|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
Catukkaniddesavannana
[966] Catubbidhasangahavasane ditthadipacchimapadassa bhedabhavena adito
patthaya puccham akatva "rupayatanam dittham saddayatanam sutan"tiadi vuttam. Tattha
rupayatanam cakkhuna oloketva dakkhitum sakkati dittham nama jatam. Saddayatanam
sotena saddam 3- sutva janitum sakkati sutam nama jatam. Gandhayatanadittayam
ghanajivhakayehi patva gahetabbato munitva janitabbatthena mutam nama jatam,
phusitva vinnanuppattikaranato mutam namatipi vuttam. Sabbameva pana rupam
manovinnanena janitabbanti manasa vinnatam nama jatam.
@Footnote: 1 ka. vedanadayo 2 Si. pasadaghattanavasena 3 cha.Ma. ayam patho na dissati
---------------------------------------------------------------------------------------------
page397.
Pancakaniddesavannana
[967] Pancavidhasangahaniddese kakkhalanti thaddham. Kharameva kharagatam, pharusanti
attho. Itare dvepi sabhavaniddesayeva. 1- Ajjhattanti niyakajjhattam. Bahiddha vati
bahiram. Upadinnanti na kammasamutthanameva, avisesena pana sariratthakassetam 2- gahanam.
Sariratthakam hi upadinnam va hotu anupadinnam va, adinnagahitaparamatthavasena
sabbam upadinnameva nama jatam. 3-
[969] Tejogatanti sabbatejesu gatam unhattalakkhanam, tejoeva va
tejobhavam gatanti tejogatam. Usmati usmakaro. Usmagatanti usmabhavam gatam,
usmakarassetam namam. Usumanti balavausma. Usumameva usumabhavam gatanti usumagatam.
[970] Vayanakavasena vayo. Vayova vayobhavam gatatta vayogatam.
Thambhitattanti uppalanalatacadinam viya vatapunnanam thambhitabhavo rupassa.
Chakkadiniddesavannana
[972-3] Chabbidhadisangahanam tinnam osanapadassa bhedabhavato
adito patthaya apucchitvava niddeso kato. Tattha cakkhuvinnanena janitum
sakkati cakkhuvinneyyam .pe. Manovinnanena janitum sakkati manovinneyyam.
Tividhaya manodhatuya janitum sakkati manodhatuvinneyyam. Sabbam rupanti ettha
yasma ekam rupampi manovinnanadhatuya ajanitabbam nama natthi, tasma
"sabbam rupan"ti vuttam. Sammasambuddhena hi abhidhammam patva nayam katum
yuttatthane nayo akato nama natthi. Idanca ekassa rupassapi manovinnanadhatuya
ajanitabbassa 4- abhavena nayam katum yuttatthanam nama, tasma nayam
karonto "sabbam rupan"ti aha.
[974] Sukhasamphassoti sukhavedanapatilabhapaccayo. Dukkhasamphassoti
dukkhavedanapatilabhapaccayo. Idhapi photthabbarammanassa sukhadukkhassa sabbhavato ayam
nayo dinno.
@Footnote: 1 Si.,Ma. bhavaniddesa 2 Ma. sariratthakasseva
@3 cha.Ma. ayam patho na dissati 4 Si. avijanitabbassa
---------------------------------------------------------------------------------------------
page398.
Navakadiniddesavannana
[975] Navake pana na 1- indriyarupassa nama atthitaya nayo dinno,
tasseva sappatighaappatighataya dasake nayo dinno. Ekadasake addhekadasa
ayatanani vibhattani, tesam tesam niddesavaro 2- hettha vuttanayena vittharato
veditabbo. 3- Sesam sabbattha uttanatthameva.
-------------
Pakinnakakatha
imesu pana rupesu asammohattham samodhanam samutthanam parinipphannanca
sankhatanti idam pakinnakam veditabbam.
Tattha samodhananti sabbameva hi 4- rupam samodhanato cakkhayatanam .pe.
Kabalinkaro aharo, photthabbayatanam, apodhatuti pancavisatisankhyam hoti. Tam
vatthurupena saddhim chabbisatisankhyam veditabbam, ito annam rupam nama natthiti. 5-
Keci pana "middhavadino 6- middharupam nama atthi"ti vadanti. Te "addha munisi
sambuddho, natthi nivarana tava"tiadini 7- vatva "middharupam nama natthi"ti
patisedhetabba. Apare "balarupena saddhim sattavisati, sambhavarupena saddhim atthavisati,
jatirupena saddhim ekunatimsati, rogarupena saddhim samatimsa rupani"ti vadanti. Tepi tesam
visum abhavam dassetva patikkhipitabba. Vayodhatuya hi gahitaya balarupam gahitameva,
annam balarupam nama natthi. Apodhatuya sambhavarupam, upacayasantatihi jatirupam,
jarataniccataya gahitaya 8- rogarupam gahitameva, annam rogarupam nama natthi, yopi
kannarogadiabadho, so visamapaccayasamutthitadhatumattameva, na anno tattha rogo
nama atthiti samodhanato chabbisatimeva rupani.
