พระไตรปิฎกเล่มที่ ๓๗ ภาษาบาลี อักษรไทย
 พระอภิธรรมปิฎกเล่มที่ ๔ อภิ. กถาวตฺถุ

                                        พฺรหฺมจริยกถา
     [๒๕๕]   นตฺถิ  เทเวสุ  พฺรหฺมจริยวาโสติ  ฯ  อามนฺตา  ฯ สพฺเพ
เทวา    ชฬา    เอฬมูคา    อวิญฺู    หตฺถสํวาจิกา    น   ปฏิพลา
สุภาสิตทุพฺภาสิตานํ   อตฺถมญฺาตุํ  สพฺเพ  เทวา  น  พุทฺเธ  ปสนฺนา  น
ธมฺเม   ปสนฺนา   น   สงฺเฆ  ปสนฺนา  น  พุทฺธํ  ภควนฺตํ  ปยิรุปาสนฺติ
น   พุทฺธํ   ภควนฺตํ   ปญฺหํ   ปุจฺฉนฺติ   น   พุทฺเธน   ภควตา  ปญฺเห
วิสชฺชิเต    อตฺตมนา    สพฺเพ    เทวา   กมฺมาวรเณน   สมนฺนาคตา
กิเลสาวรเณน    สมนฺนาคตา   วิปากาวรเณน   สมนฺนาคตา   อสฺสทฺธา
อจฺฉนฺทิกา   ทุปฺปญฺา   อภพฺพา   นิยามํ   โอกฺกมิตุํ   กุสเลสุ  ธมฺเมสุ
สมฺมตฺตํ    สพฺเพ    เทวา   มาตุฆาตกา   ปิตุฆาตกา   อรหนฺตฆาตกา
รุหิรุปฺปาทกา     สงฺฆเภทกา     สพฺเพ     เทวา     ปาณาติปาติโน
อทินฺนาทายิโน    กาเมสุ    มิจฺฉาจาริโน    มุสาวาทิโน    ปิสุณวาจา
ผรุสวาจา       สมฺผปฺปลาปิโน       อภิชฺฌาลุโน      พฺยาปนฺนจิตฺตา
มิจฺฉาทิฏฺิกาติ ฯ น เหวํ วตฺตพฺเพ ฯเปฯ
     {๒๕๕.๑}   นนุ   อตฺถิ   เทวา   อชฬา   อเนฬมูคา  วิญฺู  น
หตฺถสํวาจิกา     ปฏิพลา    สุภาสิตทุพฺภาสิตานํ    อตฺถมญฺาตุํ    อตฺถิ
เทวา  พุทฺเธ  ปสนฺนา  ธมฺเม  ปสนฺนา  สงฺเฆ  ปสนฺนา  พุทฺธํ  ภควนฺตํ
ปยิรุปาสนฺติ    พุทฺธํ    ภควนฺตํ    ปญฺหํ   ปุจฺฉนฺติ   พุทฺเธน   ภควตา
ปญฺเห   วิสชฺชิเต   อตฺตมนา   โหนฺติ   อตฺถิ  เทวา  น  กมฺมาวรเณน
สมนฺนาคตา    น    กิเลสาวรเณน   สมนฺนาคตา   น   วิปากาวรเณน
สมนฺนาคตา   สทฺธา   ฉนฺทิกา   ปญฺวนฺโต   ภพฺพา   นิยามํ  โอกฺกมิตุํ
กุสเลสุ  ธมฺเมสุ  สมฺมตฺตํ  อตฺถิ  เทวา  น  มาตุฆาตกา  น  ปิตุฆาตกา
น   อรหนฺตฆาตกา   น   รุหิรุปฺปาทกา   น  สงฺฆเภทกา  อตฺถิ  เทวา
น   ปาณาติปาติโน   น   อทินฺนาทายิโน  น  กาเมสุ  มิจฺฉาจาริโน  น
มุสาวาทิโน   น   ปิสุณวาจา   น   ผรุสวาจา   น  สมฺผปฺปลาปิโน  น
อภิชฺฌาลุโน อพฺยาปนฺนจิตฺตา สมฺมาทิฏฺิกาติ ฯ อามนฺตา ฯ
     {๒๕๕.๒}   หญฺจิ   อตฺถิ   เทวา   อชฬา  อเนฬมูคา  วิญฺู  น
