paliTIPITAKA Volume 5 - Vinaya Pitaka 5

[243] Athakho bhagava bhikkhu amantesi bhutapubbam bhikkhave baranasiyam brahmadatto nama kasiraja ahosi addho mahaddhano mahabhogo mahabbalo mahavahano mahavijito paripunnakosakotthagaro. Dighiti nama kosalaraja ahosi daliddo appadhano appabhogo appabalo appavahano appavijito aparipunnakosakotthagaro . Athakho bhikkhave brahmadatto kasiraja caturanginim senam sannayhitva dighitim kosalarajanam abbhuyyasi . assosi kho bhikkhave dighiti kosalaraja brahmadatto kira kasiraja caturanginim senam sannayhitva mam ^1- abbhuyyatoti . athakho bhikkhave dighitissa kosalaranno etadahosi brahmadatto kho kasiraja addho mahaddhano mahabhogo mahabbalo mahavahano mahavijito paripunnakosakotthagaro aham panamhi daliddo appadhano appabhogo appabalo appavahano appavijito aparipunnakosakotthagaro @Footnote: ¹ Si. Yu. mama. Ma. mamam. Naham patibalo brahmadattena kasiranna ekasanghatampi sahitum yannunaham patikacceva ^1- nagaramha nippateyyanti. {243.1} Athakho bhikkhave dighiti kosalaraja mahesim adaya patikacceva nagaramha nippati . athakho bhikkhave brahmadatto kasiraja dighitissa kosalaranno balanca vahananca janapadanca kosanca kotthagaranca abhivijiya ajjhavasati ^2- . athakho bhikkhave dighiti kosalaraja sapajapatiko yena baranasi tena pakkami anupubbena yena baranasi tadavasari . tatra sudam bhikkhave dighiti kosalaraja sapajapatiko baranasiyam annatarasmim paccantime okase kumbhakaranivesane annatakavesena paribbajakacchannena pativasati. {243.2} Athakho bhikkhave dighitissa kosalaranno mahesi nacirasseva gabbhini ahosi . tassa evarupo dohalo ^[3]- hoti icchati suriyassa uggamanakale caturanginim senam sannaddham vammikam ^4- subhumiyam ^5- thitam passitum khaggananca dhovanam patum . athakho bhikkhave dighitissa kosalaranno mahesi dighitim kosalarajanam etadavoca gabbhinimhi deva tassa me evarupo dohalo uppanno icchami suriyassa uggamanakale caturanginim senam sannaddham vammikam subhumiyam ^5- thitam passitum khaggananca dhovanam patunti . kuto devi amhakam duggatanam caturangini sena sannaddha vammika subhumiyam ^5- thita khaggananca dhovananti ^6- . Sacaham deva na labhissami marissamiti . tena kho pana bhikkhave ^7- samayena @Footnote: ¹ Si. Yu. patigacceva. ² Si. ajjhavasi. ³ Ma. uppanno. ⁴ Si. vammitam. @⁵ Ma. subhume. ⁶ Ma. dhovanam patunti. ⁷ Ma. ayam patho natthi. Brahmadattassa kasiranno purohito brahmano dighitissa kosalaranno sahayo hoti . athakho bhikkhave dighiti kosalaraja yena brahmadattassa kasiranno purohito brahmano tenupasankami upasankamitva brahmadattassa kasiranno purohitam brahmanam etadavoca sakhi te samma gabbhini tassa evarupo dohalo uppanno icchati suriyassa uggamanakale caturanginim senam sannaddham vammikam subhumiyam thitam passitum khaggananca dhovanam patunti . tenahi deva mayampi devim passamati. {243.3} Athakho bhikkhave dighitissa kosalaranno mahesi yena brahmadattassa kasiranno purohito brahmano tenupasankami . Addasa kho bhikkhave brahmadattassa kasiranno purohito brahmano dighitissa kosalaranno mahesim durato va agacchantim disvana utthayasana ekamsam uttarasangam karitva yena dighitissa kosalaranno mahesi tenanjalimpanametva tikkhattum udanam udanesi kosalaraja vata bho kucchigato kosalaraja vata bho kucchigatoti avimana ^1- devi hohi lacchasi suriyassa uggamanakale caturanginim senam sannaddham vammikam subhumiyam thitam passitum khaggananca dhovanam patunti . athakho bhikkhave brahmadattassa kasiranno purohito brahmano yena brahmadatto kasiraja tenupasankami upasankamitva brahmadattam kasirajanam etadavoca tatha deva nimittani dissanti sve suriyassa uggamanakale @Footnote: ¹ Ma. attamana. Caturangini sena sannaddha vammika subhumiyam titthatu khagga ca dhoviyantuti . athakho bhikkhave brahmadatto kasiraja manusse anapesi yatha bhane purohito brahmano aha tatha karothati . Alabhi kho bhikkhave dighitissa kosalaranno mahesi suriyassa uggamanakale caturanginim senam sannaddham vammikam subhumiyam thitam passitum khaggananca dhovanam patum. {243.4} Athakho bhikkhave dighitissa kosalaranno mahesi tassa gabbhassa paripakamanvaya puttam vijayi . tassa dighavuti namam akamsu . athakho bhikkhave dighavu kumaro nacirasseva vinnutam papuni . athakho bhikkhave dighitissa kosalaranno etadahosi ayam kho brahmadatto kasiraja bahuno amhakam anatthassa karako imina amhakam balanca vahananca janapado ca koso ca kotthagaranca acchinnam sacayam amhe janissati sabbe va tayo ghatapessati yannunaham dighavum kumaram bahinagare vaseyyanti . Athakho bhikkhave dighiti kosalaraja dighavum kumaram bahinagare vasesi. Athakho bhikkhave dighavu kumaro bahinagare pativasanto nacirasseva sabbasippani sikkhi. [244] Tena kho pana bhikkhave ^1- samayena dighitissa kosalaranno kappako brahmadatte kasiranne pativasati . addasa kho bhikkhave dighitissa kosalaranno kappako dighitim kosalarajanam sapajapatikam baranasiyam annatarasmim paccantime okase kumbhakaranivesane @Footnote: ¹ Ma. ayam patho na dissati. Annatakavesena paribbajakacchannena pativasantam disvana yena brahmadatto kasiraja tenupasankami upasankamitva brahmadattam kasirajanam etadavoca dighiti deva kosalaraja sapajapatiko baranasiyam annatarasmim paccantime okase kumbhakaranivesane annatakavesena paribbajakacchannena pativasatiti . athakho bhikkhave brahmadatto kasiraja manusse anapesi tenahi bhane dighitim kosalarajanam sapajapatikam anethati . evam devati kho bhikkhave te manussa brahmadattassa kasiranno