.org/tipitaka/read/roman_read.php?B=26&A=6669 Contents of The Tipitaka Volume 26 http://84000.org/tipitaka/read/?index_26