หตฺถสํวาจิกา    ปฏิพลา    สุภาสิตทุพฺภาสิตานํ    อตฺถมญฺาตุํ    ฯเปฯ
อตฺถิ  เทวา  พุทฺเธ  ปสนฺนา  ฯเปฯ  สมฺมาทิฏฺิกา โน วต เร วตฺตพฺเพ
นตฺถิ เทเวสุ พฺรหฺมจริยวาโสติ ฯ
     [๒๕๖]   อตฺถิ  เทเวสุ  พฺรหฺมจริยวาโสติ  ฯ  อามนฺตา  ฯ  อตฺถิ
ตตฺถ    ปพฺพชฺชา    มุณฺฑิยํ    กาสาวธารณา    ปตฺตธารณา   เทเวสุ
สมฺมาสมฺพุทฺธา    อุปฺปชฺชนฺติ    ปจฺเจกสมฺพุทฺธา   อุปฺปชฺชนฺติ   สาวกยุคํ
อุปฺปชฺชตีติ ฯ น เหวํ วตฺตพฺเพ ฯเปฯ
     [๒๕๗]   เทเวสุ ปพฺพชฺชา นตฺถีติ ฯ นตฺถิ เทเวสุ พฺรหฺมจริยวาโสติ ฯ
อามนฺตา    ฯ    ยตฺถ   อตฺถิ   ปพฺพชฺชา   ตตฺเถว   พฺรหฺมจริยวาโส
ยตฺถ  นตฺถิ  ปพฺพชฺชา  นตฺถิ  ตตฺถ  พฺรหฺมจริยวาโสติ ฯ น เหวํ วตฺตพฺเพ
ฯเปฯ    ยตฺถ    อตฺถิ   ปพฺพชฺชา   ตตฺเถว   พฺรหฺมจริยวาโส   ยตฺถ
นตฺถิ   ปพฺพชฺชา   นตฺถิ   ตตฺถ   พฺรหฺมจริยวาโสติ   ฯ   อามนฺตา  ฯ
โย   ปพฺพชฺชติ   ตสฺเสว   พฺรหฺมจริยวาโส   โย   น  ปพฺพชฺชติ  นตฺถิ
ตสฺส พฺรหฺมจริยวาโสติ ฯ น เหวํ วตฺตพฺเพ ฯเปฯ
     [๒๕๘]   เทเวสุ  มุณฺฑิยํ นตฺถีติ ฯ นตฺถิ เทเวสุ พฺรหฺมจริยวาโสติ ฯ
อามนฺตา    ฯ    ยตฺถ    อตฺถิ    มุณฺฑิยํ   ตตฺเถว   พฺรหฺมจริยวาโส
ยตฺถ   นตฺถิ   มุณฺฑิยํ   นตฺถิ   ตตฺถ   พฺรหฺมจริยวาโสติ   ฯ  น  เหวํ
วตฺตพฺเพ    ฯเปฯ   ยตฺถ   อตฺถิ   มุณฺฑิยํ   ตตฺเถว   พฺรหฺมจริยวาโส
ยตฺถ  นตฺถิ  มุณฺฑิยํ  นตฺถิ  ตตฺถ  พฺรหฺมจริยวาโสติ  ฯ  อามนฺตา  ฯ โย
มุณฺโฑ    โหติ   ตสฺเสว   พฺรหฺมจริยวาโส   โย   มุณฺโฑ   น   โหติ
นตฺถิ ตสฺส พฺรหฺมจริยวาโสติ ฯ น เหวํ วตฺตพฺเพ ฯเปฯ
     [๒๕๙]   เทเวสุ  กาสาวธารณา นตฺถีติ ฯ นตฺถิ เทเวสุ พฺรหฺมจริย-
วาโสติ  ฯ อามนฺตา ฯ ยตฺถ อตฺถิ กาสาวธารณา ตตฺเถว พฺรหฺมจริยวาโส
ยตฺถ    นตฺถิ    กาสาวธารณา   นตฺถิ   ตตฺถ   พฺรหฺมจริยวาโสติ   ฯ
น   เหวํ   วตฺตพฺเพ   ฯเปฯ   อตฺถ   อตฺถิ   กาสาวธารณา  ตตฺเถว
พฺรหฺมจริยวาโส     ยตฺถ     นตฺถิ    กาสาวธารณา    นตฺถิ    ตตฺถ
พฺรหฺมจริยวาโสติ   ฯ   อามนฺตา   ฯ   โย  กาสาวํ  ธาเรติ  ตสฺเสว
พฺรหฺมจริยวาโส  โย  กาสาวํ  น  ธาเรติ นตฺถิ ตสฺส พฺรหฺมจริยวาโสติ ฯ
น เหวํ วตฺตพฺเพ ฯเปฯ
     [๒๖๐]   เทเวสุ  ปตฺตธารณา  นตฺถีติ  ฯ นตฺถิ เทเวสุ พฺรหฺมจริย-
