บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
ThaiVersion PaliThai PaliRoman |
[187] Pancime bhikkhave yathasanthatika .pe. [188] Pancime bhikkhave ekasanika .pe. [189] Pancime bhikkhave khalupacchabhattika .pe. [190] Pancime bhikkhave pattapindika katame panca mandatta momuhatta pattapindiko hoti papiccho icchapakato pattapindiko hoti ummada cittakkhepa pattapindiko hoti vannitam buddhehi buddhasavakehiti pattapindiko hoti appicchatanneva @Footnote: 1 Po. Ma. Yu. ayam patho natthi. Nissaya santutthinneva nissaya sallekhanneva nissaya pavivekanneva nissaya idamatthitanneva nissaya pattapindiko hoti ime kho bhikkhave panca pattapindika imesam kho bhikkhave pancannam pattapindikanam yvayam pattapindiko appicchatanneva nissaya santutthinneva nissaya sallekhanneva nissaya pavivekanneva nissaya idamatthitanneva nissaya pattapindiko hoti ayam imesam pancannam pattapindikanam aggo ca settho ca mokkho ca uttamo ca pavaro ca {190.1} seyyathapi bhikkhave gava khiram khiramha dadhi dadhimha navanitam navanitamha sappi sappimha sappimando sappimando tattha aggamakkhayati evameva kho bhikkhave imesam pancannam pattapindikanam yvayam pattapindiko appicchatanneva nissaya santutthinneva nissaya sallekhanneva nissaya pavivekanneva nissaya idamatthitanneva nissaya pattapindiko hoti ayam imesam pancannam pattapindikanam aggo ca settho ca mokkho ca uttamo ca pavaro cati. Arannavaggo catuttho. Tassuddanam arannam civaram rukkha- susanam abbhokasakam 1- nesajjam santhatam ekam 2- khalupaccha pindikena cati. ----------- @Footnote: 1 Ma. abbhokasikam. Yu. arannam pamsurukkhasusanena ... . 2 Ma. ekasanikam. @Yu. ekasanika .... Brahmanavaggo pancamo [191] Pancime bhikkhave porana brahmanadhamma etarahi sunakhesu sandissanti no brahmanesu katame panca pubbe sudam bhikkhave brahmana brahmanim 1- gacchanti no abrahmanim etarahi bhikkhave brahmana brahmanimpi gacchanti abrahmanimpi gacchanti etarahi bhikkhave sunakha sunakhinneva gacchanti no asunakhim ayam bhikkhave pathamo porano brahmanadhammo etarahi sunakhesu sandissati no brahmanesu. {191.1} Pubbe sudam bhikkhave brahmana brahmanim utuninneva gacchanti no anutunim etarahi bhikkhave brahmana brahmanim utunimpi gacchanti anutunimpi gacchanti etarahi bhikkhave sunakha sunakhim utuninneva gacchanti no anutunim ayam bhikkhave dutiyo porano brahmanadhammo etarahi sunakhesu sandissati no brahmanesu. {191.2} Pubbe sudam bhikkhave brahmana brahmanim neva kinanti no vikkinanti sampiyeneva samvasam sambandhaya 2- sampavattenti etarahi bhikkhave brahmana brahmanim kinantipi vikkinantipi sampiyeneva samvasam sambandhaya 2- sampavattenti etarahi bhikkhave sunakha sunakhim neva kinanti no vikkinanti sampiyeneva samvasam sambandhaya 2- sampavattenti ayam bhikkhave tatiyo porano brahmanadhammo etarahi sunakhesu sandissati no brahmanesu. {191.3} Pubbe sudam bhikkhave brahmana sannidhim na karonti @Footnote: 1 Ma. Yu. brahmanimyeva . 