|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Abhibhayatanakatha [204] Evam atthasu kasinesu rupavacarakusalam niddisitva idani yasma samanepi arammane bhavanaya asamanatta 1- imesu atthasu kasinesu annampi abhibhayatanasankhatam rupavacarakusalam pavattati, tasma tam dassetum puna "katame dhamma kusala"tiadi araddham. Tattha ajjhattam arupasanniti alabhitaya va anatthikataya va ajjhattikarupe parikammasannavirahito. Bahiddha rupani passatiti bahiddha atthasu kasinesu kataparikammataya parikammavasena ceva appanavasena ca tani bahiddha atthasu kasinesu rupani passati. Parittaniti avaddhitani. Tani abhibhuyyati yatha nama sampannagahaniko katacchumattam bhattam labhitva "kimettha bhunjitabbam atthi"ti sankaddhitva ekakabalameva karoti, evameva nanuttariko puggalo visadannano "kimettha parittake arammane samapajjitabbam atthi, nayam mama bharo"ti tani rupani abhibhavitva samapajjati, saha nimittuppadenevettha appanam nibbattetiti attho. "janami passami"ti imina panassa pubbabhago kathito, agamatthakathasu pana vuttam "iminassa abhogo kathito, so ca kho samapattito vutthitassa, na antosamapattiyan"ti. Appamananiti vaddhitappamanani. Abhibhuyyati ettha pana yatha mahagghaso puriso ekam bhattavaddhitakam labhitva "annapi hotu, kimesa mayham karissati"ti tam na mahantato passati, evameva nanuttariko puggalo visadannano "kim ettha samapajjitabbam, na idam appamanam, na mayham cittekaggatakarane bharo atthi"ti tani abhibhavitva samapajjati, saha nimittuppadenevettha appanam nibbattetiti attho. "parittam parittarammanam appamanam parittarammanan"ti idha "parittani"ti agatatta appamanarammanata na gahita, parato "appamanani"ti agatatta @Footnote: 1 Si. asamanataya, cha.Ma. asamanam--------------------------------------------------------------------------------------------- page243.
Parittarammanata. Atthakathayam pana vuttam "imasmim pana thane cattari cattari arammanani aggahetva dve dveyeva gahitani, kimkarana? catusu hi gahitesu desana solasakkhattuka hoti, satthara ca hettha solasakkhattukadesana kilanjamhi tile pattharantena viya vittharato kathita, tassa imasmim thane atthakkhattukadesanam katum ajjhasayo, tasma dve dveyeva gahitaniti veditabbani"ti. Suvannadubbannaniti parisuddhaparisuddhavannani. Parisuddhani hi 1- niladini suvannani aparisuddhani ca dubbannaniti 1- idha adhippetani. Agamatthakathasu pana "suvannani va hontu dubbannani va, parittaappamanavaseneva imani abhibhayatanani desitani"ti vuttam. Imesu pana catusu parittam vitakkacaritassa vasena agatam, appamanam mohacaritassa vasena. Suvannam dosacaritassa vasena, dubbannam ragacaritassa vasena. Etesam hi etani sappayani, sa ca nesam sappayata vittharato visuddhimagge 2- cariyaniddese vutta. Kasma pana yatha suttante "ajjhattam rupasanni eko bahiddha rupani passati parittani"tiadi 3- vuttam, evam avatva idha catusupi abhibhayatanesu ajjhattam arupasannitava vuttati? ajjhattarupanam anabhibhavaniyato. Tattha va hi idha va bahiddharupaneva abhibhavitabbani. Tasma tani niyamato vattabbaniti tatrapi idhapi vuttani. "ajjhattam arupasanni"ti idam pana satthu desanavilasamattameva. Ayam tava catusu abhibhayatanesu apubbapadavannana. Suddhikanayapatipadabhedo panettha pathavikasine vuttanayeneva ekekasmim abhibhayatane veditabbo. Kevalancettha arammanacatukkam arammanadukam hoti. Solasakkhattukanca atthakkhattukanca. Sesam tadisadeva. Evamettha ekekasmim abhibhayatane eko suddhikanavako, cattaro patipadanavaka, dve arammananavaka, arammanapatipadamissake attha navakati pannarasa navakati catusupi abhibhayatanesu samasatthi navaka veditabba. @Footnote: 1-1 Ma. niladini aparisuddhani ca suvannadubbannaniti @2 visuddhi. 1/127 kammatthanaggahananiddesa @3 di.maha. 10/173/98, Ma.Ma. 13/249/224, an.atthaka. 23/65/252--------------------------------------------------------------------------------------------- page244.
[246] Pancamabhibhayatanadisu nilaniti sabbasangahikavasena vuttam. Nilavannaniti vannavasena. Nilanidassananiti nidassanavasena. Apannayamanavivarani asambhinnavannani ekanilaneva hutva dissantiti vuttam hoti. Nilanibhasaniti idam pana obhasanavasena vuttam, nilobhasani nilappabhayuttaniti attho. Etena nesam suvisuddhatam dasseti. Suvisuddhavannavaseneva hi imani cattari abhibhayatanani vuttani. Pitanitiadisupi iminava nayena attho veditabbo. "nilakasinam ugganhanto nilasmim nimittam ganhati, pupphasmim va vatthusmim va vannadhatuya va"tiadikam panettha kasinakarananca parikammanca appanavidhananca sabbam visuddhimagge 1- vittharato vuttameva. Yatha ca pathavikasine, evamidha ekekasmim abhibhayatane pancavisati pancavisati navaka veditabba. Abhibhayatanakatha nitthita. ----------The Pali Atthakatha in Roman Book 53 page 242-244. http://84000.org/tipitaka/atthapali/read_rm.php?B=53&A=6058&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=53&A=6058&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=34&i=178 เนื้อความพระไตรปิฎกฉบับหลวง :- http://84000.org/tipitaka/read/r.php?B=34&A=1593 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=34&A=1208 The Pali Tipitaka in Roman Character :- http://84000.org/tipitaka/read/roman_read.php?B=34&A=1208 Contents of The Tipitaka Volume 34 http://84000.org/tipitaka/read/?index_34
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]