วาโสติ    ฯ   อามนฺตา   ฯ   ยตฺถ   อตฺถิ   ปตฺตธารณา   ตตฺเถว
พฺรหฺมจริยวาโส     ยตฺถ     นตฺถิ     ปตฺตธารณา     นตฺถิ    ตตฺถ
พฺรหฺมจริยวาโสติ    ฯ   น   เหวํ   วตฺตพฺเพ   ฯเปฯ   ยตฺถ   อตฺถิ
ปตฺตธารณา    ตตฺเถว    พฺรหฺมจริยวาโส   ยตฺถ   นตฺถิ   ปตฺตธารณา
นตฺถิ   ตตฺถ   พฺรหฺมจริยวาโสติ   ฯ  อามนฺตา  ฯ  โย  ปตฺตํ  ธาเรติ
ตสฺเสว    พฺรหฺมจริยวาโส   โย   ปตฺตํ   น   ธาเรติ   นตฺถิ   ตสฺส
พฺรหฺมจริยวาโสติ ฯ น เหวํ วตฺตพฺเพ ฯเปฯ
     [๒๖๑]   เทเวสุ  สมฺมาสมฺพุทฺธา  นุปฺปชฺชนฺตีติ  ฯ  นตฺถิ  เทเวสุ
พฺรหฺมจริยวาโสติ   ฯ   อามนฺตา   ฯ  ยตฺถ  สมฺมาสมฺพุทฺธา  อุปฺปชฺชนฺติ
ตตฺเถว     พฺรหฺมจริยวาโส     ยตฺถ     สมฺมาสมฺพุทฺธา    นุปฺปชฺชนฺติ
นตฺถิ   ตตฺถ   พฺรหฺมจริยวาโสติ   ฯ  น  เหวํ  วตฺตพฺเพ  ฯเปฯ  ยตฺถ
สมฺมาสมฺพุทฺธา     อุปฺปชฺชนฺติ     ตตฺเถว     พฺรหฺมจริยวาโส    ยตฺถ
สมฺมาสมฺพุทฺธา    นุปฺปชฺชนฺติ    นตฺถิ    ตตฺถ    พฺรหฺมจริยวาโสติ   ฯ
อามนฺตา   ฯ   ลุมฺพินิยา   ภควา   ชาโต  โพธิยา  มูเล  อภิสมฺพุทฺโธ
พาราณสิยํ   ภควตา  ธมฺมจกฺกํ  ปวตฺติตํ  ตตฺถ  ตตฺเถว  พฺรหฺมจริยวาโส
นตฺถญฺตฺร พฺรหฺมจริยวาโสติ ฯ น เหวํ วตฺตพฺเพ ฯเปฯ
     [๒๖๒]   เทเวสุ  ปจฺเจกสมฺพุทฺธา  นุปฺปชฺชนฺตีติ  ฯ  นตฺถิ  เทเวสุ
พฺรหฺมจริยวาโสติ   ฯ   อามนฺตา  ฯ  ยตฺถ  ปจฺเจกสมฺพุทฺธา  อุปฺปชฺชนฺติ
ตตฺเถว   พฺรหฺมจริยวาโส   ยตฺถ   ปจฺเจกสมฺพุทฺธา   นุปฺปชฺชนฺติ   นตฺถิ
ตตฺถ  พฺรหฺมจริยวาโสติ  ฯ  น เหวํ วตฺตพฺเพ ฯเปฯ ยตฺถ ปจฺเจกสมฺพุทฺธา
อุปฺปชฺชนฺติ     ตตฺเถว     พฺรหฺมจริยวาโส    ยตฺถ    ปจฺเจกสมฺพุทฺธา
นุปฺปชฺชนฺติ   นตฺถิ   ตตฺถ  พฺรหฺมจริยวาโสติ  ฯ  อามนฺตา  ฯ  มชฺฌิเมสุ
ชนปเทสุ    ปจฺเจกสมฺพุทฺธา    อุปฺปชฺชนฺติ    ตตฺเถว   พฺรหฺมจริยวาโส
นตฺถญฺตฺร พฺรหฺมจริยวาโสติ ฯ น เหวํ วตฺตพฺเพ ฯเปฯ
     [๒๖๓]   เทเวสุ   สาวกยุคํ   นุปฺปชฺชตีติ   ฯ   นตฺถิ   เทเวสุ
พฺรหฺมจริยวาโสติ    ฯ    อามนฺตา   ฯ   ยตฺถ   สาวกยุคํ   อุปฺปชฺชติ
ตตฺเถว   พฺรหฺมจริยวาโส   ยตฺถ   สาวกยุคํ   นุปฺปชฺชติ   นตฺถิ   ตตฺถ