2 Yu. samsaggatthaya. Dhanassapi dhannassapi rajatassapi jatarupassapi etarahi bhikkhave brahmana sannidhim karonti dhanassapi dhannassapi rajatassapi jatarupassapi etarahi bhikkhave sunakha na sannidhim karonti dhanassapi dhannassapi rajatassapi jatarupassapi ayam bhikkhave catuttho porano brahmanadhammo etarahi sunakhesu sandissati no brahmanesu. {191.4} Pubbe sudam bhikkhave brahmana sayam sayamasaya pato patarasaya bhikkham pariyesanti etarahi bhikkhave brahmana yavadattham udaravadehakam bhunjitva avasesam adaya pakkamanti etarahi bhikkhave sunakha sayam sayamasaya pato patarasaya bhikkham pariyesanti ayam bhikkhave pancamo porano brahmanadhammo etarahi sunakhesu sandissati no brahmanesu . ime kho bhikkhave panca porana brahmanadhamma etarahi sunakhesu sandissanti no brahmanesuti. [192] Athakho dono brahmano yena bhagava tenupasankami upasankamitva bhagavata saddhim sammodi sammodaniyam katham saraniyam 1- vitisaretva ekamantam nisidi ekamantam nisinno kho dono brahmano bhagavantam etadavoca sutam metam bho gotama na samano gotamo brahmane jinne vuddhe mahallake addhagate vayoanuppatte abhivadeti va paccuttheti va asanena va nimantetiti . tayidam bho gotama tatheva na hi bhavam gotamo brahmane jinne vuddhe mahallake addhagate vayoanuppatte abhivadeti va paccuttheti @Footnote: 1 Ma. saraniyam. sabbattha idisameva. Va asanena va nimanteti 1-. Tayidam bho gotama na sampannamevati. Tvampi no dona brahmano patijanasiti . yam hi tam bho gotama samma vadamano vadeyya brahmano ubhato sujato matito ca pitito ca samsuddhagahaniko yava sattama pitamahayuga akkhitto anupakuttho jativadena ajjhayiko 2- mantadharo tinnam vedanam paragu sanighanduketubhanam sakkharappabhedanam itihasapancamanam padako veyyakarano lokayatamahapurisalakkhanesu anavayoti mameva tam bho gotama samma vadamano vadeyya aham hi bho gotama brahmano ubhato sujato matito ca pitito ca samsuddhagahaniko yava sattama pitamahayuga akkhitto anupakuttho jativadena ajjhayiko mantadharo tinnam vedanam paragu sanighanduketubhanam sakkharappabhedanam itihasapancamanam padako veyyakarano lokayatamahapurisalakkhanesu anavayoti {192.1} ye kho te dona brahmananam pubbaka isiyo mantanam kattaro mantanam pavattaro yesamidam etarahi brahmana poranam mantapadam gitam pavuttam samihitam tadanugayanti tadanubhasanti bhasitamanubhasanti [3]- vacitamanuvacenti seyyathidam atthako vamako vamadevo vessamitto yamadaggi angiraso bharadvajo vasettho kassapo bhagu tyassume panca brahmane pannapenti brahmasamam devasamam mariyadam sambhinnamariyadam brahmanacandalanneva pancamam tesam tvam dona katamoti . Na kho mayam bho gotama ime 4- panca brahmane janama athakho mayam @Footnote: 1 Ma. nimantetiti . 2 Po. Ma. Yu. ajjhayako . 3 Ma. sajjhayitamanusajjhayanti .... @4 Ma. ayam patho natthi. Brahmanatveva janama sadhu me bhavam gotamo tatha dhammam desetu yatha aham ime panca brahmane janeyyanti . tenahi dona 1- sunahi sadhukam manasikarohi bhasissamiti evam bhoti kho dono brahmano bhagavato paccassosi. {192.2} Bhagava etadavoca kathanca dona brahmano brahmasamo hoti idha dona brahmano ubhato sujato hoti matito ca pitito ca samsuddhagahaniko yava sattama pitamahayuga akkhitto anupakuttho jativadena so atthacattalisavassani komaram brahmacariyam carati mante adhiyamano atthacattalisavassani komaram brahmacariyam caritva mante adhiyitva acariyassa acariyadhanam pariyesati dhammeneva no adhammena {192.3} tattha ca dona ko dhammo neva kasiya na vanijjaya na gorakkhena na issatthena na rajaporisena na sippannatarena kevalam bhikkhacariyaya kapalam anatimannamano so acariyassa acariyadhanam niyyadetva kesamassum oharetva kasayani vatthani acchadetva agarasma anagariyam pabbajati so evam pabbajito samano mettasahagatena cetasa