patissunitva dighitim kosalarajanam sapajapatikam anesum. {244.1} Athakho bhikkhave brahmadatto kasiraja manusse anapesi tenahi bhane dighitim kosalarajanam sapajapatikam dalhaya rajjuya pacchabaham galhabandhanam bandhitva khuramundam karitva kharassarena panavena rathiyaya rathiyam ^1- singhatakena singhatakam parinetva dakkhinena dvarena nikkhametva dakkhinato nagarassa catudha chinditva catuddisa bilani nikkhipathati . evam devati kho bhikkhave te manussa brahmadattassa kasiranno patissunitva ^2- dighitim kosalarajanam sapajapatikam dalhaya rajjuya pacchabaham galhabandhanam bandhitva khuramundam karitva kharassarena panavena rathiyaya rathiyam singhatakena singhatakam parinenti. {244.2} Athakho bhikkhave dighavussa kumarassa etadahosi ciram dittha ^3- kho me matapitaro @Footnote: ¹ Po. rathiya rathiyam. Ma. rathikaya rathikam. ² Po. Ma. Yu. patissutva. @³ Si. Yu. ciradittha. Yannunaham matapitaro passeyyanti . athakho bhikkhave dighavu kumaro baranasim pavisitva addasa matapitaro dalhaya rajjuya pacchabaham galhabandhanam bandhitva khuramundam karitva kharassarena panavena rathiyaya rathiyam singhatakena singhatakam parinente disvana yena matapitaro tenupasankami . addasa kho bhikkhave dighiti kosalaraja dighavum kumaram durato va agacchantam disvana dighavum kumaram etadavoca ma kho tvam tata dighavu digham passa ma rassam na hi tata dighavu verena vera sammanti averena hi tata dighavu vera sammantiti. {244.3} Evam vutte bhikkhave te manussa dighitim kosalarajanam etadavocum ummattako ayam dighiti kosalaraja vippalapati ko imassa dighavu kam ayam evamaha ma kho tvam tata dighavu digham passa ma rassam na hi tata dighavu verena vera sammanti averena hi tata dighavu vera sammantiti . naham bhane ummattako vippalapami apica yo vinnu so vibhavessatiti . dutiyampi kho bhikkhave .pe. Tatiyampi kho bhikkhave dighiti kosalaraja dighavum kumaram etadavoca ma kho tvam tata dighavu digham passa ma rassam na hi tata dighavu verena vera sammanti averena hi tata dighavu vera sammantiti. Tatiyampi kho bhikkhave te manussa dighitim kosalarajanam etadavocum ummattako ayam dighiti kosalaraja vippalapati ko imassa Dighavu kam ayam evamaha ma kho tvam tata dighavu digham passa ma rassam na hi tata dighavu verena vera sammanti averena hi tata dighavu vera sammantiti . naham bhane ummattako vippalapami apica yo vinnu so vibhavessatiti . athakho bhikkhave te manussa dighitim kosalarajanam sapajapatikam rathiyaya rathiyam singhatakena singhatakam parinetva dakkhinena dvarena nikkhametva dakkhinato nagarassa catudha chinditva catuddisa bilani nikkhipitva gumbam thapetva pakkamimsu. {244.4} Athakho bhikkhave dighavu kumaro baranasim pavisitva suram niharitva gumbiye payesi . yada te matta ahesum patita atha katthani sankaddhitva ^[1]- matapitunam sariram citakam aropetva aggim datva panjaliko tikkhattum citakam padakkhinam akasi. {244.5} Tena kho pana bhikkhave samayena brahmadatto kasiraja uparipasadavaragato hoti . addasa kho bhikkhave brahmadatto kasiraja dighavum kumaram panjalikam tikkhattum citakam padakkhinam karontam disvanassa etadahosi nissamsayam kho so manusso dighitissa kosalaranno nati va salohito va aho me anatthako na hi nama me koci arocessatiti . athakho bhikkhave dighavu kumaro arannam gantva yavadattham kanditva roditva vappam ^2- punchitva baranasim pavisitva antepurassa samanta hatthisalam gantva hatthacariyam etadavoca icchamaham acariya @Footnote: ¹ Ma. Yu. citakam karitva. ² Ma. khappam. Sippam sikkhitunti . tenahi bhane manavaka sikkhassuti . athakho bhikkhave dighavu kumaro rattiya paccusasamayam paccutthaya hatthisalayam manjuna sarena gayi vinanca vadesi. {244.6} Assosi kho bhikkhave brahmadatto kasiraja rattiya paccusasamayam paccutthaya hatthisalayam manjuna sarena gitam vinanca vaditam sutvana manusse pucchi ko bhane rattiya paccusasamayam paccutthaya hatthisalayam manjuna sarena gayi vinanca vadesiti . amukassa deva hatthacariyassa antevasi manavako rattiya paccusasamayam paccutthaya hatthisalayam manjuna sarena gayi vinanca vadesiti . tenahi bhane tam manavakam anethati . Evam devati kho bhikkhave te manussa brahmadattassa kasiranno patissunitva dighavum kumaram anesum. {244.7} Athakho bhikkhave brahmadatto kasiraja dighavum kumaram etadavoca tvam bhane manavaka rattiya paccusasamayam paccutthaya hatthisalayam manjuna sarena gayi vinanca vadesiti . evam devati . tenahi ^[1]- bhane manavaka gayassu vinanca vadehiti. Evam devati kho bhikkhave dighavu kumaro brahmadattassa kasiranno patissunitva aradhapekkho manjuna sarena gayi vinanca vadesi . Athakho bhikkhave brahmadatto kasiraja dighavum kumaram etadavoca tvam bhane manavaka mam upatthahati . evam devati kho bhikkhave dighavu kumaro brahmadattassa kasiranno paccassosi . athakho bhikkhave @Footnote: ¹ Ma. Yu. tvam. Dighavu kumaro brahmadattassa kasiranno pubbutthayi ahosi pacchanipati kimkarapatissavi ^1- manapacari piyavadi . athakho bhikkhave brahmadatto kasiraja dighavum kumaram nacirasseva abbhantarike ^2- vissasikatthane thapesi. {244.8} Athakho bhikkhave brahmadatto kasiraja dighavum kumaram etadavoca tenahi bhane manavaka ratham yojehi migavam gamissamati . Evam devati kho bhikkhave dighavu kumaro brahmadattassa kasiranno patissunitva ratham yojetva brahmadattam kasirajanam etadavoca yutto kho te deva ratho yassadani kalam mannasiti. {244.9} Athakho bhikkhave brahmadatto kasiraja ratham abhiruhi dighavu kumaro ratham pesesi . tatha tatha