พฺรหฺมจริยวาโสติ  ฯ  น  เหวํ  วตฺตพฺเพ  ฯเปฯ ยตฺถ สาวกยุคํ อุปฺปชฺชติ
ตตฺเถว   พฺรหฺมจริยวาโส   ยตฺถ   สาวกยุคํ   นุปฺปชฺชติ   นตฺถิ   ตตฺถ
พฺรหฺมจริยวาโสติ    ฯ   อามนฺตา   ฯ   มคเธสุ   สาวกยุคํ   อุปฺปนฺนํ
ตตฺเถว    พฺรหฺมจริยวาโส    นตฺถญฺตฺร    พฺรหฺมจริยวาโสติ   ฯ   น
เหวํ วตฺตพฺเพ ฯเปฯ
     [๒๖๔]   อตฺถิ  เทเวสุ พฺรหฺมจริยวาโสติ ฯ อามนฺตา ฯ สพฺพเทเวสุ
พฺรหฺมจริยวาโสติ ฯ น เหวํ วตฺตพฺเพ ฯเปฯ
     [๒๖๕]   อตฺถิ   มนุสฺเสสุ   พฺรหฺมจริยวาโสติ   ฯ  อามนฺตา  ฯ
สพฺพมนุสฺเสสุ อตฺถิ พฺรหฺมจริยวาโสติ ฯ น เหวํ วตฺตพฺเพ ฯเปฯ
     [๒๖๖]   อตฺถิ เทเวสุ พฺรหฺมจริยวาโสติ ฯ อามนฺตา ฯ อสญฺสตฺเตสุ
เทเวสุ อตฺถิ พฺรหฺมจริยวาโสติ ฯ น เหวํ วตฺตพฺเพ ฯเปฯ
     [๒๖๗]   อตฺถิ   มนุสฺเสสุ   พฺรหฺมจริยวาโสติ   ฯ  อามนฺตา  ฯ
ปจฺจนฺติเมสุ   ชนปเทสุ   อตฺถิ  พฺรหฺมจริยวาโส  มิลกฺขูสุ  อวิญฺาตาเรสุ
ยตฺถ   นตฺถิ   คติ   ภิกฺขูนํ   ภิกฺขุนีนํ   อุปาสกานํ   อุปาสิกานนฺติ   ฯ
น เหวํ วตฺตพฺเพ ฯเปฯ
     [๒๖๘]   อตฺถิ  เทเวสุ  พฺรหฺมจริยวาโสติ  ฯ  อตฺถิ  ยตฺถ  อตฺถิ
อตฺถิ   ยตฺถ   นตฺถีติ   ฯ   อสญฺสตฺเตสุ   เทเวสุ  อตฺถิ  ยตฺถ  อตฺถิ
อตฺถิ    ยตฺถ   นตฺถิ   พฺรหฺมจริยวาโส   สญฺสตฺเตสุ   เทเวสุ   อตฺถิ
ยตฺถ   อตฺถิ   อตฺถิ   ยตฺถ   นตฺถิ   พฺรหฺมจริยวาโสติ   ฯ   น  เหวํ
วตฺตพฺเพ ฯเปฯ
     {๒๖๘.๑}   เทเวสุ อตฺถิ ยตฺถ อตฺถิ อตฺถิ ยตฺถ นตฺถิ พฺรหฺมจริยวาโสติ ฯ
อามนฺตา     ฯ    กตฺถตฺถิ    กตฺถ    นตฺถีติ    ฯ     อสญฺสตฺเตสุ
สตฺเตสุ   เทเวสุ   นตฺถิ   พฺรหฺมจริยวาโส  สญฺสตฺเตสุ  เทเวสุ  อตฺถิ
พฺรหฺมจริยวาโสติ  ฯ  อสญฺสตฺเตสุ  เทเวสุ  นตฺถิ  พฺรหฺมจริยวาโสติ  ฯ
อามนฺตา    ฯ   สญฺสตฺเตสุ   เทเวสุ   นตฺถิ   พฺรหฺมจริยวาโสติ   ฯ
น เหวํ วตฺตพฺเพ ฯ
     {๒๖๘.๒}   สญฺสตฺเตสุ   เทเวสุ   อตฺถิ   พฺรหฺมจริยวาโสติ  ฯ
อามนฺตา   ฯ   อสญฺสตฺเตสุ   เทเวสุ  อตฺถิ  พฺรหฺมจริยวาโสติ  ฯ  น
เหวํ วตฺตพฺเพ ฯเปฯ
     [๒๖๙]   อตฺถิ   มนุสฺเสสุ   พฺรหฺมจริยวาโสติ   ฯ   อตฺถิ  ยตฺถ
อตฺถิ   อตฺถิ   ยตฺถ   นตฺถีติ   ฯ   ปจฺจนฺติเมสุ  ชนปเทสุ  อตฺถิ  ยตฺถ