ekam disam pharitva viharati tatha dutiyam tatha tatiyam tatha catuttham iti uddhamadho tiriyam sabbadhi sabbattataya sabbavantam lokam mettasahagatena cetasa vipulena mahaggatena appamanena averena abyapajjhena pharitva viharati karunasahagatena cetasa ... muditasahagatena cetasa ... upekkhasahagatena cetasa ekam disam pharitva viharati tatha dutiyam tatha tatiyam tatha @Footnote: 1 Ma. Yu. brahmana. Catuttham iti uddhamadho tiriyam sabbadhi sabbattataya sabbavantam lokam upekkhasahagatena cetasa vipulena mahaggatena appamanena averena abyapajjhena pharitva viharati so ime cattaro brahmavihare bhavetva kayassa bheda parammarana sugatim brahmalokam upapajjati evam kho dona brahmano brahmasamo hoti. {192.4} Kathanca dona brahmano devasamo hoti idha dona brahmano ubhato sujato hoti matito ca pitito ca samsuddhagahaniko yava sattama pitamahayuga akkhitto anupakuttho jativadena so atthacattalisavassani komaram brahmacariyam carati mante adhiyamano atthacattalisavassani komaram brahmacariyam caritva mante adhiyitva acariyassa acariyadhanam pariyesati dhammeneva no adhammena tattha ca dona ko dhammo neva kasiya na vanijjaya na gorakkhena na issatthena na rajaporisena na sippannatarena kevalam bhikkhacariyaya kapalam anatimannamano so acariyassa acariyadhanam niyyadetva daram pariyesati dhammeneva no adhammena tattha ca dona ko dhammo neva kayena na vikkayena brahmanimyeva udakupasattham so brahmanimyeva gacchati na khattiyim na vessim na suddim na candalim na nesadim na venim na rathakarim na pukkusim gacchati na gabbhinim gacchati na payamanam gacchati na anutunim gacchati kasma ca dona brahmano na gabbhinim gacchati sace dona brahmano gabbhinim gacchati atimilhajo nama so hoti manavako va manavika Va tasma dona brahmano na gabbhinim gacchati kasma ca dona brahmano na payamanam gacchati sace dona brahmano payamanam gacchati asucipatipito 1- nama so hoti manavako va manavika va tasma dona brahmano na payamanam gacchati [2]- tassa sa hoti brahmani neva kamattha na davattha na ratattha pajatthava 3- brahmanassa brahmani hoti so methunam uppadetva kesamassum oharetva kasayani vatthani acchadetva agarasma anagariyam pabbajati so evam pabbajito samano vivicceva kamehi .pe. Catuttham jhanam upasampajja viharati so ime cattaro jhane bhavetva kayassa bheda parammarana sugatim saggam lokam upapajjati evam kho dona brahmano devasamo hoti. {192.5} Kathanca dona brahmano mariyado hoti idha dona brahmano ubhato sujato hoti matito ca pitito ca samsuddhagahaniko yava sattama pitamahayuga akkhitto anupakuttho jativadena so atthacattalisavassani komaram brahmacariyam carati mante adhiyamano atthacattalisavassani komaram brahmacariyam caritva mante adhiyitva acariyassa acariyadhanam pariyesati dhammeneva no adhammena tattha ca dona ko dhammo neva kasiya na vanijjaya na gorakkhena na issatthena na rajaporisena na sippannatarena kevalam bhikkhacariyaya kapalam anatimannamano so acariyassa acariyadhanam niyyadetva daram pariyesati dhammeneva no adhammena tattha ca @Footnote: 1 Ma. asucipatipilito . 2 Yu. kasma ca dona brahmano na anutunim gacchati sace @dona brahmano anutunim gacchatiti dissanti . 