|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
70. Yamakapatihiranananiddesavannana [116] Yamakapatihiranananiddese 1- asadharanam savakehiti sesasadharana- nananiddese annavacanehi okasabhavato na vuttam, idha pana annavacanabhavato vuttanti veditabbam. Uparimakayatoti nabhiya uddham sarirato. Aggikkhandho pavattatiti tejokasinarammanam padakajjhanam samapajjitva vutthaya "uparimakayato aggijala vutthatu"ti avajjitva parikammam katva anantaram abhinnananena "uparimakayato aggijala vutthatu"ti adhitthite saha adhitthana uparimakayato aggijala vutthati. Sa hi 2- idha rasatthena khandhoti vutta. Hetthimakayatoti nabhito hettha sarirato. Udakadhara pavattatiti apokasinarammanam padakajjhanam samapajjitva vutthaya "hetthimakayato udakadhara vutthatu"ti avajjitva parikammam katva anantaram abhinnananena "hetthimakayato udakadhara vutthatu"ti adhitthite saha adhitthana hetthimakayato udakadhara vutthati. Ubhayatthapi abbocchedavasena pavattatiti vuttam. Adhitthanassa ca avajjanassa ca antare dve bhavangacittani vattanti tasmayeva yugala hutva aggikkhandhaudakadhara pavattanti, antaram na pannayati. Annesam pana bhavangaparicchedo natthi. Puratthimakayatoti abhimukhapassato. Pacchimakayatoti pitthipassato. Dakkhinaakkhito vamaakkhitotiadi samasapathoyeva, na anno. Dakkhinanasikasotato vamanasikasotatoti patho sundaro. Rassam katvapi pathanti. Amsakutatoti ettha abbhuggatatthena kuto viyati kuto, amsoyeva kuto amsakuto. Angulangulehiti angulihi angulihi. Angulantarikahiti angulinam antarikahi. Ekekalomato aggikkhandho pavattati, ekekalomato udakadhara pavattatiti ubhayatthapi amenditavacanena sabbalomanam pariyadinnatta ekekalomatova aggikkhandhaudakadhara yugala yugala hutva pavattantiti vuttam hoti. Lomakupato lomakupato @Footnote: 1 Si.,i. yamakapatihariyanananiddese 2 Ma. sapi--------------------------------------------------------------------------------------------- page14.
Aggikkhandho pavattati, lomakupato lomakupato udakadhara pavattatiti etthapi eseva nayo. Kesuci potthakesu "ekekalomato aggikkhandho pavattati. Lomakupato lomakupato udakadhara pavattati, lomakupato aggikkhandho pavattati, ekekalomato udakadhara pavattatiti likhitam. Tampi yujjatiyeva. Patihirassa atisukhumattadipanato pana purimapathoyeva sundarataro. Idani channam vannananti ko sambandho? hettha "uparimakayato"tiadihi Anekehi sariravayava vutta. Tena sariravayavasambandho 1- pavattatiti vacanasambandhena ca yamakapatihiradhikarena ca channam vannanam sariravayavabhutanam rasmiyo yamaka hutva pavattantiti vuttam hoti. Samivacanasambandhena ca avassam "rasmiyo"ti pathaseso icchitabboyeva. Nilananti umapupphavannanam. Pitakananti kanikarapupphavannanam. Lohitakananti indagopakavannanam. Odatananti osadhitarakavannanam. Manjitthananti mandarattavannanam. Pabhassarananti pabhassarapakatikanam vannanam. Pabhassaravanne visum avijjamanepi, vuttesu pancasu vannesu ye ye pabha samujjala, te te pabhassaRa. Tatha hi tathagatassa yamakapatihiram karontassa yamakapatihirananabaleneva kesamassunanceva akkhinanca nilatthanehi nilarasmiyo nikkhamanti, yasam vasena gaganatalam anjanacunnasamokinnam viya umapupphaniluppaladalasanchannam viya vitipatantamanitalavantam viya pasaritamecakapatam viya ca hoti. Chavito ceva akkhinanca pitakatthanehi pitarasmiyo nikkhamanti, yasam vasena disabhaga suvannarasanisincamana viya suvannapatapasarita viya kunkumacunnakanikarapupphasamparikinna viya ca virocanti. Mamsalohitehi ceva akkhinanca rattatthanehi lohitarasmiyo nikkhamanti, yasam vasena disabhaga cinapatthacunnaranjita viya supakkalakharasanisincamana viya rattakambalaparikkhitta viya jayasumanapalibhaddakabandhujivakakusumasamparikinna viya ca virocanti. @Footnote: 1 Ma. sariravayavasambandhena ca--------------------------------------------------------------------------------------------- page15.
