AtthaPali Vol.47

32. Anantarikasamadhinananiddesavannana [80] Anantarikasamadhinananiddese nekkhammavasenatiadisu nekkhamma- abyapadaalokasannaavikkhepadhammavavatthanananapamojjani sukkhavipassakassa upacarajjhanasampayutta tassa tassa kilesassa vipakkhabhuta satta dhamma ekacitta- sampayutta eva. Cittassa ekaggata avikkhepoti ekaggassa bhavo ekaggata, nanarammane na vikkhipati tena cittanti avikkhepo, cittassa ekaggatasankhato avikkhepoti attho. Samadhiti ekarammane samam adhiyati tena cittanti samadhi namati attho. Tassa samadhissa vasenati upacarasamadhinapi samahitacittassa yathabhutavabodhato vuttappakarassa samadhissa vasena. Uppajjati nananti maggananam yathakkamena uppajjati. Khiyantiti samucchedavasena khiyanti. Ititi vuttappakarassa atthassa nigamanam. Pathamam samathoti pubbabhage samadhi hoti. Paccha nananti aparabhage maggakkhane nanam hoti. Kamasavoti pancakamaguniko rago. Bhavasavoti ruparupabhavesu chandarago jhananikanti sassataditthisahajato rago bhavavasena patthana. Ditthasavoti dvasatthi

--------------------------------------------------------------------------------------------- page325.

Ditthiyo. Avijjasavoti dukkhadisu atthasu thanesu annanam. Bhummavacanena okasa- puccham katva "sotapattimaggena"tiadina asavakkhayakkarena maggena asavakkhayam dassetva "ettha"ti okasavissajjanam katam, maggakkhaneti vuttam hoti. Anavasesoti natthi etassa avasesoti anavaseso. Apayagamaniyoti nirayatiracchanayoni- pettivisayasurakaya cattaro sukhasankhata aya apetatta apaya, yassa samvijjati, tam puggalam apaye gametiti apayagamaniyo. Asavakkhayakatha dubhatovutthanakathayam vutta. Avikkhepavasenati vattamanassa samadhissa upanissayabhutasamadhivasena. Pathavikasinavasenatiadisu dasa kasinani tadarammanikaappanasamadhivasena vuttani, buddhanussatiadayo maranassati upasamanussati ca upacarajjhanavasena vutta, anapanassati kayagatasati ca appanasamadhivasena vutta, dasa asubha pathamajjhanavasena vutta. Buddham arabbha uppanna anussati buddhanussati. "itipi so bhagava arahan"tiadibuddhagunarammanaya ^1- satiya etam adhivacanam, tassa buddhanussatiya vasena. Tatha dhammam arabbha uppanna anussati dhammanussati. "svakkhato bhagavata dhammo"tiadidhammagunarammanaya satiya etam adhivacanam. Samgham arabbha uppanna anussati samghanussati. "supatipanno bhagavato savakasamgho"tiadisamghagunarammanaya satiya etam adhivacanam. Silam arabbha uppanna anussati silanussati. Attano akhandatadisilagunarammanaya satiya etam adhivacanam. Cagam arabbha uppanna anussati caganussati. Attano muttacagatadicagagunarammanaya satiya etam adhivacanam. Devata arabbha uppanna anussati devatanussati. Devata sakkhitthane thapetva attano saddhadigunarammanaya satiya etam adhivacanam. Anapane arabbha uppanna sati anapanassati. Anapananimittarammanaya satiya etam adhivacanam. Maranam arabbha @Footnote: ¹ Ma.mu. 12/74/50, an.tika. 20/71/201, an.nava. 23/231/420 (sya)

--------------------------------------------------------------------------------------------- page326.

Uppanna sati maranassati. Ekabhavapariyapannajivitindriyupacchedasankhatamaranarammanaya satiya etam adhivacanam. Kucchitanam kesadinam patikulanam ayatta akaratta kayoti sankhate sarire gata pavatta, tadisam va kayam gata sati kayagatasati. "kayagatasati"ti vattabbe rassam akatva "kayagatasati"ti vutta. Tatheva idhapi kayagatasativasenati vuttam. Kesadikesu kayakotthasesu patikulanimittarammanaya satiya etam adhivacanam. Upasamam arabbha uppanna anussati upasamanussati. Sabbadukkhupasamarammanaya satiya etam adhivacanam. Dasa asubha hettha vuttattha. [81] Digham assasavasenatiadini appanupacarasamadhibhedamyeva dassetum vuttani. Digham assasavasenati dighanti vuttaassasavasena. "digham va assasanto digham assasamiti pajanati"ti ^1- hi vuttam. Esa nayo sesesupi sabbakayapatisamvediti sabbassa assasapassasakayassa patisamvedi. Passambhayam kayasankharanti olarikam assasapassasasankhatam kayasankharam passambhento vupasamento. "digham rassam sabbakayapatisamvedi passambhayam sankharan"ti iminava catukkena appanasamadhi vutto. Pitipatisamvediti pitim pakatam karonto. Cittasankhara- patisamvediti sannavedanasankhatam cittasankharam pakatam karonto. Abhippamodayam cittanti cittam modento. Samadaham cittanti arammane cittam samam thapento. Vimocayam cittanti cittam nivaranadihi vimocento. Pitipatisamvedi sukhapatisamvedi cittasankharapatisamvedi passambhayam cittasankharanti catukkanca cittapatisamvedi abhippamodayam cittam samadaham cittam vimocayam cittanti catukkanca appanasamadhi- vasena ca vipassanasampayuttasamadhivasena ca vuttani. Aniccanupassiti anicca- nupassanavasena. Viraganupassiti nibbidanupassanavasena nirodhanupassiti bhanganupassanavasena. Patinissagganupassiti vutthanagaminivipassanavasena. Sa hi @Footnote: ¹ di.maha. 10/374/248, Ma.mu. 12/107/77, Ma.u. 14/154/137

--------------------------------------------------------------------------------------------- page327.

Tadangavasena saddhim khandhabhisankharehi kilese pariccajati. Sankhatadosadassanena ca tabbiparite nibbane tanninnataya pakkhandati. Idam catukkam vipassanasampayutta- samadhivaseneva vuttam. Assasavasena passasavasenati cettha assasapassasappavattimattam gahetva vuttam, na tadarammanakaranavasena. Vittharo panettha anapanakathayam avibhavissati. Anantarikasamadhinananiddesavannana nitthita. ---------------

The Pali Atthakatha in Roman Book 47 page 324-327. http://84000.org/tipitaka/atthapali/read_rm.php?B=47&A=7240&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=47&A=7240&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=31&i=211 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=2328 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=2757 The Pali Tipitaka in Roman Character :- http://84000.org/tipitaka/read/roman_read.php?B=31&A=2757 Contents of The Tipitaka Volume 31 http://84000.org/tipitaka/read/?index_31