3 Po. na majkhattha ca. Dona ko dhammo neva kayena na vikkayena brahmanimyeva udakupasattham so brahmanimyeva gacchati na khattiyim na vessim na suddim na candalim na nesadim na venim na rathakarim na pukkusim gacchati na gabbhinim gacchati na payamanam gacchati na anutunim gacchati kasma ca dona brahmano na gabbhinim gacchati sace dona brahmano gabbhinim gacchati atimilhajo nama so hoti manavako va manavika va tasma dona brahmano neva gabbhinim gacchati kasma ca dona brahmano na payamanam gacchati sace dona brahmano payamanam gacchati asucipatipito nama so hoti manavako va manavika va tasma dona brahmano na payamanam gacchati tassa sa hoti brahmani neva kamattha na davattha na ratattha pajatthava brahmanassa brahmani hoti so methunam uppadetva tameva puttassadam nikamayamano kutumbam ajjhavasati na agarasma anagariyam pabbajati yava porananam brahmananam mariyado 1- tattha titthati tam na vitikkamati yava porananam brahmananam mariyado tattha brahmano thito tam na vitikkamatiti kho dona tasma brahmano mariyadoti vuccati evam kho dona brahmano mariyado hoti. {192.6} Kathanca dona brahmano sambhinnamariyado hoti idha dona brahmano ubhato sujato hoti matito ca pitito ca samsuddhagahaniko yava sattama pitamahayuga akkhitto anupakuttho @Footnote: 1 Po. Yu. mariyada. ito param idisameva. Jativadena [1]- atthacattalisavassani komaram brahmacariyam carati mante adhiyamano atthacattalisavassani komaram brahmacariyam caritva mante adhiyitva acariyassa acariyadhanam pariyesati dhammeneva no adhammena tattha ca dona ko dhammo neva kasiya na vanijjaya na gorakkhena na issatthena na rajaporisena na sippannatarena kevalam bhikkhacariyaya kapalam anatimannamano {192.7} so acariyassa acariyadhanam niyyadetva daram pariyesati dhammenapi adhammenapi kayenapi vikkayenapi [2]- udakupasattham so brahmanimpi gacchati khattiyimpi gacchati vessimpi gacchati suddimpi gacchati candalimpi gacchati nesadimpi gacchati venimpi gacchati rathakarimpi gacchati pukkusimpi gacchati gabbhinimpi gacchati payamanampi gacchati utunimpi gacchati anutunimpi gacchati tassa sa hoti brahmani kamatthapi davatthapi ratatthapi pajatthapi brahmanassa brahmani hoti yava porananam brahmananam mariyado tattha na titthati tam vitikkamati yava porananam brahmananam mariyado tattha brahmano na thito tam vitikkamatiti kho dona tasma brahmano sambhinnamariyadoti vuccati evam kho dona brahmano sambhinnamariyado hoti. {192.8} Kathanca dona brahmano brahmanacandalo hoti idha dona brahmano ubhato sujato hoti matito ca pitito ca samsuddhagahaniko yava sattama pitamahayuga @Footnote: 1 Ma. Yu. so . 2 Ma. Yu. brahmanimpi Akkhitto anupakuttho jativadena so atthacattalisavassani komaram brahmacariyam carati mante adhiyamano atthacattalisavassani komaram brahmacariyam caritva mante adhiyitva acariyassa acariyadhanam pariyesati dhammenapi adhammenapi kasiyapi vanijjayapi gorakkhenapi issatthenapi sippannatarenapi rajaporisenapi kevalam bhikkhacariyaya kapalam anatimannamano so acariyassa acariyadhanam niyyadetva daram pariyesati dhammenapi adhammenapi kayenapi vikkayenapi udakupasattham so brahmanimpi gacchati khattiyimpi gacchati vessimpi gacchati suddimpi gacchati candalimpi gacchati nesadimpi gacchati venimpi gacchati rathakarimpi gacchati pukkusimpi gacchati gabbhinimpi gacchati payamanampi gacchati utunimpi gacchati anutunimpi gacchati tassa sa hoti brahmani kamatthapi davatthapi ratatthapi pajatthapi brahmanassa brahmani hoti so sabbakammehi jivitam kappeti tamenam brahmana evamahamsu kasma