ratham pesesi yatha yatha anneneva sena agamasi anneneva ratho . athakho bhikkhave brahmadatto kasiraja duram gantva dighavum kumaram etadavoca tenahi bhane manavaka ratham muncassu kilantomhi nipajjissamiti . Evam devati kho bhikkhave dighavu kumaro brahmadattassa kasiranno patissunitva ratham muncitva pathaviyam pallankena nisidi . athakho bhikkhave brahmadatto kasiraja dighavussa kumarassa ucchange sisam katva seyyam kappesi . tassa kilantassa muhuttakeneva niddam okkami . athakho bhikkhave dighavussa kumarassa etadahosi ayam kho brahmadatto kasiraja bahuno amhakam anatthassa karako imina amhakam balanca vahananca janapado ca koso ca @Footnote: ¹ Po. kimkaranapatissavi ² Ma. abbhantarime. Kotthagaranca acchinnam imina ca me matapitaro hata ayam khvassa kalo yoham veram appeyyanti kosiya khaggam nibbahi. {244.10} Athakho bhikkhave dighavussa kumarassa etadahosi pita kho mam maranakale avaca ma kho tvam tata dighavu digham passa ma rassam na hi tata dighavu verena vera sammanti averena hi tata dighavu vera sammantiti na kho me tam patirupam yoham pitu vacanam atikkameyyanti kosiya khaggam pavesesi . dutiyampi kho bhikkhave .pe. tatiyampi kho bhikkhave dighavussa kumarassa etadahosi ayam kho brahmadatto kasiraja bahuno amhakam anatthassa karako imina amhakam balanca vahananca janapado ca koso ca kotthagaranca acchinnam imina ca me matapitaro hata ayam khvassa kalo yoham veram appeyyanti kosiya khaggam nibbahi . tatiyampi kho bhikkhave dighavussa kumarassa etadahosi pita kho mam maranakale avaca ma kho tvam tata dighavu digham passa ma rassam na hi tata dighavu verena vera sammanti averena hi tata dighavu vera sammantiti na kho me tam patirupam yoham pitu vacanam atikkameyyanti punadeva kosiya khaggam pavesesi. {244.11} Athakho bhikkhave brahmadatto kasiraja bhito ubbiggo ussanki utrasto sahasa vutthasi . athakho bhikkhave dighavu kumaro brahmadattam kasirajanam etadavoca kissa Tvam deva bhito ubbiggo ussanki utrasto sahasa vutthasiti . Idha mam bhane manavaka dighitissa kosalaranno putto dighavu kumaro supinantena khaggena paripatesi tenaham bhito ubbiggo ussanki utrasto sahasa vutthasinti . athakho bhikkhave dighavu kumaro vamena hatthena brahmadattassa kasiranno sisam paramasitva dakkhinena hatthena khaggam nibbahetva brahmadattam kasirajanam etadavoca aham kho so deva dighitissa kosalaranno putto dighavu kumaro bahuno tvam amhakam anatthassa karako taya amhakam balanca vahananca janapado ca koso ca kotthagaranca acchinnam taya ca me matapitaro hata ayam khvassa kalo yoham veram appeyyanti. Athakho bhikkhave brahmadatto kasiraja dighavussa kumarassa padesu sirasa nipatitva dighavum kumaram etadavoca jivitam me tata dighavu dehi jivitam me tata dighavu dehiti . kyaham ussahami devassa jivitam datum devo kho me jivitam dadeyyati . tenahi tata dighavu tvanceva me jivitam dehi ahanca te jivitam dammiti. {244.12} Athakho bhikkhave brahmadatto ca kasiraja dighavu ca kumaro annamannassa jivitam adamsu paninca aggahesum sapathanca akamsu aduhaya ^1- . athakho bhikkhave brahmadatto kasiraja dighavum kumaram etadavoca tenahi tata dighavu ratham @Footnote: ¹ Yu. adrubhaya. Po. Ma. addubhaya. Yojehi gamissamati . evam devati kho bhikkhave dighavu kumaro brahmadattassa kasiranno patissunitva ratham yojetva brahmadattam kasirajanam etadavoca yutto kho te deva ratho yassadani kalam mannasiti . athakho bhikkhave brahmadatto kasiraja ratham abhiruhi dighavu kumaro ratham pesesi . tatha tatha ratham pesesi yatha yatha nacirasseva senaya samagacchi . athakho bhikkhave brahmadatto kasiraja baranasim pavisitva amacce parisajje sannipatapetva etadavoca sace bhane dighitissa kosalaranno puttam dighavum kumaram passeyyatha kinti tam ^1- kareyyathati . Ekacce amacca ^2- evamahamsu mayam deva hatthe chindeyyama mayam deva pade chindeyyama mayam deva hatthapade chindeyyama mayam deva kanne chindeyyama mayam deva nasam chindeyyama mayam deva kannanasam chindeyyama mayam deva sisam chindeyyamati . Ayam kho so bhane dighitissa kosalaranno putto dighavu kumaro nayam labbha kinci katum imina ca me jivitam dinnam maya ca imassa jivitam dinnanti. {244.13} Athakho bhikkhave brahmadatto kasiraja dighavum kumaram etadavoca yam kho tata dighavu pita maranakale avaca ma kho tvam tata dighavu digham passa ma rassam na hi tata dighavu verena vera sammanti averena hi tata dighavu vera sammantiti kinte pita sandhaya avacati . yam kho @Footnote: ¹ Ma. Yu. nam. ² Ma. Yu. ayam patho natthi. Me deva pita maranakale avaca ma dighanti ma ciram veram akasiti imam kho me deva pita maranakale avaca ma dighanti yam kho me deva pita maranakale avaca ma rassanti ma khippam mittehi bhijjitthati imam kho me deva pita maranakale avaca ma rassanti yam kho me deva pita maranakale avaca na hi tata dighavu verena vera sammanti averena hi tata dighavu vera sammantiti devena me matapitaro hatati sacaham devam jivita voropeyyam ye devassa atthakama te mam jivita voropeyyum ye me atthakama te te jivita voropeyyum evantam veram verena na vupasameyya idani ca pana me devena jivitam dinnam maya ca devassa jivitam dinnam evantam veram averena vupasantam imam kho me deva pita maranakale avaca na hi tata dighavu verena vera sammanti averena hi tata dighavu vera sammantiti. {244.14} Athakho bhikkhave brahmadatto kasiraja acchariyam vata bho abbhutam vata bho yava pandito ayam dighavu kumaro yatra hi nama pituno sankhittena bhasitassa vittharena attham ajanissatiti pettikam balanca