@Footnote: 1 cha.Ma. ayam saddo na dissati 2 cha.Ma. niddesavara
@3 cha.Ma. veditabba 4 cha.Ma. hidam
@5 cha.Ma. iti-saddo na dissati 6 cha.Ma. ayam patho na dissati
@7 khu.su. 25/547/441 8 cha.Ma. jarataaniccatahi gahitahi
---------------------------------------------------------------------------------------------
page399.
Samutthananti kati rupani katisamutthanani? dasa ekasamutthanani, ekam
dvisamutthanam, tini tisamutthanani, nava catusamutthanani, dve na kenaci
samutthahanti.
Tattha cakkhuppasado .pe. Jivitindriyanti imani attha ekantena 1-
kammatova samutthahanti. Kayavinnatti, vacivinnattiti dvayam ekantena cittato
samutthatiti dasa ekasamutthanani nama. Saddo ututo ca cittato ca
samutthatiti eko dvisamutthano nama. Tattha avinnanakasaddo ututo samutthati,
savinnanakasaddo cittato. Lahutadittayam pana utucittaharehi samutthatiti tini
tisamutthanani nama. Avasesani nava rupani tehi kammena cati catuhi
samutthahantiti nava catusamutthanani nama. Jarataaniccata pana etesam 2- ekatopi na
samutthahantiti dve na kenaci samutthahanti nama. Kasma? ajayanato, na hi
etani jayanti. Kasma? jatassa pakabhedatta, uppannam hi rupam arupam va
bhijjatiti 3- avassam panetam sampaticchitabbam. Na hi uppannam rupam va arupam va
akkhayam nama dissati. Yava pana na bhijjati, tavassa paripakoti siddhametam
jatassa pakabhedattati. Yadi ca tani jayeyyum, tesampi pakabheda bhaveyyum. Na
ca pako paccati, bhedo va bhijjatiti 4- jatassa pakabhedatta netam dvayam jayati.
Tattha siya:- yatha "kammassa katatta"tiadiniddesesu "rupassa upacayo,
rupassa santati"ti vacanena jati jayatiti sampaticchitam hoti, evam pakopi
paccatu, bhedopi bhijjatuti. Na tattha jati jayatiti sampaticchitam, ye pana dhamma
kammadihi nibbattanti, tesam abhinibbattibhavato jatiya tappaccayabhavavoharo
anumato, na pana paramatthato jati jayati, jayamanassa hi abhinibbattimattam
jayatiti. 5-
Tattha siya:- yatheva jati yesam dhammanam abhinibbatti tappaccayabhavavoharam
abhinibbattivoharanca labhati, tatha pakabhedapi yesam dhammanam pakabheda
@Footnote: 1 cha.Ma. ekantam 2 cha.Ma. etesu 3 cha.Ma. rupam jirati bhijjatiti
@4 Ma. bhedopi na ca bhijjatiti 5 cha.Ma. jatiti
---------------------------------------------------------------------------------------------
page400.
Tappaccayabhavavoharam abhinibbattivoharanca labhantu, evam idampi dvayam
kammadisamutthanamevati vattabbam bhavissatiti? na pakabheda tam voharam labhanti. Kasma?
janakapaccayanubhavakkhane abhavato. Janakapaccayananhi uppadetabbadhammassa
uppadakkhaneyeva anubhavo, na tato uttarim. Tehi abhinibbattitadhammakkhanasmim
ca jati pannayamana tappaccayabhavavoharam abhinibbattivoharanca labhati tasmim
khane sabbhavato. Na itaradvayam tasmim khane abhavatoti nevetam jayatiti vattabbam.
"jaramaranam bhikkhave aniccam sankhatam paticcasamuppannan"ti 1- agatatta idampi
dvayam jayatiti ce? na pariyayadesitatta. Tattha hi paticcasamuppannanam dhammanam
jaramaranatta pariyayena tam paticcasamuppannanti vuttam.