bhavam brahmano patijanamano sabbakammehi jivitam kappetiti so evamaha seyyathapi bho aggi sucimpi dahati asucimpi dahati na ca tena aggi upalippati evameva kho bho sabbakammehi cepi brahmano jivitam kappeti na ca tena brahmano upalippati sabbakammehi jivitam kappetiti kho dona tasma brahmano brahmanacandaloti vuccati evam kho dona brahmano brahmanacandalo hoti ye kho te dona brahmananam Pubbaka isiyo mantanam kattaro mantanam pavattaro yesamidam 1- etarahi brahmana poranam mantapadam gitam pavuttam samihitam tadanugayanti tadanubhasanti bhasitamanubhasanti [2]- vacitamanuvacenti seyyathidam atthako vamako vamadevo vessamitto yamadaggi angiraso bharadvajo vasettho kassapo bhagu tyassume panca brahmane pannapenti brahmasamam devasamam mariyadam sambhinnamariyadam brahmanacandalanneva pancamam tesam tvam dona katamoti . evam sante bho gotama brahmanacandalampi na purema abhikkantam bho gotama .pe. Upasakam mam bhavam gotamo dharetu ajjatagge panupetam saranam gatanti. [193] Athakho sangaravo brahmano yena bhagava tenupasankami upasankamitva bhagavata saddhim sammodi sammodaniyam katham saraniyam vitisaretva ekamantam nisidi ekamantam nisinno kho sangaravo brahmano bhagavantam etadavoca ko nu kho bho gotama hetu ko paccayo yenekada 3- digharattam sajjhayakatapi manta nappatibhanti pageva asajjhayakata . ko pana bho gotama hetu ko paccayo yenekada digharattam asajjhayakatapi manta patibhanti pageva sajjhayakatati. {193.1} Yasmim brahmana samaye kamaragapariyutthitena cetasa viharati kamaragaparetena uppannassa ca kamaragassa nissaranam yathabhutam nappajanati attatthampi tasmim samaye yathabhutam nappajanati na passati paratthampi @Footnote: 1 Yu. yesancidam . 2 Ma. sajjhayitamanusajjhayantiti dissati . 3 Ma. yena kadaci. Tasmim samaye yathabhutam nappajanati na passati ubhayatthampi tasmim samaye yathabhutam nappajanati na passati digharattam sajjhayakatapi manta nappatibhanti pageva asajjhayakata . seyyathapi brahmana udapatto samsattho lakhaya va haliddiya va niliya va manjitthaya va tattha cakkhuma puriso sakam mukhanimittam paccavekkhamano yathabhutam nappajaneyya na passeyya evameva kho brahmana yasmim samaye kamaragapariyutthitena cetasa viharati kamaragaparetena uppannassa ca kamaragassa nissaranam yathabhutam nappajanati attatthampi tasmim samaye yathabhutam nappajanati na passati paratthampi tasmim samaye yathabhutam nappajanati na passati ubhayatthampi tasmim samaye yathabhutam nappajanati na passati digharattam sajjhayakatapi manta nappatibhanti pageva asajjhayakata. {193.2} Puna caparam brahmana yasmim samaye byapadapariyutthitena cetasa viharati byapadaparetena uppannassa ca byapadassa nissaranam yathabhutam nappajanati .pe. digharattam sajjhayakatapi manta nappatibhanti pageva asajjhayakata seyyathapi brahmana udapatto aggina santatto ukkutthito 1- ussadakajato 2- tattha cakkhuma puriso sakam mukhanimittam paccavekkhamano yathabhutam nappajaneyya na passeyya evameva kho brahmana yasmim samaye byapadapariyutthitena cetasa viharati byapadaparetena uppannassa ca byapadassa nissaranam yathabhutam nappajanati .pe. digharattam sajjhayakatapi manta @Footnote: 1 Ma. ukkudhito. Yu. ukkatthito . 