AtthaPali Vol.47

Nirodhasaccaniddesavannana [35] Nirodhasaccaniddese yo tassayeva tanhayati ettha "yo tasseva dukkhassa"ti vattabbe yasma samudayanirodheneva dukkham nirujjhati, no annatha. Yathaha:-

--------------------------------------------------------------------------------------------- page172.

"yathapi mule anupaddave dalhe chinnopi rukkho punareva ruhati evampi tanhanusaye anuhate nibbattati dukkhamidam punappunan"ti. ^1- Tasma tam dukkhanirodham dassento samudayanirodhena dassetum evamaha. Sihasamanavuttino hi tathagata, te dukkham nirodhenta dukkhanirodhanca dassenta hetumhi patipajjanti, na phale. Suvanavuttino pana annatitthiya, te dukkham nirodhenta dukkhanirodhanca dassenta attakilamathanuyogena ceva tasseva ca desanaya phale patipajjanti, na hetumhiti sihasamanavuttitaya sattha hetumhi patipajjanto "yo tassayeva"ti- adimaha. Dhammasenapatipi satthara vuttakkamenevaha. Tattha tassayeva tanhayati ya sa tanha "ponobbhavika"ti vatva kamatanhadivasena vibhatta uppattinivesanavasena ca hettha pakasita, tassayeva tanhaya. Asesaviraganirodhoti virago vuccati maggo, "viraga vimuccati"ti ^2- hi vuttam. Viragena nirodho viraganirodho, anusayasamugghatato aseso viraganirodho asesaviraganirodho. Atha va viragoti hi pahanam vuccati, tasma aseso virago aseso nirodhoti evampettha yojana datthabba. Atthato pana sabbaneva panetani asesaviraganirodhotiadini nibbanasseva vevacanani. Paramatthato hi dukkhanirodham ariyasaccanti nibbanam vuccati. Yasma pana tam agamma tanha asesa virajjati nirujjhati, tasma tam "tassayeva tanhaya asesaviraganirodho"ti vuccati. Nibbananca agamma tanha cajiyati patinissajjiyati muccati na alliyati, kamagunalayesu cettha ekopi alayo natthi, tasma nibbanam cago patinissaggo mutti analayoti vuccati. Ekameva hi nibbanam, namani panassa sabbasankhatanam @Footnote: ¹ khu.dha. 25/338/75 ² vi.maha. 4/23/19, mu.mu. 12/245/207, sam.kha. 17/12/18

--------------------------------------------------------------------------------------------- page173.

Namapatipakkhavasena anekani honti. Seyyathidam, asesavirago asesanirodho cago patinissaggo mutti analayo ragakkhayo dosakkhayo mohakkhayo tanhakkhayo anuppado appavattam animittam appanihitam anayuhanam appatisandhi anupapatti agati ^1- ajatam ajaram abyadhi amatam asokam aparidevam anupayasam asankilitthantiadini. Idani maggena chinnaya nibbanam agamma appavattippattayapi ca tanhaya yesu vatthusu tassa uppatti dassita, tattheva abhavam dassetum sa kho panesati- adimaha. Tattha yatha puriso khette jatam tittakalabuvallim disva aggato patthaya mulam pariyesitva chindeyya, sa anupubbena milayitva appannattim ^2- gaccheyya, tato tasmim khette tittakalabu niruddha pahinati vucceyya, evameva khette tittakalabu viya cakkhadisu tanha. Sa ariyamaggena mulacchinna nibbanam agamma appavattim gacchati. Evam gata pana tesu vatthusu khette tittakalabu viya na pannayati. Yatha ca atavito core anetva nagarassa dakkhinadvare ghateyyum, tato ataviyam cora matati va maritati va vucceyyum, evameva ataviyam cora viya ya cakkhadisu tanha sa dakkhinadvare cora viya nibbanam agamma niruddhatta nibbane niruddha. Evam niruddha pana tesu vatthusu ataviyam cora viya na pannayati. Tenassa tattheva nirodham dassento "cakkhu loke piyarupam satarupam, etthesa tanha pahiyamana pahiyati"tiadimaha. Atha va tanhuppadavatthussa parinnatatta parinnatavatthusmim puna na uppajjanato anuppadanirodhavasena tanhuppadavatthusmimyeva nirujjhatiti vuccati. Ettha ca uppajjanappatipakkhavasena pahiyatiti vuttam, nivisanapatipakkhavasena nirujjhatiti. Nirodhasaccaniddesavannana nitthita. ------------ @Footnote: ¹ Si. anuppatti ² Si. appavattim

The Pali Atthakatha in Roman Book 47 page 171-173. http://84000.org/tipitaka/atthapali/read_rm.php?B=47&A=3840&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=3840&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=31&i=84 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=898 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=1144 The Pali Tipitaka in Roman Character :- http://84000.org/tipitaka/read/roman_read.php?B=31&A=1144 Contents of The Tipitaka Volume 31 http://84000.org/tipitaka/read/?index_31