Yadi evam tayampetam ajatatta sasavisanam viya natthi, nibbanam viya
niccanti ce? na nissayapatibaddhavuttito. Pathaviadinam hi nissayanam bhave
jatiadittayam pannayati, tasma na natthi. Tesanca abhave na pannayati,
tasma na niccam. Etampi ca abhinivesam patisedhetumeva idam vuttam "jaramaranam
bhikkhave aniccam sankhatam paticcasamuppannan"ti. 1- Evamadihi nayehi tani dve
rupani na kehici samutthahantiti veditabbani. 2-
Apica samutthananti ettha ayamannopi attho, tassayam matika:-
kammajam, kammapaccayam, kammapaccayautusamutthanam, aharasamutthanam, aharapaccayam,
aharapaccayautusamutthanam, utusamutthanam, utupaccayam, utupaccayautusamutthanam,
cittasamutthanam, cittapaccayam, cittapaccayautusamutthananti.
Tattha cakkhuppasadadi atthavidham rupam saddhim hadayavatthuna kammajam nama.
Kesamassu hatthidanta assabala camaribalati 3- evamadi kammapaccayam nama.
Cakkaratanam devatanam uyyanavimanadiniti evamadi kammapaccayautusamutthanam nama.
@Footnote: 1 sam.ni. 16/20/26 2 cha.Ma. veditabbam 3 Ma. camarivalati, cha. camaravalati
---------------------------------------------------------------------------------------------
page401.
Aharato samutthitam suddhatthakam aharasamutthanam nama. Kabalinkaro aharo
dvinnampi rupasantatinam paccayo hoti aharasamutthanassa ca upadinnassa ca.
Aharasamutthanassa janako hutva paccayo hoti, kammajassa anupalako hutvati
idam aharanupalitam kammajarupam aharapaccayam nama. Visabhagaharam sevitva
atape gacchantassa 1- kalakutthadini 2- uppajjanti, idam
aharapaccayautusamutthanam nama.
Ututo samutthitam suddhatthakam utusamutthanam nama. Tasmimpi utu annam
atthakam samutthapeti, idam utupaccayam nama. Tasmimpi utu annam atthakam
samutthapeti, idam utupaccayautusamutthanam nama. Evam tissoyeva santatiyo ghattetum
sakkoti, na tato param. Imamattham anupadinnakenapi dipetum vattati. Utusamutthano
nama balahako. Utupaccaya nama vutthidhaRa. Deve pana vutthe bijani viruhanti,
pathavi gandham muncati, pabbata nila khayanti, samuddo vaddhati, etam
utupaccayautusamutthanam nama.
Cittato samutthitam suddhatthakam cittasamutthanam nama. "pacchajata cittacetasika
dhamma purejatassa imassa kayassa pacchajatapaccayena paccayo"ti 3- idam
cittapaccayam nama. "akase antalikkhe hatthimpi dassenti, assampi dassenti,
rathampi dassenti, vividhampi senabyuham dassenti"ti 4- idam
cittapaccayautusamutthanam nama.
Parinipphannanti pannarasa rupa parinipphanna 5- nama, dasa rupa
aparinipphanna nama. Yadi aparinipphanna, asankhata nama bhaveyyum, tesamyeva pana rupanam
kayavikaro kayavinnatti nama, vacivikaro vacivinnatti nama. Chiddam vivaram
akasadhatu nama, lahubhavo lahuta nama. Mudubhavo muduta nama, kammannabhavo
@Footnote: 1 Ma. vasantassa 2 cha.Ma. tilakakalakutthadini 3 abhi. 40/11/7
@4 khu.pati. 31/693/601 (sya) 5 cha.Ma. rupani parinipphannani. evamuparipi
---------------------------------------------------------------------------------------------
page402.
Kammannata nama, nibbatti upacayo nama, pavatti santati nama, jiranakaro
jarata nama, hutva abhavakaro aniccata namati sabbam parinipphannam
sankhatameva hotiti.
Pakinnakakatha nitthita.
Atthasaliniya dhammasangahatthakathaya
rupakandavannana nitthita.
------------
The Pali Atthakatha in Roman Book 53 page 396-402.
http://84000.org/tipitaka/atthapali/read_rm.php?B=53&A=9876&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=53&A=9876&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=34&i=634
เนื้อความพระไตรปิฎกฉบับหลวง :-
http://84000.org/tipitaka/read/r.php?B=34&A=5389
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=34&A=4893
The Pali Tipitaka in Roman Character :-
http://84000.org/tipitaka/read/roman_read.php?B=34&A=4893
Contents of The Tipitaka Volume 34
http://84000.org/tipitaka/read/?index_34
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]