2 Ma. usumakajato. Nappatibhanti pageva asajjhayakata. {193.3} Puna caparam brahmana yasmim samaye thinamiddhapariyutthitena cetasa viharati thinamiddhaparetena uppannassa ca thinamiddhassa nissaranam yathabhutam nappajanati .pe. digharattam sajjhayakatapi manta nappatibhanti pageva asajjhayakata seyyathapi brahmana udapatto sevalapanakapariyonaddho tattha cakkhuma puriso sakam mukhanimittam paccavekkhamano yathabhutam nappajaneyya na passeyya evameva kho brahmana yasmim samaye thinamiddhapariyutthitena cetasa viharati thinamiddhaparetena uppannassa ca thinamiddhassa nissaranam yathabhutam nappajanati .pe. digharattam sajjhayakatapi manta nappatibhanti pageva asajjhayakata. {193.4} Puna caparam brahmana yasmim samaye uddhaccakukkuccapariyutthitena cetasa viharati uddhaccakukkuccaparetena uppannassa ca uddhaccakukkuccassa nissaranam yathabhutam nappajanati .pe. digharattam sajjhayakatapi manta nappatibhanti pageva asajjhayakata seyyathapi brahmana udapatto vaterito calito bhanto umijato tattha cakkhuma puriso sakam mukhanimittam paccavekkhamano yathabhutam nappajaneyya na passeyya evameva kho brahmana yasmim samaye uddhaccakukkuccapariyutthitena cetasa viharati uddhaccakukkuccaparetena uppannassa ca uddhaccakukkuccassa nissaranam yathabhutam nappajanati .pe. digharattam sajjhayakatapi manta nappatibhanti pageva asajjhayakata. {193.5} Puna caparam brahmana yasmim samaye vicikicchapariyutthitena cetasa viharati Vicikicchaparetena uppannaya ca vicikicchaya nissaranam yathabhutam nappajanati .pe. digharattam sajjhayakatapi manta nappatibhanti pageva asajjhayakata seyyathapi brahmana udapatto avilo lulito kalalibhuto andhakare nikkhitto tattha cakkhuma puriso sakam mukhanimittam paccavekkhamano yathabhutam nappajaneyya na passeyya evameva kho brahmana yasmim samaye vicikicchapariyutthitena cetasa viharati vicikicchaparetena uppannaya ca vicikicchaya nissaranam yathabhutam nappajanati .pe. digharattam sajjhayakatapi manta nappatibhanti pageva asajjhayakata yasminca kho brahmana samaye na kamaragapariyutthitena cetasa viharati na kamaragaparetena uppannassa ca kamaragassa nissaranam yathabhutam pajanati attatthampi tasmim samaye yathabhutam pajanati passati paratthampi tasmim samaye yathabhutam pajanati passati ubhayatthampi tasmim samaye yathabhutam pajanati passati digharattam asajjhayakatapi manta patibhanti pageva sajjhayakata seyyathapi brahmana udapatto asamsattho lakhaya va haliddiya va niliya va manjitthaya va tattha cakkhuma puriso sakam mukhanimittam paccavekkhamano yathabhutam pajaneyya 1- passeyya evameva kho brahmana yasmim samaye na kamaragapariyutthitena cetasa viharati na kamaragaparetena uppannassa ca kamaragassa yathabhutam pajanati attatthampi tasmim samaye yathabhutam pajanati passati paratthampi tasmim samaye yathabhutam pajanati @Footnote: 1 Po. janeyya. Passati ubhayatthampi tasmim samaye yathabhutam pajanati passati digharattam asajjhayakatapi manta patibhanti pageva sajjhayakata. {193.6} Puna caparam brahmana yasmim samaye na byapadapariyutthitena cetasa viharati na byapadaparetena uppannassa ca byapadassa nissaranam yathabhutam pajanati .pe. digharattam asajjhayakatapi manta patibhanti pageva sajjhayakata seyyathapi brahmana udapatto aggina asantatto anukkutthito anussadakajato tattha cakkhuma puriso sakam mukhanimittam paccavekkhamano yathabhutam pajaneyya passeyya evameva kho brahmana yasmim samaye na byapadapariyutthitena cetasa viharati na byapadaparetena uppannassa ca byapadassa