vahananca janapadanca kosanca kotthagaranca patipadesi dhitaranca adasi . tesam hi nama bhikkhave rajunam adinnadandanam adinnasatthanam evarupam khantisoraccam bhavissatiti . idha kho pana tam Bhikkhave sobhetha yam tumhe evam svakkhate dhammavinaye pabbajita samana khama ca bhaveyyatha sorata cati. [245] Tatiyampi kho bhagava te bhikkhu etadavoca alam bhikkhave ma bhandanam ma kalaham ma viggaham ma vivadanti . Tatiyampi kho so adhammavadi bhikkhu bhagavantam etadavoca agametu bhante bhagava dhammasami appossukko bhante bhagava ditthadhammasukhaviharam anuyutto viharatu mayametena bhandanena kalahena viggahena vivadena pannayissamati . athakho bhagava pariyadinnarupa kho ime moghapurisa nayime sukara sannapetunti utthayasana pakkami. Dighavubhanavaram pathamam ^1-. [246] Athakho bhagava pubbanhasamayam nivasetva pattacivaramadaya kosambim pindaya pavisi kosambiyam pindaya caritva pacchabhattam pindapatapatikkanto senasanam samsametva pattacivaramadaya sanghamajjhe thitako va ima gathayo abhasi [247] Puthusaddo samajano na balo koci mannatha sanghasmim bhijjamanasmim nannam bhiyyo amannarum. Parimuttha pandita bhasa vacagocarabhanino yavicchanti mukhayamam yena nita na tam vidu. Akkocchi mam avadhi mam ajini mam ahasi me @Footnote: ¹ Ma. nitthito pathamo. Ye ca tam upanayhanti veram tesam na sammati. Akkocchi mam avadhi mam ajini mam ahasi me ye ca tam nupanayhanti veram tesupasammati. Na hi verena verani sammantidha kudacanam averena ca sammanti esa dhammo sanantano. Pare ca na vijananti mayamettha yamamhase ^1-. Ye ca tattha vijananti tato sammanti medhaga. Atthicchidda ^2- panahara gavassadhanaharino rattham vilumpamananam tesampi hoti sangati. Kasma tumhaka ^3- no siya. Sace labhetha nipakam sahayam saddhincaram sadhuviharidhiram abhibhuyya sabbani parissayani careyya tenattamano satima. No ce labhetha nipakam sahayam saddhincaram sadhuviharidhiram rajava rattham vijitam pahaya eko care matangaranneva nago. Ekassa caritam seyyo natthi bale sahayata. @Footnote: ¹ Ma. Yu. yamamase. ² Ma. Yu. atthicchinna. ³ Yu. tumhakam. Eko care na ca papani kayira appossukko matangaranneva nagoti. [248] Athakho bhagava sanghamajjhe thitako va ima gathayo bhasitva yena balakalonakarakagamo ^1- tenupasankami . tena kho pana samayena ayasma bhagu balakalonakarakagame viharati . Addasa kho ayasma bhagu bhagavantam durato va agacchantam disvana asanam pannapesi padodakam padapitham padakathalikam upanikkhipi paccuggantva pattacivaram patiggahesi . nisidi bhagava pannatte asane nisajja pade pakkhalesi . ayasmapi kho bhagu bhagavantam abhivadetva ekamantam nisidi. {248.1} Ekamantam nisinnam kho ayasmantam bhagum bhagava etadavoca kacci bhikkhu khamaniyam kacci yapaniyam kacci pindakena na kilamasiti . khamaniyam bhagava yapaniyam bhagava na caham bhante pindakena kilamamiti . athakho bhagava ayasmantam bhagum dhammiya kathaya sandassetva samadapetva samuttejetva sampahamsetva utthayasana yena pacinavamsadayo tenupasankami. {248.2} Tena kho pana samayena ayasma ca anuruddho ayasma ca nandiyo ayasma ca kimbilo ^2- pacinavamsadaye viharanti . Addasa kho dayapalo bhagavantam durato va agacchantam disvana bhagavantam etadavoca ma samana etam dayam pavisi santettha tayo kulaputta @Footnote: ¹ Yu. balakalonakaragamo. Ma. balakalonakagamo. ² Ma. kimilo. Attakamarupa viharanti ma tesam aphasumakasiti . assosi kho ayasma anuruddho dayapalassa bhagavata saddhim mantayamanassa sutvana dayapalam etadavoca ma avuso dayapala bhagavantam varesi sattha no bhagava anuppattoti . athakho ayasma anuruddho yenayasma ca nandiyo ayasma ca kimbilo tenupasankami upasankamitva ayasmantanca nandiyam ayasmantanca kimbilam etadavoca abhikkamathayasmanto abhikkamathayasmanto sattha no bhagava anuppattoti. {248.3} Athakho ayasma ca anuruddho ayasma ca nandiyo ayasma ca kimbilo bhagavantam paccuggantva eko bhagavato pattacivaram patiggahesi eko asanam pannapesi eko padodakam padapitham padakathalikam upanikkhipi . nisidi bhagava pannatte asane nisajja ^[1]- pade pakkhalesi . tepi kho ayasmanto ^2- bhagavantam abhivadetva ekamantam nisidimsu . ekamantam nisinnam kho ayasmantam anuruddham bhagava etadavoca kacci vo anuruddha khamaniyam kacci yapaniyam kacci pindakena na kilamathati . khamaniyam bhagava yapaniyam bhagava na ca mayam bhante pindakena kilamamati. {248.4} Kacci pana vo anuruddha samagga sammodamana avivadamana khirodakibhuta annamannam piyacakkhuhi sampassanta viharathati . taggha te ^3- mayam bhante samagga sammodamana avivadamana khirodakibhuta @Footnote: ¹ Po. Ma. kho bhagava. ² Si. Po. Yu. ayasmanta. ³ Ma. Yu. ayam patho natthi. Annamannam piyacakkhuhi sampassanta viharamati . yathakatham pana tumhe anuruddha samagga sammodamana avivadamana khirodakibhuta annamannam piyacakkhuhi sampassanta viharathati . idha mayham bhante evam hoti labha vata me suladdham vata me yoham evarupehi sabrahmacarihi saddhim viharamiti tassa mayham bhante imesu ayasmantesu mettam kayakammam paccupatthitam avi ceva raho ca mettam vacikammam mettam manokammam paccupatthitam avi ceva raho ca tassa mayham bhante evam hoti yannunaham sakam cittam nikkhipitva imesamyeva ayasmantanam cittassa vasena vatteyyanti so kho aham bhante sakam cittam nikkhipitva imesamyeva ayasmantanam cittassa vasena vattami nana hi kho no bhante kaya ekanca pana manne cittanti. {248.5} Ayasmapi kho nandiyo ayasmapi kho kimbilo bhagavantam etadavoca mayhampi kho bhante evam hoti labha vata me