บาลีพระไตรปิฎกเล่มที่ ๓๗ - พระอภิธรรมปิฎกเล่มที่ ๔

สุญฺตากถา [๑๗๗๕] สุญฺตา สงฺขารกฺขนฺธปริยาปนฺนาติ ฯ อามนฺตา ฯ อนิมิตฺตํ สงฺขารกฺขนฺธปริยาปนฺนนฺติ ฯ น เหวํ วตฺตพฺเพ ฯเปฯ สุญฺตา สงฺขารกฺขนฺธปริยาปนฺนาติ ฯ อามนฺตา ฯ อปฺปณิหิโต สงฺขารกฺขนฺธปริยาปนฺโนติ ฯ น เหวํ วตฺตพฺเพ ฯเปฯ อนิมิตฺตํ น วตฺตพฺพํ สงฺขารกฺขนฺธปริยาปนฺนนฺติ ฯ อามนฺตา ฯ สุญฺตา น วตฺตพฺพา สงฺขารกฺขนฺธปริยาปนฺนาติ ฯ น เหวํ วตฺตพฺเพ ฯเปฯ อปฺปณิหิโต น วตฺตพฺโพ สงฺขารกฺขนฺธปริยาปนฺโนติ ฯ อามนฺตา ฯ {๑๗๗๕.๑} สุญฺตา น วตฺตพฺพา สงฺขารกฺขนฺธปริยาปนฺนาติ ฯ น เหวํ วตฺตพฺเพ ฯเปฯ สุญฺตา สงฺขารกฺขนฺธปริยาปนฺนาติ ฯ อามนฺตา ฯ สงฺขารกฺขนฺโธ น อนิจฺโจ น สงฺขโต น ปฏิจฺจสมุปฺปนฺโน ฯ ขยธมฺโม น วยธมฺโม น วิราคธมฺโม น นิโรธธมฺโม น วิปริณามธมฺโมติ ฯ น เหวํ วตฺตพฺเพ ฯเปฯ นนุ สงฺขารกฺขนฺโธ อนิจฺโจ สงฺขโต ปฏิจฺจสมุปฺปนฺโน ขยธมฺโม วยธมฺโม วิราคธมฺโม นิโรธธมฺโม วิปริณามธมฺโมติ ฯ อามนฺตา ฯ หญฺจิ สงฺขารกฺขนฺโธ อนิจฺโจ

--------------------------------------------------------------------------------------------- หน้าที่ ๖๑๒.

ฯเปฯ วิปริณามธมฺโม โน วต เร วตฺตพฺเพ สุญฺตา สงฺขารกฺขนฺธปริยาปนฺนาติ ฯ [๑๗๗๖] รูปกฺขนฺธสฺส สุญฺตา สงฺขารกฺขนฺธปริยาปนฺนาติ ฯ อามนฺตา ฯ สงฺขารกฺขนฺธสฺส สุญฺตา รูปกฺขนฺธปริยาปนฺนาติ ฯ น เหวํ วตฺตพฺเพ ฯเปฯ เวทนากฺขนฺธสฺส ฯเปฯ สญฺากฺขนฺธสฺส ฯเปฯ วิญฺาณกฺขนฺธสฺส สุญฺตา สงฺขารกฺขนฺธปริยาปนฺนาติ ฯ อามนฺตา ฯ สงฺขารกฺขนฺธสฺส สุญฺตา วิญฺาณกฺขนฺธปริยาปนฺนาติ ฯ น เหวํ วตฺตพฺเพ ฯเปฯ [๑๗๗๗] สงฺขารกฺขนฺธสฺส สุญฺตา น วตฺตพฺพา รูปกฺขนฺธ- ปริยาปนฺนาติ ฯ อามนฺตา ฯ รูปกฺขนฺธสฺส สุญฺตา น วตฺตพฺพา สงฺขารกฺขนฺธปริยาปนฺนาติ ฯ น เหวํ วตฺตพฺเพ ฯเปฯ สงฺขารกฺขนฺธสฺส สุญฺตา น วตฺตพฺพา เวทนากฺขนฺธปริยาปนฺนา ฯเปฯ สญฺากฺขนฺธ- ปริยาปนฺนา ฯเปฯ วิญฺาณกฺขนฺธปริยาปนฺนาติ ฯ อามนฺตา ฯ วิญฺาณกฺขนฺธสฺส สุญฺตา น วตฺตพฺพา สงฺขารกฺขนฺธปริยาปนฺนาติ ฯ น เหวํ วตฺตพฺเพ ฯเปฯ [๑๗๗๘] น วตฺตพฺพํ สุญฺตา สงฺขารกฺขนฺธปริยาปนฺนาติ ฯ อามนฺตา ฯ นนุ วุตฺตํ ภควตา สุญฺมิทํ ภิกฺขเว สงฺขารา อตฺเตน วา อตฺตนิเยน วาติ อตฺเถว สุตฺตนฺโตติ ฯ อามนฺตา ฯ เตน หิ สุญฺตา สงฺขารกฺขนฺธปริยาปนฺนาติ ฯ สุญฺตากถา ฯ --------