nissaranam yathabhutam pajanati .pe. Digharattam asajjhayakatapi manta patibhanti pageva asajjhayakata. {193.7} Puna caparam brahmana yasmim samaye na thinamiddhapariyutthitena cetasa viharati na thinamiddhaparetena uppannassa ca thinamiddhassa nissaranam yathabhutam pajanati .pe. digharattam asajjhayakatapi manta patibhanti pageva sajjhayakata seyyathapi brahmana udapatto na sevalapanakapariyonaddho tattha cakkhuma puriso sakam mukhanimittam paccavekkhamano yathabhutam pajaneyya passeyya evameva kho brahmana yasmim samaye na thinamiddhapariyutthitena cetasa viharati na thinamiddhaparetena uppannassa ca thinamiddhassa nissaranam yathabhutam pajanati .pe. digharattam asajjhayakatapi manta patibhanti pageva sajjhayakata . puna caparam Brahmana yasmim samaye na uddhaccakukkuccapariyutthitena cetasa viharati na uddhaccakukkuccaparetena uppannassa ca uddhaccakukkuccassa nissaranam yathabhutam pajanati .pe. digharattam asajjhayakatapi manta patibhanti pageva sajjhayakata seyyathapi brahmana udapatto na vaterito na calito na bhanto na umijato tattha cakkhuma puriso sakam mukhanimittam paccavekkhamano yathabhutam pajaneyya passeyya evameva kho brahmana yasmim samaye na uddhaccakukkuccapariyutthitena cetasa viharati na uddhaccakukkuccaparetena uppannassa ca uddhaccakukkuccassa nissaranam yathabhutam pajanati .pe. digharattam asajjhayakatapi manta patibhanti pageva sajjhayakata. {193.8} Puna caparam brahmana yasmim samaye na vicikicchapariyutthitena cetasa viharati na vicikicchaparetena uppannaya ca vicikicchaya nissaranam yathabhutam pajanati .pe. digharattam asajjhayakatapi manta patibhanti pageva sajjhayakata seyyathapi brahmana udapatto accho vippasanno anavilo aloke nikkhitto tattha cakkhuma puriso sakam mukhanimittam paccavekkhamano yathabhutam pajaneyya passeyya evameva kho brahmana yasmim samaye na vicikicchapariyutthitena cetasa viharati na vicikicchaparetena uppannaya ca vicikicchaya nissaranam yathabhutam pajanati .pe. digharattam asajjhayakatapi manta patibhanti pageva sajjhayakata . Ayam kho brahmana hetu ayam paccayo yenekada digharattam sajjhayakatapi manta nappatibhanti pageva Asajjhayakata ayam pana brahmana hetu ayam paccayo yenekada digharattam asajjhayakatapi manta patibhanti pageva sajjhayakatati . Abhikkantam bho gotama .pe. upasakam mam bhavam gotamo dharetu ajjatagge panupetam saranam gatanti. [194] Ekam samayam bhagava vesaliyam viharati mahavane kutagarasalayam . tena kho pana samayena karanapali brahmano licchavinam kammantam kareti addasa kho karanapali brahmano pingiyanim brahmanam duratova agacchantam disvana pingiyanim brahmanam etadavoca handa kuto nu bhavam pingiyani agacchati diva divassati . idhaham 1- bho agacchami samanassa gotamassa santikati tam kim mannati bhavam pingiyani samanassa gotamassa pannaveyyattiyam pandito manneti kocaham bho ko ca samanassa gotamassa pannaveyyattiyam janissami sopi nunassa tadisova yo samanassa gotamassa pannaveyyattiyam janeyyati ularaya khalu bhavam pingiyani samanam gotamam pasamsaya pasamsatiti kocaham bho ko ca samanam gotamam pasamsissami pasatthapasattho ca 2- so bhavam gotamo settho devamanussananti kim pana bhavam pingiyani atthavasam sampassamano samane gotame evam abhippasannoti {194.1} seyyathapi bho puriso aggarasaparititto na annesam hinanam rasanam piheti evameva kho bho yato yato tassa bhoto @Footnote: 1 Ma. Yu. itoham . 