suladdham vata me yoham evarupehi sabrahmacarihi saddhim viharamiti tassa mayham bhante imesu ayasmantesu mettam kayakammam paccupatthitam avi ceva raho ca mettam vacikammam mettam manokammam paccupatthitam avi ceva raho ca tassa mayham bhante evam hoti yannunaham sakam cittam nikkhipitva imesamyeva ayasmantanam cittassa vasena vatteyyanti so kho aham bhante sakam cittam nikkhipitva imesamyeva ayasmantanam cittassa vasena vattami Nana hi kho no bhante kaya ekanca pana manne cittanti evam kho mayam bhante samagga sammodamana avivadamana khirodakibhuta annamannam piyacakkhuhi sampassanta viharamati. {248.6} Kacci pana vo anuruddha appamatta atapino pahitatta viharathati . taggha mayam bhante appamatta atapino pahitatta viharamati . yathakatham pana tumhe anuruddha appamatta atapino pahitatta viharathati. {248.7} Idha bhante amhakam yo pathamam gamato pindaya patikkamati so asanam pannapeti padodakam padapitham padakathalikam upanikkhipati avakkarapatim dhovitva upatthapeti paniyam paribhojaniyam upatthapeti yo paccha gamato pindaya patikkamati sace hoti bhuttavaseso sace akankhati bhunjati no ce akankhati apaharite va chaddeti appanake va udake opilapeti so asanam uddharati padodakam padapitham padakathalikam patisameti avakkarapatim dhovitva patisameti paniyam paribhojaniyam patisameti bhattaggam sammajjati yo passati paniyaghatam va paribhojaniyaghatam va vaccaghatam va rittam tuccham so upatthapeti sacassa hoti avisayham hatthavikarena dutiyampi ^1- amantetva hatthavilanghakena upatthapema na tveva mayam bhante tappaccaya vacam bhindama pancahikam kho pana mayam bhante sabbarattiya dhammiya kathaya sannisidama evam kho mayam bhante appamatta atapino pahitatta viharamati . @Footnote: ¹ Ma. Yu. pisaddo natthi. Athakho bhagava ayasmantanca anuruddham ayasmantanca nandiyam ayasmantanca kimbilam dhammiya kathaya sandassetva samadapetva samuttejetva sampahamsetva utthayasana yena parileyyakam tena carikam pakkami anupubbena carikam caramano yena parileyyakam tadavasari . tatra sudam bhagava parileyyake viharati rakkhitavanasande bhaddasalamule. [249] Athakho bhagavato rahogatassa patisallinassa evam cetaso parivitakko udapadi aham kho pubbe akinno na phasum ^1- vihasim tehi kosambikehi ^2- bhikkhuhi bhandanakarakehi kalahakarakehi vivadakarakehi bhassakarakehi sanghe adhikaranakarakehi somhi etarahi eko adutiyo sukham phasum viharami annatreva tehi kosambikehi bhikkhuhi bhandanakarakehi kalahakarakehi vivadakarakehi bhassakarakehi sanghe adhikaranakarakehiti. {249.1} Annataropi kho hatthinago akinno viharati hatthihi hatthinihi hatthikalabhehi ^3- hatthicchapehi ^4- chinnaggani ceva tinani khadati obhaggobhaggancassa sakhabhangam khadanti avilani ca paniyani pivati ogahancassa ^5- otinnassa hatthiniyo kayam upanighamsantiyo gacchanti . athakho tassa hatthinagassa etadahosi aham kho akinno viharami hatthihi hatthinihi hatthikalabhehi hatthicchapehi chinnaggani ceva tinani khadami obhaggobhagganca me @Footnote: ¹ Ma. Yu. phasu. ² Ma. Yu. kosambakehi. ³ Ma. Yu. hatthikalabhehi. ⁴ Yu. @hatthicchapakehi. ⁵ Po. Ma. ogahacassa. Yu. ogahantassa. Sakhabhangam khadanti avilani ca paniyani pivami ogahanca ^1- me otinnassa hatthiniyo kayam upanighamsantiyo gacchanti yannunaham eko va ganasma vupakattho vihareyyanti . athakho so hatthinago yutha apakkamma yena parileyyakam rakkhitavanasando bhaddasalamulam yena bhagava tenupasankami upasankamitva sondaya bhagavato paniyam paribhojaniyam upatthapeti apaharitanca karoti. {249.2} Athakho tassa hatthinagassa etadahosi aham kho pubbe akinno na phasum vihasim hatthihi hatthinihi hatthikalabhehi hatthicchapehi chinnaggani ceva tinani khadim obhaggobhagganca me sakhabhangam khadimsu avilani ca paniyani apayim ogahanca me otinnassa hatthiniyo kayam upanighamsantiyo agamamsu somhi etarahi eko adutiyo sukham phasum viharami annatreva hatthihi hatthinihi hatthikalabhehi hatthicchapehiti. {249.3} Athakho bhagava attano ca pavivekam viditva tassa ca hatthinagassa cetasa cetoparivitakkamannaya tayam velayam imam udanam udanesi etam ^2- nagassa nagena isadantassa hatthino sameti cittam cittena yadeko ramati vaneti. [250] Athakho bhagava parileyyake yathabhirantam viharitva yena savatthi tena carikam pakkami anupubbena carikam caramano @Footnote: ¹ Yu. ogahantassa. ² Yu. evam. Yena savatthi tadavasari . tatra sudam bhagava savatthiyam viharati jetavane anathapindikassa arame. [251] Athakho kosambikanam upasakanam ^1- etadahosi ^2- ime kho ayya kosambika bhikkhu bahuno amhakam anatthassa karaka imehi ubbalho bhagava pakkanto handa mayam ayye kosambike bhikkhu neva abhivadeyyama na paccuttheyyama na anjalikammam samicikammam kareyyama na sakkareyyama na garukareyyama na maneyyama ^[3]- na pujeyyama upagatanampi pindakam ^4- na dajjeyyama ^5- evam ime amhehi asakkariyamana agarukariyamana amaniyamana ^[6]- apujiyamana asakkarapakata pakkamissanti va vibbhamissanti va bhagavantam va pasadessantiti. {251.1} Athakho kosambika upasaka kosambike bhikkhu neva abhivadesum na paccutthesum na anjalikammam samicikammam akamsu na sakkarimsu na garukarimsu na manesum ^[7]- na pujesum upagatanampi pindakam na adamsu . athakho kosambika bhikkhu kosambikehi upasakehi asakkariyamana agarukariyamana amaniyamana ^[8]- apujiyamana asakkarapakata evamahamsu handa mayam avuso savatthim gantva bhagavato santike imam adhikaranam vupasameyyamati ^9- . athakho kosambika bhikkhu senasanam samsametva pattacivaramadaya yena