บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
391. 7. Kaligodhaputtabhaddiyattheragathavannana 1- yatam me hatthigivayatiadika ayasmasato bhaddiyattherassa gatha. Ka uppatti? ayampi purimabuddhesu katadhikaro padumuttarassa bhagavato kale mahabhogakule nibbattitva vinnutam patto ekadivasam satthu santike dhammam sunanto satthara ekam bhikkhum uccakulikanam aggatthane thapiyamanam disva sayampi tam thanantaram patthetva sattaham buddhappamukhassa bhikkhusamghassa mahadanam datva panidhanam akasi. Satthapissa anantarayena samijjhanabhavam disva byakasi, sopi tam byakaranam sutva uccakulikasamvattanikam kammam pucchitva dhammassavanassa karapanam, dhammamandape asanadanam, bijanidanam 2-, dhammakathikanam pujasakkarakaranam, uposathagare patissaya- dananti evamadim yavajivam bahupunnam katva tato cuto devamanussesu samsaranto kassapassa bhagavato aparabhage amhakam bhagavato uppattiya puretaram baranasiyam kutumbikaghare 3- nibbatto sambahule paccekabuddhe pindaya caritva ekasmimyeva thane samagantva bhattavissaggam karonte disva tattha pasanaphalakani attharitva padodakadim upatthapento yavajivam upatthahi. @Footnote: 1 ka. bhaddiyakaligodhaputtatthera..... 2 Si. bijanadanam 3 cha.Ma. kutumbiyaghare So ekam buddhantaram devamanussesu samsaritva imasmim buddhuppade kapilavatthu- nagare sakiyarajakule nibbatti, bhaddiyotissa namam ahosi. So vayappatto anuruddhadihi pancahi khattiyehi saddhim satthari anupiyambavane viharante satthu santike pabbajitva arahattam papuni. Tam sattha aparabhage jetavane ariyaganamajjhe nisinno uccakulikanam bhikkhunam aggatthane thapesi. So phalasukhena nibbanasukhena ca vitinamento arannagatopi rukkhamulagatopi sunnagaragatopi "aho sukham, aho sukhan"ti abhikkhanam udanam udanesi. Tam sutva bhikkhu satthu arocesum "ayasma bhaddiyo kaligodhaya putto abhikkhanam `aho sukham, aho sukhan'ti vadati, anabhirato manne brahmacariyam carati"ti. Sattha tam pakkosapetva "saccam kira tvam bhaddiya abhikkhanam `aho sukham, aho sukhan'ti vadasi"ti pucchi. So "saccam bhagava"ti patijanitva "pubbe me bhante rajjam karentassa susamvihitarakkho ahosim, tathapi bhito ubbiggo ussankito vihasim. Idani pana pabbajito abhito anubbiggo anussankito viharamiti vatva:- [842] "yatam me hatthigivaya sukhuma vattha padharita salinam odano bhutto sucimamsupasecano. [843] Sojja bhaddo satatiko unchapattagate rato jhayati anupadano putto godhaya bhaddiyo. [844] Pamsukuli satatiko unchapattagate rato jhayati anupadano putto godhaya bhaddiyo. [845] Pindapati satatiko .pe. [846] Tecivari satatiko .pe. [847] Sapadanacari satatiko .pe. [848] Ekasani satatiko .pe. [849] Pattapindi satatiko .pe. [850] Khalupacchabhatti satatiko .pe. [851] Aranniko satatiko .pe. [852] Rukkhamuliko satatiko .pe. [853] Abbhokasi satatiko .pe. [854] Sosaniko satatiko .pe. [855] Yathasanthatiko satatiko .pe. [856] Nesajjiko satatiko .pe. [857] Appiccho satatiko .pe. [858] Santuttho satatiko .pe. [859] Pavivitto satatiko .pe. [860] Asamsattho satatiko .pe. [861] Araddhaviriyo satatiko unchapattagate rato jhayati anupadano putto godhaya bhaddiyo. [862] Hitva satapalam kamsam sovannam satarajikam aggahim mattikapattam idam dutiyabhisecanam. [863] Ucce mandalipakare dalhamattalakotthake rakkhito khaggahatthehi uttasam viharim