2 Ma. Yu. pasatthappasatthova. Gotamassa dhammam sunati yadi suttaso yadi geyyaso yadi veyyakaranaso yadi abbhutadhammaso tato tato na annesam puthusamanappavadanam 1- piheti {194.2} seyyathapi bho puriso jighacchadubbalyapareto madhupindikam adhigaccheyya so yato yato sayetha labhateva 2- sadurasam asecanakam evameva kho bho yato yato tassa bhoto gotamassa dhammam sunati yadi suttaso yadi geyyaso yadi veyyakaranaso yadi abbhutadhammaso tato tato labhateva 2- attamanatam labhati cetaso pasadam. {194.3} Seyyathapi bho puriso candanaghatikam adhigaccheyya haricandanassa va lohitacandanassa va [3]- yato yato ghayetha yadi mulato yadi majjhato yadi aggato adhigacchateva surabhigandham asecanakam evameva kho bho yato yato tassa bhoto gotamassa dhammam sunati yadi suttaso yadi geyyaso yadi veyyakaranaso yadi abbhutadhammaso tato tato adhigacchati pamujjam adhigacchati somanassam. {194.4} Seyyathapi bho puriso abadhiko dukkhito balhagilano tassa kusalo bhisako thanaso abadham nihareyya evameva kho bho yato yato tassa bhoto gotamassa dhammam sunati yadi suttaso yadi geyyaso yadi veyyakaranaso yadi abbhutadhammaso tato tato sokaparidevadukkha- domanassupayasa abbhattham gacchanti . seyyathapi bho pokkharani acchodaka satodaka sitodaka setodaka 4- supatittha ramaniya atha puriso agaccheyya ghammabhitatto ghammapareto kilanto tasito @Footnote: 1 Ma. Yu. puthusamanabrahmanappavadanam . 2 Po. labhetheva . 3 Ma. Yu. soti atthi. @4 Ma. setaka. Pipasito so tam pokkharanim ogahetva nhatva ca pivitva ca sabbadarathakilamathaparilaham patippassambheyya evameva kho bho yato yato tassa bhoto gotamassa dhammam sunati yadi suttaso yadi geyyaso yadi veyyakaranaso yadi abbhutadhammaso tato tato sabbadarathakilamathaparilaha patippassambhantiti. {194.5} Evam vutte karanapali brahmano utthayasana ekamsam uttarasangam karitva dakkhinajanumandalam pathaviyam nihantva yena bhagava tenanjalim panametva tikkhattum udanam udanesi namo tassa bhagavato arahato sammasambuddhassa namo tassa bhagavato arahato sammasambuddhassa namo tassa bhagavato arahato sammasambuddhassa . Abhikkantam bho pingiyani abhikkantam bho pingiyani seyyathapi bho pingiyani nikkujjitam va ukkujjeyya paticchannam va vivareyya mulhassa va maggam acikkheyya andhakare va telappajjotam dhareyya cakkhumanto rupani dakkhantiti evameva 1- bhota pingiyanina anekapariyayena dhammo pakasito. Esaham bho pingiyani tam bhavantam gotamam saranam gacchami dhammanca bhikkhusanghanca upasakam mam bhavam pingayani dharetu ajjatagge panupetam saranam gatanti.The Pali Tipitaka in Roman Character Volume 22 page 246-265. https://84000.org/tipitaka/read/roman_item.php?book=22&item=187&items=8 Classified by [Item Number] :- http://84000.org/tipitaka/read/roman_item.php?book=22&item=187&items=8&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=22&item=187&items=8 Compare with The Royal Version of Thai Tipitaka :- https://84000.org/tipitaka/read/byitem.php?book=22&item=187&items=8 Study Atthakatha :- https://84000.org/tipitaka/attha/attha.php?b=22&i=187 Contents of The Tipitaka Volume 22 https://84000.org/tipitaka/read/?index_22 https://84000.org/tipitaka/english/?index_22
|
บันทึก ๑๔ พฤศจิกายน พ.ศ. ๒๕๖๐. การแสดงผลนี้อ้างอิงข้อมูลจากพระไตรปิฎกฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]