savatthi tenupasankamimsu. [252] Assosi kho ayasma sariputto te kira kosambika @Footnote: ¹ Ma. Yu. kosambaka upasaka. ² Ma. Yu. etadahositi pathadvayam na dissati. @³ Ma. na bhajeyyama. ⁴ Yu. pindapatam. ⁵ Po. na ghagatapindikam dadeyyama. @6-8 Ma. abhajiyamana. ⁷ Ma. na bhajesum. ⁹ Yu. vupasamemati. Bhikkhu bhandanakaraka kalahakaraka vivadakaraka bhassakaraka sanghe adhikaranakaraka savatthim agacchantiti . athakho ayasma sariputto yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma sariputto bhagavantam etadavoca te kira bhante kosambika bhikkhu bhandanakaraka kalahakaraka vivadakaraka bhassakaraka sanghe adhikaranakaraka savatthim agacchanti kathaham bhante tesu bhikkhusu patipajjamiti . Tenahi tvam sariputta yatha dhammo tatha patitthahiti ^1- . kathaham bhante janeyyam dhammam va adhammam vati. {252.1} Attharasahi kho sariputta vatthuhi adhammavadi janitabbo idha sariputta bhikkhu adhammam dhammoti dipeti dhammam adhammoti dipeti avinayam vinayoti dipeti vinayam avinayoti dipeti abhasitam alapitam tathagatena bhasitam lapitam tathagatenati dipeti bhasitam lapitam tathagatena abhasitam alapitam tathagatenati dipeti anacinnam tathagatena acinnam tathagatenati dipeti acinnam tathagatena anacinnam tathagatenati dipeti appannattam tathagatena pannattam tathagatenati dipeti pannattam tathagatena appannattam tathagatenati dipeti anapattim apattiti dipeti apattim anapattiti anapattiti dipeti lahukam apattim garuka apattiti dipeti garukam apattim lahuka apattiti dipeti savasesam apattim anavasesa apattiti dipeti @Footnote: ¹ Ma. Yu. titthahiti. Anavasesam apattim savasesa apattiti dipeti dutthullam apattim adutthulla apattiti dipeti adutthullam apattim dutthulla apattiti dipeti imehi kho sariputta attharasahi vatthuhi adhammavadi janitabbo {252.2} attharasahi ca kho sariputta vatthuhi dhammavadi janitabbo idha sariputta bhikkhu adhammam adhammoti dipeti dhammam dhammoti dipeti avinayam avinayoti dipeti vinayam vinayoti dipeti abhasitam alapitam tathagatena abhasitam alapitam tathagatenati dipeti bhasitam lapitam tathagatena bhasitam lapitam tathagatenati dipeti anacinnam tathagatena anacinnam tathagatenati dipeti acinnam tathagatena acinnam tathagatenati dipeti appannattam tathagatena appannattam tathagatenati dipeti pannattam tathagatena pannattam tathagatenati dipeti anapattim anapattiti dipeti apattim apattiti dipeti lahukam apattim lahuka apattiti dipeti garukam apattim garuka apattiti dipeti savasesam apattim savasesa apattiti dipeti anavasesam apattim anavasesa apattiti dipeti dutthullam apattim dutthulla apattiti dipeti adutthullam apattim adutthulla apattiti dipeti imehi kho sariputta attharasahi vatthuhi dhammavadi janitabboti. [253] Assosi kho ayasma mahamoggallano .pe. Assosi kho ayasma mahakassapo assosi kho ayasma Mahakaccano assosi kho ayasma mahakotthito assosi kho ayasma mahakappino assosi kho ayasma mahacundo assosi kho ayasma anuruddho assosi kho ayasma revato assosi kho ayasma upali assosi kho ayasma anando assosi kho ayasma rahulo te kira kosambika bhikkhu bhandanakaraka kalahakaraka vivadakaraka bhassakaraka sanghe adhikaranakaraka savatthim agacchantiti. {253.1} Athakho ayasma rahulo yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma rahulo bhagavantam etadavoca te kira bhante kosambika bhikkhu bhandanakaraka kalahakaraka vivadakaraka bhassakaraka sanghe adhikaranakaraka savatthim agacchanti kathaham bhante tesu bhikkhusu patipajjamiti . tenahi tvam rahula yatha dhammo tatha patitthahiti ^1- . kathaham bhante janeyyam dhammam va adhammam vati . attharasahi kho rahula vatthuhi adhammavadi janitabbo .pe. Imehi kho rahula attharasahi vatthuhi adhammavadi janitabbo attharasahi ca kho rahula vatthuhi dhammavadi janitabbo .pe. imehi kho rahula attharasahi vatthuhi dhammavadi janitabboti. [254] Assosi kho mahapajapati gotami te kira kosambika bhikkhu bhandanakaraka kalahakaraka vivadakaraka bhassakaraka sanghe @Footnote: ¹ Ma. Yu. titthahiti. Adhikaranakaraka savatthim agacchantiti . athakho mahapajapati gotami yena bhagava tenupasankami upasankamitva bhagavantam abhivadetva ekamantam atthasi . ekamantam thita kho mahapajapati gotami bhagavantam etadavoca te kira bhante kosambika bhikkhu bhandanakaraka kalahakaraka vivadakaraka bhassakaraka sanghe adhikaranakaraka savatthim agacchanti kathaham bhante tesu bhikkhusu patipajjamiti . tenahi tvam gotami ubhayattha dhammam suna ubhayattha dhammam sutva ye tattha bhikkhu dhammavadino tesam ditthinca khantinca rucinca adayanca rocehi yam ca kinci bhikkhunisanghena bhikkhusanghato paccasimsitabbam ^1- sabbantam dhammavadito va paccasimsitabbanti. [255] Assosi kho anathapindiko gahapati te kira kosambika bhikkhu bhandanakaraka kalahakaraka vivadakaraka bhassakaraka sanghe adhikaranakaraka savatthim agacchantiti . athakho anathapindiko gahapati yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho anathapindiko gahapati bhagavantam etadavoca te kira bhante kosambika bhikkhu bhandanakaraka kalahakaraka vivadakaraka bhassakaraka sanghe adhikaranakaraka savatthim agacchanti kathaham bhante tesu bhikkhusu patipajjamiti . tenahi tvam gahapati ubhayattha danam dehi ubhayattha danam datva ubhayattha dhammam suna ubhayattha dhammam sutva ye @Footnote: ¹ Po. Ma. paccasisitabbam. Tattha bhikkhu dhammavadino tesam ditthinca khantinca rucinca adayanca rocehiti. [256] Assosi kho visakha migaramata te kira kosambika bhikkhu bhandanakaraka kalahakaraka