อตฺถิ   อตฺถิ   ยตฺถ   นตฺถิ   พฺรหฺมจริยวาโส   มิลกฺขูสุ  อวิญฺาตาเรสุ
ยตฺถ   นตฺถิ   คติ   ภิกฺขูนํ   ภิกฺขุนีนํ  อุปาสกานํ  อุปาสิกานํ  มชฺฌิเมสุ
ชนปเทสุ   อตฺถิ   ยตฺถ  อตฺถิ  อตฺถิ  ยตฺถ  นตฺถิ  พฺรหฺมจริยวาโสติ  ฯ
น เหวํ วตฺตพฺเพ ฯ
     [๒๗๐]   มนุสฺเสสุ  อตฺถิ  ยตฺถ  อตฺถิ  อตฺถิ ยตฺถ นตฺถิ พฺรหฺมจริย-
วาโสติ   ฯ   อามนฺตา   ฯ   กตฺถตฺถิ  กตฺถ  นตฺถีติ  ฯ  ปจฺจนฺติเมสุ
ชนปเทสุ    นตฺถิ    พฺรหฺมจริยวาโส   มิลกฺขูสุ   อวิญฺาตาเรสุ   ยตฺถ
นตฺถิ    คติ    ภิกฺขูนํ    ภิกฺขุนีนํ   อุปาสกานํ   อุปาสิกานํ   มชฺฌิเมสุ
ชนปเทสุ   อตฺถิ   พฺรหฺมจริยวาโสติ   ฯ   ปจฺจนฺติเมสุ  ชนปเทสุ  นตฺถิ
พฺรหฺมจริยวาโส   มิลกฺขูสุ   อวิญฺาตาเรสุ   ยตฺถ   นตฺถิ   คติ  ภิกฺขูนํ
ภิกฺขุนีนํ    อุปาสกานํ    อุปาสิกานนฺติ   ฯ   อามนฺตา   ฯ   มชฺฌิเมสุ
ชนปเทสุ  นตฺถิ  พฺรหฺมจริยวาโสติ  ฯ  น  เหวํ  วตฺตพฺเพ  ฯ  มชฺฌิเมสุ
ชนปเทสุ   อตฺถิ   พฺรหฺมจริยวาโสติ   ฯ   อามนฺตา   ฯ   ปจฺจนฺติเมสุ
ชนปเทสุ    อตฺถิ    พฺรหฺมจริยวาโส   มิลกฺขูสุ   อวิญฺาตาเรสุ   ยตฺถ
นตฺถิ   คติ   ภิกฺขูนํ   ภิกฺขุนีนํ   อุปาสกานํ  อุปาสิกานนฺติ  ฯ  น  เหวํ
วตฺตพฺเพ ฯเปฯ
     [๒๗๑]   อตฺถิ  เทเวสุ  พฺรหฺมจริยวาโสติ  ฯ  อามนฺตา  ฯ  นนุ
วุตฺตํ   ภควตา  ตีหิ  ภิกฺขเว  าเนหิ  ชมฺพูทีปกา  มนุสฺสา  อุตฺตรกุรุเก
จ   มนุสฺเส   อธิคฺคณฺหนฺติ   เทเว  จ  ตาวตึเส  ฯ  กตเมหิ  ตีหิ  ฯ
สูรา   สติมนฺโต   อิธ   พฺรหฺมจริยวาโสติ  ๑-  อตฺเถว  สุตฺตนฺโตติ  ฯ
อามนฺตา ฯ เตน หิ นตฺถิ เทเวสุ พฺรหฺมจริยวาโสติ ฯ
     {๒๗๑.๑}   สาวตฺถิยํ   วุตฺตํ  ภควตา  อิธ  พฺรหฺมจริยวาโสติ  ฯ
อามนฺตา     ฯ     สาวตฺถิยญฺเว     พฺรหฺมจริยวาโส     นตฺถญฺตฺร
พฺรหฺมจริยวาโสติ ฯ น เหวํ วตฺตพฺเพ ฯ
     {๒๗๑.๒}   อนาคามิสฺส  ปุคฺคลสฺส  ปญฺโจรมฺภาคิยานิ  สญฺโชนานิ
ปหีนานิ     ปญฺจุทฺธมฺภาคิยานิ     สญฺโชนานิ     อปฺปหีนานิ     อิโต
จุตสฺส   ตตฺถ   อุปฺปนฺนสฺส   กุหึ   ผลุปฺปตฺตีติ   ฯ   ตตฺเถว  ฯ  หญฺจิ
อนาคามิสฺส    ปุคฺคลสฺส    ปญฺโจรมฺภาคิยานิ    สญฺโชนานิ    ปหีนานิ
ปญฺจุทฺธมฺภาคิยานิ    สญฺโชนานิ    อปฺปหีนานิ    อิโต   จุตสฺส   ตตฺถ
