|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
3. Yudhanjayavagga 1. yudhanjayacariyavannana #[1] tatiyavaggassa pathame amitayasoti aparimitaparivaravibhavo. Rajaputto yudhanjayoti rammanagare sabbadattassa nama ranno putto namena yudhanjayo nama. Ayam hi baranasi udayajatake 1- surundhananagaram nama 2- jata, culasuttasomajatake 3- sudassanam nama, sonanandajatake 4- brahmavaddhanam nama, khandahalajatake 5- pupphavati nama, imasmim pana yudhanjayajatake 6- rammanagaram nama ahosi, evamassa kadaci 7- namam parivattati. Tena vuttam "rajaputtoti rammanagare sabbadattassa nama ranno putto"ti. Tassa pana ranno puttasahassam ahosi. Bodhisatto jetthaputto, tassa raja uparajjam adasi. So hettha vuttanayeneva divase divase mahadanam pavattesi. Evam gacchante kale bodhisatto ekadivasam patova rathavaram abhiruhitva mahantena sirivibhavena uyyanakilam gacchanto rukkhaggatinaggasakhaggamakkatakasuttajaladisu muttajalakarena lagge ussavabindu disva "samma sarathi kim nametan"ti pucchitva "ete deva himasamaye patanakaussavabindu nama"ti sutva divasabhagam uyyane kilitva sayanhakale paccagacchanto te adisva "samma sarathi kaham te ussavabindu, na te idani passami"ti pucchitva "deva suriye uggacchante sabbe bhijjitva vilayam gacchanti"ti sutva "yatha ime uppajjitva bhijjanti, evam imesam sattanam jivitasankharapi tinagge ussavabindusadisava, tasma maya byadhijaramaranehi apiliteneva matapitaro apucchitva pabbajitum vattati"ti ussavabindumeva arammanam katva aditte viya tayo bhave passanto attano geham agantva alankatapatiyattaya vinicchayasalaya nisinnassa pitu santikameva gantva pitaram vanditva ekamantam thito pabbajjam yaci. Tena vuttam:- @Footnote: 1 khu.ja. 27/37-58/242-45 2 Si. sududdanagaram nama 3 khu.ja. 27/195-245/452-61 @4 khu.ja. 28/92-183/48-56 5 pali. candakumara..., khu.ja. 28/982-1152/229-46 @6 khu.ja. 27/73-83/247-8 7 Ma. kadaci kadaci--------------------------------------------------------------------------------------------- page212.
[1] "yadaham amitayaso rajaputto yudhanjayo ussavabindum suriyatape patitam disvana samvijim. [2] Tannevadhipatim katva samvegamanubruhayim matapitu ca vanditva pabbajjamanuyacahan"ti. #[1] Tattha suriyatapeti suriyatapahetu, suriyarasmisamphassanimittam. "suriyatapena"tipi patho. Patitam disvanati vinattham passitva, pubbe rukkhaggadisu muttajaladiakarena laggam hutva dissamanam suriyarasmisamphassena vinattham pannacakkhuna oloketva. Samvijinti yatha etani, evam sattanam jivitanipi lahum lahum bhijjamanasabhavaniti aniccatamanasikaravasena samvegamapajjim. #[2] Tannevadhipatim katva, samvegamanubruhayinti tanneva ussavabindunam aniccatam adhipatim mukham pubbangamam purecarikam katva tatheva sabbasankharanam ittaratthitikatam parittakalatam manasikaronto ekavaram uppannam samvegam punappunam uppadanena anuvaddhesim. Pabbajjamanuyacahanti "tinagge ussavabindu viya na ciratthitike sattanam jivite maya byadhijaramaranehi anabhibhuteneva pabbajitva yattha etani na santi, tam amatam mahanibbanam gavesitabban"ti cintetva matapitaro upasankamitva vanditva "pabbajjam me anujanatha"ti te aham pabbajjam yacim. Evam mahasattena pabbajjaya yacitaya sakalanagare mahantam kolahalamahosi "uparaja kira yudhanjayo pabbajitukamo"ti. Tena ca samayena kasiratthavasino rajanam datthum agantva rammake pativasanti. Te sabbepi sannipatimsu. Iti sapariso raja negama ceva janapada ca bodhisattassa mata devi ca sabbe ca orodha mahasattam "ma kho tvam tata kumara pabbaji"ti nivaresum. Tattha raja "sace te kamehi unam, aham te paripurayami, 1- ajjeva rajjam patipajjahi"ti aha. Tassa mahasatto:- @Footnote: 1 Si. paripuressami--------------------------------------------------------------------------------------------- page213.