vivadakaraka bhassakaraka sanghe adhikaranakaraka savatthim agacchantiti . athakho visakha migaramata yena bhagava tenupasankami upasankamitva bhagavantam abhivadetva ekamantam nisidi . ekamantam nisinna kho visakha migaramata bhagavantam etadavoca te kira bhante kosambika bhikkhu bhandanakaraka kalahakaraka vivadakaraka bhassakaraka sanghe adhikaranakaraka savatthim agacchanti kathaham bhante tesu bhikkhusu patipajjamiti . tenahi tvam visakhe ubhayattha danam dehi ubhayattha danam datva ubhayattha dhammam suna ubhayattha dhammam sutva ye tattha bhikkhu dhammavadino tesam ditthinca khantinca rucinca adayanca rocehiti. [257] Athakho kosambika bhikkhu anupubbena yena savatthi tadavasarimsu ^1- . athakho ayasma sariputto yena bhagava tenupasankami upasankamitva bhagavantam abhivadetva ekamantam nisidi . Ekamantam nisinno kho ayasma sariputto bhagavantam etadavoca te kira bhante kosambika bhikkhu bhandanakaraka kalahakaraka vivadakaraka bhassakaraka sanghe adhikaranakaraka savatthim anuppatta @Footnote: ¹ Si. Ma. Yu. tadavasarum. Katham nu kho bhante tesu bhikkhusu senasanam ^1- patipajjitabbanti. Tenahi taya ^2- sariputta vivittam senasanam databbanti . sace pana bhante vivittam na hoti katham patipajjitabbanti . tenahi sariputta vivittam katvapi databbam na tvevaham sariputta kenaci pariyayena vuddhatarassa bhikkhuno senasanam patibahitabbanti vadami yo patibaheyya apatti dukkatassati . amise pana bhante katham patipajjitabbanti . Amisam kho sariputta sabbesam samakam bhajetabbanti. [258] Athakho tassa ukkhittakassa bhikkhuno dhammanca vinayanca paccavekkhantassa etadahosi apatti esa nesa anapatti apannomhi namhi anapanno ukkhittomhi namhi anukkhitto dhammikenamhi kammena ukkhitto akuppena thanarahenati . athakho so ukkhittako bhikkhu yena ukkhittanuvattaka bhikkhu tenupasankami upasankamitva ukkhittanuvattake bhikkhu etadavoca apatti esa avuso nesa anapatti apannomhi namhi anapanno ukkhittomhi namhi anukkhitto dhammikenamhi kammena ukkhitto akuppena thanarahena etha mam ayasmanto osarethati . Athakho te ukkhittanuvattaka bhikkhu tam ukkhittakam bhikkhum adaya yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te bhikkhu bhagavantam etadavocum ayam bhante ukkhittako bhikkhu evamaha apatti @Footnote: ¹ Ma. senasane. ² Ma. ayam patho natthi. Esa avuso nesa anapatti apannomhi namhi anapanno ukkhittomhi namhi anukkhitto dhammikenamhi kammena ukkhitto akuppena thanarahena etha mam ayasmanto osarethati katham nu kho bhante patipajjitabbanti . apatti esa bhikkhave nesa anapatti apanno eso bhikkhu neso bhikkhu anapanno ukkhitto eso bhikkhu neso bhikkhu anukkhitto dhammikena kammena ukkhitto akuppena thanarahena yato ca kho so bhikkhave bhikkhu apanno ca ukkhitto ca passati ca tenahi bhikkhave tam bhikkhum osarethati. {258.1} Athakho te ukkhittanuvattaka bhikkhu tam ukkhittakam bhikkhum osaretva yena ukkhepaka bhikkhu tenupasankamimsu upasankamitva ukkhepake bhikkhu etadavocum yasmim avuso vatthusmim ahosi sanghassa bhandanam kalaho viggaho vivado sanghabhedo sangharaji sanghavavatthanam sanghananakaranam so eso bhikkhu apanno ca ukkhitto ca passi ca osarito ca handa mayam avuso tassa vatthussa vupasamaya sanghasamaggim karomati. {258.2} Athakho te ukkhepaka bhikkhu yena bhagava tenupasankamimsu upasankamitva bhagavantam abhivadetva ekamantam nisidimsu . ekamantam nisinna kho te ukkhepaka ^1- bhikkhu bhagavantam etadavocum te bhante ukkhittanuvattaka bhikkhu evamahamsu yasmim avuso vatthusmim ahosi sanghassa bhandanam kalaho viggaho vivado sanghabhedo sangharaji sanghavavatthanam @Footnote: ¹ Ma. ayam patho natthi. Sanghananakaranam so eso bhikkhu apanno ca ukkhitto ca passi ca osarito ca handa mayam avuso tassa vatthussa vupasamaya sanghasamaggim karomati katham nu kho bhante patipajjitabbanti . Yato ca kho so bhikkhave bhikkhu apanno ca ukkhitto ca passi ca osarito ca tenahi bhikkhave sangho tassa vatthussa vupasamaya sanghasamaggim karotu . evanca pana bhikkhave katabba . sabbeheva ekajjham sannipatitabbam gilanehi ca agilanehi ca na kehici chando databbo . sannipatitva byattena bhikkhuna patibalena sangho napetabbo {258.3} sunatu me bhante sangho yasmim vatthusmim ahosi sanghassa bhandanam kalaho viggaho vivado sanghabhedo sangharaji sanghavavatthanam sanghananakaranam so eso bhikkhu apanno ca ukkhitto ca passi ca osarito ca . yadi sanghassa pattakallam sangho tassa vatthussa vupasamaya sanghasamaggim kareyya . esa natti. {258.4} Sunatu me bhante sangho yasmim vatthusmim ahosi sanghassa bhandanam kalaho viggaho vivado sanghabhedo sangharaji sanghavavatthanam sanghananakaranam so eso bhikkhu apanno ca ukkhitto ca passi ca osarito ca . sangho tassa vatthussa vupasamaya sanghasamaggim karoti . yassayasmato khamati tassa vatthussa vupasamaya sanghasamaggiya karanam so tunhassa yassa nakkhamati so bhaseyya. {258.5} Kata sanghena tassa vatthussa vupasamaya sanghasamaggi Nihato sanghabhedo nihata sangharaji nihatam sanghavavatthanam nihatam sanghananakaranam ^1- . khamati sanghassa tasma tunhi . evametam dharayamiti . tavadeva uposatho katabbo patimokkham uddisitabbanti. [259] Athakho ayasma upali yena bhagava tenupasankami upasankamitva bhagavantam abhivadetva ekamantam nisidi . ekamantam nisinno kho ayasma upali bhagavantam etadavoca yasmim bhante vatthusmim hoti sanghassa bhandanam kalaho viggaho vivado sanghabhedo sangharaji sanghavavatthanam sanghananakaranam sangho tam vatthum avinicchinitva amula mulam gantva