อุปฺปนฺนสฺส   ตหึ   ผลุปฺปตฺติ   โน   วต  เร  วตฺตพฺเพ  นตฺถิ  เทเวสุ
พฺรหฺมจริยวาโสติ    ฯ    อนาคามิสฺส    ปุคฺคลสฺส    ปญฺโจรมฺภาคิยานิ
สญฺโชนานิ        ปหีนานิ       ปญฺจุทฺธมฺภาคิยานิ       สญฺโชนานิ
@เชิงอรรถ: ๑ อํ. นวก. ๔๗
อปฺปหีนานิ   อิโต   จุตสฺส   ตตฺถ   อุปฺปนฺนสฺส   กุหึ   ภาโรหรณํ  กุหึ
ทุกฺขปริญฺาตํ    กุหึ    กิเลสปฺปหานํ    กุหึ    นิโรธสจฺฉิกิริยา    กุหึ
อกุปฺปปฏิเวโธติ    ฯ    ตตฺเถว   ฯ   หญฺจิ   อนาคามิสฺส   ปุคฺคลสฺส
ปญฺโจรมฺภาคิยานิ      สญฺโชนานิ      ปหีนานิ      ปญฺจุทฺธมฺภาคิยานิ
สญฺโชนานิ    อปฺปหีนานิ    อิโต    จุตสฺส   ตตฺถ   อุปฺปนฺนสฺส   ตหึ
อกุปฺปปฏิเวโธ โน วต เร วตฺตพฺเพ นตฺถิ เทเวสุ พฺรหฺมจริยวาโสติ ฯ
     {๒๗๑.๓}   อนาคามิสฺส  ปุคฺคลสฺส  ปญฺโจรมฺภาคิยานิ  สญฺโชนานิ
ปหีนานิ    ปญฺจุทฺธมฺภาคิยานิ   สญฺโชนานิ   อปฺปหีนานิ   อิโต   จุตสฺส
ตตฺถ   อุปฺปนฺนสฺส   ตหึ   ผลุปฺปตฺติ  ตหึ  ภาโรหรณํ  ตหึ  ทุกฺขปริญฺาตํ
ตหึ    กิเลสปฺปหานํ    ตหึ    นิโรธสจฺฉิกิริยา    ตหึ   อกุปฺปปฏิเวโธ
เกนฏฺเน   วเทสิ   นตฺถิ   เทเวสุ   พฺรหฺมจริยวาโสติ   ฯ  หนฺท  หิ
อนาคามี ปุคฺคโล อิธ ภาวิเตน มคฺเคน ตตฺถ ผลํ สจฺฉิกโรติ ฯ
     [๒๗๒]   อนาคามี   ปุคฺคโล  อิธ  ภาวิเตน  มคฺเคน  ตตฺถ  ผลํ
สจฺฉิกโรตีติ   ฯ   อามนฺตา   ฯ  โสตาปนฺโน  ปุคฺคโล  ตตฺถ  ภาวิเตน
มคฺเคน  อิธ  ผลํ  สจฺฉิกโรตีติ  ฯ  น  เหวํ  วตฺตพฺเพ  ฯเปฯ อนาคามี
ปุคฺคโล  อิธ  ภาวิเตน  มคฺเคน  ตตฺถ  ผลํ  สจฺฉิกโรตีติ  ฯ อามนฺตา ฯ
สกทาคามี   ปุคฺคโล   อิธ   ปรินิพฺพายิปุคฺคโล  ตตฺถ  ภาวิเตน  มคฺเคน
อิธ  ผลํ  สจฺฉิกโรตีติ  ฯ  น  เหวํ  วตฺตพฺเพ ฯเปฯ โสตาปนฺโน ปุคฺคโล
อิธ   ภาวิเตน   มคฺเคน   อิธ   ผลํ   สจฺฉิกโรตีติ   ฯ  อามนฺตา  ฯ
อนาคามี  ปุคฺคโล  ตตฺถ  ภาวิเตน  มคฺเคน  ตตฺถ  ผลํ  สจฺฉิกโรตีติ  ฯ
น   เหวํ  วตฺตพฺเพ  ฯเปฯ  สกทาคามี  ปุคฺคโล  อิธ  ปรินิพฺพายิปุคฺคโล
อิธ   ภาวิเตน   มคฺเคน   อิธ   ผลํ   สจฺฉิกโรตีติ   ฯ  อามนฺตา  ฯ
อนาคามี  ปุคฺคโล  ตตฺถ  ภาวิเตน  มคฺเคน  ตตฺถ  ผลํ สจฺฉิกโรตีติ ฯ น
เหวํ วตฺตพฺเพ ฯเปฯ