"ma mam deva nivarehi 1- pabbajantam rathesabha maham kamehi sammatto jaraya vasamanvagu"ti 2- attano pabbajjachandameva vatva tam sutva saddhim orodhehi matuya karunam paridevantiya:- "ussavova tinaggamhi suriyuggamanam pati evamayu manussanam ma mam amma nivaraya"ti 3- attano pabbajjakaranam kathetva nanappakaram tehi yaciyamanopi abhisamvaddhamanasamvegatta anosakkitamanaso piyatare mahati natiparivatte ulare rajissariye ca nirapekkhacitto pabbaji. Tena vuttam:- [3] "yacanti mam panjalika sanegama saratthaka ajjeva putta patipajja iddham phitam mahamahim. [4] Sarajake sahorodhe sanegame saratthake karunam paridevante anapekkho pariccajin"ti. #[3-4] Tattha panjalikati paggahitaanjalika. Sanegama saratthakati negamehi ceva ratthavasihi ca saddhim sabbe rajapurisa "ma kho tvam deva pabbaji"ti mam yacanti, matapitaro pana ajjeva putta patipajja, gamanigamarajadhaniabhivuddhiya vepullappattiya ca iddham vibhavasarasampattiya sassadinipphattiya ca phitam imam mahamahim anusasa, chattam ussapetva rajjam karehiti yacanti, evam pana saha rannati sarajake, tatha sahorodhe sanegame saratthake mahajane yatha sunantanampi pageva passantanam mahantam karunnam hoti, evam karunam paridevante tattha tattha anapekkho alaggacitto aham tada pabbajinti dasseti. @Footnote: 1...tata nivaresi (sya) 2 khu.ja. 27/77/247 3 khu.ja.27 /79/248--------------------------------------------------------------------------------------------- page214.
#[5-6] Idani yadattham cakkavattisirisadisam rajjasirim piyatare natibandhave pahaya siniddham pariggahaparijanam lokabhimatam mahantam yasanca nirapekkho pariccajinti dassetum dve gatha abhasi. [5] "kevalam pathavirajjam natiparijanam yasam cajamano na cintesim bodhiyayeva karana. [6] Mata pita na me dessa napi me dessam mahayasam 1- sabbannutam piyam mayham tasma rajjam pariccajin"ti. Tattha kevalanti anavasesam itthagaram samuddapariyantanca pathavim pabbajjadhippayena cajamano evam me sammasambodhi sakka adhigantunti bodhiyayeva karana na kinci cintesim, na tattha isakam laggam 2- janesinti attho. Tasmati yasma matapitaro tanca mahayasam rajjanca me na dessam, piyameva, tato pana satagunena sahassagunena satasahassagunena sabbannutannanameva mayham piyataram, tasma matadihi saddhim rajjam aham tada pariccajinti. Tadetam sabbam pariccajitva pabbajjaya mahasatte nikkhamante tassa kanitthabhata yudhitthilakumaro. Nama pitaram vanditva pabbajjam anujanapetva bodhisattam anubandhi. Te ubhopi nagara nikkhamma mahajanam nivattetva himavantam pavisitva manorame thane assamapadam katva isipabbajjam pabbajitva jhanabhinnayo nibbattetva vanamulaphaladihi yavajivam yapetva brahmalokaparayana ahesum. Tenaha bhagava:- "ubho kumara pabbajita yudhanjayo yudhitthilo pahaya matapitaro sangam chetvana maccuno"ti. 3- @Footnote: 1 pali. dessa mahayasa, evamuparipi (sya) 2 Ma. sangam 3 khu.ja. 27/83/248--------------------------------------------------------------------------------------------- page215.
Tattha sangam chetvana maccunoti maccumarassa sahakarikaranabhutatta santakam ragadosamohasangam vikkhambhanavasena chinditva ubhopi pabbajitati. Tada matapitaro maharajakulani ahesum, yudhitthilakumaro anandatthero, yudhanjayo lokanatho. Tassa pabbajjato pubbe pavattitamahadanani ceva rajjadipariccago ca danaparami, kayavacisamvaro silaparami, pabbajja ca jhanadhigamo ca nekkhammaparami, aniccato manasikaram adim katva abhinnadhigamapariyosana panna danadinam upakaranupakaradhammaparigganhanapanna ca pannaparami, sabbattha tadatthasadhanam viriyam viriyaparami, nananti adhivasanakhanti ca khantiparami, patinnaya avisamvadanam saccaparami, sabbattha acalasamadanadhitthanam adhitthanaparami, sabbasattesu hitacittataya mettabrahmaviharavasena ca mettaparami, sattasankharakatavippakaraupekkhanavasena upekkhabrahmaviharavasena ca upekkhaparamiti dasa paramiyo labbhanti. Visesato pana nekkhammaparamiti veditabba. Tatha akitticariyayam 1- viya idhapi mahapurisassa acchariyaguna yatharaham niddharetabba. Tena vuccati "evam acchariya hete, abbhuta ca mahesino .pe. Dhammassa anudhammato"ti. Yudhanjayacariyavannana nitthita. --------------The Pali Atthakatha in Roman Book 52 page 211-215. http://84000.org/tipitaka/atthapali/read_rm.php?B=52&A=4652&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=52&A=4652&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=33&i=229 เนื้อความพระไตรปิฎกฉบับหลวง :- http://84000.org/tipitaka/read/r.php?B=33&A=9160 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=33&A=11921 The Pali Tipitaka in Roman Character :- http://84000.org/tipitaka/read/roman_read.php?B=33&A=11921 Contents of The Tipitaka Volume 33 http://84000.org/tipitaka/read/?index_33
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]