Atthihi ceva dantehi ca akkhinanca setatthanehi odatarasmiyo nikkhamanti, yasam vasena disabhaga rajatakutehi asincamanakhiradharasamparikinna viya pasaritarajatapattavitana viya vitipatantarajatatalavanta viya kundakumudasinduvarasumanamallikadikusumasanchanna viya ca virocanti. Hatthatalapadataladihi mandarattatthanehi manjittharasmiyo nikkhamanti, yasam vasena disabhaga pavalajalaparikkhitta viya rattakuravakakusumasamokinna viya ca virocanti. Unnadathanakhadihi 1- pabhassaratthanehi pabhassararasmiyo nikkhamanti, yasam vasena disabhaga osadhitarakapunjapunna viya vijjupataladiparipunna viya ca virocanti. Bhagava cankamatitiadi "bhagavato ca nimmitananca nanairiyapathakaranam yamakapatihireneva hoti"ti dassanattham vuttam. Tesam hi nimmitanam iriyapatha yugalava hutva vattanti. Yadi nimmita bahuka honti "nimmito"tiadi kasma ekavacanam katanti ce? nimmitesupi ekekassa nanairiyapathabhavadassanattham. Bahuvacanena hi vutte sabbepi nimmita sakim ekekairiyapathika viya honti. Ekavacanena pana vutte nimmitesu ekeko nanairiyapathikoti nayati. Tasma ekavacananiddeso kato. Culapanthakattheropi tava nanairiyapathikabhikkhunam sahassam mapesi, kim pana bhagava yamakapatihire bahu nimmite na karissati. Culapatthakattheram muncitva annesam savakanam ekavajjanena nanairiyapathikanam nanarupananca nimmanam na ijjhati. Aniyametva hi nimmita iddhimata sadisava honti. Thananisajjadisu va bhasitatunhibhavadisu va yam yam iddhima karoti, tam tadeva karonti, visadisakaranam nanakiriyakarananca "ettaka idisa hontu, ettaka imam nama karontu"ti visum visum avajjitva adhitthanena ijjhati. Tathagatassa pana ekavajjanadhitthaneneva nanappakaranimmanam ijjhati. Evameva aggikkhandhaudakadharanimmane ca nanavannanimmane ca veditabbam. @Footnote: 1 Ma. unnanakhadihi--------------------------------------------------------------------------------------------- page16.
Tattha bhagava cankamatiti akase va pathaviyam va cankamati. Nimmitoti iddhiya mapitabuddharupam. Titthati vatiadinipi akase va pathaviyam va. Kappetiti karoti. Bhagava titthatitiadisupi eseva nayoti. Yamakapatihiranananiddesavannana nitthita. ----------------The Pali Atthakatha in Roman Book 48 page 13-16. http://84000.org/tipitaka/atthapali/read_rm.php?B=48&A=275&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=48&A=275&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=31&i=284 เนื้อความพระไตรปิฎกฉบับหลวง :- http://84000.org/tipitaka/read/r.php?B=31&A=3130 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=31&A=3633 The Pali Tipitaka in Roman Character :- http://84000.org/tipitaka/read/roman_read.php?B=31&A=3633 Contents of The Tipitaka Volume 31 http://84000.org/tipitaka/read/?index_31
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]