     [๒๗๓]   อิธ   วิหายนิฏฺสฺส   ปุคฺคลสฺส  มคฺโค  จ  ภาวิยติ  น
จ   กิเลสา   ปหียนฺตีติ   ฯ   อามนฺตา   ฯ   โสตาปตฺติผลสจฺฉิกิริยาย
ปฏิปนฺนสฺส    ปุคฺคลสฺส    มคฺโค    จ    ภาวิยติ   น   จ   กิเลสา
ปหียนฺตีติ   ฯ  น  เหวํ  วตฺตพฺเพ  ฯเปฯ  อิธ  วิหายนิฏฺสฺส  ปุคฺคลสฺส
มคฺโค  จ  ภาวิยติ  น  จ กิเลสา ปหียนฺตีติ ฯ อามนฺตา ฯ สกทาคามิผล-
สจฺฉิกิริยาย    ปฏิปนฺนสฺส    ปุคฺคลสฺส    ฯเปฯ    อรหตฺตสจฺฉิกิริยาย
ปฏิปนฺนสฺส  ปุคฺคลสฺส  มคฺโค  จ  ภาวิยติ  น  จ  กิเลสา  ปหียนฺตีติ  ฯ
น เหวํ วตฺตพฺเพ ฯเปฯ
     [๒๗๔]   โสตาปตฺติผลสจฺฉิกิริยาย   ปฏิปนฺนสฺส   ปุคฺคลสฺส  อปุพฺพํ
อจริมํ   มคฺโค   จ   ภาวิยติ  กิเลสา  จ  ปหียนฺตีติ  ฯ  อามนฺตา  ฯ
อิธ   วิหายนิฏฺสฺส   ปุคฺคลสฺส   อปุพฺพํ   อจริมํ   มคฺโค   จ  ภาวิยติ
กิเลสา   จ   ปหียนฺตีติ  ฯ  น  เหวํ  วตฺตพฺเพ  ฯเปฯ  สกทาคามิผล-
สจฺฉิกิริยาย    ปฏิปนฺนสฺส    ปุคฺคลสฺส    ฯเปฯ    อรหตฺตสจฺฉิกิริยาย
ปฏิปนฺนสฺส   ปุคฺคลสฺส   อปุพฺพํ   อจริมํ   มคฺโค   จ  ภาวิยติ  กิเลสา
จ   ปหียนฺตีติ   ฯ   อามนฺตา  ฯ  อิธ  วิหายนิฏฺสฺส  ปุคฺคลสฺส  อปุพฺพํ
อจริมํ   มคฺโค   จ   ภาวิยติ   กิเลสา   จ   ปหียนฺตีติ  ฯ  น  เหวํ
วตฺตพฺเพ ฯเปฯ
     [๒๗๕]   อนาคามี   ปุคฺคโล   กตกรณีโย   ภาวิตภาวโน   ตตฺถ
อุปปชฺชตีติ  ฯ  อามนฺตา  ฯ  อรหา  อุปปชฺชตีติ  ฯ  น  เหวํ  วตฺตพฺเพ
ฯเปฯ  อรหา  อุปปชฺชตีติ  ฯ  อามนฺตา  ฯ  อตฺถิ  อรหโต ปุนพฺภโวติ ฯ
น  เหวํ  วตฺตพฺเพ  ฯเปฯ  อตฺถิ  อรหโต  ปุนพฺภโวติ  ฯ  อามนฺตา  ฯ
อรหา   ภเวน   ภวํ   คจฺฉติ   คติยา   คตึ  คจฺฉติ  สํสาเรน  สํสารํ
คจฺฉติ อุปปตฺติยา อุปปตฺตึ คจฺฉตีติ ฯ น เหวํ วตฺตพฺเพ ฯเปฯ
     [๒๗๖]   อนาคามี  ปุคฺคโล  กตกรณีโย  ภาวิตภาวโน อโนหฏภาโร
ตตฺถ  อุปปชฺชตีติ  ฯ  อามนฺตา  ฯ  ภาโรหรณาย  ปุน  มคฺคํ ภาเวตีติ ฯ
น เหวํ วตฺตพฺเพ ฯเปฯ
     [๒๗๗]   อนาคามี  ปุคฺคโล  กตกรณีโย  ภาวิตภาวโน  อปริญฺาต-
ทุกฺโข    อปฺปหีนกิเลโส    อสจฺฉิกตนิโรโธ   อปฺปฏิวิทฺธากุปฺโป   ตตฺถ
อุปปชฺชตีติ  ฯ  อามนฺตา  ฯ  อกุปฺปปฏิเวธาย  ปุน  มคฺคํ  ภาเวตีติ ฯ น
เหวํ วตฺตพฺเพ ฯเปฯ