pure. [864] Sojja bhaddo anutrasi pahinabhayabheravo jhayati vanamogayha putto godhaya bhaddiyo. [865] Silakkhandhe patitthaya satim pannanca bhavayam papunim anupubbena sabbasamyojanakkhayan"ti imahi gathahi satthu purato sihanadam nadi. Tattha yatam me hatthigivayati bhante pubbe maya gacchantenapi hatthigivaya hatthikkhandhe nisiditva yatam caritam. Vatthani pariharantenapi sukhuma sukhasamphassa kasikavatthavisesa dharita. Odanam bhunjantenapi tivassikanam puranagandhasalinam Odano tittirakapinjaradina sucina mamsena upasittataya sucimamsupasecano bhutto, tathapi tam sukham na mayham cittaparitosakaram ahosi, yatha etarahi vivekasukhanti dassento aha "sojja bhaddo"tiadi. Ettha ca hatthiggahaneneva assarathayanani, vatthaggahanena sabbarajalankara, odanaggahanena sabbabhojanavikati gahitati veditabbam. Sojjati so ajja etarahi pabbajjayam thito. Bhaddoti siladigunehi samannagatatta bhaddo. Satatikoti samanadhamme ditthadhammasukhavihare sataccayutto. Unchapattagate ratoti unchacariyaya patte agate pattapariyapanne abhirato, teneva santutthoti adhippayo. Jhayatiti phalasamapattijhanena jhayati. Putto godhayati kaligodhaya nama khattiyaya putto. Bhaddiyoti evamnamo attanameva thero annam viya katva vadati. Gahapaticivaram patikkhipitva pamsukulikangasamadanena pamsukuliko. Samghabhattam patikkhipitva pindapatikangasamadanena pindapatiko. Atirekacivaram patikkhipitva tecivarikangasamadanena tecivariko. Loluppacaram patikkhipitva sapadanacarikanga- samadanena sapadanacari. Nanasanabhojanam patikkhipitva ekasanikangasamadanena ekasaniko. Dutiyakabhajanam patikkhipitva pattapindikangasamadanena pattapindiko. Atirittabhojanam patikkhipitva khalupacchabhattikangasamadanena khalupacchabhattiko. Gamantasenasanam patikkhipitva arannikangasamadanena aranniko. Channavasam patikkhipitva rukkhamulikangasamadanena rukkhamuliko. Channarukkhamulani patikkhipitva abbhokasikangasamadanena abbhokasiko. Nasusanam patikkhipitva sosanikangasamadanena sosaniko. Senasanaloluppam patikkhipitva yathasanthatikangasamadanena yathasanthatiko. Sayanam patikkhipitva nesajjikangasamadanena nesajjiko. Ayamettha sankhepo, vittharato pana dhutangakatha visuddhimagge 1- vuttanayeneva gahetabba. @Footnote: 1 visuddhi. 1/.../73 dhutanganiddesa Ucceti uccaditthane uparipasadataya va ucce. Mandalipakareti mandalakarena pakaraparikkhitte. Dalhamattalakotthaketi thirehi attalehi dvarakotthakehi ca samannagate, nagareti attho. Satim pannancati ettha satisisena samadhim vadati, phalasamapattinirodhasamapattiyo sandhaya "satim pannanca bhavayan"ti vutto. Sesam tattha tattha vuttanayatta uttanameva. Evam thero satthu sammukha sihanadam nadi. Tam sutva bhikkhu abhippasanna ahesum. Kaligodhaputtabhaddiyattheragathavannana nitthita. ---------------------The Pali Atthakatha in Roman Book 33 page 354-358. http://84000.org/tipitaka/atthapali/read_rm.php?B=33&A=8158&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=8158&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=391 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=7722 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=7844 The Pali Tipitaka in Roman Character :- http://84000.org/tipitaka/read/roman_read.php?B=26&A=7844 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]