sanghasamaggim karoti dhammika nu kho sa bhante sanghasamaggiti. {259.1} Yasmim upali vatthusmim hoti sanghassa bhandanam kalaho viggaho vivado sanghabhedo sangharaji sanghavavatthanam sanghananakaranam sangho tam vatthum avinicchinitva amula mulam gantva sanghasamaggim karoti adhammika sa upali sanghasamaggiti. {259.2} Yasmim pana bhante vatthusmim hoti sanghassa bhandanam kalaho viggaho vivado sanghabhedo sangharaji sanghavavatthanam sanghananakaranam sangho tam vatthum vinicchinitva mula mulam gantva sanghasamaggim karoti dhammika nu kho sa bhante sanghasamaggiti . @Footnote: ¹ Si. Yu. kata sanghena tassa vatthussa vupasamaya sanghasamaggi nihata sangharaji @nihato sanghabhedo. Yasmim upali vatthusmim hoti sanghassa bhandanam kalaho viggaho vivado sanghabhedo sangharaji sanghavavatthanam sanghananakaranam sangho tam vatthum vinicchinitva mula mulam gantva sanghasamaggim karoti dhammika sa upali sanghasamaggiti. {259.3} Kati nu kho bhante sanghasamaggiyoti. Dve ^1- upali sanghasamaggiyo atthi upali sanghasamaggi atthapeta byanjanupeta atthi upali sanghasamaggi atthupeta ca byanjanupeta ca . Katama ca upali sanghasamaggi atthapeta byanjanupeta. {259.4} Yasmim upali vatthusmim hoti sanghassa bhandanam kalaho viggaho vivado sanghabhedo sangharaji sanghavavatthanam sanghananakaranam sangho tam vatthum avinicchinitva amula mulam gantva sanghasamaggim karoti ayam vuccati upali sanghasamaggi atthapeta byanjanupeta . katama ca upali sanghasamaggi atthupeta ca byanjanupeta ca . Yasmim upali vatthusmim hoti sanghassa bhandanam kalaho viggaho vivado sanghabhedo sangharaji sanghavavatthanam sanghananakaranam sangho tam vatthum vinicchinitva mula mulam gantva sanghasamaggim karoti ayam vuccati upali sanghasamaggi atthupeta ca byanjanupeta ca. Ima kho upali dve sanghasamaggiyoti. {259.5} Athakho ayasma upali utthayasana ekamsam uttarasangam karitva yena bhagava tenanjalimpanametva bhagavantam gathaya ajjhabhasi @Footnote: ¹ Ma. dvema. [260] Sanghassa kiccesu ca mantanasu ca atthesu jatesu vinicchayesu ca kathampakarodha naro mahatthiko bhikkhu katham hotidha paggaharahoti. Ananuvajjo pathamena silato avekkhitacarasusamvutindriyo paccatthika nopavadanti dhammato na hissa tam hoti vadeyyu yena nam ^1-. So tadiso silavisuddhiya thito visarado hoti visayha bhasati nacchambhati parisagato na vedhati attham na hapeti anuyyutam bhanam tatheva panham parisasu pucchito na capi ^2- pajjhayati na manku hoti. So kalagatam byakaranaraham vaco ranjeti vinnuparisam vicakkhano sagaravo vuddhataresu bhikkhusu acerakamhi ^3- ca sake visarado alam pametum paguno kathetave paccatthikananca viraddhikovido ^4- @Footnote: ¹ Po. tam. ² Ma. Yu. ceva. ³ Po. acarakamhi. ⁴ Po. visandhikovido. Paccatthika yena vajanti niggaham mahajano pannapananca ^1- gacchati sakanca adayamayam na rincati veyyakaram ^2- panhamanupaghatikam duteyyakammesu alam samuggaho sanghassa kiccesu ca ahunam yatha karamvaco bhikkhuganena pesito aham karomiti na tena mannati apajjati yavatakesu vatthusu apattiya hoti yatha ca vutthiti ^3- ete vibhanga ubhayassa sagata ^4- apattivutthanapadassa kovido nissaranam gacchati yani cacaram nissarito hoti yatha ca vatthuna ^5- osaranam tamvusitassa jantuno etampi janati vibhangakovido sagaravo vuddhataresu bhikkhusu navesu theresu ca majjhimesu ca mahajanassatthacarodha pandito so tadiso bhikkhu idha paggaharahoti. @Footnote: ¹ Ma. sannapananca. ² Po. veyyanam karam. ² Ma. viyakaram. Si. so byakaram. @Yu. vayakaranam. ³ Yu. vutthati. ⁴ Ma. svagata. ⁵ Po. Ma. vattana. Kosambikkhandhakam dasamam ^1-. --------- Tassuddanam [261] Kosambiyam jinavaro vivadapattidassane ukkhipeyya yasmim tasmim tassa ^2- yapatti desaye. Antosimaya tattheva balakanceva vamsada ^3- parileyya ca savatthi sariputto ca kolito mahakassapakaccano kotthito kappinena ^4- ca mahacundo ca ^5- anuruddho revato upalivhayo ^6- anando rahulo ceva gotaminathapindiko ^7- visakha migaramata ca ^8- senasanam vivittanca amisam samakampi ca na kehi ^9- chando databbo upali paripucchito anupavajjo silena ^10- samaggi jinasasaneti ^11-. Mahavaggo samatto ^12-. --------- @Footnote: ¹ Po. kosambika nitthita. Ma. kosambakakkhandhako sadaso. Yu. kosambakkhandhako @dasamo. ² Ma. saddha. ³ Po. kosambiyam jinavaro .pe. balakanceva vamsadati @divaddhagatha na dissati "suttantiko vinayadharo ukkhitta ceva pakkhikati addhagatha @pana dissati. ⁴ Po. kappinopi ca. ⁵ Po. Ma. Yu. casaddo natthi. @⁶ Po. revatopalisambiyo. Ma. upali cubho. ⁷ Po. gotamisudatena ca. @⁸ Po. Ma. visakha migaramatacati ime patha na dissanti. ⁹ Po. na kehipi. @Yu. na kena. ¹⁰ Po. anuvajjo ca vimalo. Ma. ananuvajjo silena. Yu. anupavajji @visilena. ¹¹ Po. jinasasananti. ¹² Po. mahavaggapatho nitthito. Ma. mahavaggapali @nitathita. Yu. mahavaggam samattam.

The Pali Tipitaka in Roman Character Volume 5 page 322-356. https://84000.org/tipitaka/read/roman_item.php?book=5&item=243&items=19 Classified by [Item Number] :- http://84000.org/tipitaka/read/roman_item.php?book=5&item=243&items=19&mode=bracket Compare with The Pali Tipitaka in Thai Character :- https://84000.org/tipitaka/read/pali_item.php?book=5&item=243&items=19 Compare with The Royal Version of Thai Tipitaka :- https://84000.org/tipitaka/read/byitem.php?book=5&item=243&items=19 Study Atthakatha :- https://84000.org/tipitaka/attha/attha.php?b=5&i=243 Contents of The Tipitaka Volume 5 https://84000.org/tipitaka/read/?index_5 https://84000.org/tipitaka/english/?index_5