     [๒๗๘]   อนาคามี  ปุคฺคโล  กตกรณีโย  ภาวิตภาวโน อโนหฏภาโร
ตตฺถ  อุปปชฺชติ  น  จ  ภาโรหรณาย  ปุน  มคฺคํ ภาเวตีติ ฯ อามนฺตา ฯ
อโนหฏภาโร   จ   ตตฺถ   ปรินิพฺพายตีติ   ฯ   น  เหวํ  วตฺตพฺเพ  ฯ
อนาคามี     ปุคฺคโล    กตกรณีโย    ภาวิตภาวโน    อปริญฺาตทุกฺโข
อปฺปหีนกิเลโส           อสจฺฉิกตนิโรโธ           อปฺปฏิวิทฺธากุปฺโป
ตตฺถ     อุปปชฺชติ     น     จ     อกุปฺปปฏิเวธาย    ปุน    มคฺคํ
ภาเวตีติ  ฯ  อามนฺตา  ฯ  อปฺปฏิวิทฺธากุปฺโป  จ  ตตฺถ  ปรินิพฺพายตีติ ฯ
น   เหวํ   วตฺตพฺเพ   ฯเปฯ   ยถา   มิโค   สลฺเลน  วิทฺโธ  ทูรมฺปิ
คนฺตฺวา   กาลํ   กโรติ   เอวเมว   อนาคามี  ปุคฺคโล  อิธ  ภาวิเตน
มคฺเคน   ตตฺถ   ผลํ   สจฺฉิกโรตีติ   ฯ   ยถา  มิโค  สลฺเลน  วิทฺโธ
ทูรมฺปิ   คนฺตฺวา   สสลฺโลว  กาลํ  กโรติ  เอวเมว  อนาคามี  ปุคฺคโล
อิธ   ภาวิเตน   มคฺเคน   ตตฺถ  สสลฺโลว  ปรินิพฺพายตีติ  ฯ  น  เหวํ
วตฺตพฺเพ ฯเปฯ
                                        พฺรหฺมจริยกถา ฯ
                                              ------

             เนื้อความพระไตรปิฎกฉบับภาษาบาลี อักษรไทย เล่มที่ ๓๗ หน้าที่ ๑๐๙-๑๒๐.
https://84000.org/tipitaka/read/pali_read.php?B=37&A=2223&w=&modeTY=1
             อ่านเทียบพระไตรปิฎกฉบับภาษาบาลี อักษรโรมัน :-
https://84000.org/tipitaka/read/roman_read.php?B=37&A=2223&modeTY=1
             อ่านเทียบพระไตรปิฎกภาษาไทยฉบับหลวง :-
https://84000.org/tipitaka/read/byitem.php?book=37&item=255&items=24
             อ่านเทียบพระไตรปิฎกฉบับมหาจุฬาฯ :-
https://84000.org/tipitaka/pitaka_item/m_siri.php?B=37&siri=22
             ศึกษาอรรถกถานี้ได้ที่ :-
https://84000.org/tipitaka/attha/attha.php?b=37&i=255
             อ่านอรรถกถาภาษาบาลีอักษรไทย :-
https://84000.org/tipitaka/atthapali/read_th.php?B=55&A=3714
             The Pali Atthakatha in Roman :-
https://84000.org/tipitaka/atthapali/read_rm.php?B=55&A=3714
             สารบัญพระไตรปิฎกเล่มที่ ๓๗
https://84000.org/tipitaka/read/?index_37
https://84000.org/tipitaka/english/?index_37